Matiye 19 Popüler Kutsal Kitap Ayetleri

Paylaş

Zezu asəŋletike, amna: Azet ɗiiyi wərəh nan tuwãyi, amma aza Maŋgəlva wərəh nan tay tuwãh ɓa.

Vaski asoŋ na sula əmpa ɓa, amma wakpaŋgaŋ gəɓa zit taka. Vi vaski zəga məs Maŋgəlva asapani, ɗəf adawɗakan ɓa.

Azlansitike: Kəŋɗanən an məverin ɓa sa? Daga wətəŋ nani Maŋgəlva aɗɗak ɗəf mizilin dət gulku. Yaŋ amna: Vi vaski ɗəf wapan affən dət man pakə, wasapaŋ dət goni, wakpaŋgaŋ gəɓa zit taka. Akpaŋgaŋ na ɗii sula əmpa ɓa, amma gəɓa zit taka.

Yaŋ Zezu apsit na: Məpet kirin memeɗeŋɗe dəzoŋ azawa, kətek nən ɓa, vi məlĩ na Maŋgəlva tay viyit kirinen veŋki.

Amma ɗii diiɗa en nabe kakaŋka wakpaŋgaŋ dərɓe, ɗii diiɗa en na dərɓe kakaŋka, wakpaŋgaŋ ɗii nabe.

Ko mədəŋgaŋ dəpanən gəla neti milmiŋgiɗit mezeŋgilleketi, dit muguluŋgiti dit migilti dit kirtiti gəm gulyeŋɗe neti viwa, warəhən təl səkatə, warəhaŋ zeŋgille məza agrak na ɓa'e.

Zezu apsən na: An kəŋgələk wəsok salala, dokə vəl arya nok pakə, apsit deleɗ nan sit muzurayɗe, vas na wakərah zəga nan məzaɓan a disiŋ. Asna kəde gən wəsbaw kana.

Zezu anah sənək na: Vi mi kəssohon zəga mogon di? Zəga mogon tay ɓa, say tətakay mogoni. An mokaka zeŋgille məza agrak na ɓa, say asbet mehenziŋɗeŋki.

Əntatə nah sukum əmpa: Ɗəɗaah zlogomo watoŋ dəmba batal ki məs arya wətoŋ məlĩ na Maŋgəlva.

Əntatə nah sukum: An ɗəf arɓəhtək goni, an vi arəmət daɗɗa mana'ayi ɓa, an akayək guluk maɓɓata agəɗək mana'a.

Zezu anah sit gewleɗ nan na: Gesiŋ nədawnah sukum, tuwãhi məs arya dətoŋ gən məlĩ na Maŋgəlva.