GENESI 9 Popüler Kutsal Kitap Ayetleri

Paylaş

Mudzimu a ri, “Ngetshi tshiga tsha mulanga une nda ḓo u vhofha na inwi, inwi na zwivhumbwa zwoṱhe zwi tshilaho zwine zwa vha na inwi, mulanga wa mirafho yoṱhe ine ya kha ḓi ḓa: Ndo vhea musingavhadzimu wanga makoleni, u ḓo vha tshone tshiga tsha mulanga une nda u vhofha na ḽifhasi.

Ha vhuya ha vhonala musingavhadzimu makoleni, ndi ḓo u vhona nda elelwa mulanga wanga wa lini na lini we nda vhofha na zwivhumbwa zwoṱhe zwi tshilaho zwa tshakha-tshakha fhano fhasi.”

“Wa shulula malofha a muthu, na iwe u ḓo vhulawa nga muthu; Mudzimu o vhumba muthu a tshi ḓifanyisa.

Huno Mudzimu a shudufhadza Nua na vhana vhawe, a amba navho a ri, “Bebani ni ande ni ḓadze ḽifhasi.

Zwoṱhe zwi tshilaho zwi tshatshamaho fhano fhasi zwi ḓo vha zwiḽiwa zwaṋu. Vhunga ndo ni ṋea zwimela, zwino ndi ni ṋea zwithu zwoṱhe uri ni zwi ḽe

Phukha dzoṱhe dza shango dzi ḓo ni ofha, na zwiṋoni, na zwivhumbwa zwoṱhe zwi kokovhaho mavuni, na khovhe dzoṱhe dza lwanzheni – zwoṱhe hezwo zwo kumedzwa zwanḓani zwaṋu.

Inwi bebani ni ande, ḓadzani ḽifhasi ni tshatshame khaḽo.”