VARUMI 8 Popüler Kutsal Kitap Ayetleri

Paylaş

Kunyi kumanyi ndi ivindu viosi viyinzira harara koleta uvulahi ku yavo avayaanzaa Nyasaye; yavo avayalanga kolondekana nu vulaliri vwivwe.

Kigira manyi ligali ndi si keveeye ho ni kindu kinyala kukwavukanyia kutura ku vuyanzi vwa Nyasaye; kali niliva ni likuza, anoho livamwoyo, anoho zingelosi anoho avamihi vumuvwerefu anoho zinguru ziu mwigulu, anoho vindu viveeye ho anoho viza kokoleka, anoho kivala chi igulu, anoho cha hasi ligali, anoho kelombe ku vilombe viosi ikinyala kukwavukanyia nu vuyanzi vwa Nyasaye, ovoveeye vwitu kuvitira mu Kristo Yeso, Mwami wiitu.

Munzira ndala nzere Roho yazaa akokonyaa mu vodedekere vwitu, kigira sikumanyi kuli gakuduukiraa kusaala mba. Navuzwa Roho mwene akusaaliraa ku Nyasaye mu likenya lietu linene litanyala kutivulwa mu makuva ga kazozo.

Kunangwa ku vindu yivi kovoole ki'? Nyasaye naveeye kolovega lwiitu, nivwaha unyala kukuhingira'?

Kalunu siahaveeye ni likalagirwa ku yavo avaveeyeho mu Kristo Yeso

Ukwamiifa na Roho koleta livamwoyo kandi mirembe.

Awa, mu vindu yivi viosi, koveeye vaguuti ligali, kuvitira mu uyu wakuyanza!

Ndolaa ndi uvusaliri vwitu vwi ing'inga ya kalunu yiyi si vunyala koleng'anywa nu vukumi vwa kulilola kali hakuzu mba.

Nivwaha ulikwavukanyia kutura ku vuyanzi vwa Kristo? Ni kivi, anoho ni vusaliri, anoho ni lidambizwa, anoho inzara, anoho ichahonyo, anoho vuhiimwa, anoho kivavi?

Nyasaye, ololaa kuduuka mugati mwi mioyo jietu, amanya zing'anagani zia Roho kuli ziveeye; Roho agonyaa Nyasaye havogono havandu veve, kolondekana nuvulaliri vwivwe.

Ku vosi ava Roho wa Nyasaye yimiliraa yava nivo avana va Nyasaye.

Yavo avamenyaa kuli liiva liu muviri livavoolera, vamiihangwa ni zing'anagani ziu muviri gwenyaa. Navuzwa yavo avamenyaa kolondekana ni lienya lia Roho, zing'anagani ziavo ziamifwa na ga Roho yenya.

Nyasaye siyigalira Mwana weve mwene muderwa, navuzwa yamuhaana kuli kisiuviriru kigira kunyi kwosi. Niiva yakola ndio, sialakuha ivindu viosi harara naye?

Roho wa Nyasaye alolekizaa harara na roho jietu ndi koveeye avana va Nyasaye. Na kigira koveeye avana va Nyasaye, kulanyoola imiandu josi ja Nyasaye yavikira avandu veve, kulasanga harara na Kristo miandu ja Nyasaye; kigira nikuva nikusanga mu vusaliri vwa Kristo, kulasanga kandi mu vukumi vwivwe harara.

Oyo wamiifwa ni zing'anagani ziu muviri aveeye musigu wa Nyasaye; siatizaa Lilaga lia Nyasaye, kandi sianyala kulitia mba.

Vindu viosi via Nyasaye yalomba vilindilira nuvuha vonene ndi, Nyasaye avuri avana veve.

Kumanyi ndi kuduuka lero, vindu viosi vikenyaa kigira vusaliri vwi lizuunwa kuli lia uyu oveeye ni lilumwa liu mwana.