Mataayo 12 Popüler Kutsal Kitap Ayetleri

Paylaş

No-bhoheene nkobhatëëbhya igha, rono Waryobha arebhotorra abhantö ibhiina ibhyabho, abhantö mbariruusya amasaabhu agha amangʼana ghano bhaaghamba, ghano ghataana ubhwera. Ko bhoora Waryobha narekobhotorra ikiina okorengʼaana na amangʼana ghano waaghamba. Hano oraanyoore igha amangʼana m-maiya waaghamba, m-buuya arekobhotorra ikiina. Kasi hano oraanyoore igha na-mangʼana amaghogho waaghambanga, m-boghogho arekobhotorra ikiina.”

Bhëënyu m-baghogho mörë kya sinshoka, iyakë moraakore moghambe amangʼana amaiya? Ko bhoora ni-igha, keno ömöntö akoghamba, m-monkoro iyaaye kikurwa.

Ömöntö uwa heene, nkoghamba arë amangʼana amaiya ghano gharëngë mo-nkoro iyaaye. Kasi ömöntö omoghogho, nkoghamba arë amangʼana amaghogho ko bhoora ngo gharëngë mo-nkoro iyaaye.

Ku bhuyö mwitegherre mbatëëbhi, Waryobha naryabhera abhantö bhano bhakosarrya bharikyabho, handë okobhatoka. Kasi Waryobha, taryabhera abhantö bhano bhakotoka Umwika uwa Waryobha.

Yëësu akaghëndërrya okoghamba igha, “Ömötë umuuya, sehagho isyako syonswe ni-nshiiya. Kasi ömötë omoghogho, sehagho isyako syonswe ne-ngogho. Ku bhuyö ömötë umuuya handë omoghogho, nkoghomanyera örë ko-sehagho isyako.