MATIEE 'BƆGƲ 19 Popüler Kutsal Kitap Ayetleri

Paylaş

'N Zezwi jua-a -gömö yɩlɩ, ɔ nɛ naa: “Nɩkpaa de ɩ 'tɛ-a 'mö, -Lagɔɔ -nɩ de, -lu 'nɩ 'mö 'tɛ-ɛ.”

-Bhaa do'o wa'a-a 'mö 'sɔ -wʋ, nɩkpɛ -bhlʋ wa glɩnɩ -bha. Ɩ yɛ -ɩ -Lagɔ gëna, nɩkpɛ 'na-a -sanɩɩ 'ji -nɩ.”

Zezwi nɛ: “Wɛlɩköbhë -a 'cɛlɩɔ-ɔ -ma -Lagɔwɛlɩɛ 'bɔgʋ 'mö -a gba-a naa: 'Pɩɛ tɛnɩde, -Lagɔ nʋ nyɩbhɛlʋ -yɛ 'nglɔ 'sɔ nɛ, a 'nɩa-a zɛlɩ 'nɩ-ɩ? Ɩ yɛ nyɩbhɛlʋ ji-a ɔ -tɩbha -yɛ ɔ -da 'sɔ yawʋ 'bhö-öö, ɔ -yɛ ɔ 'nglɔ 'sɔ 'yɛ yawʋ nyininyininɩ, wa 'yɛ nɩkpɛ -bhlʋ zʋ.

Zezwi nɛ: “A 'tati 'gwiekikie 'ji wa ka'a yawʋ ji, a 'na-a -sʋa 'yuo -nɩ. -Wʋʋ yɛ-a, wa swɩ'ɩɛ nɩkpa ji-e -ma -Lagɔɔ nyininyinipɩ 'wʋ möö.”

Nɩkpa -wa -gaa -zɩnɩ'ɩ 'yu-o, wa -bɛ ji-a nimï 'plɩnɩɛ, -wa tʋnʋ-a -zɩnɩ'ɩ nimï-ë, wa -bɛ ji-a 'yu 'plɩnɩɛ.

Ɩ yɛ nɩkpɛ -mɔ -yɛ na 'nglɩ 'mö ɔ 'ligbë, ɔ -kosu 'jie nɩkpa, ɔ -dagwienyɩbhɛlɩgwie, ɔ -dagwienglugwie, ɔ -da, ɔ -tɩbha, ɔ 'nglɔ, ɔ 'gwie, ɔ -budi -yɛ ɔ 'lagblie 'sɔ -bha tɩ-ɛ, ɔ ji ɩ -gɔpöö -bebe ghlɩ, 'n ɔ 'yɛ-a -bha -gömö 'kɔgwlɛpɩ ghlɩ.

Zezwi nɛ -bha ɔ de naa: “-N -yɛ-a 'mö nʋ -n 'yɛ -kpöön 'pɔ-ɔ nʋ-ɔ, mö, -na -li bhuo -n ka-a 'pɩ 'pɛlʋ, -n 'yɛ ɩ mëni 'pʋangwa cɛ dlinɩ. -Bhaa do'o -n ji -ma -Lagɔtapɛ'ɛ 'wʋlʋwʋlʋɛ 'kadɛ ghlɩ. -N -yɛ -sɩbha nʋ 'bhë, ji -n ka'a -ganɩ.”

Zezwi nɛ naa: “'Manɩɛ yɛ -n -jɩbha'a-a -lie -lie yɛ ngli 'nɩ? -Lagɔɔ 'nyize -yɛ-a -luo -lu. -N -yɛ nʋ -n 'yɛ 'kɔgwlɛpɩ ghlɩ nʋ-ɔ, zʋ -bha -Lagɔɔ gbö.”

Sa'a n gba 'yɛ-a naa: -Sʋkʋ 'kadʋ 'yɛ -ma 'sayie -dʋ 'mö 'plɩnɩ, mɩ-ɩ -bhlee-a -fɛ wʋlʋwʋlʋnyɔ 'yɛ -ma -Lagɔɔ nyininyinipɩ 'wʋ möö bhla.”

'Dɩɛ -dɩ n nyɛya -bha naa: Nɩkpɛɛ 'nglɔ nɩ gbʋ yɩlɩ, ɔ -kɔɔ 'kwla -sa, 'bhë ɔ -yɛ nglɔ -mʋmɔ kwa, 'jinyloli ɔ nʋ -bha.”

Zezwi yɩlɩ-a ɔ 'klʋɔ 'mötlɩlɩ-ɛ, ɔ nɛ -bha ɔ 'wʋbhlinɩngwaa de: “'Dɩɛ -dɩ n nyɛya-a naa: Wʋlʋwʋlʋnyɔ 'yɛ -ma -Lagɔɔ nyininyinipɩ 'wʋ möö ji, 'mö ɩ ji-a 'tɛ-ɛɛ.