လုကာ 11 Popüler Kutsal Kitap Ayetleri

Paylaş

သင်တို့​သည် ဆိုးသောသူ​ဖြစ်​လျက်​ပင် သင်တို့​၏​သားသမီးများ​အား ကောင်းသော​အရာ​ကို ပေးတတ်ကြ​လျှင် ကောင်းကင်ဘုံရှင် သင်တို့​၏​အဖ​သည် တောင်းသော​သူတို့​အား သန့်ရှင်းသော​ဝိညာဉ်တော်​ကို ပို၍ ပေးတော်မူ​လိမ့်မည်” ဟု မိန့်တော်မူ၏။

ထို့ကြောင့် သင်တို့​အား ငါ​ပြောဆိုသည်​မှာ တောင်းကြလော့။ တောင်း​လျှင်​ရ​လိမ့်မည်။ ရှာကြလော့။ ရှာ​လျှင်​တွေ့​လိမ့်မည်။ တံခါး​ကို ခေါက်ကြလော့။ ခေါက်​လျှင် ဖွင့်ပေး​လိမ့်မည်။

တောင်းသော​သူတို့​သည် ရကြ၏။ ရှာသော​သူတို့​သည် တွေ့ကြ၏။ ခေါက်သော​သူတို့​အတွက်​လည်း တံခါး​ကို​ဖွင့်ပေး၏။

ယေရှု​ကလည်း “သင်တို့​ဆုတောင်း​သောအခါ ‘အို အဖ… ကိုယ်တော်​၏​အမည်​နာမတော်​အား ရိုသေလေးမြတ်​ကြပါစေသော။ နိုင်ငံတော်​တည်ထောင်ပါစေသော။

အကျွန်ုပ်တို့​အပေါ် ပြစ်မှားသော​သူတို့​ကို အကျွန်ုပ်တို့​သည် ခွင့်လွှတ်​သကဲ့သို့ အကျွန်ုပ်တို့​၏​အပြစ်များ​ကိုလည်း ခွင့်လွှတ်တော်မူပါ။ ဖြားယောင်း​သွေးဆောင်ရာ​သို့ ကျရောက်စေတော်မမူပါနှင့်’ ဟူ၍ တောင်းကြလော့” ဟု မိန့်တော်မူ၏။

နေ့စဉ်​လိုအပ်သော​အစာ​ကို အကျွန်ုပ်တို့​အား ပေးသနားတော်မူပါ။

မျက်စိ​သည် ကိုယ်ခန္ဓာ​၏​မီးအိမ် ဖြစ်၏။ ထို့ကြောင့် သင်​၏​မျက်စိ ကောင်းမွန်​လျှင် သင်​၏​ကိုယ်ခန္ဓာ​တစ်ခုလုံး လင်း​လိမ့်မည်။ သို့ရာတွင် သင်​၏​မျက်စိ​သည် မကောင်း​သောအခါ သင်​၏​ကိုယ်ခန္ဓာ​တစ်ခုလုံး မှောင်မိုက်နေ​လိမ့်မည်။

မည်သူ​မျှ ဆီမီးခွက်​ကို ထွန်း​၍ မြေအောက်ခန်း​၌​ဖြစ်စေ၊ တောင်း​အောက်၌​ဖြစ်စေ ဝှက်ထားလေ့​မရှိ။ အခန်း​သို့ ဝင်လာသော​သူတို့​အလင်းရောင်​ရ​စေရန် ဆီမီးတိုင်​ပေါ်တွင် တင်ထားလေ့​ရှိ၏။