Gyenesis 39 Popüler Kutsal Kitap Ayetleri

Paylaş

Na EWURADZE dzii Josef n’ekyir na ɔyɛɛ siar wɔ no wura Egyptnyi no ne fie.

Na ɔdze dza ɔwɔ nyinara hyɛɛ Josef ne nsa; nna noara nnyim dza ɔwɔ no hɔ gyedɛ edziban a ɔnoara dzi. Nna Josef no ho yɛ fɛw, na n’enyim wɔ nyam.

Na efiadzehwɛfo no dze adaduafo a wɔwɔ efiadze hɔ no nyinara hyɛɛ Josef ne nsa; na biribiara a wɔyɛɛ no wɔ hɔ no, ɔnoara na ɔhwɛe.

Na Josef no wura faa no dze no kɔtoo efiadze, beebi mbrɛ ɔhen n’adaduafo gu no: na ɔdaa efiadze hɔ. Na EWURADZE dzii Josef n’ekyir, na ɔdoom no, na ɔmaa onyaa efiadzehwɛfo no n’enyim enyimnyam.

Na ɔbaa dɛ iyinom ekyir no, no wura ne yer no dze n’enyi sii Josef do; na ɔsee dɛ, Enye me nda. Na ɔpowee, na ɔsee no wura ne yer no dɛ, Hwɛ, mo wura nnyim dza ɔwɔ mo hɔ wɔ fie ha, na ɔdze dza ɔwɔ nyinara ahyɛ me nsa; obiara nnyɛ kɛse nnkyɛn me wɔ fie ha; nkyii so ɔnnkam me biribiara ka wo ho, osiandɛ eyɛ ne yer: na ɔbɛyɛ dɛn na mebɛyɛ emumuyɛ kɛse yi, na mayɛ bɔn etsia Nyankopɔn?

Na ɔbaa dɛ aber yi mu no ɔkɔr fie hɔ dɛ ɔrekɛyɛ n’edwuma; nna fie no mu nyimpa no mu biara nnyi hɔ na basia no suoo n’atar mu, dɛ, Enye me nda: na Josef gyaa n’atar no wɔ ne nsamu, na oguanee puei.