YOANE 4 Popüler Kutsal Kitap Ayetleri

Paylaş

Sup̃e e pei Naatana: go tea maga waina eu lotu ki nia e one ara one naga euga lotu pae naatana go nalomauana.

Ma aura ega wo umai, go e pei ragi waia, waina tea lotu lomau maga euga wo lotu ki Tamana asa pae naatana go nalomauana: nalakena Tamana e laaga naga tea maga waina eu lotu ki nia euga tapala nogoe.

ma naata waina e munu noai seara waina kinau aga wo dua e asa, ega wo da madou mau pa pa ega tu mau du; ma noai waina kinau aga wo dua e asa ega wo pei namata noai sikai nap̃alauna, waina ega wo do putaputa paki namauriana waina e du mau du.

Yesu e pasa dara po noa ki nia, e naga, Ku pe atae navituam̃olikiana ki Sup̃e, go sei e doko waina e noa ki‐go, P̃a tua au aga munu; nigo ku pe datagovi a, go e pe tua ko noai mauri.

Yesu e noa ki da, e naga, Navinaga aginau e pei naga aga mari namasauana ki tea waina e dip̃aki lua au umai, go naga aga mari sua nawosiana aneana.

Nagoroi wanogoe e noa ki nia, e naga, Nawota ku da peani lo vautu mau, go m̃oru noai waia e paki pua: go ku peani noai mauri wanogoe esava?

Nagoroi wanogoe e noa ki nia, e naga, A atae naga Messiah ega wo umai (waina e pei tea sosoana ki Kristo): ragi waina nae ega umai, ega wo noa ki sai gida naleo maga mamau puti. Yesu e noa ki nia, e naga, Kinau waina a pasa ki‐go a pei nae.

punusi naatam̃oli sikai, waina e noa ki nau naleo maga mamau puti waina a mari a: nae e pei Kristo kite?