Jɔ̌n 7
7
Yesò bɔ̂ Bɔnyɨ bi
1Mbɨ̀Ꞌɨ̀ mènəè maa ègème tsè la, Yesò me ghȩȩne àdziꞋ èdziꞋ a èbem àlaꞋ a Galìlî. Tà ghɨ̀ ale tà kà gha a Jùdià nkàà nê bɔɔjuŋ Bèjuê bu abot la e li ngua nkɨà èlu̧ ebùŋe atò. 2È me wu àfɨꞋa mbɔŋ ale àlia èpǎ̧ Bèjuê wu bòt è naa ntsèka a èbem bayò la a tsiꞋa nkùꞋà. 3Ale, bɔnyɨ Yesò e shu abua tò nê “Sa àdziꞋ yaa nga a Jùdià mbɨ̀Ꞌɨ̀ bɔkatè bê aa ye àfàꞋ yu àa ngɨ̀à la. 4Ghɨ̌ ale nkàà nê àa ngɨ̀ à me kɨ nê bòt eko awê à kà wua ngɨ̀à mènəè mê a ntsèm. Mbɨ̀Ꞌɨ̀ àa ngɨ̀à èwuu mènəè maà la, nyɔꞋte ngɨ̀ wòt ngɔ̀ŋ ègème ko awê.” 5Bɔnyɨ tò aa ndàꞋà mènəè maa ale ngu ndɨ ka wuê bɔ̀ɔmbɔŋ è baka zi èntɨ̧ɨ̧ wɔb ane tò la.
6Ale, Yesò shu abua yɔb nê, “AfɨꞋa màa ghà la a bakà nkùꞋ, ka è me wua wɨ̧ ko àfɨ̀Ꞌ àgème wu àfɨꞋa ntsɔ̧̀. 7BetsiꞋa bòt ngɔ̀ŋ è ka ye àghɨa bɔ̀ɔ me pààbè àwɨ̧ adù̧ la, ka mbɔ̂ me pààbè am, nkàà nê maa shua àghɨa mâ ye mè nko ane yɔb la, nê mènəè mɔb nàà kàbɔ̀ŋ. 8Ale, bɨ̀ kɔꞋ nga a èpà̧ wu, è nka ghǎ, nkàà nê àfɨ̀Ꞌ am a bakà zìꞋ nkùꞋ.” 9Tà làꞋ ale mbɔ̂ ntèꞋà vi à Galìlî ane àfɨ̀Ꞌ àko.
Yesò àdziꞋa èpǎ̧ màntseka a èbem bayò
10Bɔnyɨ Yesò e gha àdziꞋa èpǎ̧ wu ale, àfɨ̀Ꞌ a me wu tà kɔꞋ ngà àzi mɨ̧̂. Mbɔ̂ me ghà ale, tà kà gha ane ndɨ bòt àa ye atò la. 11Bɔɔjuŋ Bèjuê e li ngua ndȩ atò àdziꞋa èpà̧ wu shua nê, “Tàa wa à?”
12Ènɔ̧̂ bòt bu abot la e ghɨ̀ ale ntaꞋa làꞋa adù̧ èlen tò. Bòt ko e ghɨ̀ ale me shu nê tà wu wòt ntsɔ̧̀.
Ka èbeko e me shu nê, “ChaꞋ, tàà ntsòkà ètsə bòt.” 13Bòt bu aa ndàꞋà ale ka wòt kà laꞋ tè bòt aa zə, nkàà nê bɔɔ mbɔ̀ɔ bɔɔjuŋ Bèjuê.
14ÀfɨꞋa èpà̧ wu e ghà tê ntsiꞋa a kètsìà la, Yesò kɔꞋ ngà nyi a èbem lob nɨ̧ Mbɔ̧ɔ̧mà me nyɨꞋte mènəè. 15Tà me nyɨꞋte ale a taꞋa tsè Bèjuê bu bɔ nê, “Mbê waa ghɨ̀ na ka ntaꞋa ko mènəè kà li me ghǎ àkatè à?”
16Yesò bɨ̀ɨ̀lè èngǎ̧ wɔb nê “Mènəè maa nyɨ̀Ꞌta la ntsě mɔ̧, wu me Mbɔ̧ɔ̧mà wu tà tsàà am la. 17Wòt tàa nkɨ e ghɨ̀ àghɨa Mbɔ̧ɔ̧mà nàa nkɨà la, wu tòà ka tàa ko nê èghɨ bàa e nyɨꞋtà la e dzəa abua Mbɔ̧ɔ̧mà ko abua am leꞋ la. 18Wòt tàa ndaꞋa ane èlen li zìambɔŋ la wua nkɨà mbɨ̀Ꞌɨ̀ bòt aa me ŋeꞋe atò a ègwet, ka wòt tàa nkɨà nê bɔ̀ ŋeꞋe wuê èlen wòt wu tà tsàà avi la, wua ndàꞋa nkûŋ, ànəa ko à ka wu ane tò è wu ànəa fɨte la. 19Musì li tà kà ŋa wɨ̧ mbɨ̧tsə? Mbɔ̂ wòt wɨ̧ ka wu tà nɔŋà mbɨ̧te mbɔŋ la, ale bɨ ghɨ̀ na ka me kɨ ebùŋè am à?”
20Ènɔ̧̂ bòt bu e bɨ̀ɨ̀lè nê “À bɔ fo kàbɔ̀ŋ ane yê! Wǎ nàa nkɨ ebuŋe awê à?”
21Yesò tsɔꞋɔ èngǎ̧ wɔb nê, “E ndɨ ngɨ̀ ànəê yeamɔꞋ ane àli àpfəa yɨ̧, ànəa mbɔŋ a taꞋa tsè àwɨ̧. 22Mbɔ̂ bɨ̀ambɔŋ e me fàꞋa ane àliapfəè. Musì li nê bɨ̀ me naŋe bɔ̧ bɨ̧, ka mbɔ̂ me ghɨ̀ ale à ka lem ndzə a èbem tò zìambɔŋ, wu àghɨa bètǎt nyaꞋ bɨ̧ e li mbùꞋ la. Ale, bɨ me naŋe bɔ̧ mbâ̧ fɔ̀ɔ̀le àliapfəè. 23Tè bɨ wu naŋe waã ane àliapfəè, bɨ̀a mbɔ̀a mbɨ̀Ꞌɨ̀ ka bɨ pààtè mbɨ̧ Musì la, mmɔ̌ mbɔŋ è ngɨa wòt pem nenkèm ane àlia mbɔŋ bɨ wua ntsòa ane yaã ne ghàà? 24Bɨ̀ ka me saꞋa èghɨ bòt àa ngɨ̀à la wuê ane àghɨa bɨ ye la, bɨ me saꞋa ànəê, bɨ kɨ nkûŋ nàa adù̧ la ka saꞋ.”
Tè eyaa wu Fɔ̧̀ wu Mbɔ̧ɔ̧mà li ndzɔꞋ etsàà la à?
25ÀfɨꞋa mbɔŋ bòt ko ane bòt Jèlusalèm e nê “Tè eyaa ntsě mbê wu bɔ̀ɔ nkɨ ebùŋe atò la à? 26Bɨ̀ ye atò ndàꞋa ayɔɔ banɔ̧̀ ka wòt ka lem ndàꞋà ànəê! Aa nè ngu nê bètǎt àlaꞋ e chɨɨme mɨ̀ɨ̀te nê tà wu Fɔ̧̀ wu Mbɔ̧ɔ̧mà li ndzɔꞋ etsàà la à? 27Fɔ̧̀ wu Mbɔ̧ɔ̧mà li ndzɔꞋ etsàà la naa li nkɨ̀Ꞌɨ̂ wòt kà ko àdziꞋa tà dzəè la, è me wua mbê waa ko ba koê àdziꞋa tà dzəè la.”
28Yesò me nyɨꞋte mènəè a èbem lob nɨ̧ Mbɔ̧ɔ̧mà ale tè ŋȩ nê “Bɨ ko am, mè nko àdziꞋa è ndzəè la. Ka e ntsě adzìꞋ yaa ane mɔ̧ ne mètàŋ. Wòt wu tà tsàà am la wu wòt nkûŋ, ka bɨ̀ ka lem nko atò. 29Mâ ko atò nkàà nê e ndzəa abua tò, wu tòà ka tà tsàà am la.” 30Bɔ zə ale, bòt ko abot e me kɨ baãaã tò ka wòt kà ziꞋ mbà̧à̧te atò nkàà nê àfɨꞋa mènəè maa li mbɔ̌ ndɨ nàa ghɨ ane tò la a li à ka ziꞋ nkùꞋ. 31Ka bòt nyaŋ ayɔɔ ènɔ̧̂ bòt bu e ghɨ̀ ale ndzì mèntɨ̧ɨ̧ mɔb ane tò tè me làꞋa shua nê, “Tè Fɔ̧̀ wu Mbɔ̧ɔ̧mà li ndzɔꞋ etsàà la naa li kɨꞋɨ e ghɨ̀ tèwuute ènəê kà ye fɨ̀Ꞌ te tsè è taa mbê waa ghɨ̀ la à?”
Bɔ tsàà bèmbaabà nê bɔ ghǎ mbà̧aã Yesò
32ÀfɨꞋa mbɔŋ Bèfalèsiì ko e zə ndɨ ènɔ̧̂ bòt bu e làꞋà mènəè Yesò màa a kètsìà wɔb la. Bètǎt bèntsìà mèpɨ̧̀ Mbɔ̧ɔ̧mà e tsàà bèmbaabà lob nɨ̧ Mbɔ̧ɔ̧mà nê bɔ̀ ghǎ mbà̧aã tò.
33Bɔɔ ngɨ̀a ale Yesò shu abua bòt nê, “Maa nyaꞋa wù̧ù̧nè ba nɨ̧̀ ba ane ateme àfɨ̀Ꞌ àko ka wène abua wòt wu tà tsàà am la. 34Bɨa kɨ am ka bɨ̀ ka wu eye am, nkàà nê betsiꞋa bɨ̀ ka ko nkɨ̀Ꞌɨ̂ adziꞋa e ngà la.”
35ÀfɨꞋa mbɔŋ Bèjuê bu e bùꞋ me biite a kètsìà wɔb nê, “Mbê waa kɨ ghà neŋǎ kà ba wu eye atò à? Tè tà kɨ ghǎ àlaꞋ a bòt Glɨ̂k, àdziꞋa bòt baa ko àa ntsèka la, mbɨ̀Ꞌɨ̀ me nyɨꞋte awɔb? 36Tà tsiꞋa shua nê ‘Ba kɨa vi kà wu eye, mè nê betsiꞋa bà ka gha àdziꞋa ye ghà la ale ngua shua ne ghà à?’ ”
Yesò kàꞋà bòt bi Fo Mbɔ̧ɔ̧mà
37È tseke tè ngu àlia màndia, è wu kwàꞋ àlia nɨ̧ ane èpǎ̧ wu la, Yesò lɔ̀Ꞌɔ a si ndɔ̀kè àtɔŋ zi ntsaa ègwet nê, “Àtɔŋ wòt a yu̧a tà kɨ̀Ꞌɨ̂ e ŋa mèleb tà nu. 38Àkata Mbɔ̧ɔ̧mà a làꞋ nê wòt zìà èntɨ̧ɨ̧ vi ane yaã ko badzì mèleb bèa ŋǎ mèmpème la bea me dzəâ a èntɨ̧ɨ̧ tò.” 39Yesò nàà ndàꞋà ale ngua shua ànəa Fo Mbɔ̧ɔ̧mà yu bòt bu bɔ zi èntɨ̧ɨ̧ wɔb ane tò la àa bɔ la. È li me wu àfɨ̀Ꞌ yaa ale, Mbɔ̧ɔ̧mà kà ziꞋ ntsàà Fo zi, nkàà nê Mbɔ̧ɔ̧mà li tà kà zîꞋ ndɔ̀ke a Yesò etsàa a ègwet, e ghɨ̌ taa bɔ ènɨ̧ vi.
Bòt e tsiꞋi ane mètsəê tsa tsa
40Bòt e zə mèngà̧ maa ale èbeko ane yɔb e nê, “Mbê waa lâ ngu ndàꞋàtɔŋ Mbɔ̧ɔ̧mà wu baa nchɨ̀Ꞌà la.”
41Èbeko e nê, “Eyaa wu Fɔ̧̀ wu Mbɔ̧ɔ̧mà li ndzɔꞋ etsàà la.”
Ka èbeko e nê “Fɔ̧̀ wu Mbɔ̧ɔ̧mà li ndzɔꞋ etsàà la gha edzə ale wuê nè Galìlî leꞋ? 42Àkata Mbɔ̧ɔ̧mà a laꞋnê Fɔ̧̀ wu Mbɔ̧ɔ̧mà li ndzɔꞋ etsàà la naa wu wòt àndǎ̧ Fɔ̧̀ Dàbid, mbɔ̂ ngua nga edzəâ a Betèlèghêm àdziꞋa Fɔ̧̀ Dàbid li ndzəè la.” 43Bòt bu e me kààne ànəa Yesò ale tè ntsìꞋi a mètsəê a mètsəê. 44ÀbəèꞋ àko ane yɔb a me kɨ ebaãaã tò, kà wòt kà baãaãte atò.
Bɔɔjuŋ Bèjuê e tu̧u̧ wòt Yesò wû wùà la
45ÀfɨꞋa mbɔŋ, bèmbaabà lob nɨ̧ Mbɔ̧ɔ̧mà yu e kua akwèn ngà nkwene ane bètǎt bèntsìà mèpɨ̧̀ Mbɔ̧ɔ̧mà nè Bèfalèsiì bu, bɔ biite awɔb nê, “Bɨ ghɨ̀ na ka bɨ̀ ka nɨa Yesò wu enɨ kɨꞋɨ à?”
46Bèmbaabà bu e bɨ̀ɨ̀lè nê, “Wòt te bakà laꞋa ànəê mbɨ̀Ꞌɨ̀ mbê waa!”
47Bèfalèsiì bu e biite awɔb nê, “Bɨ̀ ko mbɨ̀Ꞌɨ̀ tà ghèble ètsə èbɨ̧ mɨ̧̂? 48Tè bɨ ko wajûŋ kǒ, kò wòt kǒ ayɔɔ Bèfalèsiì tà zi èntɨ̧ɨ̧ vi ane tò la à? 49Ka è me wu ènɔ̧̂ bòt baa ko ndɔ̀ Mbɔ̧ɔ̧mà nɔ̀ŋke àtsəa yɔb nkàà nê bɔ bakà ko Àkata Mbɔ̧ɔ̧mà.”
50Bɔɔ ngɨ̀à ale, wòt kǒ ayɔɔ yɔb è wu Nìkòdemòs wu tà li nga àfɨꞋa tsa ndzea Yesò la wuê ayɔɔ yɔb, shu abua yɔb nê, 51“Mbɨ̧ ta teà nyɨ̀Ꞌta nê, betsiꞋa bɔ̀ ka laꞋnê wòt kwene ànəê ka bɨ̧ zə àtɔŋ èngǎ̧ tò, eko ànəa tà ghɨ̀ la.”
52Tà làꞋ ale, bɔ biite atò nê, “À dzəèa yê a Galìlî mɨ̧̂? Tɔ èngǎ̧ Mbɔ̧ɔ̧mà ndzè na àa zə nê, betsiꞋa ndàꞋàtɔŋ Mbɔ̧ɔ̧mà kǒ ka dzəa Galìlî la.” #7:52 Èkatè nyaŋ bɔ li shɨŋ àfɨꞋa mbì la e bakà bɔ mènəè maa è bùꞋu ane chàbtà 7:53-8:11.
[ 53Bɔ làꞋ ale, waa waa lɔ̀Ꞌ me ghà àpfəa zi.
Seçili Olanlar:
Jɔ̌n 7: mnf
Vurgu
Paylaş
Kopyala
Önemli anlarınızın tüm cihazlarınıza kaydedilmesini mi istiyorsunuz? Kayıt olun ya da giriş yapın
© 2006, Cameroon Association for Bible Translation and Literacy
Jɔ̌n 7
7
Yesò bɔ̂ Bɔnyɨ bi
1Mbɨ̀Ꞌɨ̀ mènəè maa ègème tsè la, Yesò me ghȩȩne àdziꞋ èdziꞋ a èbem àlaꞋ a Galìlî. Tà ghɨ̀ ale tà kà gha a Jùdià nkàà nê bɔɔjuŋ Bèjuê bu abot la e li ngua nkɨà èlu̧ ebùŋe atò. 2È me wu àfɨꞋa mbɔŋ ale àlia èpǎ̧ Bèjuê wu bòt è naa ntsèka a èbem bayò la a tsiꞋa nkùꞋà. 3Ale, bɔnyɨ Yesò e shu abua tò nê “Sa àdziꞋ yaa nga a Jùdià mbɨ̀Ꞌɨ̀ bɔkatè bê aa ye àfàꞋ yu àa ngɨ̀à la. 4Ghɨ̌ ale nkàà nê àa ngɨ̀ à me kɨ nê bòt eko awê à kà wua ngɨ̀à mènəè mê a ntsèm. Mbɨ̀Ꞌɨ̀ àa ngɨ̀à èwuu mènəè maà la, nyɔꞋte ngɨ̀ wòt ngɔ̀ŋ ègème ko awê.” 5Bɔnyɨ tò aa ndàꞋà mènəè maa ale ngu ndɨ ka wuê bɔ̀ɔmbɔŋ è baka zi èntɨ̧ɨ̧ wɔb ane tò la.
6Ale, Yesò shu abua yɔb nê, “AfɨꞋa màa ghà la a bakà nkùꞋ, ka è me wua wɨ̧ ko àfɨ̀Ꞌ àgème wu àfɨꞋa ntsɔ̧̀. 7BetsiꞋa bòt ngɔ̀ŋ è ka ye àghɨa bɔ̀ɔ me pààbè àwɨ̧ adù̧ la, ka mbɔ̂ me pààbè am, nkàà nê maa shua àghɨa mâ ye mè nko ane yɔb la, nê mènəè mɔb nàà kàbɔ̀ŋ. 8Ale, bɨ̀ kɔꞋ nga a èpà̧ wu, è nka ghǎ, nkàà nê àfɨ̀Ꞌ am a bakà zìꞋ nkùꞋ.” 9Tà làꞋ ale mbɔ̂ ntèꞋà vi à Galìlî ane àfɨ̀Ꞌ àko.
Yesò àdziꞋa èpǎ̧ màntseka a èbem bayò
10Bɔnyɨ Yesò e gha àdziꞋa èpǎ̧ wu ale, àfɨ̀Ꞌ a me wu tà kɔꞋ ngà àzi mɨ̧̂. Mbɔ̂ me ghà ale, tà kà gha ane ndɨ bòt àa ye atò la. 11Bɔɔjuŋ Bèjuê e li ngua ndȩ atò àdziꞋa èpà̧ wu shua nê, “Tàa wa à?”
12Ènɔ̧̂ bòt bu abot la e ghɨ̀ ale ntaꞋa làꞋa adù̧ èlen tò. Bòt ko e ghɨ̀ ale me shu nê tà wu wòt ntsɔ̧̀.
Ka èbeko e me shu nê, “ChaꞋ, tàà ntsòkà ètsə bòt.” 13Bòt bu aa ndàꞋà ale ka wòt kà laꞋ tè bòt aa zə, nkàà nê bɔɔ mbɔ̀ɔ bɔɔjuŋ Bèjuê.
14ÀfɨꞋa èpà̧ wu e ghà tê ntsiꞋa a kètsìà la, Yesò kɔꞋ ngà nyi a èbem lob nɨ̧ Mbɔ̧ɔ̧mà me nyɨꞋte mènəè. 15Tà me nyɨꞋte ale a taꞋa tsè Bèjuê bu bɔ nê, “Mbê waa ghɨ̀ na ka ntaꞋa ko mènəè kà li me ghǎ àkatè à?”
16Yesò bɨ̀ɨ̀lè èngǎ̧ wɔb nê “Mènəè maa nyɨ̀Ꞌta la ntsě mɔ̧, wu me Mbɔ̧ɔ̧mà wu tà tsàà am la. 17Wòt tàa nkɨ e ghɨ̀ àghɨa Mbɔ̧ɔ̧mà nàa nkɨà la, wu tòà ka tàa ko nê èghɨ bàa e nyɨꞋtà la e dzəa abua Mbɔ̧ɔ̧mà ko abua am leꞋ la. 18Wòt tàa ndaꞋa ane èlen li zìambɔŋ la wua nkɨà mbɨ̀Ꞌɨ̀ bòt aa me ŋeꞋe atò a ègwet, ka wòt tàa nkɨà nê bɔ̀ ŋeꞋe wuê èlen wòt wu tà tsàà avi la, wua ndàꞋa nkûŋ, ànəa ko à ka wu ane tò è wu ànəa fɨte la. 19Musì li tà kà ŋa wɨ̧ mbɨ̧tsə? Mbɔ̂ wòt wɨ̧ ka wu tà nɔŋà mbɨ̧te mbɔŋ la, ale bɨ ghɨ̀ na ka me kɨ ebùŋè am à?”
20Ènɔ̧̂ bòt bu e bɨ̀ɨ̀lè nê “À bɔ fo kàbɔ̀ŋ ane yê! Wǎ nàa nkɨ ebuŋe awê à?”
21Yesò tsɔꞋɔ èngǎ̧ wɔb nê, “E ndɨ ngɨ̀ ànəê yeamɔꞋ ane àli àpfəa yɨ̧, ànəa mbɔŋ a taꞋa tsè àwɨ̧. 22Mbɔ̂ bɨ̀ambɔŋ e me fàꞋa ane àliapfəè. Musì li nê bɨ̀ me naŋe bɔ̧ bɨ̧, ka mbɔ̂ me ghɨ̀ ale à ka lem ndzə a èbem tò zìambɔŋ, wu àghɨa bètǎt nyaꞋ bɨ̧ e li mbùꞋ la. Ale, bɨ me naŋe bɔ̧ mbâ̧ fɔ̀ɔ̀le àliapfəè. 23Tè bɨ wu naŋe waã ane àliapfəè, bɨ̀a mbɔ̀a mbɨ̀Ꞌɨ̀ ka bɨ pààtè mbɨ̧ Musì la, mmɔ̌ mbɔŋ è ngɨa wòt pem nenkèm ane àlia mbɔŋ bɨ wua ntsòa ane yaã ne ghàà? 24Bɨ̀ ka me saꞋa èghɨ bòt àa ngɨ̀à la wuê ane àghɨa bɨ ye la, bɨ me saꞋa ànəê, bɨ kɨ nkûŋ nàa adù̧ la ka saꞋ.”
Tè eyaa wu Fɔ̧̀ wu Mbɔ̧ɔ̧mà li ndzɔꞋ etsàà la à?
25ÀfɨꞋa mbɔŋ bòt ko ane bòt Jèlusalèm e nê “Tè eyaa ntsě mbê wu bɔ̀ɔ nkɨ ebùŋe atò la à? 26Bɨ̀ ye atò ndàꞋa ayɔɔ banɔ̧̀ ka wòt ka lem ndàꞋà ànəê! Aa nè ngu nê bètǎt àlaꞋ e chɨɨme mɨ̀ɨ̀te nê tà wu Fɔ̧̀ wu Mbɔ̧ɔ̧mà li ndzɔꞋ etsàà la à? 27Fɔ̧̀ wu Mbɔ̧ɔ̧mà li ndzɔꞋ etsàà la naa li nkɨ̀Ꞌɨ̂ wòt kà ko àdziꞋa tà dzəè la, è me wua mbê waa ko ba koê àdziꞋa tà dzəè la.”
28Yesò me nyɨꞋte mènəè a èbem lob nɨ̧ Mbɔ̧ɔ̧mà ale tè ŋȩ nê “Bɨ ko am, mè nko àdziꞋa è ndzəè la. Ka e ntsě adzìꞋ yaa ane mɔ̧ ne mètàŋ. Wòt wu tà tsàà am la wu wòt nkûŋ, ka bɨ̀ ka lem nko atò. 29Mâ ko atò nkàà nê e ndzəa abua tò, wu tòà ka tà tsàà am la.” 30Bɔ zə ale, bòt ko abot e me kɨ baãaã tò ka wòt kà ziꞋ mbà̧à̧te atò nkàà nê àfɨꞋa mènəè maa li mbɔ̌ ndɨ nàa ghɨ ane tò la a li à ka ziꞋ nkùꞋ. 31Ka bòt nyaŋ ayɔɔ ènɔ̧̂ bòt bu e ghɨ̀ ale ndzì mèntɨ̧ɨ̧ mɔb ane tò tè me làꞋa shua nê, “Tè Fɔ̧̀ wu Mbɔ̧ɔ̧mà li ndzɔꞋ etsàà la naa li kɨꞋɨ e ghɨ̀ tèwuute ènəê kà ye fɨ̀Ꞌ te tsè è taa mbê waa ghɨ̀ la à?”
Bɔ tsàà bèmbaabà nê bɔ ghǎ mbà̧aã Yesò
32ÀfɨꞋa mbɔŋ Bèfalèsiì ko e zə ndɨ ènɔ̧̂ bòt bu e làꞋà mènəè Yesò màa a kètsìà wɔb la. Bètǎt bèntsìà mèpɨ̧̀ Mbɔ̧ɔ̧mà e tsàà bèmbaabà lob nɨ̧ Mbɔ̧ɔ̧mà nê bɔ̀ ghǎ mbà̧aã tò.
33Bɔɔ ngɨ̀a ale Yesò shu abua bòt nê, “Maa nyaꞋa wù̧ù̧nè ba nɨ̧̀ ba ane ateme àfɨ̀Ꞌ àko ka wène abua wòt wu tà tsàà am la. 34Bɨa kɨ am ka bɨ̀ ka wu eye am, nkàà nê betsiꞋa bɨ̀ ka ko nkɨ̀Ꞌɨ̂ adziꞋa e ngà la.”
35ÀfɨꞋa mbɔŋ Bèjuê bu e bùꞋ me biite a kètsìà wɔb nê, “Mbê waa kɨ ghà neŋǎ kà ba wu eye atò à? Tè tà kɨ ghǎ àlaꞋ a bòt Glɨ̂k, àdziꞋa bòt baa ko àa ntsèka la, mbɨ̀Ꞌɨ̀ me nyɨꞋte awɔb? 36Tà tsiꞋa shua nê ‘Ba kɨa vi kà wu eye, mè nê betsiꞋa bà ka gha àdziꞋa ye ghà la ale ngua shua ne ghà à?’ ”
Yesò kàꞋà bòt bi Fo Mbɔ̧ɔ̧mà
37È tseke tè ngu àlia màndia, è wu kwàꞋ àlia nɨ̧ ane èpǎ̧ wu la, Yesò lɔ̀Ꞌɔ a si ndɔ̀kè àtɔŋ zi ntsaa ègwet nê, “Àtɔŋ wòt a yu̧a tà kɨ̀Ꞌɨ̂ e ŋa mèleb tà nu. 38Àkata Mbɔ̧ɔ̧mà a làꞋ nê wòt zìà èntɨ̧ɨ̧ vi ane yaã ko badzì mèleb bèa ŋǎ mèmpème la bea me dzəâ a èntɨ̧ɨ̧ tò.” 39Yesò nàà ndàꞋà ale ngua shua ànəa Fo Mbɔ̧ɔ̧mà yu bòt bu bɔ zi èntɨ̧ɨ̧ wɔb ane tò la àa bɔ la. È li me wu àfɨ̀Ꞌ yaa ale, Mbɔ̧ɔ̧mà kà ziꞋ ntsàà Fo zi, nkàà nê Mbɔ̧ɔ̧mà li tà kà zîꞋ ndɔ̀ke a Yesò etsàa a ègwet, e ghɨ̌ taa bɔ ènɨ̧ vi.
Bòt e tsiꞋi ane mètsəê tsa tsa
40Bòt e zə mèngà̧ maa ale èbeko ane yɔb e nê, “Mbê waa lâ ngu ndàꞋàtɔŋ Mbɔ̧ɔ̧mà wu baa nchɨ̀Ꞌà la.”
41Èbeko e nê, “Eyaa wu Fɔ̧̀ wu Mbɔ̧ɔ̧mà li ndzɔꞋ etsàà la.”
Ka èbeko e nê “Fɔ̧̀ wu Mbɔ̧ɔ̧mà li ndzɔꞋ etsàà la gha edzə ale wuê nè Galìlî leꞋ? 42Àkata Mbɔ̧ɔ̧mà a laꞋnê Fɔ̧̀ wu Mbɔ̧ɔ̧mà li ndzɔꞋ etsàà la naa wu wòt àndǎ̧ Fɔ̧̀ Dàbid, mbɔ̂ ngua nga edzəâ a Betèlèghêm àdziꞋa Fɔ̧̀ Dàbid li ndzəè la.” 43Bòt bu e me kààne ànəa Yesò ale tè ntsìꞋi a mètsəê a mètsəê. 44ÀbəèꞋ àko ane yɔb a me kɨ ebaãaã tò, kà wòt kà baãaãte atò.
Bɔɔjuŋ Bèjuê e tu̧u̧ wòt Yesò wû wùà la
45ÀfɨꞋa mbɔŋ, bèmbaabà lob nɨ̧ Mbɔ̧ɔ̧mà yu e kua akwèn ngà nkwene ane bètǎt bèntsìà mèpɨ̧̀ Mbɔ̧ɔ̧mà nè Bèfalèsiì bu, bɔ biite awɔb nê, “Bɨ ghɨ̀ na ka bɨ̀ ka nɨa Yesò wu enɨ kɨꞋɨ à?”
46Bèmbaabà bu e bɨ̀ɨ̀lè nê, “Wòt te bakà laꞋa ànəê mbɨ̀Ꞌɨ̀ mbê waa!”
47Bèfalèsiì bu e biite awɔb nê, “Bɨ̀ ko mbɨ̀Ꞌɨ̀ tà ghèble ètsə èbɨ̧ mɨ̧̂? 48Tè bɨ ko wajûŋ kǒ, kò wòt kǒ ayɔɔ Bèfalèsiì tà zi èntɨ̧ɨ̧ vi ane tò la à? 49Ka è me wu ènɔ̧̂ bòt baa ko ndɔ̀ Mbɔ̧ɔ̧mà nɔ̀ŋke àtsəa yɔb nkàà nê bɔ bakà ko Àkata Mbɔ̧ɔ̧mà.”
50Bɔɔ ngɨ̀à ale, wòt kǒ ayɔɔ yɔb è wu Nìkòdemòs wu tà li nga àfɨꞋa tsa ndzea Yesò la wuê ayɔɔ yɔb, shu abua yɔb nê, 51“Mbɨ̧ ta teà nyɨ̀Ꞌta nê, betsiꞋa bɔ̀ ka laꞋnê wòt kwene ànəê ka bɨ̧ zə àtɔŋ èngǎ̧ tò, eko ànəa tà ghɨ̀ la.”
52Tà làꞋ ale, bɔ biite atò nê, “À dzəèa yê a Galìlî mɨ̧̂? Tɔ èngǎ̧ Mbɔ̧ɔ̧mà ndzè na àa zə nê, betsiꞋa ndàꞋàtɔŋ Mbɔ̧ɔ̧mà kǒ ka dzəa Galìlî la.” #7:52 Èkatè nyaŋ bɔ li shɨŋ àfɨꞋa mbì la e bakà bɔ mènəè maa è bùꞋu ane chàbtà 7:53-8:11.
[ 53Bɔ làꞋ ale, waa waa lɔ̀Ꞌ me ghà àpfəa zi.
Seçili Olanlar:
:
Vurgu
Paylaş
Kopyala
Önemli anlarınızın tüm cihazlarınıza kaydedilmesini mi istiyorsunuz? Kayıt olun ya da giriş yapın
© 2006, Cameroon Association for Bible Translation and Literacy