मत्ती 19 Popüler Kutsal Kitap Ayetleri

Paylaş

यीशुये तिन्हां खौ देखीने गलाया, “माहणुआं रे खातर त ये मुश्कल आ, पर परमेशरा रे खातर किछ बी मुश्कल निआं।”

इसरा मतलब येआ भई हुण सै दो नी, पर इक जिस्म ये इस खातर तिसजो जे परमेशरे जोड़ीरा, तिस्सो माहणु लग नीं करो।

तिने जबाब दित्या, क्या तुहें नीं पढ़या भई संसारा जो रचणे औल़े शुरु च तिन्हांजो इक नर कने नारिया रे रुपा च रचया कने गलाया, इस बजह ने आदमीये अपणे माता-पिता ते लग हुईने अपणिया घराऔल़िया सौगी इक साथ रैहणा कने तिन्हां च येढ़ा गैहरा सम्बन्ध हूणा भई सै इक इ जिस्म ओ।

यीशुये गलाया, “बालकां जो मेरले औणे देआ तिन्हौं नां नीं करा, काँह्भई बच्चयां साई गुण रखणे औल़े माहणुआं पर इ परमेशरा राज करने रे खातर त्यार हूणा।”

पर बौहत सारे सै जे अप्पूँजो खास समझां ये, हुण सै खास नीं रैहणे; कने सै जे खास नीं समझे जायें, सै औणे औल़े बगता च बौहत खास हुई जाणे।

कने तिन्हे जे मेरे खातर अपणा घर-बार, या भाईयां, या बैहणां, या माता-पिता, या बच्चे, या खेतां जो छड्डीतरा, तिसजो सौ गुणा मिलणा, कने परमेशरा तिसजो अनन्त जीवना रा बारस बनाणा।

यीशुये तिसने गलाया, “जे तू सिद्ध हूणा चाँह, तां जा, अपणा सब किछ बेच्चीने गरीबां जो बंडी दे; कने तिज्जो स्वर्गा च धन मिलणा; कने आईने मेरा चेला बण।”

यीशुये तिसने गलाया, “तू मिन्जो भलाईया रे बारे च काँह पुच्छां? काँह्भई अच्छा त परमेशर इ हाया; पर जे तू अनन्त जीवना च दाखल हूणा चाँह, तां तू हुक्मां जो मन्नया कर।”

हाँ, हऊँ तूहने बोलां भई तियां जे ऊँटा रा सुईया रे छेदा ते निकल़णा मुश्कल आ, तियां इ अमीर माहणुये रा स्वर्गा रे राज्जा च दाखल हूणा बी उतणा इ मुश्कल आ।”

कने हऊँ तुहांजो बोलां, भई सै जे कोई व्यभिचारा जो छड्डिने किसी होर वजह ने अपणिया घराऔल़िया जो तलाक देई दो, कने दुज्जिया ने ब्याह करो, सै व्यभिचार कराँ; कने सै जे तिसा छड्डी रिया जो ब्यांह, सै बी व्यभिचार कराँ।”

फेरी यीशुये अपणे चेलयां ने गलाया, “हऊँ तुहांजो सच्च बोलां, भई अमीर माहणुये रा स्वर्गा रे राज्जा च दाखल हूणा मुश्कल आ।