Лука 13 Popüler Kutsal Kitap Ayetleri

Paylaş

Иисус ноӈартакитан гөнин: – Тыгэкэндули уркэли манрутӈасан касагач идэвур, хунтэки гөнэм, хоял-да касагчидир идэвур, тарбач туркудир.

Тала өмэн аси бисин, мян дяпкан хулэку анӈану ариӈкаду бутэнэври, хэмэрэӈчирин, ӈунрэмдэй туркуттин. Иисус, тарав иттыди, Мэнтэкий эририн, нян ноӈантакин гөнин: – Аси! Хи мэн энэктукий бэгдэчэвунри.

Иисус ноӈандулан ӈали каптарин, нян тарак тармадит ӈунрунин, тадук Хэвкив эскэдилрин.

Таракам, ӈи тек амаргагал бис, дюлэгэл одир, нян дюлэгэл тек бисил, амаргагал одир.

Ок-ка дю хунӈин илдин, уркэв нипкэдин, ху толин эмэбдис, уркэлэ коӈкэдис, гөникэн: «Хунӈит, Хунӈит, мунду аӈали!» Нян Ноӈан хунтэки барагдин: «Би хуну эсэм хар, ӈи-дэ хун бисивусэн, авгич-та эмчэвусэн».

Эсни, хунтэки гөнэм, тарбач мэр төнӈэкичур эми аталабукан, ху-дэ тачинта-тта көкэдис.

Тарбач Ноӈан гөндин: «Хунтэки гөнэм, Би хуну эсэм хар, авгич-та бисивусэн, час миндук хөрлилрэ, кэнелив овканрил».

Иисус гөнин: – Як урэчин Хэвки Тэгэмэрэдекэн? Янюн тарав тэрэмкэтчим? Тарак хякита няӈтан дын, бэй тарав няӈтав гадыди исувкэндэй, төрлэ тэгукэнин, тарбач тарак исурин, эгден хякита один, нян тадук нянин дэгилни хякита хэгтэлдулэн хэвивэгур хэвивритэн.