Lii Lolo dhu Uru Tèka 27 Popüler Kutsal Kitap Ayetleri

Paylaş

Hudꞌi laa Ama Lamatua patiri èi paringi nèti dedha-liru, sèna ka oka-tedhe èu jꞌajꞌi mi rai hèu mèngi. Hudꞌi laa Na hia èu are dhu udhu sobhu-sobhu, dènge hua anggor dhu pènu ako-pènu èru. Suku-suku jꞌajꞌi mi ènu èu, Aa dhèu-dhèu leo pahaha iisi mi dedha èu. Èu jꞌajꞌi mi lamatua nèti aꞌari èu. Aa rèngu patitu kètu urutuu ètu madha èu. Dhèu cee dhu dhoo èu, rèngu abhu dhoo kahèi. Aa dhèu cee dhu hia mèngi-nale mi èu, rèngu abhu mèngi-nale kahèi.”

Ka aku Esau na, “Nèngu na leko-monya jaꞌa dua hari kèna. Uru èèna, parame nare hak aꞌa. Ka neꞌe ne, parame nare hari berkat dhu madhutu iia-iia na unu jaꞌa. Nèka na, ngara na ‘Yakob’ Te ngaa ele boe ama dhu dènge berkat era, ho hia jaꞌa. Do, aadꞌo heka?” (Yakob sasoa na ‘kèpe hui tèdhu’, te ngaa sasoa dhu leo ‘tuka leko-monya’.)

Ka Isak bꞌala ne, peka na, “Mamuri èu ne, èèna na kajꞌèu nèti oka-tedhe dhu hèu mèngi, lula èi paringi patiri boe nèti dedha-liru mai, ho pabasa rai èu. Èu ne, mamuri dhoka nèti samala èu di. Aa tasa mera mia èèna ka, èu ne jꞌajꞌi ènu ari mu. Dhodhoka ladhe bèli-camèdꞌa, èu bani labꞌa ne, èèna na èu heka rai eele nèti dꞌara adhe-aai na.”

Masi ka tadèngi nare le sèmi èèna, te ngaa Esau loe boe dènge pamako ama na, peka na, “Mamèngi na dhodhoka èci di, do? Tatu ama dènge hari mamèngi dhu leo hia jaꞌa. Masi ka ciki ooꞌe èèna ka, sadꞌi jaꞌa ne abhu!” Ka Esau tangi hari dènge dꞌara laho mae-mae.