LUK 18
18
Ndal boyna kay cara donora u sa kaɓakŋa
1Yesu tinisi ndal boyna ni ana asi joɓ Lona tew tew a loɓ ki dukgi. 2Nam dasi ɗaŋi ana, «Sa ma kaɓakŋa ha hu zi ma dew ka li ndaa Lonaɗi lay, ka vi vun saɗi lay. 3Cara donora hu zi namma may mba egem tew tew a nam kaaɗ ii ɓak maɗna. Ndaɗ ana gami ii boy mamina ki u saan ma gonokka. 4Ndaɗ mba funum tew tew, nam ka minɗi. Nam ka saa hurum ɗaŋi ana, An ka li van ndaa Lonaɗi lay, ka vi vun saɗi lay ni, 5ca ndaɗta loɓon tan ɦay, an gaɗ ii dlaaɗta kiyo. Li ka naɗi ni, ndaɗ hin mbay na gak gak ɓeŋen yan kiyo.» 6Yesu hin di hu ana, «Agi humugi boy ma vi sa ma co ma kaɓakŋa damma ɗaŋ, 7Lona may ni ka njun u suu mam suu tii tasi egem tew tewna naɗi su? Nam vi yam a njunusira su? 8An dagiya nam njun usi zak gaw. Na ni Goŋ Sanna hin mba ni, fi suu hurusi tini kamma kay ndaŋgara su?»
Ndal boyna kay sa ma Farisenna u sa ma vi taara
9Yesu tin ndal boy namma na ni kay suu ɦiw wi tasi ana asi ni ɗegee fok Lona, hin pan ndarayasina lay na, 10ana, «Suuna mba' sel hu Ziŋ Lonara a joɓomu. Maa dew ni ma Farisenna, ma hiŋŋa ni ma vi taara may. 11Ma Farisenna col ki kay tamu, ɓak ana, Lona an gaŋ deɓpa kay an ka ko suu hiŋŋa naɗi. Asi ni suu kulla, suu hal boyogina vi ndarayasina. An gaŋ deɓpa olo kay an ka ko sa ma vi taara wanna naɗira. 12Hu buu ma kiɗisiyana ni, an li laara hu yan mba', tlesuu an fasina halaŋŋi an ɦaŋsina yasi ki bel bel. 13Sa vi taara col ha ki na day ndak ka a tli irim kolo huulonaɗi lay, ɗuɗ kom hurumu di ana, Lona, Bu Suuna, wan hawan aya, kay an ni sa cora. 14An dagiya, sa namma hoŋ vo wanni mbuɗ ki ɗegee su ma Farisenna. Suu tli yasi kolona, hin hoŋ ki kaŋgaa. Suu ka tli yasi koloɗina, hin tuɗ ni foko.»
Yesu paɗ vunum ki kay kemba
(Matiye 19.13-15; Mark 10.13-16)
15Suuna mbaa gorkemba eg Yesu a nam baa kom kasiya. Suu haɗina yal suu mbaarasi ayna. 16Yesu wasi li na ni, nam ana, «Mbaaran kemba ay egenu, doorosiɗi, kay Mul Lonara ni maŋ suu ko asi nana. 17An dagi ha ni gasira, sa fi Mul Lonara li ka ko gogoona naɗini, nam ka kal huɗi.»
Sa ɦizina
(Matiye 19.16-30; Mark 10.17-31)
18Mul ma vi suu Juifna dew mba eg Yesu joɓom ana, «Sa ma haɗ suuna jivina, an li nana a fi iirira ka daɓ kiɗira ge?» 19Yesu dam ana, «Aŋ yan sa jivina ni kay mege? Sa jivi kaɗi, Lona dew jivira ni namu. 20Aŋ wi gaɗta vi Lonara di ana, Aŋ li zoŋgi, ci maɗɗi, kulɗi, ka boy kay ndaraŋŋaɗi, tli yam buŋ u suŋ koloo.» 21Sana hoŋom dira ana, «An vi gaɗ ndaɗta ay ni u goo tan day.» 22Yesu hum na ɗaŋi dam ana, «Va ma dew maa ki uŋu. Tuɗ gus tlegeyeŋ ki halaŋ. Bege ndaɗta aŋ ɓorowoɗ ki maŋ suu wi hawra. Aŋ hin fi ɦizza ŋgolla ha kolo huulona. Ŋgoo daganda aŋ hin mbay unu.» 23Sana hum boy namma na ni, irim mbuɗ ɗussa, kayme nam ɦizi cocoo. 24Yesu wi ana irim mbuɗ ɗussa ni, nam di ana, «Loɓma kay suu ɦizina a kal hu Mul Lonara. 25Jamballa kal hu zul libirina ni loɓ ɦay, sa ɦizina a kal hu Mul Lonara loɓ su jamballa a kal hu zul libirina.» 26Suu humumma ɓak ana, «Ni sa hin suɗ kina ni gege?» 27Yesu hoŋosi dira ana, «Va ndak ka a li ko suu warnaɗina ii Lona ni ka loɓbi.» 28Piyer dam ana, «Aŋ hum haa, ami hin tlegeyemi ki na halaŋ a tuɗ uŋga.» 29Yesu dasi ana, «An dagi ni gasira, lini sana hin ziim ki wa may, caamba may, gorsemma may, somoyom may, goryom may ki kay Mul Lonara ni, 30hu cecemba lay ni nam hin fi ni su suu nam hinisi kina sem ŋgolo. Ha fokka nam hin fi iirira ka daɓ kiɗira olo.»
Yesu ɓak kay miɗ mamma u paɗ mamba kolora a yamba hindira
(Matiye 20.17-19; Mark 10.32-34)
31Yesu yow suu haɗi suu doogo yam mbana umu. Nam dasi ana, «Humugiya aygi tuɗuygi ha Yerusalem wanni, nda faɗ ki ni vun dla mayra suu jok vun Lona daɗ kay Goŋ Sanara. 32Asi hin ɦam ki maŋ suu ɦawana, asi hin panamu, hin ŋgulumu, tofoɗom yoyona kam lay. 33Asi hin poŋomu, cam ki maɗna lay. Hu buu ma hindina nam hin paɗ ki kolo iiriya.» 34Suu haɗina hum dla ndaɗta kaɗi. U boy namma ki ŋgay irisiya. Asi ka wi u va ma Yesu ɓakasi kammaɗi.
Yesu mal ii sa dugina kiyo
(Matiye 20.29-34; Mark 10.46-52)
35Yesu hin tok a kal hu zi Yerikona may ni sa dugina kak ki keŋ voɗta a cen suuna. 36Nam hum del suuna a jak tuɗta cocoo, nam joɓosi ana, «Ni dla mege?» 37Asi dam ana, «Yesu ma Nazaretna jakŋi namu.» 38Nam sawalla kolo ana, «Yesu Goŋ Davidna, wan hawan na wi ge.» 39Suu jak fokomma yalam ana, «Seŋ vunuŋu.» Nam jok um ha fok ni joki na ɗow ɗow ana, «Goŋ Davidna, wan hawan na wi ge.» 40Yesu col col ni ana asi mbaaramma aya. Sa dugina mba egem tokŋi, Yesu joɓom ana, 41«Aŋ min ana an laŋŋi ana mege?» Nam hoŋom dira ana, «Mala Haɗta, malan irin kiyo.» 42Yesu dam ana, «Iriŋ mbuɗ wiya. Huruŋ ma tini kanna suɗuŋ ki wa.» 43Na gaw ni irim mal ki gaw. Nam gi tam u Yesu geleɗ Lona. Suu molina wi dla ndaɗta na ni asi geleɗ Lona lay.
Seçili Olanlar:
LUK 18: BMS
Vurgu
Paylaş
Kopyala
Önemli anlarınızın tüm cihazlarınıza kaydedilmesini mi istiyorsunuz? Kayıt olun ya da giriş yapın
Bible Moussey © Bible Society of Chad, 2002.
LUK 18
18
Ndal boyna kay cara donora u sa kaɓakŋa
1Yesu tinisi ndal boyna ni ana asi joɓ Lona tew tew a loɓ ki dukgi. 2Nam dasi ɗaŋi ana, «Sa ma kaɓakŋa ha hu zi ma dew ka li ndaa Lonaɗi lay, ka vi vun saɗi lay. 3Cara donora hu zi namma may mba egem tew tew a nam kaaɗ ii ɓak maɗna. Ndaɗ ana gami ii boy mamina ki u saan ma gonokka. 4Ndaɗ mba funum tew tew, nam ka minɗi. Nam ka saa hurum ɗaŋi ana, An ka li van ndaa Lonaɗi lay, ka vi vun saɗi lay ni, 5ca ndaɗta loɓon tan ɦay, an gaɗ ii dlaaɗta kiyo. Li ka naɗi ni, ndaɗ hin mbay na gak gak ɓeŋen yan kiyo.» 6Yesu hin di hu ana, «Agi humugi boy ma vi sa ma co ma kaɓakŋa damma ɗaŋ, 7Lona may ni ka njun u suu mam suu tii tasi egem tew tewna naɗi su? Nam vi yam a njunusira su? 8An dagiya nam njun usi zak gaw. Na ni Goŋ Sanna hin mba ni, fi suu hurusi tini kamma kay ndaŋgara su?»
Ndal boyna kay sa ma Farisenna u sa ma vi taara
9Yesu tin ndal boy namma na ni kay suu ɦiw wi tasi ana asi ni ɗegee fok Lona, hin pan ndarayasina lay na, 10ana, «Suuna mba' sel hu Ziŋ Lonara a joɓomu. Maa dew ni ma Farisenna, ma hiŋŋa ni ma vi taara may. 11Ma Farisenna col ki kay tamu, ɓak ana, Lona an gaŋ deɓpa kay an ka ko suu hiŋŋa naɗi. Asi ni suu kulla, suu hal boyogina vi ndarayasina. An gaŋ deɓpa olo kay an ka ko sa ma vi taara wanna naɗira. 12Hu buu ma kiɗisiyana ni, an li laara hu yan mba', tlesuu an fasina halaŋŋi an ɦaŋsina yasi ki bel bel. 13Sa vi taara col ha ki na day ndak ka a tli irim kolo huulonaɗi lay, ɗuɗ kom hurumu di ana, Lona, Bu Suuna, wan hawan aya, kay an ni sa cora. 14An dagiya, sa namma hoŋ vo wanni mbuɗ ki ɗegee su ma Farisenna. Suu tli yasi kolona, hin hoŋ ki kaŋgaa. Suu ka tli yasi koloɗina, hin tuɗ ni foko.»
Yesu paɗ vunum ki kay kemba
(Matiye 19.13-15; Mark 10.13-16)
15Suuna mbaa gorkemba eg Yesu a nam baa kom kasiya. Suu haɗina yal suu mbaarasi ayna. 16Yesu wasi li na ni, nam ana, «Mbaaran kemba ay egenu, doorosiɗi, kay Mul Lonara ni maŋ suu ko asi nana. 17An dagi ha ni gasira, sa fi Mul Lonara li ka ko gogoona naɗini, nam ka kal huɗi.»
Sa ɦizina
(Matiye 19.16-30; Mark 10.17-31)
18Mul ma vi suu Juifna dew mba eg Yesu joɓom ana, «Sa ma haɗ suuna jivina, an li nana a fi iirira ka daɓ kiɗira ge?» 19Yesu dam ana, «Aŋ yan sa jivina ni kay mege? Sa jivi kaɗi, Lona dew jivira ni namu. 20Aŋ wi gaɗta vi Lonara di ana, Aŋ li zoŋgi, ci maɗɗi, kulɗi, ka boy kay ndaraŋŋaɗi, tli yam buŋ u suŋ koloo.» 21Sana hoŋom dira ana, «An vi gaɗ ndaɗta ay ni u goo tan day.» 22Yesu hum na ɗaŋi dam ana, «Va ma dew maa ki uŋu. Tuɗ gus tlegeyeŋ ki halaŋ. Bege ndaɗta aŋ ɓorowoɗ ki maŋ suu wi hawra. Aŋ hin fi ɦizza ŋgolla ha kolo huulona. Ŋgoo daganda aŋ hin mbay unu.» 23Sana hum boy namma na ni, irim mbuɗ ɗussa, kayme nam ɦizi cocoo. 24Yesu wi ana irim mbuɗ ɗussa ni, nam di ana, «Loɓma kay suu ɦizina a kal hu Mul Lonara. 25Jamballa kal hu zul libirina ni loɓ ɦay, sa ɦizina a kal hu Mul Lonara loɓ su jamballa a kal hu zul libirina.» 26Suu humumma ɓak ana, «Ni sa hin suɗ kina ni gege?» 27Yesu hoŋosi dira ana, «Va ndak ka a li ko suu warnaɗina ii Lona ni ka loɓbi.» 28Piyer dam ana, «Aŋ hum haa, ami hin tlegeyemi ki na halaŋ a tuɗ uŋga.» 29Yesu dasi ana, «An dagi ni gasira, lini sana hin ziim ki wa may, caamba may, gorsemma may, somoyom may, goryom may ki kay Mul Lonara ni, 30hu cecemba lay ni nam hin fi ni su suu nam hinisi kina sem ŋgolo. Ha fokka nam hin fi iirira ka daɓ kiɗira olo.»
Yesu ɓak kay miɗ mamma u paɗ mamba kolora a yamba hindira
(Matiye 20.17-19; Mark 10.32-34)
31Yesu yow suu haɗi suu doogo yam mbana umu. Nam dasi ana, «Humugiya aygi tuɗuygi ha Yerusalem wanni, nda faɗ ki ni vun dla mayra suu jok vun Lona daɗ kay Goŋ Sanara. 32Asi hin ɦam ki maŋ suu ɦawana, asi hin panamu, hin ŋgulumu, tofoɗom yoyona kam lay. 33Asi hin poŋomu, cam ki maɗna lay. Hu buu ma hindina nam hin paɗ ki kolo iiriya.» 34Suu haɗina hum dla ndaɗta kaɗi. U boy namma ki ŋgay irisiya. Asi ka wi u va ma Yesu ɓakasi kammaɗi.
Yesu mal ii sa dugina kiyo
(Matiye 20.29-34; Mark 10.46-52)
35Yesu hin tok a kal hu zi Yerikona may ni sa dugina kak ki keŋ voɗta a cen suuna. 36Nam hum del suuna a jak tuɗta cocoo, nam joɓosi ana, «Ni dla mege?» 37Asi dam ana, «Yesu ma Nazaretna jakŋi namu.» 38Nam sawalla kolo ana, «Yesu Goŋ Davidna, wan hawan na wi ge.» 39Suu jak fokomma yalam ana, «Seŋ vunuŋu.» Nam jok um ha fok ni joki na ɗow ɗow ana, «Goŋ Davidna, wan hawan na wi ge.» 40Yesu col col ni ana asi mbaaramma aya. Sa dugina mba egem tokŋi, Yesu joɓom ana, 41«Aŋ min ana an laŋŋi ana mege?» Nam hoŋom dira ana, «Mala Haɗta, malan irin kiyo.» 42Yesu dam ana, «Iriŋ mbuɗ wiya. Huruŋ ma tini kanna suɗuŋ ki wa.» 43Na gaw ni irim mal ki gaw. Nam gi tam u Yesu geleɗ Lona. Suu molina wi dla ndaɗta na ni asi geleɗ Lona lay.
Seçili Olanlar:
:
Vurgu
Paylaş
Kopyala
Önemli anlarınızın tüm cihazlarınıza kaydedilmesini mi istiyorsunuz? Kayıt olun ya da giriş yapın
Bible Moussey © Bible Society of Chad, 2002.