Ann Bokwakwarin 6 Popüler Kutsal Kitap Ayetleri

Paylaş

Ato BADA inonotai on iyobin sabu tafanamai on men itifouris on mes nunuan on ibaban kwakwan.

Ato BADA it sabu tafanamai simama asi yawas on komasis bag, mat osi sabu asi bainonot ra fufur sibinonot on engon komasis wat.

Baise BADA on Noah aurin iyasisir.

Atonio on Noah an dudur. On nanatun orot engon ton: Shem, Ham a Japheth. Noah an yawas on totorin wat, on tafanamai sabu sanasi imama on an ubar tani ambin. On God ituranai rus kaitanei wat sibibib.

On mes BADA iyau, “Basit Yau sabu tafanamai afofouris on engon anikomasis a anfufun insawar, bobaitu, kiwiu a motob tefanai sawar yayawasis baiyayobis on mat engon anikomasis, yabin abiyababan on aibo mes nanaba afouris.”

On an rai sabu ibosuruf irarat tafanam au engon ibonu ato nanatus jeverig mat sirat. Osi God nanatun orot sabu tafanamai nanatus jeverig sites on momogis fafa on mes asi gogoi nanaba siboes siawanis. Namon BADA iyau, “Yau au yabat aratein ato sabu abites on men arimon sinama au wantoan mes, yabin osi on sabu maiauis. Osi on men sinama inan kwanda 120 inisobonai mes.” On an werai a wera gibunai sabu on gagamis kokoiis bag simama. Osi on God nanatun orot ato tafanamai sabu nanatus jeverig sibiawanis on nanatus sirat sabu faiwaris a wabis gagamis bag ainau simama.

God mamaba Noah iforai on engon nanaba ifour.

On mes God on Noah iyawur iyau, “Yau ainonot nono sabu engon tutufin anfufun insawar, yabin tafanam amonai on gamo a baigagam wat on awan ibonu. Yau on dura bag tafanam a sabu engon anikomasis.

On mes om wengar obin tani unboai ato on nan am wa unyon, ato amonai efan engon unbotitiwag, weie amonai a kounai on fotu rababarinai wat on unbobabaren.

God iyeit tafanam au engon it on komasin bag, yabin sabu engon tutufin on yawas komasis wat sifofour simama.

Om on bobaitu a sawar yayawasis ruruam ruruam, orot a jever on unboes mat wa amonai wonar ato unkaifares yawasis sinama.