Эклц 21 Popüler Kutsal Kitap Ayetleri

Paylaş

Деед Эзн келсәрн Саррад цаһан санаһан күртәв, Саррад өгсн үгән күцәв.

Бурхн көвүнә уульсиг соңсна. Теңгрәс Бурхна элч Хагариг дуудад келнә: – Хагар, юн болв? Бичә ә. Тенд көвүн уульҗасиг Бурхн соңсв. Бос, көвүг босхад, һараснь ав. Би терүнәс алдр улс үүдәнәв.

Сарра саата болад, көгшрх наснднь, Бурхна заасн цаглань Абрахамд көвү һарһна.

– Бурхн намаг инәлһв. Энүнә тускар соңссн күн болһн намаг дахад инәх, – гиҗ Сарра келв.

Болв Бурхн терүнд келнә: – Көвүнәсн болн зарц күүкд күүнәс көлтә бичә һундрх. Сарраг соңс, терүнә келсәр ке. Чини тохм Ицхакар дамҗад тарх.

Болв Би зарц күүкд күүнәс һарсн көвүнәс бас улс үүдәнәв. Яһад гихлә, эн чини көвүн болҗана.