Ruuka 17 Popüler Kutsal Kitap Ayetleri

Paylaş

Kimwi Yeesu ˆnaabhwira omuunu uyo ati, “Yambaara, ugende ewaawo, obhwikirisha bhwawo nibhwo bhwakwerusha.”

Na aakakukayira manga mungati ku-rusuku rumwi, nawe ˆnaasubha ku-awe ˆnaaika ati, ‘Nuunyaabhire nitakyasubhira kweki,’ woone nuumwabhire!”

Owumwi weebhwe, bhunu ꞉aarorere ati aamarire okuwosibhwa, kimwi ˆnaasubha ku-Yeesu, enu ˆnaagungyaga Nyamuwanga aamuuye obhuraka. Bhunu ꞉aayikire ku-Yeesu, ˆnaagwa bhwifumbike imbere ku-maguru ga Yeesu, enu ˆnaamukumyaga. Omuunu uyo, ꞉aariga ari Musamaariya.

Mmbe, mwiyangarire. Omuyiiri waawo akakukayira, nuumugonye, akakuungwa ˆnaanuga ebhikayo bhyaye, umwabhire.

Yeesu ˆnaaika ati, “Ndora abhaanu ekumi bhaawosibhwa bhoone kutyo! Woori, abhandi kenda bhari aaki?

Yeesu ˆnaabhasubhya ati, “Raabhe mukabheeye na obhwikirisha bhutooto rwa akabhibho ka iiyaradaari, mukaturire okubhwira riikuyu rinu ati, ‘Iiyika anu uyambwe mu-nyanja!’ Riikuyu rikabhoonguuywe.”

Omuunu akeenda okuwonʼya obhurame bhwaye omwene, aribhubhusha. Nawe, omuunu akabhusha obhurame bhwaye, uyo niwe aribhuwonʼya.

Yeesu ˆnaabhwira abheeyigira bhaaye ati, “Amangʼana ga okuyabhya abhaanu gariija. Nawe garimunyoora omuunu unu arigareeta! Omuunu akayabhya owumwi mu-bhatooto bhanu, ˆnaamukora akore ebhikayo, eesire bhamubhoyere orubhuyi mu-bhikya, bhagende bhamusikye ebhusibha!

“Rwa kutyo amangʼana ꞉gaabheeye ku-nsiku gya Noowa, nikwo kutyo garibha ku-nsiku gya okusubha kwa Omwana wa Adaamu. Ku-nsiku gya Noowa, abhaanu ꞉bhaariga mbarya na okunywa, mbagabhura na okugabhurwa, okuyikira anu Noowa ꞉eengiriiye mu-meeri. Kimwi, ingubha niigwa nyafu muno, niita abhaanu bhayo bhoone kutyo.