Joyn 21 Popüler Kutsal Kitap Ayetleri

Paylaş

A ndiʼ to ando vəwenə zhɨ̀ mwetə, Yesò ə toŋtə Saymun Bità ə bèm a wen la, “Saymun, wàyn ə Joyn, wù shɨtə kòŋ mò nəmwèʼè chò viʼi vətsenvə venə a?” Ghə̀ byɨmə ə gàʼ la, “Bobo, wù kɨli la ma kòŋ wù.” Yesò ə gàʼ a wen la, “Wù a zhisə vunə njɨ̀ ə mò.” Yesò ə be bèm kwʉ̀ʼsə a wen la, “Saymun, wàyn ə Joyn, wù shɨtə kòŋ mò nəmwèʼè?” Ghə̀ byɨmə ə gàʼ la, “Bobo, wù kɨli la ma kòŋ wù.” Yesò ə gàʼ a wen la, “Wù a tuʼmə nə̀ byisə vənjɨ̀ shomsə.” Yesò ə be toŋtə wen, à aghayn a tàʼ, ə gàʼ la, “Saymun, Wàyn Joyn, wù kòŋ mò?” Kənyʉ̀ a kì kə sə ku ngəʼ a Bità ando Yesò be kùmtə bèm li, à sə diʼ aghayn a tàʼ la, “Wù kòŋ mò?” Ghə̀ mu gàʼ a Yesò la, “Wù kɨli no tèbe ghò a Bobo. Wù kɨli la ma kòŋ wù.” Yesò ə gàʼ a wen la, “Wù a zhisə byisə vənjɨ̀ shomsə.

Ma gàʼà a wù to no nəmwèʼè la, a ndiʼ to ando wù bo diʼ wàyndyə, wù lafə, dyʉ̀ no tèbe fè ando wù kòŋ. Alì, wù na dwin, wu naʼsə̀ akwoŋ à wu, wìʼ ə labsə wù ə lyɨ̀ dyʉ̀ nə̀ wù akəshi, ko andiʼ la wu kòŋ.”

Ghə̀ gàʼ la, “Ghə̀ŋ mòʼ fə̀làm fifə ji fa shə kwoŋ ə toghə ghə̀ŋ zizi ghə̀ŋ ku.” Vəwenə mòʼ ə ku shʉsə, to kədə̀ŋ, fə̀làm na fifə ə sə dìʼì ghoʼo vəwenə ə və gùf ə kwensə a kəbàŋ.

Saymun Bità ə gàʼ a vəwenə la, “Ma fʉ̀ dyʉ̀ əku ə shʉsə.” Vəwenə bwensə la, “vəghəŋ ə̀ fʉ̀ to amuʼ.” Vəwenə gàʼ ali ə dyʉ̀ kwen a kəbàŋ, ali ətʉʼ ə na jèʼ layn ko andiʼ la vəwenə ghaʼa li kəfo.