Luka 6 Popüler Kutsal Kitap Ayetleri

Paylaş

paskani, ndipo kupaskikenge kwaku imwe; mweso weneko, wakusindirika, ndi wakuyungunika, ndi wakufwapuka, ŵapaskenge mu chifuŵa chino chifukwa ndi mweso wo mutese, wesekiyenge so kwaku imwe.”

Munthu wamampha mu mbiku yamampha ya mtima wake watomu cho nchamampha; ndi mheni nayo mu uheni watomu cho nchiheni: pakuti vyakutuwa mu ufurwi wamu mtima, mlomo wake urongoro.

Kweni muŵanje ŵamawongu ŵinu, ndipo ŵachitiyeni umampha ndi ŵalambiskeni kwambura kugomekezgako kanthu; ndipo mphoto yinu yiŵenge yikuru, ndipo mukaŵanga ŵana ŵa wamdengwendi: pakuti iyo ngwamampha ku ŵambura-kuwonga ndi ŵaheni.

Muŵe ŵalisungu, ulaka nge mba Uskemwe mbalisingu.

“Mungeruzga cha, ndipo kuti mweruzgikenge awa, ndipo mungasuska cha, ndipo kuti mususkikenge awa; fwatuwani, ndipo mufwatulikenge

“Kweni ndikuneniyani mwaŵakuvwa, muŵanje ŵamawongu ŵinu, chitiyani umampha wo ŵakukutinkhani, tumbikani wo ŵakutembani ŵarombiyeni wo ŵakuparamulani.

Ndipo uli ndimo mukhumbiya kuti ŵanthu ŵachitiye imwe, namwe so chitiyani iwo kwakulingana.

Ku wakukupuma pa dakama, mpaske linyake so; ndipo ku wakupoka chivwinkhu chako ungakaniriya cha munjirira wo so. Paska kwaku yose wakukupempha, ndipo ku wakupoka vyako ungafumbako so cha.

“Chifukwa palive muti wamampha wakupasa chipasi chakuwo; chingana ndi muti wakuwo wakupasa chipasi chamampha.

Chifukwa muti umoza ndi umoza uziŵikwa ndi chipasi cha weneko. Chifukwa ku minga kuti ŵayorako nkhuyu cha, chingana nkhuti ku kankhandi ŵakunkhako mphereska cha.