CAWA'TA TUNITA 49 Popüler Kutsal Kitap Ayetleri

Paylaş

Zugulda-mulda jara' as ja goy hiɗi Yuda loɗi, zugulda-mulda ka jakay gaa selem dok-doko, ta-ta hay li ma nam ma yum «Silo» ma co'o, ta-ta sumun ma hum gaa kuɗumu.

Yosef nam ŋray ca ki gu ma goɗna ma san gum goyo nala, gu ma goɗna ma ka goboy tam liyn ma niyn riŋ goyna; ɓalam dab ta-ta kulo bugol gulmunna. Nisi nefemu, nisi gum hiɗi ɓarawta, sa dur ɓarawta kaam gawi.

May diŋ-diŋ ɓarawta valam may geɗ noŋɗi, nam fi donotawa ŋolo kuɗ Ma Gaŋeraŋa vi Yakub, nala nam muɗi mi ma ŋomda, hiɗiyna vi Israyel. Gut kuɗaŋ ɗawni mi lopna vi Lawna vi buŋu, Gi bol kaŋ ɗawni mi lopna vi ma Gaŋeraŋ-Petna. Bolda vi dukalawn kulo'o, Bolda vi niyn gaa'a, bolda kay pona vi boyna hiɗi ziy-goorsiya.

Yuda, guro-biyoŋŋa ma tiyaŋ seŋu. Sa gaw kaŋŋa naŋ ma tun ɓaŋ kuɗ jaksiya, gurona vi buŋ ma girif gaa vokaŋu. Yuda nam mi zlon ma joriyo'o, naŋ may goy digiɗ muur pa, goora vanu; nam kus ŋulofom gaa'a, bur gaa'a ki zlon nala, ki zlo tancat nala, sa ma as fokom kulo'o mi gige?

Ruben, naŋu, goora van ma vuɗi jewna, donota vanu hiɗi vun-jaf ma jewna vi gaŋeraŋa vanu, naŋ suw kafe hiɗi gaŋeraŋa, naŋ suw kafe hiɗi donota, naŋ gi tirwisi ki niyn nala, may ŋolda vaŋ ma suw segenɗi, kay naŋ jik kulo'o hay liyn ma buura vi buŋu, naŋ muɗ liyn ma buura van liwisi hay li ma naŋ jik kulo hayamu.