LUK 24
24
Yesu paɗ ki kolo iiriya
(Matiye 28.1-10; Mark 16.1-8; Jaŋ 20.1-10)
1Faɗta damassa maɗii feɗet ni, boyogina tuɗ a gol ussa. Asi tli mbul ma hisna ma asi halam ay kosina. 2Asi fi ɦinira lagaɗ ki fun zulla day. 3Asi sel ha hu zulla ni fi maɗ Yesu ka huɗi. 4Saara ana va tlamma ni megera ka kasiɗi. Suuna mba' cuk ki irisiya, baraw ma tasina weleɗ ko me kalara na. 5Boyogina mbuɗ ndaana kuluɓ irisi kaŋgaa. Suu asina dasi ana, «Agi halagi sa iirina duk suu miɗina ni nanage? 6Nam ka tanɗi, nam paɗ ki kolo iiriya. Gagi humugi kay boy ma nam dagina ay Galilena. 7Goŋ Sanna asi hin ɦam ki maŋ suu cona, asi hin ɓalam ki kolo hu gu garakŋa, hu buu ma hindina nam hin paɗ ki kolo iiriya.»
8Boyogina humusi gasi kay boy ma vi Yesuna. 9Asi hin ussa ha ki tani tuɗ njaɗ boy namma maŋ suu haɗi suu doogo yam dewna maŋ suu halaŋŋa lay. 10Boyogi suu asina ni Mari ta Magdalara may, Jan u Mari su Jak may. Boyogi suu ay asina njaɗ dla ndaɗta maŋ suu vovoɗta ni na lay. 11Suu Vovoɗta saa kasi ana ni boy ma vi boyogina ni ɦawaa. Asi ka tin yasi kambi. 12Hu li namma Piyer ndi liŋŋa tuɗ gol ussa, nam goɓ ha ga ni wi baktana cukiya. Nam hoŋ ay vo ni, dlara nam waɗ ayra su ki kam ɦay.
Suuna mba' tuɗ hu voɗta Emmaussa
(Mark 16.12-13)
13Hu buu namma suuna dukusi mba' tuɗ hu zina yam ana Emmaus. Zi namma ka eg Yerusalem dayɗi. 14Asi ɓak dlara lira ha irisi voɗo. 15Asi ciwayra duk tasi na ni, Yesu gi tam usi hu voɗta. 16Asi wam tuɗa, ka wi ki ana ni namura naɗi. 17Yesu joɓosi ana, «Agi cagi wayra ni kay mege?» Asi col col ni ɗus irisiya. 18Maa dew sem ana Kleopas dam ana, «Aŋŋi sa Yerusalem ma hum dlara li cecem wanda kaɗi ni aŋ dew su?» 19Nam joɓosi ana, «Ni dla mege?» Asi dam ana, «Dlara li eg Yesu ma Nazaretna, nammi sa ŋgol ma jok vun Lona fok suuna halaŋ lay. 20Muli suu li ɓivunna u suu ŋgolo masisina ɦam ki ana suuna cam kiyo. Asi ɓalam ki kolo hu gu garakŋa. 21Ami tin hurumi ana nammi sa hin buɗ suu Israelna kina. Dla ndaɗta li na ni buuna ki hindi. 22Boyogi suu dukumi ɦiw ni dami dlara suy kamira, dla ndaɗta ni u voɗoɗu. Asi tuɗ maɗii feɗet del ussa. 23Asi fam maɗam kaɗi. Asi hoŋ ay dami ana suu sunda huulona cuk ki irisiya dasi ana nam ka iiriya. 24Suu dukumi ɦiw ni yow tuɗ gol ay kay ussa tuɗ fi ko boyogina dira na may. Asi wam ay ka u irisiɗi ɗaŋa.»
25Yesu dasi ɗaŋ ana, «Suu laɓa agina tagi nekka a tin hurugi kay dlara suu jok vun Lona dagira. 26Agi ka wi ana Sa Lona Fuurumma wi hawra wi, hin kal hu bibiŋil mamba tuwa naɗi su?» 27Ŋgoo daganda nam hin gasi u dlara ay ɓiiri kamba ki halaŋ, gijaŋŋa ay kay boy ma vi Moizna, hin jak ha kay dlara vi suu jok vun Lona halaŋ.
28Asi tew ha u sii kaana hu zi ma asi a tuɗ huna Yesu li gin ko nam a jak day na, 29Asi hin ɗelem ana nam kak u asiya, «Fatɗa ɗikŋi ɗiki may nige.» Nam hin kak may. 30Asi a ti funa wanni nam tli funa kom tani, gi deɓ Lona kamu mbulukum irim ki mbulukŋi, ɦasina. Asi tam ti ni, 31irisi gijaŋ wammi na gaw. Nam viɗ irisi ni na gaw may. 32Asi gijaŋ njaɗasi ana, «Mayra nam li ɓakay ay hu voɗta gaygi u boy ma ɓiirina kira ni, huruy ka ŋgalay ko kura naɗi su?»
33Asi yow kolo hoŋ Yerusalemmi na gaw, tuɗ fi suu haɗi suu doogo yam dewna toki u ndarayasina. 34Njaɗ ana, «Bu Suuna paɗ ki kolo gasi. Gasi Simon wam lay.» 35Asi u tasira njaɗasi dlara li ay egesi hu voɗtara lay ta asi gijaŋ wamu hu li ma nam ɓorowosi funara lay.
Yesu tak tam ki ii suu haɗi mamsina
(Matiye 28.16-20; Mark 16.14-18; Jaŋ 20.19-23; SUNDA 1.6-8)
36Suu haɗina ɓak duk tasi wanni Yesu u tamba mba col dukusiya. Nam dasi ana, «Heɓpa vi Lona kak u agiya.» 37Asi mbuɗ ki ndaana kay asi tin hurusi ana va ndi ki irisi ni ndiya. 38Yesu hin dasi ana, «Agi dlak ŋgusugi ki ni kay mege? Agi cagi wayra hurugi kurufu ni nanage? 39Agi golon duk kon u sen gige. Ni an daŋ may. Laman ki tan gige. Agi wi ni musukka tliwiɗ u sokoɗ ka su? Agi wi ana mansina ka egen halaŋ.» 40Nam di na di ni hin takasi duk kom may ŋgoo sem may. 41Asi tin hurusi ka kam gasi tuɗi, hurusi furi vasiya, kay dla ndaɗta su ki kasiya. Nam hin joɓosi ana, «Va ma ti ka kogi tanɗi su?» 42Asi ɦam kuluf ma cufina dew. 43Nam vam vi ni komom fokosi halaŋ. 44Nam hin dasi ɗaŋ, «Agi gola ni dla mayra an dagira ay ki fok jew an ay u agi tura, boy ma ɓiiri kan hu magaara gaɗta vi Moizza, u ma vi suu jok vun Lona u ma hu magaara Soolla, dla ndaɗta a li ki ni halaŋ.» 45Nam malasi yasi ki ni ana asi wi boy ma ɓiirina kiyo. 46Nam hin dasiya, «Ki ɓiiri ana, Sa Lona Fuurumma hin wi hawra, nam hin paɗ ki kolo iiri hu bu ma hindina. 47Suuna hin njaɗam sem ha ki hu mbassa halaŋ gijaŋŋa ha Yerusalem kay a di suuna asi jok hurusi ki zeɗ, daɓ coosira kiyo. 48Agi ni suu vovoɗta kay boy namma. 49An hin sunugi va Bun a ɦaginana ay u tanda, agi kakagi hu zin tani gak gak juɓugi saɓak ma kolo huulona mbay kagi tuwa.»
Yesu tuɗ kolo huulona
(Mark 16.19-20; Sunda 1.9-11)
50Ŋgoo daganda Yesu yowosi ha ki um doŋ kaana hu voɗta Betanira. Hu li namma nam yow kom kolo paɗ vunum kasiya. 51Nam paɗ vunum kasi na ni dukum ɓorow u asi gaw gaw tuɗ kolo huulona. 52Asi may ni goɓom may, hoŋ vo Yerusalem wanni, hurusi furi ɦay. 53Asi lak hu Ziŋ Lonara Yerusalemba a geleɗ Lona.
Seçili Olanlar:
LUK 24: BMS
Vurgu
Paylaş
Kopyala
Önemli anlarınızın tüm cihazlarınıza kaydedilmesini mi istiyorsunuz? Kayıt olun ya da giriş yapın
Bible Moussey © Bible Society of Chad, 2002.
LUK 24
24
Yesu paɗ ki kolo iiriya
(Matiye 28.1-10; Mark 16.1-8; Jaŋ 20.1-10)
1Faɗta damassa maɗii feɗet ni, boyogina tuɗ a gol ussa. Asi tli mbul ma hisna ma asi halam ay kosina. 2Asi fi ɦinira lagaɗ ki fun zulla day. 3Asi sel ha hu zulla ni fi maɗ Yesu ka huɗi. 4Saara ana va tlamma ni megera ka kasiɗi. Suuna mba' cuk ki irisiya, baraw ma tasina weleɗ ko me kalara na. 5Boyogina mbuɗ ndaana kuluɓ irisi kaŋgaa. Suu asina dasi ana, «Agi halagi sa iirina duk suu miɗina ni nanage? 6Nam ka tanɗi, nam paɗ ki kolo iiriya. Gagi humugi kay boy ma nam dagina ay Galilena. 7Goŋ Sanna asi hin ɦam ki maŋ suu cona, asi hin ɓalam ki kolo hu gu garakŋa, hu buu ma hindina nam hin paɗ ki kolo iiriya.»
8Boyogina humusi gasi kay boy ma vi Yesuna. 9Asi hin ussa ha ki tani tuɗ njaɗ boy namma maŋ suu haɗi suu doogo yam dewna maŋ suu halaŋŋa lay. 10Boyogi suu asina ni Mari ta Magdalara may, Jan u Mari su Jak may. Boyogi suu ay asina njaɗ dla ndaɗta maŋ suu vovoɗta ni na lay. 11Suu Vovoɗta saa kasi ana ni boy ma vi boyogina ni ɦawaa. Asi ka tin yasi kambi. 12Hu li namma Piyer ndi liŋŋa tuɗ gol ussa, nam goɓ ha ga ni wi baktana cukiya. Nam hoŋ ay vo ni, dlara nam waɗ ayra su ki kam ɦay.
Suuna mba' tuɗ hu voɗta Emmaussa
(Mark 16.12-13)
13Hu buu namma suuna dukusi mba' tuɗ hu zina yam ana Emmaus. Zi namma ka eg Yerusalem dayɗi. 14Asi ɓak dlara lira ha irisi voɗo. 15Asi ciwayra duk tasi na ni, Yesu gi tam usi hu voɗta. 16Asi wam tuɗa, ka wi ki ana ni namura naɗi. 17Yesu joɓosi ana, «Agi cagi wayra ni kay mege?» Asi col col ni ɗus irisiya. 18Maa dew sem ana Kleopas dam ana, «Aŋŋi sa Yerusalem ma hum dlara li cecem wanda kaɗi ni aŋ dew su?» 19Nam joɓosi ana, «Ni dla mege?» Asi dam ana, «Dlara li eg Yesu ma Nazaretna, nammi sa ŋgol ma jok vun Lona fok suuna halaŋ lay. 20Muli suu li ɓivunna u suu ŋgolo masisina ɦam ki ana suuna cam kiyo. Asi ɓalam ki kolo hu gu garakŋa. 21Ami tin hurumi ana nammi sa hin buɗ suu Israelna kina. Dla ndaɗta li na ni buuna ki hindi. 22Boyogi suu dukumi ɦiw ni dami dlara suy kamira, dla ndaɗta ni u voɗoɗu. Asi tuɗ maɗii feɗet del ussa. 23Asi fam maɗam kaɗi. Asi hoŋ ay dami ana suu sunda huulona cuk ki irisiya dasi ana nam ka iiriya. 24Suu dukumi ɦiw ni yow tuɗ gol ay kay ussa tuɗ fi ko boyogina dira na may. Asi wam ay ka u irisiɗi ɗaŋa.»
25Yesu dasi ɗaŋ ana, «Suu laɓa agina tagi nekka a tin hurugi kay dlara suu jok vun Lona dagira. 26Agi ka wi ana Sa Lona Fuurumma wi hawra wi, hin kal hu bibiŋil mamba tuwa naɗi su?» 27Ŋgoo daganda nam hin gasi u dlara ay ɓiiri kamba ki halaŋ, gijaŋŋa ay kay boy ma vi Moizna, hin jak ha kay dlara vi suu jok vun Lona halaŋ.
28Asi tew ha u sii kaana hu zi ma asi a tuɗ huna Yesu li gin ko nam a jak day na, 29Asi hin ɗelem ana nam kak u asiya, «Fatɗa ɗikŋi ɗiki may nige.» Nam hin kak may. 30Asi a ti funa wanni nam tli funa kom tani, gi deɓ Lona kamu mbulukum irim ki mbulukŋi, ɦasina. Asi tam ti ni, 31irisi gijaŋ wammi na gaw. Nam viɗ irisi ni na gaw may. 32Asi gijaŋ njaɗasi ana, «Mayra nam li ɓakay ay hu voɗta gaygi u boy ma ɓiirina kira ni, huruy ka ŋgalay ko kura naɗi su?»
33Asi yow kolo hoŋ Yerusalemmi na gaw, tuɗ fi suu haɗi suu doogo yam dewna toki u ndarayasina. 34Njaɗ ana, «Bu Suuna paɗ ki kolo gasi. Gasi Simon wam lay.» 35Asi u tasira njaɗasi dlara li ay egesi hu voɗtara lay ta asi gijaŋ wamu hu li ma nam ɓorowosi funara lay.
Yesu tak tam ki ii suu haɗi mamsina
(Matiye 28.16-20; Mark 16.14-18; Jaŋ 20.19-23; SUNDA 1.6-8)
36Suu haɗina ɓak duk tasi wanni Yesu u tamba mba col dukusiya. Nam dasi ana, «Heɓpa vi Lona kak u agiya.» 37Asi mbuɗ ki ndaana kay asi tin hurusi ana va ndi ki irisi ni ndiya. 38Yesu hin dasi ana, «Agi dlak ŋgusugi ki ni kay mege? Agi cagi wayra hurugi kurufu ni nanage? 39Agi golon duk kon u sen gige. Ni an daŋ may. Laman ki tan gige. Agi wi ni musukka tliwiɗ u sokoɗ ka su? Agi wi ana mansina ka egen halaŋ.» 40Nam di na di ni hin takasi duk kom may ŋgoo sem may. 41Asi tin hurusi ka kam gasi tuɗi, hurusi furi vasiya, kay dla ndaɗta su ki kasiya. Nam hin joɓosi ana, «Va ma ti ka kogi tanɗi su?» 42Asi ɦam kuluf ma cufina dew. 43Nam vam vi ni komom fokosi halaŋ. 44Nam hin dasi ɗaŋ, «Agi gola ni dla mayra an dagira ay ki fok jew an ay u agi tura, boy ma ɓiiri kan hu magaara gaɗta vi Moizza, u ma vi suu jok vun Lona u ma hu magaara Soolla, dla ndaɗta a li ki ni halaŋ.» 45Nam malasi yasi ki ni ana asi wi boy ma ɓiirina kiyo. 46Nam hin dasiya, «Ki ɓiiri ana, Sa Lona Fuurumma hin wi hawra, nam hin paɗ ki kolo iiri hu bu ma hindina. 47Suuna hin njaɗam sem ha ki hu mbassa halaŋ gijaŋŋa ha Yerusalem kay a di suuna asi jok hurusi ki zeɗ, daɓ coosira kiyo. 48Agi ni suu vovoɗta kay boy namma. 49An hin sunugi va Bun a ɦaginana ay u tanda, agi kakagi hu zin tani gak gak juɓugi saɓak ma kolo huulona mbay kagi tuwa.»
Yesu tuɗ kolo huulona
(Mark 16.19-20; Sunda 1.9-11)
50Ŋgoo daganda Yesu yowosi ha ki um doŋ kaana hu voɗta Betanira. Hu li namma nam yow kom kolo paɗ vunum kasiya. 51Nam paɗ vunum kasi na ni dukum ɓorow u asi gaw gaw tuɗ kolo huulona. 52Asi may ni goɓom may, hoŋ vo Yerusalem wanni, hurusi furi ɦay. 53Asi lak hu Ziŋ Lonara Yerusalemba a geleɗ Lona.
Seçili Olanlar:
:
Vurgu
Paylaş
Kopyala
Önemli anlarınızın tüm cihazlarınıza kaydedilmesini mi istiyorsunuz? Kayıt olun ya da giriş yapın
Bible Moussey © Bible Society of Chad, 2002.