LUK 1
1
Tin u boyna vi Luk
1Bananna Tewfil, suuna bolow ɓii tlesuu li ay jew dukuygina. 2Hu magaa masira asi ɓakaygi kay dlara aygi humuɗ fun suu wi tle asina ay u irisi fok jewna, sunda kosira ni a di boy ma vi Lonna. 3Cecemmi an may ni fi eŋga a hal u dla mayra li ay fok jew ndaɗta. Na may ni irin jivira a an ɓiiriŋsina ha ki dew dew halaŋ. 4An laɗ ni, a aŋ wi u tlesuu aŋ haɗasi ay ki fok jewna ana ni gasiya.
Sa sunda di ki kay dla vuɗta vi Jaŋ ma mbus batemma
5Hu basara Herod ay a mulna vi suu Yudena ni, sa li ɓivunna sem ana Zakari, nam u ndarayamma ni suu vi Abiana. Caamba yaɗ ana Elisabet. Ndaɗ ni hu njafna vi Aaron, mul ŋgol ma li ɓivunna. 6Asi ni suu ɗegeena. Asi hum u gaɗta vi Lonara halaŋ lay. 7Goo ka kosiɗi. Elisabet ka vuɗɗi asi mbuɗ ki maara bay vuɗa.
8Faɗta dew Zakari a li ɓivunna maŋ Lona, ŋguyra mba ni kam u suu mamsina. 9U gaɗta vi suu li ɓivunna ni asi ŋgaɓam a ŋgal mbul ma his fayatna hu Ziŋ Lonara. 10Nam ŋgal mbul ma his fayatna na ni suuna moli bunsu cen Lona may. 11Sa sunda huulona ndi ki ii Zakari. Nam coli hu givin ma togolla bik njufna hu lii ŋgal mbul ma his fayatna. 12Zakari wam na ni tam dlaka, mbuɗ ki ndaana. 13Sa sunda huulona dam ana, «Li ndaaɗi Zakari. Lona humuŋ cen maŋga ha wa. Caaŋga Elisabet hin vuɗ goona. Aŋ hin tinim sem ana Jaŋ. 14Aŋ hin li furira ŋgol cocoo. Suuna hin furi kay vuɗ mamba coco lay. 15Nam hin mbuɗ sa ŋgolna ii Lona. Nam hin ka ci summaɗi lay. Hu buu ma nam vuɗ kina, Musuk Lonara hoɓom ay ki hu sum day. 16Nam hin holoŋ ii goryoŋ Israelna ay coco eg Lona mul masina. 17Lona hin ɦam Musuk mamba a tuɗ fokom u saɓak ma vi sa jok vun Lona Elie. Nam taɓ duk suu ŋgolona u goryosi dew. Suu hurusi cona mbuɗ ki ɗegee, nam hin min huu suu njaf ma vi Lonna ki jiviya.»
18Zakari di sa sunda huulona ana, «Dla ndaɗta hin li ni ana mege? Ami u caanda ki maa may ni ge?» 19Sa sunda huulona dam ana, «Ni an Gabriel ma col ay fok Lona a lam sun mambana. Nam gan ay ni a daŋ Boy ma Ayra kiyo. 20Aŋ tin huruŋ ka kay boy nammaɗi ni, aŋ hin mbuɗ ki ndumuwa. Vunuŋ hin mal ki ni falira goroŋŋa hin a vuɗ kira tuwa.»
21Suu moli a juɓumma saa ana nam kak karam kalafi na ni nanage? 22Nam kal ay ki wanni, ka ɓakasi oloɗi. Suu molina wi ana va ndi ay ki irim hu Ziŋ Lonara wa. Nam dasi u komu, vunum ka ɓakgi.
23Zakari daɓ sunda daɓmi, kal ay ki tuɗ voo. 24Ŋgoo daganni Elisabet hin vi wiina gaw. Ndaɗ ŋgay taɗ li tilna vadl. Ndaɗ di ana, 25«Gola ni dlara Bu Suuna landa egenda. Nam min a tlan zolona ki kan duk suuna u ndaɗta.»
Sa sunda di ki kay dla vuɗta vi Yesu
26Hu til ma karkiyana Lona sun sa sunda huulona aya, yam ana Gabriel, hu zi ma Nazaretna. 27Vo vi go tamara yaɗ ana Mari. Sa ɗumuɗna sem ana Yosef. Ni hu njafna vi mulna David. 28Sa sunda huulona kal varaɗu daɗ ana, «An gak deɓpa Mari, ndakŋi goora Lona lak jivira egekka. Bu Suuna ka u ndaku.» 29Mari mbuɗ ndaana ko boy namma, Ndaɗ joɓ taɗ ana u gi deɓ ndaɗta ni ana mege? 30Sa sunda huulona daɗ ana, «Li ndaaɗi, Mari. Ndak fi jivira fok Lona wa. 31Ndak hin vi wiina, hin vuɗ goona, tinim sem ana Yesu. 32Nam hin mbuɗ ŋgola. Asi hin yam ana Goŋ Lona ma Kolona. Bu Suuna hin kakam a mulna balam bum David. 33Nam hin li ni a mulna kay suu Israelna gak gak, mul mamba ka daɓ kiɗi.»
34Mari di sa sunda huulona ana, «Dla ndaɗta hin li ni ana mege? An ka buu u saa njufi may ni ge?»
35Sa sunda huulona daɗ ana, «Musuk Lonara hin mbay kaku, saɓak ma vi Lo ma kolona hin kuluɓ ki kak ko ŋgussa na. Goo ma ndak hin vuɗumma suuna hin yam ana Goŋ Lo ma gasina. 36Wayakka Elisabet suuna di kaɗ ana ndaɗ ni cara bay vuɗa, ndaɗ li tilna ki ca ni karkiya u wiina. 37Va dum Lona kaɗi.»
38Mari hin di ana, «An hin ni goora li sunda maŋ Lonara, dlara nam a landa egenda li ay ko aŋ dira na.» Sa sunda huulona gi tam hiniɗ gaw.
Mari mba gol Elisabet
39Hu li namma Mari tuɗ zak zak hu mbassa ɦinira yaɗ ana Yude. 40Ndaɗ kal hu ziŋ Zakarina, gi deɓ Elisabet. 41Ndaɗ Elisabet hum deɓpa vi Mari na ni, goona gijaŋ ŋgen tam huruɗ gaw. Musuk Lonara oy ki hu Elisabet. 42Ndaɗ sawalla kolo eŋga ana, «Lona ɦak ŋgolla a su ndarayak boyogina halaŋ. Saɓak mamma ka eg goo ma ndak vuɗumma lay. 43An na ganak may ni, ndak su Bu Suu manna mbay ki varan ni nanage? 44An humuk deɓ makka na ni, goron ma hurunna gijaŋ furira ŋgen tam gaw. 45Furira ka kaku kay ndak hum u boy ma Lona dakŋana.»
Mari gi soolla furira
46Mari di ana,
«An geleɗ Lon Bu Suuna
47hurun oy u furira kay Lo ma suɗta.
48Nam wi hahaw goomba sunda,
cecemmi suuna halaŋ hin furiyunu.
49Kay saɓakŋa vi Lona ma sem tiina
lan dlara ŋgolla egenu.
50Nam hurum haɗ kay suu hum umma.
51Nam tak saɓakam ki u komu,
nam njay suu ŋga tasina kiyo.
52Suu kaki kolona
nam dikisi ki kaŋgaa.
Suu kaki kaŋgana
nam jokosi ki koloo.
53Suu mayra casina
nam hoɓosi kiyo,
suu begera nam dikisi ki
u kosi ma vadlna.
54Nam njun suu mam suu Israelna,
humum ka maa kay jivira nam lasiraɗi.
55Maŋ Abraham u njafam na
gak gak ko nam di ay ki maŋ somoyoygi suu jewna na.»
56Mari kak vi Elisabet va ma til hindi, hin hoŋ vo tuwa.
Vuɗta vi Jaŋ ma mbus batemma
57Elisabet tiliɗ ma vuɗta ndak ndakŋi, ndaɗ vuɗ goo njufna. 58Suu maɗ suu hu zina u somoyoɗ hum ana Elisabet vuɗ wani, asi taɓ li furira u ndaɗu kay goo ma Lona u jivi mamba ɦaɗna na. 59Hu buu ma kalavandina asi a caw ɗiw goona. Asi min a tinim sem ana Zakari u sem bumu. 60Sum dasi ana, «Ҥawaa. Sem ana Jaŋ.» 61Asi daɗ ana, «Sa ma hu njafak ma yam ana Jaŋ kaɗi.»
62Asi joɓ bum ana, «Aŋ min a yi sem goona ni ana mege?» 63Zakari joɓosi ana ɦam magaara ay nam a ɓiirim sem haa. Nam tinim sem ana Jaŋ. Asi viɗ ki hu dla ndaɗta na dawla. 64Asi gola ni Zakari vunum mal ki gaw. Nam gijaŋ ɓakŋa, geleɗ Lona u delem kolo eŋe. 65Suu hu zina halaŋ mbuɗ ki ndaana. Asi ɓak dlara wanni halaŋ hu mbassa ɦinira yaɗ ana Yude. 66Suu hum boy namma halaŋ gijaŋ saara ana, «Gogoo namma hin mbuɗ ni ko mi nage?» Saɓakŋa vi Bu Suuna ka u nam gasi.
Soolla jok vun Lona vi Zakari
67Bum Zakari Musuk Lonara mbay egem day ni nam gijaŋ di boy ma vi Lonna ana,
68«Geleɗ Bu Suuna,
Lo ma vi suu Israelna.
Nam tin saa mamba
kay suu mamma a suɗusi kira.
69Lona tin saɓak mamma
hu njaf suu vi mulna Davidna
a suɗusi kira.
70Ni boy ma nam dam ay ki fok jew
fun suu jok vun Lonna.
71Nam di ana nam hin suɗuygi ki
ko suu babali maygisina u
suu gonok maygisina lay.
72Nam tak min mamba
maŋ somoyoy suu jewna.
Humum gam kay bana mamba
nam vaɗ u aygira.
73Lona suu tam ay fun Abraham,
buygi ma jewna.
74Nam suɗuygi ki
ko suu babali maygisina,
hin hiniygi a lam sun mamba
bay ndaana.
75A aygi mbuɗ suu ɗegeena
fokom gak gak hu iiri mayra
hu buuna tew tew.
76Aŋ, goonna, aŋ hin mbuɗ ni
a sa jok vun Lo ma kolona.
Aŋ hin tuɗ fok Bu Suuna
a minim voɗ mamba ni aŋ lay.
77A tak maŋ suu mamma ana
nam suɗusi ki
u bulumba bulumusi coosira kira.
78Lona u min mamba
hin kiɗik mamba weleɗ kaygi
ko faɗta na.
79A gi u suu ay ki
duk ndufundana kiyo,
asi suu ay fun maɗnana.
Kay tuɗuy hu voɗta heɓpa.»
80Goona wuli ŋgolo, mbuɗ yal cocoo. Nam kaki bagi gak gak tew hu buu ma nam tak tam ki ii suu Israelna.
Seçili Olanlar:
LUK 1: BMS
Vurgu
Paylaş
Kopyala
Önemli anlarınızın tüm cihazlarınıza kaydedilmesini mi istiyorsunuz? Kayıt olun ya da giriş yapın
Bible Moussey © Bible Society of Chad, 2002.
LUK 1
1
Tin u boyna vi Luk
1Bananna Tewfil, suuna bolow ɓii tlesuu li ay jew dukuygina. 2Hu magaa masira asi ɓakaygi kay dlara aygi humuɗ fun suu wi tle asina ay u irisi fok jewna, sunda kosira ni a di boy ma vi Lonna. 3Cecemmi an may ni fi eŋga a hal u dla mayra li ay fok jew ndaɗta. Na may ni irin jivira a an ɓiiriŋsina ha ki dew dew halaŋ. 4An laɗ ni, a aŋ wi u tlesuu aŋ haɗasi ay ki fok jewna ana ni gasiya.
Sa sunda di ki kay dla vuɗta vi Jaŋ ma mbus batemma
5Hu basara Herod ay a mulna vi suu Yudena ni, sa li ɓivunna sem ana Zakari, nam u ndarayamma ni suu vi Abiana. Caamba yaɗ ana Elisabet. Ndaɗ ni hu njafna vi Aaron, mul ŋgol ma li ɓivunna. 6Asi ni suu ɗegeena. Asi hum u gaɗta vi Lonara halaŋ lay. 7Goo ka kosiɗi. Elisabet ka vuɗɗi asi mbuɗ ki maara bay vuɗa.
8Faɗta dew Zakari a li ɓivunna maŋ Lona, ŋguyra mba ni kam u suu mamsina. 9U gaɗta vi suu li ɓivunna ni asi ŋgaɓam a ŋgal mbul ma his fayatna hu Ziŋ Lonara. 10Nam ŋgal mbul ma his fayatna na ni suuna moli bunsu cen Lona may. 11Sa sunda huulona ndi ki ii Zakari. Nam coli hu givin ma togolla bik njufna hu lii ŋgal mbul ma his fayatna. 12Zakari wam na ni tam dlaka, mbuɗ ki ndaana. 13Sa sunda huulona dam ana, «Li ndaaɗi Zakari. Lona humuŋ cen maŋga ha wa. Caaŋga Elisabet hin vuɗ goona. Aŋ hin tinim sem ana Jaŋ. 14Aŋ hin li furira ŋgol cocoo. Suuna hin furi kay vuɗ mamba coco lay. 15Nam hin mbuɗ sa ŋgolna ii Lona. Nam hin ka ci summaɗi lay. Hu buu ma nam vuɗ kina, Musuk Lonara hoɓom ay ki hu sum day. 16Nam hin holoŋ ii goryoŋ Israelna ay coco eg Lona mul masina. 17Lona hin ɦam Musuk mamba a tuɗ fokom u saɓak ma vi sa jok vun Lona Elie. Nam taɓ duk suu ŋgolona u goryosi dew. Suu hurusi cona mbuɗ ki ɗegee, nam hin min huu suu njaf ma vi Lonna ki jiviya.»
18Zakari di sa sunda huulona ana, «Dla ndaɗta hin li ni ana mege? Ami u caanda ki maa may ni ge?» 19Sa sunda huulona dam ana, «Ni an Gabriel ma col ay fok Lona a lam sun mambana. Nam gan ay ni a daŋ Boy ma Ayra kiyo. 20Aŋ tin huruŋ ka kay boy nammaɗi ni, aŋ hin mbuɗ ki ndumuwa. Vunuŋ hin mal ki ni falira goroŋŋa hin a vuɗ kira tuwa.»
21Suu moli a juɓumma saa ana nam kak karam kalafi na ni nanage? 22Nam kal ay ki wanni, ka ɓakasi oloɗi. Suu molina wi ana va ndi ay ki irim hu Ziŋ Lonara wa. Nam dasi u komu, vunum ka ɓakgi.
23Zakari daɓ sunda daɓmi, kal ay ki tuɗ voo. 24Ŋgoo daganni Elisabet hin vi wiina gaw. Ndaɗ ŋgay taɗ li tilna vadl. Ndaɗ di ana, 25«Gola ni dlara Bu Suuna landa egenda. Nam min a tlan zolona ki kan duk suuna u ndaɗta.»
Sa sunda di ki kay dla vuɗta vi Yesu
26Hu til ma karkiyana Lona sun sa sunda huulona aya, yam ana Gabriel, hu zi ma Nazaretna. 27Vo vi go tamara yaɗ ana Mari. Sa ɗumuɗna sem ana Yosef. Ni hu njafna vi mulna David. 28Sa sunda huulona kal varaɗu daɗ ana, «An gak deɓpa Mari, ndakŋi goora Lona lak jivira egekka. Bu Suuna ka u ndaku.» 29Mari mbuɗ ndaana ko boy namma, Ndaɗ joɓ taɗ ana u gi deɓ ndaɗta ni ana mege? 30Sa sunda huulona daɗ ana, «Li ndaaɗi, Mari. Ndak fi jivira fok Lona wa. 31Ndak hin vi wiina, hin vuɗ goona, tinim sem ana Yesu. 32Nam hin mbuɗ ŋgola. Asi hin yam ana Goŋ Lona ma Kolona. Bu Suuna hin kakam a mulna balam bum David. 33Nam hin li ni a mulna kay suu Israelna gak gak, mul mamba ka daɓ kiɗi.»
34Mari di sa sunda huulona ana, «Dla ndaɗta hin li ni ana mege? An ka buu u saa njufi may ni ge?»
35Sa sunda huulona daɗ ana, «Musuk Lonara hin mbay kaku, saɓak ma vi Lo ma kolona hin kuluɓ ki kak ko ŋgussa na. Goo ma ndak hin vuɗumma suuna hin yam ana Goŋ Lo ma gasina. 36Wayakka Elisabet suuna di kaɗ ana ndaɗ ni cara bay vuɗa, ndaɗ li tilna ki ca ni karkiya u wiina. 37Va dum Lona kaɗi.»
38Mari hin di ana, «An hin ni goora li sunda maŋ Lonara, dlara nam a landa egenda li ay ko aŋ dira na.» Sa sunda huulona gi tam hiniɗ gaw.
Mari mba gol Elisabet
39Hu li namma Mari tuɗ zak zak hu mbassa ɦinira yaɗ ana Yude. 40Ndaɗ kal hu ziŋ Zakarina, gi deɓ Elisabet. 41Ndaɗ Elisabet hum deɓpa vi Mari na ni, goona gijaŋ ŋgen tam huruɗ gaw. Musuk Lonara oy ki hu Elisabet. 42Ndaɗ sawalla kolo eŋga ana, «Lona ɦak ŋgolla a su ndarayak boyogina halaŋ. Saɓak mamma ka eg goo ma ndak vuɗumma lay. 43An na ganak may ni, ndak su Bu Suu manna mbay ki varan ni nanage? 44An humuk deɓ makka na ni, goron ma hurunna gijaŋ furira ŋgen tam gaw. 45Furira ka kaku kay ndak hum u boy ma Lona dakŋana.»
Mari gi soolla furira
46Mari di ana,
«An geleɗ Lon Bu Suuna
47hurun oy u furira kay Lo ma suɗta.
48Nam wi hahaw goomba sunda,
cecemmi suuna halaŋ hin furiyunu.
49Kay saɓakŋa vi Lona ma sem tiina
lan dlara ŋgolla egenu.
50Nam hurum haɗ kay suu hum umma.
51Nam tak saɓakam ki u komu,
nam njay suu ŋga tasina kiyo.
52Suu kaki kolona
nam dikisi ki kaŋgaa.
Suu kaki kaŋgana
nam jokosi ki koloo.
53Suu mayra casina
nam hoɓosi kiyo,
suu begera nam dikisi ki
u kosi ma vadlna.
54Nam njun suu mam suu Israelna,
humum ka maa kay jivira nam lasiraɗi.
55Maŋ Abraham u njafam na
gak gak ko nam di ay ki maŋ somoyoygi suu jewna na.»
56Mari kak vi Elisabet va ma til hindi, hin hoŋ vo tuwa.
Vuɗta vi Jaŋ ma mbus batemma
57Elisabet tiliɗ ma vuɗta ndak ndakŋi, ndaɗ vuɗ goo njufna. 58Suu maɗ suu hu zina u somoyoɗ hum ana Elisabet vuɗ wani, asi taɓ li furira u ndaɗu kay goo ma Lona u jivi mamba ɦaɗna na. 59Hu buu ma kalavandina asi a caw ɗiw goona. Asi min a tinim sem ana Zakari u sem bumu. 60Sum dasi ana, «Ҥawaa. Sem ana Jaŋ.» 61Asi daɗ ana, «Sa ma hu njafak ma yam ana Jaŋ kaɗi.»
62Asi joɓ bum ana, «Aŋ min a yi sem goona ni ana mege?» 63Zakari joɓosi ana ɦam magaara ay nam a ɓiirim sem haa. Nam tinim sem ana Jaŋ. Asi viɗ ki hu dla ndaɗta na dawla. 64Asi gola ni Zakari vunum mal ki gaw. Nam gijaŋ ɓakŋa, geleɗ Lona u delem kolo eŋe. 65Suu hu zina halaŋ mbuɗ ki ndaana. Asi ɓak dlara wanni halaŋ hu mbassa ɦinira yaɗ ana Yude. 66Suu hum boy namma halaŋ gijaŋ saara ana, «Gogoo namma hin mbuɗ ni ko mi nage?» Saɓakŋa vi Bu Suuna ka u nam gasi.
Soolla jok vun Lona vi Zakari
67Bum Zakari Musuk Lonara mbay egem day ni nam gijaŋ di boy ma vi Lonna ana,
68«Geleɗ Bu Suuna,
Lo ma vi suu Israelna.
Nam tin saa mamba
kay suu mamma a suɗusi kira.
69Lona tin saɓak mamma
hu njaf suu vi mulna Davidna
a suɗusi kira.
70Ni boy ma nam dam ay ki fok jew
fun suu jok vun Lonna.
71Nam di ana nam hin suɗuygi ki
ko suu babali maygisina u
suu gonok maygisina lay.
72Nam tak min mamba
maŋ somoyoy suu jewna.
Humum gam kay bana mamba
nam vaɗ u aygira.
73Lona suu tam ay fun Abraham,
buygi ma jewna.
74Nam suɗuygi ki
ko suu babali maygisina,
hin hiniygi a lam sun mamba
bay ndaana.
75A aygi mbuɗ suu ɗegeena
fokom gak gak hu iiri mayra
hu buuna tew tew.
76Aŋ, goonna, aŋ hin mbuɗ ni
a sa jok vun Lo ma kolona.
Aŋ hin tuɗ fok Bu Suuna
a minim voɗ mamba ni aŋ lay.
77A tak maŋ suu mamma ana
nam suɗusi ki
u bulumba bulumusi coosira kira.
78Lona u min mamba
hin kiɗik mamba weleɗ kaygi
ko faɗta na.
79A gi u suu ay ki
duk ndufundana kiyo,
asi suu ay fun maɗnana.
Kay tuɗuy hu voɗta heɓpa.»
80Goona wuli ŋgolo, mbuɗ yal cocoo. Nam kaki bagi gak gak tew hu buu ma nam tak tam ki ii suu Israelna.
Seçili Olanlar:
:
Vurgu
Paylaş
Kopyala
Önemli anlarınızın tüm cihazlarınıza kaydedilmesini mi istiyorsunuz? Kayıt olun ya da giriş yapın
Bible Moussey © Bible Society of Chad, 2002.