LUKASE 13 Popüler Kutsal Kitap Ayetleri

Paylaş

“Le leke ka maatla go tsena ka mojako wo o pitlaganego, gobane ke a le botša, ke ba bantši ba ba tlago leka go tsena, eupša ba tla palelwa.

Gona moo go be go na le mosadi yo a tsenwego ke moya wo mobe, mme o mo lwaditše mengwaga ye lesome le metšo ye seswai. O be a kokoropane, a sa kgone go hlophologa le go se nene. Jesu ge a mmona a mmitša a re a tle go yena. Ge a fihla a re go yena: “Mmagobatho, o imolotšwe bolwetšing bja gago!”

A mmea diatla, mosadi yoo a nama a hlophologa le semeetseng, gomme a reta Modimo.

Ke mo bao bjale e sego ba maemo e tlago ba ba maemo, mme bao bjale e lego ba maemo e tlago ba ba ba se nago maemo.”

Nako e etla mo monglapa a tlago tsoga a tswalela lebati. La re le eme ka ntle le kokota mojako le re Morena a le bulele, yena a le araba a re: ‘Nna ga ke le tsebe.’

Le gatee! Gomme nna ke le botša gore ge le sa sokologe le tla bolawa bjalo ka bona.”

Yena o tla boeletša a re: ‘Ke re ga ke le tsebe. Ntlogeleng, lena bakgopo bohle!’

Jesu a ba botšiša a re: “Na mmušo wa Modimo o ka swantšhwa ka eng? Nka o bapiša le eng? O bjalo ka thorwana ya peu ya mohloko ye motho a e tšeago a e bjala ka serokolong sa gagwe, ya mela ya ba sehlare seo dinonyana di agelago dihlaga makaleng a sona.”