GENESIS 6
6
Minung Sualnâk
1Minung chu laikulh zawzawng an hawng khat rawh chun nungâk tla khawm an hawng suak bâk le, 2tlûnlei mi minung tla nih nungâk tla an muh na le, thungâi dawh an ti le, churuangah an duh mi tla an lâk na. 3Chun LALPA nih, “Minung tla chu um kumza ding hen ka siang na awtlo rawh; thi tlâk an si. Tu thawk hen kum 120 lêm an dam lai lo rawh,” a ti.
4Chubang liau leh a nehnûn tla ah chun tual tlûnah milian tla nunau thlâk tla leh tlûnlei minung tla lakah an thlâk na mi an um. A lânah chun chubang mi tla chu an râlṭha hen an min thungâi a thang.
5LALPA nih tual ah mikip zeiliau zawng ah an sual zia leh an thinlung dawn a ṭhat lo zia a muh le, 6tual tlûnah a siam hen a siah na mi thungâi pawi a ti. A thinlung thungâi a fâk le, 7“Hi minung tla leh ramsa tla leh vâ tla ka siam na mi ka sîr tuktarâi, ka veih dep na lai,” a ti. 8Sikhawmsele LALPA nih Noa chu a lawmh.
Noa chu
9-10Hi hi Noa thâwngthâng chu asi. Fapa pathum- Sem, Ham leh Japhet a nei. Noa chu sualnâk a nei lo, a dam liauah amah cho mi ṭha asi. Pathian kawmh hen a um. 11Sikhawmsele midang tla chu Pathian mitmuh ah an sual hep le, mun kip ah zângnâwr sualnâk hen a khat. 12Pathian nih laikulh chu a zauh le, sual ngâi hen a muh, mi zawzawng tla chu sual tak hen an um ruangah.
13Pathian nih Noa sinah, “Minung hi dawngtir thlo ding ka tum. Zângnâwr thiltinâk hen laikulh hi an khattir ruangah ka veih dep na awt. 14Thing ṭha hen nangmah rangah lawng sâi; kardang siam le, fâr thlîng hen a sung a lêng nalh rawh. 15A dung chu feet 450 hen siam le, a kauh lei chu feet 75 hen, chun a sâng lei chu feet 45. 16Lawng chu a tlûn siam le, a tlûn leh a sîr lât dân chu feet 18 si seh. Lawng chu chuanh thum hen siam le, kawtkâ chu a sîr leiah siam. 17Thil nung zawzawng veih dep ding hen tual tlûnah buanso ka tlungtir awt. Tual tlûnah thil zawzawng a thi ver lai.
18Sikhawmsele nang sinah lam chun thudân ka tuk lai le, na nupi hen, na fapa tla leh an nupi tla hen lawng sungah lût u. 19-20Nung ding hen ramsa leh vâ tla, a nunau leh a mipa a bawp vima hen lawng sungah khumh na. 21Na rangah leh an rangah ei ding zât kip siah ver,” a ti. 22Noa nih Pathian nih a sim mi zawzawng chu a ti ver.
Seçili Olanlar:
GENESIS 6: BCLBV
Vurgu
Paylaş
Kopyala
Önemli anlarınızın tüm cihazlarınıza kaydedilmesini mi istiyorsunuz? Kayıt olun ya da giriş yapın
Bawm Common Language Bible © Bangladesh Bible Society, 2004. All rights reserved.
GENESIS 6
6
Minung Sualnâk
1Minung chu laikulh zawzawng an hawng khat rawh chun nungâk tla khawm an hawng suak bâk le, 2tlûnlei mi minung tla nih nungâk tla an muh na le, thungâi dawh an ti le, churuangah an duh mi tla an lâk na. 3Chun LALPA nih, “Minung tla chu um kumza ding hen ka siang na awtlo rawh; thi tlâk an si. Tu thawk hen kum 120 lêm an dam lai lo rawh,” a ti.
4Chubang liau leh a nehnûn tla ah chun tual tlûnah milian tla nunau thlâk tla leh tlûnlei minung tla lakah an thlâk na mi an um. A lânah chun chubang mi tla chu an râlṭha hen an min thungâi a thang.
5LALPA nih tual ah mikip zeiliau zawng ah an sual zia leh an thinlung dawn a ṭhat lo zia a muh le, 6tual tlûnah a siam hen a siah na mi thungâi pawi a ti. A thinlung thungâi a fâk le, 7“Hi minung tla leh ramsa tla leh vâ tla ka siam na mi ka sîr tuktarâi, ka veih dep na lai,” a ti. 8Sikhawmsele LALPA nih Noa chu a lawmh.
Noa chu
9-10Hi hi Noa thâwngthâng chu asi. Fapa pathum- Sem, Ham leh Japhet a nei. Noa chu sualnâk a nei lo, a dam liauah amah cho mi ṭha asi. Pathian kawmh hen a um. 11Sikhawmsele midang tla chu Pathian mitmuh ah an sual hep le, mun kip ah zângnâwr sualnâk hen a khat. 12Pathian nih laikulh chu a zauh le, sual ngâi hen a muh, mi zawzawng tla chu sual tak hen an um ruangah.
13Pathian nih Noa sinah, “Minung hi dawngtir thlo ding ka tum. Zângnâwr thiltinâk hen laikulh hi an khattir ruangah ka veih dep na awt. 14Thing ṭha hen nangmah rangah lawng sâi; kardang siam le, fâr thlîng hen a sung a lêng nalh rawh. 15A dung chu feet 450 hen siam le, a kauh lei chu feet 75 hen, chun a sâng lei chu feet 45. 16Lawng chu a tlûn siam le, a tlûn leh a sîr lât dân chu feet 18 si seh. Lawng chu chuanh thum hen siam le, kawtkâ chu a sîr leiah siam. 17Thil nung zawzawng veih dep ding hen tual tlûnah buanso ka tlungtir awt. Tual tlûnah thil zawzawng a thi ver lai.
18Sikhawmsele nang sinah lam chun thudân ka tuk lai le, na nupi hen, na fapa tla leh an nupi tla hen lawng sungah lût u. 19-20Nung ding hen ramsa leh vâ tla, a nunau leh a mipa a bawp vima hen lawng sungah khumh na. 21Na rangah leh an rangah ei ding zât kip siah ver,” a ti. 22Noa nih Pathian nih a sim mi zawzawng chu a ti ver.
Seçili Olanlar:
:
Vurgu
Paylaş
Kopyala
Önemli anlarınızın tüm cihazlarınıza kaydedilmesini mi istiyorsunuz? Kayıt olun ya da giriş yapın
Bawm Common Language Bible © Bangladesh Bible Society, 2004. All rights reserved.