SHURAI 6
6
Deiphao Mainou Vah Ashi Souyu
1Deiphao hi maitya krapa loua nahnaotu maikhe hrükou loukhaie, 2Ramai vei nahpoutu maitao#6.2; 6.4 Ramai vei nahpoutu maitao; moa rakiva maitao; moa ramaitao vei nahpoututao. nou deiphao mai naotu-loukhe hüvei shoyu zhingaolou khaie lah kukunou jüpa doloua naloure. 3Süthaisü Mapao nou paoe, “Arako hai deiphao mai hi panou teisa bulai more, daiolouzü puhsü vahsou pfüyu vanou alia puhsü po 120 jünou lah-a panou hrülai more.” 4Sükisü alia süthailo-a deiphaomai naotulou ae Ramai nahpoutu maitao#6.2; 6.4 Ramai vei nahpoutu maitao; moa rakiva maitao; moa ramaitao vei nahpoututao. nou koloua nalouyu Nephilim touyu maikhou tya deiphao hi hrüe. Haimai tyasü dao raiki zhih tashoyu rapfühchi pfüyu maie.
5Deiphao hi maikhe mainou hrüzüyu ae puletao lekhe hisü tsü sheemoyu khaikho chokoutea buyu Mapao nou zhingaolou khaie, 6Puhnou deiphao maiye souloua deiphao hi khaipeiyu vanou vamo sholoua le veare. 7Südonou Mapao nou paoe, “Enou soukhai touyu mai alia soukhaona, pounou roua tayu khaona, teihi raohou haitao hrülai hai souhawulai, daiolouzü puletaoye soukhai touyu hai E le veare.” 8Ana Noha toulouzü Mapao nou khuleshi loue.
Noha
9-10Haina hai Noha vei ko-e. Puh hai nahpoutu asü bue, Shem, Ham ae Jepheth. Puhsü chaa hayu ae cheche shoa hrüyu mai alie ae puh hai Ramai ye koa hrüe. 11Ana deiphao mai hrülai nou Ramai nghoujü hinou ashi soukhai toure alia deiphao hi bürarouyu hainou phoukhare. 12Ramai nou deiphaomai zhuyu phaki, ashi khaikho nou zhingao-a baire, daiolouzü mai hrülai nou vah ashi soua bubaire.
13Ramai nou Noha hisü paoe, “Maihrü hai deiphao haina nou koa souha khailaire tea Enou lelah loure, daiolouzü deiphao haihi taidayu ae ashi souyu hainou phoukha loure. 14Neye donou Gopher süünou sakhao daolouwo, kide khadelo, ae phaovai levai hai teichidzü (kolas) nou myalouwo. 15Nenou sakhao nasü haibüa soulo: Sah shoyu mitar 133, jha nou mitar 22, ae kuyu hainou mitar 13 nou soulo. 16Sakhao nahisü vabomü phalo alia vabomü ae thea ko hisü sentimitar 44 khailo; teikouna, peina ae peikhana tea kikha sho asü soua dadelo ae sütao thea hinou kikhu alili phalo. 17Daiolouzü zhukhaio hrikhaona hrülai souhawure donou Enou deiphao hi dzüdu seikoulai. Deiphao hi hrikhaona hrülai thai khailai. 18Ana Enou ne hi vo soukhai peilai, ne, ne chapfü, ne nahpoutu maitao ae puletao vei chapfütao koa sakhao hi taloulowo. 19Hrikhaona hrülai- reikeli, reijüli, nüli pouli, ahai-hai neye koa hriloure donou pothoulo. 20Tya kukuyu khao shirina ahai-hai panou hriloure donou sakhao hi pothoulo. 21Neletao nou alia sütao nou toure touso tya veishi pothou jükhailo.” 22Ramai nou kharochi peiyu teitei hai Noha nou souloue.
Seçili Olanlar:
SHURAI 6: POUMBSI
Vurgu
Paylaş
Kopyala
Önemli anlarınızın tüm cihazlarınıza kaydedilmesini mi istiyorsunuz? Kayıt olun ya da giriş yapın
Poumai Naga Bible - SHEEYU BAIBEL
Copyright © 2009 by The Bible Society of India
Used by permission. All rights reserved worldwide.
SHURAI 6
6
Deiphao Mainou Vah Ashi Souyu
1Deiphao hi maitya krapa loua nahnaotu maikhe hrükou loukhaie, 2Ramai vei nahpoutu maitao#6.2; 6.4 Ramai vei nahpoutu maitao; moa rakiva maitao; moa ramaitao vei nahpoututao. nou deiphao mai naotu-loukhe hüvei shoyu zhingaolou khaie lah kukunou jüpa doloua naloure. 3Süthaisü Mapao nou paoe, “Arako hai deiphao mai hi panou teisa bulai more, daiolouzü puhsü vahsou pfüyu vanou alia puhsü po 120 jünou lah-a panou hrülai more.” 4Sükisü alia süthailo-a deiphaomai naotulou ae Ramai nahpoutu maitao#6.2; 6.4 Ramai vei nahpoutu maitao; moa rakiva maitao; moa ramaitao vei nahpoututao. nou koloua nalouyu Nephilim touyu maikhou tya deiphao hi hrüe. Haimai tyasü dao raiki zhih tashoyu rapfühchi pfüyu maie.
5Deiphao hi maikhe mainou hrüzüyu ae puletao lekhe hisü tsü sheemoyu khaikho chokoutea buyu Mapao nou zhingaolou khaie, 6Puhnou deiphao maiye souloua deiphao hi khaipeiyu vanou vamo sholoua le veare. 7Südonou Mapao nou paoe, “Enou soukhai touyu mai alia soukhaona, pounou roua tayu khaona, teihi raohou haitao hrülai hai souhawulai, daiolouzü puletaoye soukhai touyu hai E le veare.” 8Ana Noha toulouzü Mapao nou khuleshi loue.
Noha
9-10Haina hai Noha vei ko-e. Puh hai nahpoutu asü bue, Shem, Ham ae Jepheth. Puhsü chaa hayu ae cheche shoa hrüyu mai alie ae puh hai Ramai ye koa hrüe. 11Ana deiphao mai hrülai nou Ramai nghoujü hinou ashi soukhai toure alia deiphao hi bürarouyu hainou phoukhare. 12Ramai nou deiphaomai zhuyu phaki, ashi khaikho nou zhingao-a baire, daiolouzü mai hrülai nou vah ashi soua bubaire.
13Ramai nou Noha hisü paoe, “Maihrü hai deiphao haina nou koa souha khailaire tea Enou lelah loure, daiolouzü deiphao haihi taidayu ae ashi souyu hainou phoukha loure. 14Neye donou Gopher süünou sakhao daolouwo, kide khadelo, ae phaovai levai hai teichidzü (kolas) nou myalouwo. 15Nenou sakhao nasü haibüa soulo: Sah shoyu mitar 133, jha nou mitar 22, ae kuyu hainou mitar 13 nou soulo. 16Sakhao nahisü vabomü phalo alia vabomü ae thea ko hisü sentimitar 44 khailo; teikouna, peina ae peikhana tea kikha sho asü soua dadelo ae sütao thea hinou kikhu alili phalo. 17Daiolouzü zhukhaio hrikhaona hrülai souhawure donou Enou deiphao hi dzüdu seikoulai. Deiphao hi hrikhaona hrülai thai khailai. 18Ana Enou ne hi vo soukhai peilai, ne, ne chapfü, ne nahpoutu maitao ae puletao vei chapfütao koa sakhao hi taloulowo. 19Hrikhaona hrülai- reikeli, reijüli, nüli pouli, ahai-hai neye koa hriloure donou pothoulo. 20Tya kukuyu khao shirina ahai-hai panou hriloure donou sakhao hi pothoulo. 21Neletao nou alia sütao nou toure touso tya veishi pothou jükhailo.” 22Ramai nou kharochi peiyu teitei hai Noha nou souloue.
Seçili Olanlar:
:
Vurgu
Paylaş
Kopyala
Önemli anlarınızın tüm cihazlarınıza kaydedilmesini mi istiyorsunuz? Kayıt olun ya da giriş yapın
Poumai Naga Bible - SHEEYU BAIBEL
Copyright © 2009 by The Bible Society of India
Used by permission. All rights reserved worldwide.