ကမ္ဘာဦးကျမ်း 32 Popüler Kutsal Kitap Ayetleri

Paylaş

ထိုအခါ ထို​သူ​က “​သင်​၏​အမည်​ကို ယာကုပ် ဟု​မ​ခေါ်​တော့​ဘဲ အစ္စရေး​ဟု​ခေါ်​ရ​မည်​။ အကြောင်းမူကား သင်​သည် ဘုရားသခင်​နှင့်​လည်းကောင်း​၊ လူ​နှင့်​လည်းကောင်း ပြိုင်​၍​နိုင်​လေ​ပြီ​”​ဟု ဆို​၏​။

ထို​သူ​က “​အရုဏ်တက်​ပြီ​ဖြစ်၍ ငါ့​ကို​လွှတ်​ပါ​”​ဟု ဆို​၏​။ သို့သော် ယာကုပ်​က “​အကျွန်ုပ်​ကို​ကောင်းချီး​မ​ပေး​လျှင် အရှင့်​ကို အကျွန်ုပ်​မ​လွှတ်​ပါ​”​ဟု ဆို​၏​။

ယာကုပ်​သည် တစ်ယောက်တည်း​ကျန်​ခဲ့​၏​။ ထိုအခါ လူ​တစ်​ယောက်​သည် အရုဏ်တက်​ချိန်​အထိ ယာကုပ်​နှင့်​နပန်းလုံး​လေ​၏​။

ထို့ကြောင့် ယာကုပ်​က “​ငါ​သည် ဘုရားသခင်​ကို မျက်နှာချင်းဆိုင်​မြင်​ရ​လျက်​နှင့် အသက်​ချမ်းသာ​ရာ​ရ​သေး​၏​”​ဟု ဆို​လျက် ထို​အရပ်​၏​အမည်​ကို ပေနွေလ ဟု​ခေါ်​၏​။

ထို​သူ​သည် ယာကုပ်​ကို မ​နိုင်​မှန်း​သိမြင်​သောအခါ ယာကုပ်​၏​တင်ပါးဆုံ​အဆစ်​ကို​ထိုး​၏​။ ထို့ကြောင့် ထို​သူ​နှင့်​နပန်းလုံး​စဉ်တွင် ယာကုပ်​၏​တင်ပါးဆုံ​အဆစ်​သည် လွဲ​လေ​၏​။

ထို​သူ​က​လည်း “​သင့်​နာမည်​ကား အဘယ်နည်း​”​ဟု မေး​လျှင် “​ယာကုပ် ဖြစ်​ပါ​သည်​”​ဟု ပြန်ဖြေ​၏​။

ယာကုပ်​က​လည်း “​အရှင်​၏​အမည်​ကို သိ​ပါရစေ​”​ဟု ဆို​လျှင် ထို​သူ​က “​အဘယ်ကြောင့် ငါ​၏​အမည်​ကို​မေး​သနည်း​”​ဟု ဆို​ပြီး ထို​အရပ်​၌ ယာကုပ်​ကို ကောင်းချီးပေး​လေ​၏​။

ကိုယ်တော်​၏​အစေအပါး​အပေါ်​ထား​တော်မူ​သော မေတ္တာကရုဏာ​တော်​အလုံးစုံ​၊ သစ္စာ​တော်​အလုံးစုံ​ကို အကျွန်ုပ်​မခံထိုက်​ပါ​။ အကျွန်ုပ်​သည် ဤ​ဂျော်ဒန်​မြစ်​ကို ဖြတ်ကူး​ခဲ့​စဉ်က တောင်ဝှေး​တစ်​ချောင်း​သာ​ပါ​ပါ​၏​။ ယခု​မူကား အုပ်စု​နှစ်​စု​ဖြစ်လာ​ပါ​ပြီ​။

ထိုသို့ ယာကုပ်​၏​တင်ပါးဆုံ​အဆစ်​၌​ရှိ​သော​အကြော​ကို ထိုး​သောကြောင့် ယနေ့​တိုင်အောင် အစ္စရေး​အမျိုးသား​တို့​သည် တင်ပါးဆုံ​အဆစ်​၌​ရှိ​သော​အကြော​ကို မ​စား​ကြ​ချေ​။

ထို့နောက် ယာကုပ်​က “​အကျွန်ုပ်​အဖ​အာဗြဟံ​၏​ဘုရား​၊ အကျွန်ုပ်​အဖ​ဣဇက်​၏​ဘုရား​၊ အကျွန်ုပ်​အား ‘​သင့်​ပြည်​၊ သင့်​ဆွေမျိုးသားချင်း​တို့​ထံသို့ ပြန်သွား​လော့​။ ငါ​သည် သင့်​ကို​ကောင်းစား​စေ​မည်​’​ဟု မိန့်​တော်မူ​သော​ထာဝရဘုရား​၊

အကျွန်ုပ်​အစ်ကို​ဧသော​၏​လက်​မှ အကျွန်ုပ်​ကို​ကယ်နုတ်​တော်မူ​ပါ​။ အကြောင်းမူကား သူ​သည်​လာ​၍ အကျွန်ုပ်​ကို​လည်းကောင်း​၊ ကလေး​နှင့်​မိခင်​တို့​ကို​လည်းကောင်း တိုက်ခိုက်​မည်​ကို​အကျွန်ုပ်​ကြောက်​ပါ​၏​။