oRoma 1 Popüler Kutsal Kitap Ayetleri

Paylaş

Nyya yiweyi ko oshu neshi mani lo, ikweyi koni owoshu ko Owuso la ko ngmase kpiri ni kyogwu kpanu ni; do Oyahuda ikyikyo, ome awase ko yahuda lo.

Koni ipu ko oshu neshi ayoza neshi ni bwebe ko Owuso ni gwa tese, oza neshi ni bwebe kotuse bwikyikyo gogwejeji ni. Byoni ayitota mo, <<Aseneshi ya yagye kpotuse la.>>

Bwo kwagye kese mani oshi ko Owuso ni iyi kasuse ya ma lo ni, oshu nu ko gbogbo-gbogbo kpo oyi nu ko Owuso akwobonu ma bwebe ko oza ni oya ni, shini asuse naka gbo nyepwo ko ojije lo.

Koni agyo Owuso ni, atela ko danu abokpa ko Owuso, ake shotunehe danu lo, omoma ko otuwa ke woyeye kweyi otu wa ni wikyo ni dibu.

Ayokwokwoshi ko Owuso pya wokame; kweyi ki ba geyagye dawoza ni Owuso ya ni sho Owuso ni yuwa ni abi nu, niye shosha kpiri wakakanu ko gbogbo-gbogbo ni! Nalemani.

Anya ko Owuso sa bwi iso ikweyi kasuse ni ba gboso Owuso lo ni kpo ozalabi ka asuse ni ba yo kwokwoshi gwu kpo ozalabi wa ni.

Ikweyi koni, Owuso shuwa bita ipu ko mehe kozalabi ni ya tuwiweyi ni. Anya wa yoza ni Owuso ya ni pya bwebe ko gbotagye kpanya byawa. Mamani ango yoza ni Owuso ya ni pya bwebe ko mehe kango byawa. Ango ba gbotagye kpango byawa, kweyi apyabola kozalabi wa. Ikweyi koni, ama moshoshi ko gyo Owuso lo, Owuso shuwa bita kpo otulabi, ko yoza ni ashu ko ya lo ni.

Aba kamo awa ziyi, ake wikyo la kweyi atela ko geyagye do Owuso ni ya gekwu lo ni dawoyi ni, ageyagye dawoza ni ayuwa le bya asuse kpawigbano kpawebe kikyashi kwe awebe ni ba pyipu agye ba gekwu ni.