Icitendekelo 15 Popüler Kutsal Kitap Ayetleri

Paylaş

Abramu atetekele Yawe, na Yawe pali ici amumwene ukuti mololoke pa cinso cakwe.

Panuma ya ifi fintu, ishiwi lyakwa Yawe lyaishile kuli Abramu mu cimonwa aliti, “Abramu witiina, Nine nkwela yobe, nine icilambu cobe icikulu nganshi, kabili nkakulambula apakalamba nganshi.”

Elyo Yawe amufumisha panse alamweba ati, “Lolesha mu mulu, upende intanda nga kuti washipenda.” Elyo Yawe amweba nokuti, “Ifi fine efikaba na bana bobe.”

Elyo ishiwi lyakwa Yawe lyaishile kuli Abramu aliti, “Uyu muntu takabe impyani yobe, lelo umwana uo ukaifyalila eukaba impyani yobe.”

Elyo Yawe amweba ati, “Wishibe icine cine ukuti aba mu lupwa lobe bakaba abeni mu calo icishili cabo. Muli ico calo bakaba abasha, kabili bakabacusha nganshi pa myaka imyanda ine (400).

Lelo Abramu ayaswike ati, “We Mfumu Yawe, cinshi wingampeela apo nshakwata mwana, elyo uukapyana icuma candi ni Eliese umwina Damasiko?”

Pali ubo bwine bushiku Yawe apangene icipangano na Abramu, asosa ati, “Aba mu lupwa lobe ebo napeela ici calo, ukufuma ku mumana wa mu Egupto ukufika na ku mumana ukalamba Yufurate

Mu nkulo yalenga shine, elyo aba mu lupwa lobe bakabwelela muli cino calo pantu ububi bwa bena Amoli tabulati bubipishe ukufikapo.”