ကမ္ဘာဦးကျမ်း 17 Popüler Kutsal Kitap Ayetleri

Paylaş

အာဗြံ​သည် အသက်​ကိုးဆယ့်​ကိုး​နှစ်​ရှိ​သောအခါ ထာဝရဘုရား​သည် အာဗြံ​အား​ကိုယ်ထင်ရှားပြ​၍ “​ငါ​သည် အနန္တတန်ခိုးရှင်​ဘုရားသခင်​ဖြစ်​၏​။ ငါ့​ရှေ့မှောက်​၌ အသက်ရှင်​လျှောက်လှမ်း​လော့​။ အပြစ်တင်စရာမရှိ​အောင်​နေ​လော့​။

သင်​၏​အမည်​ကို နောက်တစ်ဖန် အာဗြံ​ဟု​မ​ခေါ်​ရ​။ သင်​၏​အမည်​သည် အာဗြဟံ​ဖြစ်​ရ​မည်​။ အကြောင်းမူကား ငါ​သည် သင့်​ကို များစွာ​သော​လူမျိုး​တို့​၏​ဖခင်​ဖြစ်​စေ​ပြီ​။

ငါ​သည် သင်​မှစ၍ နောင်လာမည့် သင့်​သားစဉ်မြေးဆက်​၏​ဘုရားသခင်​ဖြစ်​မည့်​အကြောင်း ငါ​၏​ပဋိညာဉ်​ကို ငါ​နှင့်​သင်​ကြား​၌​လည်းကောင်း​၊ နောင်လာမည့် သင့်​သားစဉ်မြေးဆက်​ကြား​၌​လည်းကောင်း တည်​စေ​၍ သူ​တို့​၏​မျိုးဆက်​အစဉ်အဆက်​တို့​၌ ထာဝရ​ပဋိညာဉ်​ဖြစ်​စေ​မည်​။

“​ကြည့်ရှု​လော့​။ ငါ​သည် ငါ​၏​ပဋိညာဉ်​ကို သင်​နှင့်အတူ​ရှိ​စေ​မည်​။ သင်​သည် များစွာ​သော​လူမျိုး​တို့​၏​ဖခင်​ဖြစ်​မည်​။

ဘုရားသခင်​က​လည်း “​မှန်​ပေ​၏​။ သို့သော် သင်​၏​မယား​စာရာ​သည် သင့်​အတွက် သား​ကို​မွေးဖွား​လိမ့်မည်​။ သင်​သည် သူ​၏​အမည်​ကို ဣဇက်​ဟု မှည့်ခေါ်​ရ​မည်​။ ငါ​သည် ငါ​၏​ပဋိညာဉ်​ကို သူ​၌​တည်​စေ​၍ နောင်လာမည့် သူ​၏​သားစဉ်မြေးဆက်​တို့​အတွက် ထာဝရ​ပဋိညာဉ်​ဖြစ်​စေ​မည်​။

သင်​တည်းခိုနေထိုင်​သော​ပြည်​ဖြစ်​သည့် ခါနာန်​ပြည်​တစ်ပြည်လုံး​ကို သင်​နှင့်​နောင်လာမည့် သင်​၏​သားစဉ်မြေးဆက်​အား အစဉ်အမြဲ​ပိုင်ဆိုင်​ရာ​အဖြစ် ငါ​ပေး​မည်​။ ငါ​သည် သူ​တို့​၏​ဘုရား​ဖြစ်​မည်​”​ဟု မိန့်​တော်မူ​၏​။

ထိုအခါ အာဗြဟံ​သည် ပျပ်ဝပ်​လျက် “​အသက်​တစ်ရာ​ရှိ​သော​သူ​သည် သား​ကို​ရ​နိုင်​ပါ​မည်လော​။ အသက်​ကိုးဆယ်​ရှိ​သော​စာရာ​သည်​လည်း သားဖွား​နိုင်​ပါ​မည်လော​”​ဟု စိတ်​ထဲ၌​တွေး​လျက် ရယ်​လေ​၏​။

တစ်ဖန် ဘုရားသခင်​က အာဗြဟံ​အား “​သင်​၏​မယား စာရဲ ကို​ကား သူ​၏​အမည်​ကို စာရဲ ဟု​မ​ခေါ်​ရ​။ သူ​၏​အမည်​မှာ စာရာ ဖြစ်​ရ​မည်​။

သင်​တို့​သည် သင်​တို့​၏​ထိပ်ဖုံးအရေပြား​အသား​၌ အရေဖျားလှီး​ခြင်း​ကို​ခံရ​မည်​။ ၎င်း​သည် ငါ​နှင့်​သင်​တို့​ကြား​၌​ပြု​သော ပဋိညာဉ်​၏​အမှတ်လက္ခဏာ​ဖြစ်​ရ​မည်​။

သို့သော် ငါ​သည် နောင်​နှစ် သတ်မှတ်​ထား​သော​ဤ​အချိန်​တွင် သင့်​အတွက် စာရာ​မွေးဖွား​မည့်​ဣဇက်​၌ ငါ​၏​ပဋိညာဉ်​ကို​တည်​စေ​မည်​”​ဟု မိန့်​တော်မူ​၏​။

သင်​တို့​၏​မျိုးဆက်​အစဉ်အဆက် သင်​တို့​တွင်​ရှိ​သော​ယောက်ျား​တိုင်း​သည် အိမ်​၌​မွေးဖွား​သော​သူ​ဖြစ်စေ​၊ တိုင်းတစ်ပါးသား​တစ်စုံတစ်ဦး​ထံမှ ငွေ​ဖြင့်​ဝယ်​ထား​သည့် သင်​၏​အမျိုးအနွယ်​မ​ဟုတ်​သော​သူ​ဖြစ်စေ ရှစ်​ရက်​သား​အရွယ်​၌ အရေဖျားလှီး​ခြင်း​ကို​ခံရ​မည်​။ သင်​၏​အိမ်​၌​မွေးဖွား​သော​သူ​ဖြစ်စေ​၊ သင်​၏​ငွေ​ဖြင့်​ဝယ်ထား​သော​သူ​ဖြစ်စေ အရေဖျားလှီး​ခြင်း​ကို မုချ​ခံရ​မည်​။ ဤသို့အားဖြင့် ငါ​၏​ပဋိညာဉ်​သည် ထာဝရ​ပဋိညာဉ်​အဖြစ် သင်​တို့​၏​အသား​တွင်​တည်​လိမ့်မည်​။