MATIEE 'BƆGƲ 27 Popüler Kutsal Kitap Ayetleri

Paylaş

-Dudoglie ta nyini-a, 'n Zezwi ji-a 'mö 'kpö, ɔ nɛ: “Eli, Eli, lama sabatani.” Ɩ zɔmö -yɛ-a naa: “-Atʋ -Lagɔ, -Atʋ -Lagɔ, 'manɩɛ yɛ -n tɩ'ɩ-ɛ -bha 'nɩ?”

-Ma -Lagɔbudu 'kadʋ 'mlɩɛ lokwi -ɛ dlinʋ-a 'kïbhï 'sɔ 'mö, 'n ɛ ji-a 'pɩ 'sɔ 'mö wʋlɔ, tɛnɩ -ma ghayɩ -n 'yɛ zɔmö nyini. Dʋdʋkpata tɛlɩ-a, 'n 'kpöa ji-a 'mö wʋlɔ. 'N lesikpï ji-a ngo walɩ, 'n -Lagɔnɩkpa -wa tlɩ la-aa -bɛ ji-a glu 'wlʋ.

'Sɔdo'o Zezwi 'kpö-a 'mö tenyi, 'n ɔ ji-a nyɔmʋ sɛ zʋ.

'Slʋja -wa -wʋ la-a Zezwi ngo -kʋ 'le -yɛ wa 'bhitɩbha 'sɔ yɩlɩ-a dʋdʋkpataa tɛlɩtɛlɩɛ -yɛ -ɩ bhuo-o 'plɩ-a 'sɔ-ɔ, -kakö-ö köbhʋa -bha. Wa nɛ: “'Wuë! Nɩkpɛ -la, 'dɛdɛ'ɛ ɔ glɩnɩ la-a -Lagɔɔ Gu.”

'Ylʋ glɩ jije 'wʋ, 'n 'misikpoko ji-a dʋdʋkpata 'bhuo -gömö köbha, a -sa -bha 'glie ta.

Ɔ nɛ -bha wa de naa: “A nʋ-a n 'sibha Balabasɩ yɛ-ɛ, Zezwi -mɔ wa la-a la'a Puanyɔ -ɔ -Lagɔ -sa-a -bha, sa n jio 'mö-a 'mö köbhaköbhanɩɛ 'nɩ? ” Wa 'bhuo 'kpö-a 'mö, wa nɛ: “Kʋnʋɔ -bha su 'klʋ.” Pilatɩ nɛ: “'Jinylolie -mɩ ɔ nʋ-a 'nɩ?” Ɔ 'jɩbhʋa-a sa'a ngli, 'mɩɛ 'bhë wa kpö-a 'mö tenyi. Wa nɛ: “Kʋnʋɔ -bha su 'klʋ.”