Kuyamba 22 Popüler Kutsal Kitap Ayetleri

Paylaş

Abhurahamu adapasa mbutoyo dzina lakuti, “Chawuta an'zawona.” Nalelo mbutoyo in'chemelewa kuti, “Paphili la Chawuta an'zawona.”

Mulungu adati, “Tola mwana wako Isaki, umweyo m'bodzi yekha wawunfuna uyende naye kudziko la Moriya, ukamuchite mpfupo yakutenthelatu kuphili landiti ndikuwuze.”

Ngilozi idati, “Leka kupfuthula janja lako pamwana, panango kuchita chinthu chili chentse payiye, tsapano ine ndawona kuti iwe un'gopa Mulungu, pakuti iwe ulibe kulamba kundipasa mwana wako m'bodzi yekha.”

Abhurahamu adadayila, “Mulungu ndiye ankawona bila lakukapeleka ntsembe, mwanangu.” Nakutenepo wentse ali awili adayenda bzawo.

Nin'zakudalisa, nin'zawandisa m'badwe wako ninga nyenyezi zakudzulu, pomwe ninga n'chenga wamunyanja. M'badwe wako un'zakunda azondi wawo. Kupitila mum'badwe wako, mishowo yentse yapadziko in'zadalisiwa, pakuti wanditetekela.”

Pambuyo payibzi, Mulungu adayesa Abhurahamu, adati kwayiye, “Abhurahamu,” iye adati, “Ndili pano.”

Koma ngilozi ya Chawuta idamuchemela kuchoka kudzulu, idati kwayiye, “Abhurahamu, Abhurahamu.” Iye adati, “Ndili pano.”

Pamwepo ngilozi ya Chawuta idachemela Abhurahamu kachiwili kuchoka kudzulu, idati, “Chawuta wati, ‘Ninilumbila nadzina langu,’ pakuti iwe wanditetekela, ulibe kulamba kupeleka mwana wako m'bodzi yekha.

Paadafika pambuto yaakhadawuziwa na Mulungu, Abhurahamu adamanga mbuto yakupelekela ntsembe pamwepo, nkulongapo nkhuni. Adamanga mwana wake nkumugonesa padzulu atali padzulu pankhuni.