LUK 20
20
Yesu li dlaamba ni u vun gege?
(Matiye 21.23-27; Mark 11.27-33)
1Hu buu maa dew ni Yesu haɗ suuna hu Ziŋ Lonara. Nam ɓakasi kay Boy ma Ayra may. Muli suu li ɓivunna u suu haɗ gaɗta u suu ŋgolona mbay egemu. 2Asi dam ana, «Aŋ li tlegeyeŋŋi u saɓak gege? Sa ɦaŋ voɗta a li tlege suu asina ni gege?» 3Yesu hoŋosi dira ana, «An ka joɓogi va ha dew may, agi dan aya. 4Sa sun Jaŋ ay a mbus batemma ni Lona ɗowba suuna su?» 5Asi gijaŋ ciwayra duk tasi ana, «Lini aygi hoŋom dira wa ana Lona sunum ay ni namu ni, nam hin hoŋoygi dira ana, Aygi tin huruygi kambi ni amege? 6Aygi di wa ana, Suuna sunum ay ni asiya ni, asi suuna hin yow gogoyra kosi a duuruygira, hin caygi ni na gaw may.» Kayme suuna halaŋ wi ana Jaŋŋi sa jok vun Lona ma gasina. 7Asi hoŋom dira ana, «Ka irimiɗi.» 8Yesu hin dasi ɗaŋi ana, «An may ni, ka a dagi sa an li dlaanda u vunumma kiɗi may.»
Ndal boyna kay suu li sunda hu senena
(Matiye 21.33-46; Mark 12.1-12)
9Yesu gijaŋ ɓak suuna u ndal boyna ana, «San dew vi senena vi ni, nam yow suuna ana asi lamma sunumu. Nam tuɗ koyra a buu ay ŋgolo. 10Tlesuu hu senena ndak a feɗta ndakŋi, nam sun san ay ana asi ŋgaɗam ii mamsina aya. Asi suu li sunda hu senena vam poŋom ta ta, gam u kom ma vadlna. 11Malaŋ senena sun ma daŋŋa ha olo. Asi poŋom olo, karakam ŋgulla karak karakŋi, ɦam va ha ka kombi. 12Nam hin sun sa hindina haa. Namma asi ɗagam ɗagŋi, gam ha ki ŋgoo senena. 13Malaŋ senena ana, An li ni ana mege? Goron ma an minim ɦayna an sunumu. Asi li hin li zolo kom kalage. 14Suu li sunda hu senena wam wi ni, ɓak duk tasi ana, Kogi cow ni sa hin yow jo bumma. Caygina ki ci ni, jo bum hin ki maygi silik silik. 15Asi tuɗum ki fun senena tuɗ ni, cam ki gaw.
«Yesu joɓosi ana, Ni malaŋ senena hin lasi ni nanage?» 16«Nam hin mba ci suu asina kiyo, hin varak suu daŋŋa hu sene mamma.» Asi suuna hum na ni ana, «Dla ndaɗta ndak ka a li naɗi.» 17Nam Yesu golosi na ni hin di ana, «Boy ma ki ɓiirina di ni ana mege?
Ҥinira suu min goŋga noyoɗ kira,
hin mbuɗ a jiv goŋga ki ni ndaɗu.
18Suu ndi ay kaŋga kay ɦini ndaɗtana yasi hin coo. Sa ɦini ndaɗta ndi kamma, luɗum ki kuɗuf.»
Warak taara maŋ mulna
(Matiye 22.15-22; Mark 12.13-17)
19Suu haɗ gaɗta u muli suu li ɓivunna wi ana Yesu tinisi ndal boy namma ni kasiya ni, asi hal a vam hu li namma gaw. Hurusi hin yow ndaana ko suuna. 20Asi gijaŋ pereɗ Yesu, hin sun suu pereɗ boyna ha egemu. Suu asina li tasi ki ko ndal suu a geleɗemma na. Doyɗi ni halam a vammi u boyna. Asi min tasi a vammi kay sem boy ma col ay fun mul ma ŋgolnana. 21Asi joɓom ɗaŋi ana, «Mala Haɗta, boy ma aŋ haɗamma ni ɗegee. Aŋ tin yaŋ ka kay ŋgolla vi saɗi, aŋ haɗ ni kay gasira Lona miniɗta. 22Dami aya, Gaɗ maygira hiniygi a ɦal taara maŋ Sesar ɗowba ka ɦaɗɗi su?» 23Yesu wasi saa masira u diisira na ni, nam joɓosi ana, 24«Takan ki gursu ma ay dew. Hu ni yam gege? Ɓiiri hu ni sem gege?» Asi hoŋom dira ana, «Ni Sesar.» 25Yesu hoŋosi dira ana, «Vaŋ Sesarna ɦam maŋ Sesar, vaŋ Lonna aŋ ɦam Lona may.» 26Asi ndak ka a fam coombaɗi kay nam di ki ni fok suuna bel. Boy mamma hin su ki kasi ni suy na ɗow. Asi ka fi va ma diɗi, mbuɗ lakira na jim.
Joɓpa kay paɗta kolora vi suu miɗina
(Matiye 22.23-33; Mark 12.18-27)
27Suu Sadusenna suu ɦiw mbay eg Yesu. Asi ni suu di ana suu miɗina ka paɗ ki kolo iiriɗi na. 28Asi joɓom ɗaŋi ana, «Mala Haɗta, Moiz hiniygi gaɗta ka ana, Lini sana wayamma miɗa, hin caamba ka bay goo koɗu nam kakaɗ a vuɗ goora maŋ wayamma. 29Ko ndaɗta na goryoŋ cara dewra na kiɗisiya. Ma ŋgolna vi cara, miɗ ki bay vuɗuɗ goo koɗu. 30Ma mbana hin kakaɗu. 31Ma hindina li ni na lay, u dlaasira kiɗisiyara jokoɗ usi halaŋ, daɓ miɗna bay vuɗuɗ goo koɗu. 32Ŋgorosi dagan ni ndaɗ cara hin miɗ ha may. 33Asi kiɗisiya kakaɗ ay ki usi bel may ni, hu buu ma suu miɗina paɗ ki kolo iirina, ndaɗ hin kak a cara ni u maanage?»
34Yesu hoŋosi dira ana, «Kay ndaŋgara wanda ni boyogina u njufina ɗum tasiya. 35Njufina u boyogi suu paɗ ki koloo, kak iirina, hu duliyara ha fokka ka ɗum tasiɗi. 36Asi ka miɗ oloɗi lay. Asi ni ko suu sunda huulona na, asi ni goryoŋ Lonna kay asi ni suu paɗ ki kolo iirina. 37Moiz di ki jivi lay ana, Suu miɗina paɗ ki kolo iiriya, agi hum boy ma vi Moiz ɓak kay gu ma siina kaɗi su? Nam di ana, Bu Suuna ni Loŋ Abrahamma, Loŋ Isaakŋa, Loŋ Yakobma. 38Nam ka Lo ma vi suu miɗinaɗi, Lo vi suu iirina ni namu. Suuna kaki iiri halaŋŋi kay Lona.» 39Suu haɗ gaɗta suu ɦiw di ana, «Aŋ ɓakŋi u voɗoɗu, malaŋ Haɗta.» 40Asi ndak ka a joɓom boy ma daŋ oloɗi.
Sa Lona Fuurumma u David
(Matiye 22.41-46; Mark 12.35-37)
41Yesu di ana, «Suuna ana Sa Lona Fuurumma ni Goŋ Davidna ni nanage? 42David u tamba di hu magaara Soolla ana,
Bu Suuna di maŋ Bu Suuna manna ana,
kak kay bikin ma njufna,
43gak gak an cukuŋ babali maŋsina
ki kaŋga u seŋ tuwa.
44David u tamba yam ana Bu Suuna mamma. Nam hin mbuɗ a Goŋ Davidna ni nanage?»
Yesu ne suuna ki eg suu haɗ gaɗta
(Matiye 23.1-36; Mark 12.38-40)
45Suuna halaŋ hum vun Yesu. Nam di suu haɗi mamsina ana, 46«Lagi tagi jivi eg suu haɗ gaɗta. Asi ni suu min a poy u baraw ma ŋgolona, asi min gi deɓpa duk bolowra lay. Asi min ana hu Zira Tokka ni asi lakŋi foko. Asi min li jivina a ti funa duk bolowra. 47Asi daɓ tlesuu vi boyogi suu donona ki ni asi lay. Asi li cenda fiyekka a jiv tasi ki ii suuna. Suu asina Lona hin mba kaasi ɓak ma cona kasiya.»
Seçili Olanlar:
LUK 20: BMS
Vurgu
Paylaş
Kopyala
Önemli anlarınızın tüm cihazlarınıza kaydedilmesini mi istiyorsunuz? Kayıt olun ya da giriş yapın
Bible Moussey © Bible Society of Chad, 2002.
LUK 20
20
Yesu li dlaamba ni u vun gege?
(Matiye 21.23-27; Mark 11.27-33)
1Hu buu maa dew ni Yesu haɗ suuna hu Ziŋ Lonara. Nam ɓakasi kay Boy ma Ayra may. Muli suu li ɓivunna u suu haɗ gaɗta u suu ŋgolona mbay egemu. 2Asi dam ana, «Aŋ li tlegeyeŋŋi u saɓak gege? Sa ɦaŋ voɗta a li tlege suu asina ni gege?» 3Yesu hoŋosi dira ana, «An ka joɓogi va ha dew may, agi dan aya. 4Sa sun Jaŋ ay a mbus batemma ni Lona ɗowba suuna su?» 5Asi gijaŋ ciwayra duk tasi ana, «Lini aygi hoŋom dira wa ana Lona sunum ay ni namu ni, nam hin hoŋoygi dira ana, Aygi tin huruygi kambi ni amege? 6Aygi di wa ana, Suuna sunum ay ni asiya ni, asi suuna hin yow gogoyra kosi a duuruygira, hin caygi ni na gaw may.» Kayme suuna halaŋ wi ana Jaŋŋi sa jok vun Lona ma gasina. 7Asi hoŋom dira ana, «Ka irimiɗi.» 8Yesu hin dasi ɗaŋi ana, «An may ni, ka a dagi sa an li dlaanda u vunumma kiɗi may.»
Ndal boyna kay suu li sunda hu senena
(Matiye 21.33-46; Mark 12.1-12)
9Yesu gijaŋ ɓak suuna u ndal boyna ana, «San dew vi senena vi ni, nam yow suuna ana asi lamma sunumu. Nam tuɗ koyra a buu ay ŋgolo. 10Tlesuu hu senena ndak a feɗta ndakŋi, nam sun san ay ana asi ŋgaɗam ii mamsina aya. Asi suu li sunda hu senena vam poŋom ta ta, gam u kom ma vadlna. 11Malaŋ senena sun ma daŋŋa ha olo. Asi poŋom olo, karakam ŋgulla karak karakŋi, ɦam va ha ka kombi. 12Nam hin sun sa hindina haa. Namma asi ɗagam ɗagŋi, gam ha ki ŋgoo senena. 13Malaŋ senena ana, An li ni ana mege? Goron ma an minim ɦayna an sunumu. Asi li hin li zolo kom kalage. 14Suu li sunda hu senena wam wi ni, ɓak duk tasi ana, Kogi cow ni sa hin yow jo bumma. Caygina ki ci ni, jo bum hin ki maygi silik silik. 15Asi tuɗum ki fun senena tuɗ ni, cam ki gaw.
«Yesu joɓosi ana, Ni malaŋ senena hin lasi ni nanage?» 16«Nam hin mba ci suu asina kiyo, hin varak suu daŋŋa hu sene mamma.» Asi suuna hum na ni ana, «Dla ndaɗta ndak ka a li naɗi.» 17Nam Yesu golosi na ni hin di ana, «Boy ma ki ɓiirina di ni ana mege?
Ҥinira suu min goŋga noyoɗ kira,
hin mbuɗ a jiv goŋga ki ni ndaɗu.
18Suu ndi ay kaŋga kay ɦini ndaɗtana yasi hin coo. Sa ɦini ndaɗta ndi kamma, luɗum ki kuɗuf.»
Warak taara maŋ mulna
(Matiye 22.15-22; Mark 12.13-17)
19Suu haɗ gaɗta u muli suu li ɓivunna wi ana Yesu tinisi ndal boy namma ni kasiya ni, asi hal a vam hu li namma gaw. Hurusi hin yow ndaana ko suuna. 20Asi gijaŋ pereɗ Yesu, hin sun suu pereɗ boyna ha egemu. Suu asina li tasi ki ko ndal suu a geleɗemma na. Doyɗi ni halam a vammi u boyna. Asi min tasi a vammi kay sem boy ma col ay fun mul ma ŋgolnana. 21Asi joɓom ɗaŋi ana, «Mala Haɗta, boy ma aŋ haɗamma ni ɗegee. Aŋ tin yaŋ ka kay ŋgolla vi saɗi, aŋ haɗ ni kay gasira Lona miniɗta. 22Dami aya, Gaɗ maygira hiniygi a ɦal taara maŋ Sesar ɗowba ka ɦaɗɗi su?» 23Yesu wasi saa masira u diisira na ni, nam joɓosi ana, 24«Takan ki gursu ma ay dew. Hu ni yam gege? Ɓiiri hu ni sem gege?» Asi hoŋom dira ana, «Ni Sesar.» 25Yesu hoŋosi dira ana, «Vaŋ Sesarna ɦam maŋ Sesar, vaŋ Lonna aŋ ɦam Lona may.» 26Asi ndak ka a fam coombaɗi kay nam di ki ni fok suuna bel. Boy mamma hin su ki kasi ni suy na ɗow. Asi ka fi va ma diɗi, mbuɗ lakira na jim.
Joɓpa kay paɗta kolora vi suu miɗina
(Matiye 22.23-33; Mark 12.18-27)
27Suu Sadusenna suu ɦiw mbay eg Yesu. Asi ni suu di ana suu miɗina ka paɗ ki kolo iiriɗi na. 28Asi joɓom ɗaŋi ana, «Mala Haɗta, Moiz hiniygi gaɗta ka ana, Lini sana wayamma miɗa, hin caamba ka bay goo koɗu nam kakaɗ a vuɗ goora maŋ wayamma. 29Ko ndaɗta na goryoŋ cara dewra na kiɗisiya. Ma ŋgolna vi cara, miɗ ki bay vuɗuɗ goo koɗu. 30Ma mbana hin kakaɗu. 31Ma hindina li ni na lay, u dlaasira kiɗisiyara jokoɗ usi halaŋ, daɓ miɗna bay vuɗuɗ goo koɗu. 32Ŋgorosi dagan ni ndaɗ cara hin miɗ ha may. 33Asi kiɗisiya kakaɗ ay ki usi bel may ni, hu buu ma suu miɗina paɗ ki kolo iirina, ndaɗ hin kak a cara ni u maanage?»
34Yesu hoŋosi dira ana, «Kay ndaŋgara wanda ni boyogina u njufina ɗum tasiya. 35Njufina u boyogi suu paɗ ki koloo, kak iirina, hu duliyara ha fokka ka ɗum tasiɗi. 36Asi ka miɗ oloɗi lay. Asi ni ko suu sunda huulona na, asi ni goryoŋ Lonna kay asi ni suu paɗ ki kolo iirina. 37Moiz di ki jivi lay ana, Suu miɗina paɗ ki kolo iiriya, agi hum boy ma vi Moiz ɓak kay gu ma siina kaɗi su? Nam di ana, Bu Suuna ni Loŋ Abrahamma, Loŋ Isaakŋa, Loŋ Yakobma. 38Nam ka Lo ma vi suu miɗinaɗi, Lo vi suu iirina ni namu. Suuna kaki iiri halaŋŋi kay Lona.» 39Suu haɗ gaɗta suu ɦiw di ana, «Aŋ ɓakŋi u voɗoɗu, malaŋ Haɗta.» 40Asi ndak ka a joɓom boy ma daŋ oloɗi.
Sa Lona Fuurumma u David
(Matiye 22.41-46; Mark 12.35-37)
41Yesu di ana, «Suuna ana Sa Lona Fuurumma ni Goŋ Davidna ni nanage? 42David u tamba di hu magaara Soolla ana,
Bu Suuna di maŋ Bu Suuna manna ana,
kak kay bikin ma njufna,
43gak gak an cukuŋ babali maŋsina
ki kaŋga u seŋ tuwa.
44David u tamba yam ana Bu Suuna mamma. Nam hin mbuɗ a Goŋ Davidna ni nanage?»
Yesu ne suuna ki eg suu haɗ gaɗta
(Matiye 23.1-36; Mark 12.38-40)
45Suuna halaŋ hum vun Yesu. Nam di suu haɗi mamsina ana, 46«Lagi tagi jivi eg suu haɗ gaɗta. Asi ni suu min a poy u baraw ma ŋgolona, asi min gi deɓpa duk bolowra lay. Asi min ana hu Zira Tokka ni asi lakŋi foko. Asi min li jivina a ti funa duk bolowra. 47Asi daɓ tlesuu vi boyogi suu donona ki ni asi lay. Asi li cenda fiyekka a jiv tasi ki ii suuna. Suu asina Lona hin mba kaasi ɓak ma cona kasiya.»
Seçili Olanlar:
:
Vurgu
Paylaş
Kopyala
Önemli anlarınızın tüm cihazlarınıza kaydedilmesini mi istiyorsunuz? Kayıt olun ya da giriş yapın
Bible Moussey © Bible Society of Chad, 2002.