LUK 5
5
Yesu yi suu haɗi mam suu jewna
(Matiye 4.18-22; Mark 1.16-20)
1Fali ndaɗta Yesu di boy ma vi Lonna maŋ suuna fun lumma yam ana Genesaret. Suuna mbay egem coco a hum boy ma vi Lonna. 2Yesu wi lumba cuki fun yona mba', suu ciwna laki mbus bay masina may. 3Yesu ful hu lumba vi Simonda. Nam joɓ Simon ana ɦuɗum ha ki duk mbona hu nde. Yesu kak gaa hu lumba, gijaŋ haɗ suuna.
4Haɗta daɓ may ni, Yesu di Simon ana, «Ҥuɗ lumba ha duk mbo ŋgolna huwa, aŋ u ndarayaŋŋa yow bay magina ciwigiya.» 5Simon hoŋom dira ana, «Malaŋ haɗta, ami loɓ tami a ciwna ni kaa njeŋge day, fi va kaɗi. An hoŋ ciwna ni kayra aŋ danda.»
6Asi cuk ciwna ca ni, ci kulufna ŋgol cocoo. Kulufna hal a ja bayna kiyo. 7Asi feɗek ndarayasi suu ciwna ana asi mbay njunusiya. Asi mba kala ni, oy lumba ki jak u kulufna. Lumba hal a siirisi kaŋga ko nekka. 8Hu li namma Simon Piyer wi na ni, goɓ kaŋga fok yesu, dam ana, «Bu Suuna, ɦuɗ taŋ ha ki egen day an ni sa cona.» 9Simon u suu umma mbuɗ ki ndaana cocoo, kay kuluf ma asi cam cocona. 10Suu hu lumba mbara gi Jak u Jaŋ, goryoŋ Zebedena, mbuɗ ki ndaana lay kay kulufna. Yesu di maŋ Simon ana, «Li ndaaɗi. Cecemmi aŋ hin vi suuna may.» 11Asi ɗuŋ ay ki doŋ lumma ɗuŋŋi, hin tlegeyesi ha ki tani cuk tasi u Yesu gaw.
Yesu garaɗ sa busuna lamma kiyo
(Matiye 8.1-4; Mark 1.40-45)
12Yesu ay hu mbas taa dew sa tuguɗi busuna lamma mbay egemu, goɓ kaŋga fokomu, joɓom ana, «Bu Suuna, lini aŋ mina ni, aŋ ndak a mbuɗun ki jivi mbuɗge.» 13Yesu maɗ kom kam, ŋgenemu, dam ana, «An mina, aŋ garaɗ kiyo.» Cecemi busun hinim gaw. 14Yesu gaɗam ana, «Aŋ di boy namma ki maŋ saɗi. Tuɗ tak taŋ ii sa ma li ɓivunna. Li ɓivunna u gaɗta Moiz dira kay mbuɗta jivira na may. Dla ndaɗta tak ki maŋ asi ana taŋ hiniŋ ki wa.» 15Sem Yesu tii ha ki cocoo. Suuna moli egem a humum boy mamma, a suɗ tasi ki ko tuguɗira lay. 16Yesu hin suu molina ha ki tani, tuɗ ha ki ŋgoo bagi a cen Lona.
Yesu col sa gugufura ki koloo
(Matiye 9.1-8; Mark 2.1-12)
17Fali ta dew Yesu haɗ suuna. Suu Farisenna u suu wi magara gaɗta laki egem tok. Asi col ay hu mbassa Galilera, hu mbassa Yudera may, suu Yerusalemma lay. Saɓakŋa vi Bu Suuna ay eg Yesu, nam garaɗ suu tuguɗira kiyo. 18Suuna mbaa sa gugufura ay gani kay guna. Asi hal a kalam kalafi hu zira fok Yesu. 19Asi ka fi li ma asi kalam hunaɗi, ko suuna moli cocora. Asi co duk zira co ni, siirim ay kaŋga fok Yesu. 20Yesu wasi hurusi ma tini kamma na ni, di ana, «Bananna, cooŋga daɓ ki wa.» 21Suu wi magaara gaɗta u suu Farisenna ɓak duk tasi ana, «Sa pan Lona na ni gege? Sa daɓ cora kina ni gege? Ni Lona dewɗi su?» 22Yesu wasi saa masira na ni, dasi ana, «Agi saa hurugi kurufu na ni kaymege? 23Dlara loɓma ni taarage? Kay dam ana cooŋga ki daɓiyara, ɗowba, col koloo, tuɗ u seŋura su? 24An min a agi wi ana Goŋ Sana saɓak mamma ka kay ndaŋgara a daɓ cora vi suuna kiyo.» Nam di sa gugufuna ana, «Col koloo, tli dlaɗ maŋga, hoŋ vo varaŋu.» 25Sa gugufuna col kolo duk suuna, tli dlaɗ mamba kamu, gi tam voo gaw. Geleɗ Lona ha irim u furira cocoo. 26Suuna halaŋ lakŋa jim, mbuɗ ki ndaana, geleɗ Lona di ana, «Ami wi dlara mbuɗta koyni wa.»
Yesu yi Levi
(Matiye 9.9-13; Mark 2.13-17)
27Ŋgoo dagan Yesu kal ay ki ni wi sana yam ana Levi kaki hu zira taara. Yesu dam ana, «Tuɗ ay unu.» 28Levi hin tlegeyem ka ki halaŋ, col kolo, gi tam um gaw.
29Ŋgoo dagani Levi tin luuna kay Yesu, nam yi banayamma u suu vi taara a tuɗ ti funa varamu. Suu daŋŋa mba egesi coco a ti fun lay. 30Suu Farisenna u suu wi magaara gaɗta hurusi ɓeŋ ki eg Yesu u suu haɗi mamma cocoo, dasi ana, «Agi ti fun lay, ci lay u suu vi taara u suu sulukŋa ni nanage?» 31Yesu hoŋosi dira ana, «Suu tasi ka tasiɗina ka tuɗ hu li ma hal dokdorɗi. Suu tuguɗira tuɗ halammi asiya. 32An mbay ka yi suu hurusi ɗegeenaɗi. An mbay ni kay suu cona, a hurusi mbuɗ ki jiviya.»
Suuna joɓ Yesu kay laara
(Matiye 9.14-17; Mark 2.18-22)
33Suuna di Yesu ana, «Suu haɗina vi Jaŋ ma mbus batemma u suu Farisenna li laara tew tew, cen Lona tew tew may ni, suu haɗi maŋsina ti may, ci may ni nanage?» 34Yesu dasi ana, «Suu mba vogodona li kagira hahawra u njuf cara egesi su? 35Falira njuf cara kaɗira, asi hin li laara tuwa.» 36Yesu hoŋosi dira ana, «Sa ka haa baraw ma wilina a jakam fun tam u ma basinaɗi. Li kaɗi ni baraw ma wilina ki hari may ka taɓ fun tam u ma basina jiviɗi lay. 37Aŋ sana ka sel sum#5.37 summa Vin. Ɓereɗta 38, 39 olo. ma wilina hu mbumbu yo ma basinaɗi. Li ka naɗi, sum veŋ ma wilina hin mun mbumbu yona kiwa ni, sum veŋŋa ɓeŋ ki egeŋŋi ɦawaa. Mbumbu yona ɓeŋ ki egeŋŋi ɦawa lay. 38Sum ma wilina aŋ voommi hu mbumbu yo ma jivina. 39Sa ci sum ma basina ka min ma wilinaɗi. Nam hin di ni ana ma basina irim jiviya.»
Seçili Olanlar:
LUK 5: BMS
Vurgu
Paylaş
Kopyala
Önemli anlarınızın tüm cihazlarınıza kaydedilmesini mi istiyorsunuz? Kayıt olun ya da giriş yapın
Bible Moussey © Bible Society of Chad, 2002.
LUK 5
5
Yesu yi suu haɗi mam suu jewna
(Matiye 4.18-22; Mark 1.16-20)
1Fali ndaɗta Yesu di boy ma vi Lonna maŋ suuna fun lumma yam ana Genesaret. Suuna mbay egem coco a hum boy ma vi Lonna. 2Yesu wi lumba cuki fun yona mba', suu ciwna laki mbus bay masina may. 3Yesu ful hu lumba vi Simonda. Nam joɓ Simon ana ɦuɗum ha ki duk mbona hu nde. Yesu kak gaa hu lumba, gijaŋ haɗ suuna.
4Haɗta daɓ may ni, Yesu di Simon ana, «Ҥuɗ lumba ha duk mbo ŋgolna huwa, aŋ u ndarayaŋŋa yow bay magina ciwigiya.» 5Simon hoŋom dira ana, «Malaŋ haɗta, ami loɓ tami a ciwna ni kaa njeŋge day, fi va kaɗi. An hoŋ ciwna ni kayra aŋ danda.»
6Asi cuk ciwna ca ni, ci kulufna ŋgol cocoo. Kulufna hal a ja bayna kiyo. 7Asi feɗek ndarayasi suu ciwna ana asi mbay njunusiya. Asi mba kala ni, oy lumba ki jak u kulufna. Lumba hal a siirisi kaŋga ko nekka. 8Hu li namma Simon Piyer wi na ni, goɓ kaŋga fok yesu, dam ana, «Bu Suuna, ɦuɗ taŋ ha ki egen day an ni sa cona.» 9Simon u suu umma mbuɗ ki ndaana cocoo, kay kuluf ma asi cam cocona. 10Suu hu lumba mbara gi Jak u Jaŋ, goryoŋ Zebedena, mbuɗ ki ndaana lay kay kulufna. Yesu di maŋ Simon ana, «Li ndaaɗi. Cecemmi aŋ hin vi suuna may.» 11Asi ɗuŋ ay ki doŋ lumma ɗuŋŋi, hin tlegeyesi ha ki tani cuk tasi u Yesu gaw.
Yesu garaɗ sa busuna lamma kiyo
(Matiye 8.1-4; Mark 1.40-45)
12Yesu ay hu mbas taa dew sa tuguɗi busuna lamma mbay egemu, goɓ kaŋga fokomu, joɓom ana, «Bu Suuna, lini aŋ mina ni, aŋ ndak a mbuɗun ki jivi mbuɗge.» 13Yesu maɗ kom kam, ŋgenemu, dam ana, «An mina, aŋ garaɗ kiyo.» Cecemi busun hinim gaw. 14Yesu gaɗam ana, «Aŋ di boy namma ki maŋ saɗi. Tuɗ tak taŋ ii sa ma li ɓivunna. Li ɓivunna u gaɗta Moiz dira kay mbuɗta jivira na may. Dla ndaɗta tak ki maŋ asi ana taŋ hiniŋ ki wa.» 15Sem Yesu tii ha ki cocoo. Suuna moli egem a humum boy mamma, a suɗ tasi ki ko tuguɗira lay. 16Yesu hin suu molina ha ki tani, tuɗ ha ki ŋgoo bagi a cen Lona.
Yesu col sa gugufura ki koloo
(Matiye 9.1-8; Mark 2.1-12)
17Fali ta dew Yesu haɗ suuna. Suu Farisenna u suu wi magara gaɗta laki egem tok. Asi col ay hu mbassa Galilera, hu mbassa Yudera may, suu Yerusalemma lay. Saɓakŋa vi Bu Suuna ay eg Yesu, nam garaɗ suu tuguɗira kiyo. 18Suuna mbaa sa gugufura ay gani kay guna. Asi hal a kalam kalafi hu zira fok Yesu. 19Asi ka fi li ma asi kalam hunaɗi, ko suuna moli cocora. Asi co duk zira co ni, siirim ay kaŋga fok Yesu. 20Yesu wasi hurusi ma tini kamma na ni, di ana, «Bananna, cooŋga daɓ ki wa.» 21Suu wi magaara gaɗta u suu Farisenna ɓak duk tasi ana, «Sa pan Lona na ni gege? Sa daɓ cora kina ni gege? Ni Lona dewɗi su?» 22Yesu wasi saa masira na ni, dasi ana, «Agi saa hurugi kurufu na ni kaymege? 23Dlara loɓma ni taarage? Kay dam ana cooŋga ki daɓiyara, ɗowba, col koloo, tuɗ u seŋura su? 24An min a agi wi ana Goŋ Sana saɓak mamma ka kay ndaŋgara a daɓ cora vi suuna kiyo.» Nam di sa gugufuna ana, «Col koloo, tli dlaɗ maŋga, hoŋ vo varaŋu.» 25Sa gugufuna col kolo duk suuna, tli dlaɗ mamba kamu, gi tam voo gaw. Geleɗ Lona ha irim u furira cocoo. 26Suuna halaŋ lakŋa jim, mbuɗ ki ndaana, geleɗ Lona di ana, «Ami wi dlara mbuɗta koyni wa.»
Yesu yi Levi
(Matiye 9.9-13; Mark 2.13-17)
27Ŋgoo dagan Yesu kal ay ki ni wi sana yam ana Levi kaki hu zira taara. Yesu dam ana, «Tuɗ ay unu.» 28Levi hin tlegeyem ka ki halaŋ, col kolo, gi tam um gaw.
29Ŋgoo dagani Levi tin luuna kay Yesu, nam yi banayamma u suu vi taara a tuɗ ti funa varamu. Suu daŋŋa mba egesi coco a ti fun lay. 30Suu Farisenna u suu wi magaara gaɗta hurusi ɓeŋ ki eg Yesu u suu haɗi mamma cocoo, dasi ana, «Agi ti fun lay, ci lay u suu vi taara u suu sulukŋa ni nanage?» 31Yesu hoŋosi dira ana, «Suu tasi ka tasiɗina ka tuɗ hu li ma hal dokdorɗi. Suu tuguɗira tuɗ halammi asiya. 32An mbay ka yi suu hurusi ɗegeenaɗi. An mbay ni kay suu cona, a hurusi mbuɗ ki jiviya.»
Suuna joɓ Yesu kay laara
(Matiye 9.14-17; Mark 2.18-22)
33Suuna di Yesu ana, «Suu haɗina vi Jaŋ ma mbus batemma u suu Farisenna li laara tew tew, cen Lona tew tew may ni, suu haɗi maŋsina ti may, ci may ni nanage?» 34Yesu dasi ana, «Suu mba vogodona li kagira hahawra u njuf cara egesi su? 35Falira njuf cara kaɗira, asi hin li laara tuwa.» 36Yesu hoŋosi dira ana, «Sa ka haa baraw ma wilina a jakam fun tam u ma basinaɗi. Li kaɗi ni baraw ma wilina ki hari may ka taɓ fun tam u ma basina jiviɗi lay. 37Aŋ sana ka sel sum#5.37 summa Vin. Ɓereɗta 38, 39 olo. ma wilina hu mbumbu yo ma basinaɗi. Li ka naɗi, sum veŋ ma wilina hin mun mbumbu yona kiwa ni, sum veŋŋa ɓeŋ ki egeŋŋi ɦawaa. Mbumbu yona ɓeŋ ki egeŋŋi ɦawa lay. 38Sum ma wilina aŋ voommi hu mbumbu yo ma jivina. 39Sa ci sum ma basina ka min ma wilinaɗi. Nam hin di ni ana ma basina irim jiviya.»
Seçili Olanlar:
:
Vurgu
Paylaş
Kopyala
Önemli anlarınızın tüm cihazlarınıza kaydedilmesini mi istiyorsunuz? Kayıt olun ya da giriş yapın
Bible Moussey © Bible Society of Chad, 2002.