Nikamowina 1

tāpwē miywēyihtamowin

1miywēyihtamowin ayāw

ayisiyiniw ēkāya kā‑pimitisahwāt kā‑kakēpātisiyit ayisiyiniwa;

ahpō ēkāya kā‑kiskinawāpamāt omacātisa

ahpō ēkāya kā‑wītapimāt anihi kā‑pīwēyimāyit kisē-manitowa.

2māka miywēyihtam nawac kita-pimitisahahk owiyasiwēwina kisē-manitow,

mīna māmitonēyihtam ēwakoni

ē‑tipiskāk mīna ē‑kīsikāk.

3tāpiskōc mistikwak kā‑ohpikicik sisonē sīpīsisihk

mīna tahto askiy kā‑mīnisiwicik,

mīna nīpiya ēkāya wīhkāc kā‑pāstēki.

miyopayihikow kahkiyaw kīkway ē‑tōtahk.

4māka ē‑macātisicik namwāc ēkosi ispayihikwak;

māka tāpiskōc pahkwēsikanaskosiya kā‑wēpāstahki isinākohcikēwak.

5ēkosi maci-ayisiyiniwak namwāc ta‑nīpawiwak kīsi-wiyasiwātihtwāwi,

ēkwa namōya ta‑akimāwak kisē-manitow otayisiyinīma.

6okwayaskātisak kiskinohtahikwak

mīna kanawēyimikwak kā‑tipēyihcikēyit,

māka macātisak itohtēwak misiwanātisiwinihk.

Seçili Olanlar:

Nikamowina 1: PCSBR

Vurgu

Paylaş

Kopyala

Önemli anlarınızın tüm cihazlarınıza kaydedilmesini mi istiyorsunuz? Kayıt olun ya da giriş yapın

Nikamowina 1
Popüler Kutsal Kitap Ayetleri