ရှင်မာကု 16 Popüler Kutsal Kitap Ayetleri

Paylaş

ကိုယ်တော်က “ဤကမ္ဘာလောကအနှံ့အပြားကိုသွား၍ လူသားအပေါင်းတို့အား မင်္ဂလာသတင်းကောင်းကို ဟောကြားကြလော့။

ယုံကြည်သောသူအပေါင်းတို့သည် ငါ၏အမည်နာမကို အမှီပြု၍ မကောင်းဆိုးဝါးအပေါင်းကို နှင်ထုတ်ဖယ်ရှားခြင်း၊ ထူးခြားသော ဘာသာစကားကို ပြောဆိုနိုင်ကြခြင်းများအပြင် ထိုသူတို့သည် မြွေကို ကိုင်ထားလျှင်သော်လည်းကောင်း၊ သေစေနိုင်သောအဆိပ်ကို သောက်သော်လည်းကောင်း ဘေးအန္တရာယ် ကျရောက်မည်မဟုတ်။ ထိုသူတို့သည် နာမကျန်းသူတို့၏ကိုယ်ခန္ဓာပေါ် သို့ လက်ကို တင်လိုက်ရုံဖြင့်ပင် ရောဂါများ ပျောက်ကင်းသွားစေရန် လုပ်နိုင်ကြခြင်းဆိုသည့် အံ့ဖွယ်နိမိတ်လက္ခဏာများစွာကို လုပ်ဆောင်နိုင်ကြလိမ့်မည်” ဟူ၍ မိန့်တော်မူလေ၏။

ယုံကြည်၍ ရေနှစ်မင်္ဂလာခံယူကြသည့်သူအပေါင်းတို့ကို ဘုရားရှင်သည် ကယ်တင်တော်မူမည်ဖြစ်၍ ယုံကြည်လက်ခံခြင်းမရှိသည့်သူအပေါင်းတို့သည် ဘုရားရှင်၏ပြစ်ဒဏ်စီရင်ခြင်းကို ခံကြရလိမ့်မည်။

တပည့်တော်တို့သည်လည်း ဂျေရုဆလင်မြို့မှ ထွက်ခွာလာကြပြီးနောက် အရပ်ဒေသအသီးသီး၌ ဟောပြောကြ၏။ သူတို့သွားလေရာ အရပ်ဒေသအသီးသီးတွင် ကိုယ်တော်ယေရှုသည်လည်း သူတို့အား မစတော်မူ၍ အံ့ဖွယ်အမှုများ ပြုစေတော်မူခြင်းအားဖြင့် နှုတ်ကပါတ်တရားတော်သည် စစ်မှန်ကြောင်းကို လူတို့အား ပြသစေတော်မူ၏။

သို့သော် ထိုလူငယ်က “မကြောက်ကြနှင့်၊ လက်ဝါးကပ်တိုင်ပေါ်တင်၍ ကွက်မျက်ခြင်းခံရသည့် နာဇရက်မြို့သား ယေရှုကို သင်တို့ရှာနေကြသည်မဟုတ်လော။ သူသည် အသက်ပြန်ရှင်ခဲ့ပြီဖြစ်၍ ဤအရပ်၌မရှိတော့ပေ။ အလောင်းတော်ထားရှိသည့် နေရာကိုကြည့်ကြလော့။

သင်္ချိုင်းဂူရှိရာအနီးသို့ ရောက်ရှိလာသောအချိန်တွင် လှမ်းကြည့်လိုက်ကြရာ သင်္ချိုင်းဂူပေါက်ဝရှိ အလွန်ကြီးမားသော ကျောက်တုံးကြီးအား တစ်စုံတစ်ယောက်သည် အခြားနေရာသို့ လိမ့်၍ရွှေ့ထားပြီးဖြစ်နေသည်ကို တွေ့ကြရ၏။ ထို့နောက် သူတို့သည် သင်္ချိုင်းဂူအတွင်းသို့ ဝင်ကြရာ ဝတ်ရုံအဖြူဝတ်ဆင်ထားသော လူငယ်တစ်ဦးအား သူမတို့၏ညာဘက်၌ ထိုင်နေသည်ကို တွေ့လိုက်ရသဖြင့် သူမတို့သည် အလွန်အံ့ဩသွားကြ၏။