oRoma 5 Popüler Kutsal Kitap Ayetleri

Paylaş

Owuso ke shiyaha imu yoya nu nwashika, bwishi ni aha tayayo bipu ko ozalabi ka aha ni, Okristi gekwu abishi kaha!

Iyitagye mani ke ya gbaha owuru lo, byoni Owuso pyashu ki imu yoya nu shipu kotu kaha byinyo ki ishu ni ya pope bwebe ko Omaku Sere ko Owuso ni odaha ni.

Olema kin lalo, aha ki ba shotunehe ipu ko owe moma kaha, ikweyi koni aha gye mo owe moma ya yaha ba zotu, Owuso yaha zotu tahabo ko yoza neshi, kweyi oza neshi ya daha iyitagye.

Byoni abani, daha ni amiyinyinyi kaha bwebe kotuse ni, aha gbotumene kpo Owuso bwebe ka Adole Oyesu Okristi, Bwebe nu pini aha pyeshi ni aha banu mani bwebe kotuse kaha la. Kweyi aha ba shotunehe ipu kiyitagye ki igyashi ko Owuso!

Ala ma, ipu kishi neshi, ishini aha gboshu lo ni, Okristi gekwu ikweyi kase ni gyo Owuso lo ni.

Byoni bwebe koyi nu ayaha na sere ni, ikwu nu ngmaha shanya ko Owuso!

Koni bwebe kase oye ni lagbiti ni ayase nwashika ya wawino yozalabi, mamani, bwebe kase oye ni geyagye ni ayase nwashika ya wase neshi.

Oke lema ni kin lalo, aha ki ba shotunehe ipu ko Owuso bwebe ka Adole Oyesu Okristi, anu ni yaha woya kpo Owuso ni.