Amatiyu 12
12
Ozhiozhĩ eshri onda Asabat
1Ambla ba Eyesu a lu odlo a khwo nga, a gre a yi a dzi agbi esekʼpa onda Asabat he lo. Embyle e kpo moanwyeotum baŋ, okyku eka he, moa a sheŋ ashri esekʼpa nga moa a khwa lo a la a taŋ. 2Omba ba moaEfarisi a ka eka he nga, moa a nyuŋ Eyesu a lu mi le, Aŋo o ka, moanwyeotum boŋ a pre odaŋ bi okyku eshi moa a kpo eka he onda Asabat! 3Eyesu a tno mo ma a lu mi le, Agimi e tsi e ka ondakyeŋ eka ba embyle e kpo Adawuda, pa la moare la a lu ŋa ma nga, 4a gre anwyeakulu nga a yi a sko agbrotsa, nga a taŋ pa la moarehwĩ baŋ mbo? Agbrotsa he lo moa a shri lo a ndba Ahogbrẽ angyiŋ. Moa a pre odaŋ okyku moa a taŋ lo, okyku eshi moandakʼpo olu ba Ahogbrẽ sha a kpo a gbu ba moa a taŋ lo. 5Agimi e tsi odaŋ ba Omusa onda-kyeŋ e ka eka ba moandakʼpo olu ba Ahogbrẽ a pre odaŋ ba Asabat he lo mbo? Moa a kpo mo ekplokyeŋ mbo! 6Are la a gre Anyuŋ-akulu a wo ahe. 7O wo ba agimi e ka Odlo Ahogbrẽ e bmye zhezheŋ, eka ba alo o lu mi le, Ame e klo oshriondba ba ebyi angyiŋ mbo, ambo ame e klo okpoghwo angyiŋ. O wo bimi e ka e bmye eka he e mbi, agimi e lu odlo ototno eshri moare la a wo la odlodzi eka he mbo. 8Okyku eshi Anwye Arehwĩ angyiŋ a wo Adaŋ-odne ba Asabat.
Andeobgo alomakyeŋ
9Eyesu a kso ahe nga a gre anwyeakuluakyeŋ. 10Alomakyeŋ la a nde obgo a wo ahe lo. Moarekyeŋ la a klo o kla odlo ta la Eyesu a wo ma. Moa a lu mi ma Eyesu a ta akpu. Okyku eka he nga moa a zhĩ ŋa a lu mi le, O wo eka moa a pre odaŋ bi angyiŋ o wo ba moa a shaŋ are la a no olo onda Asabat mbo? 11Eyesu a tno mo ma a lu mi le, Agimi e gno, o wo ba akyeŋ eshki bimi a wo la ekylu ma, o wo ba alo e gre enzhe la e gyuŋ onda Asabat le, aŋa á se lo mbo? 12Arehwĩ a wo anyuanyuŋ nzenze a gre ekylu! Okyku eka he, odaŋ bi o bmi ba are a kpo a ghwo la moare onda ba Asabat. 13Ambla he nga, Eyesu a nyuŋ alom lo a lu mi le, Aŋo o ndba obgo boŋ. Aŋa a ndba lo nga alo o zhiŋ o dzu eka ba obgo ohwõ. 14Ambla he nga moaEfarisi a zhiŋ ogbu a gre okyku o hwim ohwim okyku o da mo a vu Eyesu a bga.
Anwye-odne ba Ahogbrẽ a sla
15Omba ba Eyesu a gno eka he lo nga, a kso a sku okro he lo, moarehwĩ nzenze nga a lu ŋa ma. Aŋa a shaŋ moare la a no ololo. 16Nga a shĩ mo ma moa a lu ayakplo baŋ a kpo a da arekyeŋ mbo ku-ku, 17okyku o da ekplo ba Eshaya, arehwĩ ba Ahogbrẽ a hom otum a lu e bli. Eshaya a lu ma Ahogbrẽ a lu mi le,
18Anwye-odne me angyiŋ a wo ahi, aŋa ame e sla ŋa.
Aŋa angyiŋ ame e la e klo ŋa,
Nga ame e gno oraŋ ka la ŋa e gre eshri.
Ame é bli ŋa la Ogbgaodzi me.
Aŋa nga á su odlo me, á ygi moare pyeŋ.
19Ambo aŋa á kla odlo pa la moare mbo.
Nga aŋa á lu odlo nga á ta enzi angyangyeŋ anyuŋ-ezhẽ mbo.
20Aŋa á ndbi agogro a ta mbo.
Nga aŋa á dzu agogro a zga mbo.
Ambo aŋa á zga gble okyku o da mo a yi adlidzi.
21Nga moare mvye á ka ayi ozhẽ okyku ŋa sha.
Eyesu ta la Ebilazabuba
22Ambla he nga, moa a shri avgayi alomakyeŋ, la a sa a buŋ olum, alo o kpo eka he okyku ba ogbgabi o kpo otum ka la ŋa. Eyesu a shaŋ alom he lo nga a kpla egba a gbu, nga a sa a ka okro a mbo a gbu. 23Moare pyeŋ moa a ka egbregbre a gre eshri nga moa a zhĩ a lu mi le, Alom he lo angyiŋ a wo Anwye Adawuda e mbo? 24Omba ba moaEyahuda a gno eka he nga, moa a tno ma a lu mi le, Aŋa a la a se egbgabi okyku eshi areŋ mo, Ebilazabuba angyiŋ a shri ekʼpo a shri a daŋ okyku o daŋ a kpo eka he.
25Eyesu a tspi aga esõ mo pyeŋ okyku eka he aŋa a nyuŋ mo a lu mi le, Obiŋ-yaŋ a mbo la o gʼba eŋa eha, nga o la o klo ambgu ta la eŋa le, ó ri edzi mbo. Nga, osku, o mbo le ogu la o gʼba eŋa eha nga o la o klo ambgu ta la eŋa le, ó tsu ó gbu. 26Okyku eka he o wo ba ogʼbakyeŋ o klo ambgu ta la ogʼba ohwõ óreŋ ba Eshitaŋ le, o dzu eka ba alo o gʼba eŋa angyiŋ, nga ó tsu ó gbu! 27Agimi e lu mi ma Ebilazabuba angyiŋ a shri ekʼpo a da me e se egbgabi. O wo ba alo o wo eka he angyiŋ le, ayi a shri ekʼpo a da moa la a lu gimi ma, a da mo a se mo? Moa la a lu gimi ma a tsa eka bimi e la e ta akpu angyiŋ! 28Ambo, Ogbgaodzi Ahogbrẽ angyiŋ o shri ekʼpo o shri o da me e la e se egbgabi. Ohi lo o tsa ba agimi e sheŋ e ka Oreŋ ba Ahogbrẽ bgu.
29Arekyeŋ a kpo a gbu baŋ a yi a gom odne are la a wo oshye nga a yi a si mbo, o wo le a yi a bʼbu ŋa endzi ayga dne.
30Are la a wo a me angyiŋ mbo le, a wo afpu me angyiŋ. Are la a la a pla a shki pa la me mbo le, aŋa a som lo ayi angyiŋ. 31Okyku eka he ame e lu e da gimi, moa a kpo a gbu ba moa a kyu moare abgo odlobi moa a kpo, ta la ayakplobi moa a la a lu, ambo, o wo moa a lu odlo ototno eshri Ogbgaodzi angyiŋ le, Ahogbrẽ á kyu mo abgo mbo. 32Ambo areyaŋ a mbo la a kpo odlobi egi ayi Anwye Arehwĩ angyiŋ le, moa á kyu ŋa abgo. Are la a tsa Ogbgaodzi atsa le, moa á kyu ŋa abgo mbo gbagbu-amo.
Esĩ aki ta la agbro baŋ
33Esĩ aki e wo edzi ayga e la e fu agbro adzi. O wo ba esĩ aki lo e wo edzi mbo le, é fu agbro adzi mbo. Edgu agbro ba esĩ aki e la e fu angyiŋ e la e da mo a yi edgu esĩ aki lo. 34Agimi emabi, agimi e kpo anyu é ba e lu odlodzi, okyku eshi agimi e wo moare ba odlobi angyiŋ? Okyku eshi anyu a la a lu ekplo la e wo esõ angyiŋ e ba edzi. 35Areadzi a la a se anzho adzi angyiŋ anjygu baŋ la a wo adzi a ba edzi. Areabi nga a la a se anzho la a wo abi angyiŋ anjygu baŋ la a wo abi a ba edzi.
36Ame e lu e da gimi, Onda Ombgu le, areyaŋ a mbo á wre odlo ototno baŋ a la a lu, á da mo a ka. 37Okyku eshi la odlo boŋ angyiŋ moa á ba a sõ ŋo ombgu. La alo angyiŋ aŋo ó ba o gro o mbo le ó ba o dga.
Moa a klo egbregbre akplo
38Moarekyeŋ la a la a nye odaŋ, pa la moaEfarisi a lu odlo a lu mi le, Andakʼpo! Agi e klo boŋ o kpo akplo egbregbre akyeŋ o da gi e ka. 39Eyesu a tno mo ma a lu mi le, Agimi arehwĩ ba ekplu hi e wo moareabi nga e ka e yi Ahogbrẽ mbo ku-ku! Agimi e zhĩ me okyku o da me e kpo akplo-kyeŋ ba egbregbre? Ame é kpo mbo! Ekplo ekyekyeŋ ba egbregbre ba ame e klo bimi é ka, agimi é ka ekplo egbregbre la e kpo ta la Oyunana, arehwĩ ba Ahogbrẽ a hom ŋa otum. 40Eka ba Oyunana a kpo elum etra, ta la ekyukyku etra akpyki anyuŋ atsa, ekakahelo Anwye Arehwĩ á kpo elum etra ta la ekyukyku etra obiŋ hi eshyẽ. 41Onda Ombgu moarehwĩ ba Eninive, moa á kso á zgi egŋe eshri bimi nga odlo ó bga gimi, okyku eshi omba ba moa a gno oshpa ba Oyunana nga, moa a zhiŋ. Ame e lu e da gimi, arekyeŋ la a gre Oyunana a wo ahe! 42Nga Onda Ombgu ashekyeŋ la a wo anyuŋ-areŋ á zgi egi ero á kso nga á lu odlo ka la gimi osheshye. Okyku eshi aŋa a zgi okro la o gyuŋ o gre eshi angyiŋ a ba, okyku o ngli o gno edgu onyenye ba Osolomo, la o wo ogyugyuŋ o gre eshri. Ame e lu e da gimi, arekyeŋ la a wo anyuanyuŋ a gre Osolomo a mbo nganga, a wo ahe!
Ogbgabi o bla o ba
43Omba ba ogbgabi o zgi o sku are le, o la o dzi ekro wayawaya okyku o klo okro ba o dzu ma. O wo ba alo o hwiŋ mbo le, 44alo o lu mi le, Ame é bla é yi okro ba ame e zgi ma. Ambla ba alo o gre, alo o hwiŋ odne lo adzadzi. A hwiŋ arekyen ma mbo, nga moa a heŋ lo adzadzi, nga moa a nyuŋ lo a vu abgo. 45A zgi a gre nga a klo moahwõ afoha la a wo ababi a gre ŋa a ba a dzu otsotse ka la ŋa. Amom-abgo odzudzu are he lo o wo obi o ta ma-ma o gre ba oriori. Eka he lo angyiŋ ó ba o kpo pa la moareabi ba ekplu hi.
Anaŋ Eyesu pa la moanáŋ
46Omba ba Eyesu a la a lu odlo pa la moare nga, anaŋ, pa la moanáŋ-alalom moa a gbu. Moa a tspi edzi a dzu a bli ŋa okyku o lu odlo ka la ŋa. 47Akyeŋ eshki moare a nyuŋ Eyesu a lu mi le, Anoŋ, pa la moanóŋ-alalom moa a tspi edzi, moa a klo o lu odlo ka la ŋo. 48Eyesu a tno mo ma a lu mi le, Ayi angyiŋ a wo anungu, pa la moanime-alalom? 49Ambla he nga a ndba obgo a tsa moanwyeotum baŋ nga a lu mi le, Agimi e ka, moahi angyiŋ a wo anungu, pa la moanime-alalom! 50Areyaŋ a mbo la a kpo ekployaŋ a mbo ba Adugu la a wo Ongyeŋ a gno oraŋ angyiŋ, a wo anime-alalom, ta la anime-alashle, ta la anungu.
Seçili Olanlar:
Amatiyu 12: EGONT74
Vurgu
Paylaş
Kopyala
Önemli anlarınızın tüm cihazlarınıza kaydedilmesini mi istiyorsunuz? Kayıt olun ya da giriş yapın
Eggon New Testament © United Bible Societies, 1974. Bible Society of Nigeria
Amatiyu 12
12
Ozhiozhĩ eshri onda Asabat
1Ambla ba Eyesu a lu odlo a khwo nga, a gre a yi a dzi agbi esekʼpa onda Asabat he lo. Embyle e kpo moanwyeotum baŋ, okyku eka he, moa a sheŋ ashri esekʼpa nga moa a khwa lo a la a taŋ. 2Omba ba moaEfarisi a ka eka he nga, moa a nyuŋ Eyesu a lu mi le, Aŋo o ka, moanwyeotum boŋ a pre odaŋ bi okyku eshi moa a kpo eka he onda Asabat! 3Eyesu a tno mo ma a lu mi le, Agimi e tsi e ka ondakyeŋ eka ba embyle e kpo Adawuda, pa la moare la a lu ŋa ma nga, 4a gre anwyeakulu nga a yi a sko agbrotsa, nga a taŋ pa la moarehwĩ baŋ mbo? Agbrotsa he lo moa a shri lo a ndba Ahogbrẽ angyiŋ. Moa a pre odaŋ okyku moa a taŋ lo, okyku eshi moandakʼpo olu ba Ahogbrẽ sha a kpo a gbu ba moa a taŋ lo. 5Agimi e tsi odaŋ ba Omusa onda-kyeŋ e ka eka ba moandakʼpo olu ba Ahogbrẽ a pre odaŋ ba Asabat he lo mbo? Moa a kpo mo ekplokyeŋ mbo! 6Are la a gre Anyuŋ-akulu a wo ahe. 7O wo ba agimi e ka Odlo Ahogbrẽ e bmye zhezheŋ, eka ba alo o lu mi le, Ame e klo oshriondba ba ebyi angyiŋ mbo, ambo ame e klo okpoghwo angyiŋ. O wo bimi e ka e bmye eka he e mbi, agimi e lu odlo ototno eshri moare la a wo la odlodzi eka he mbo. 8Okyku eshi Anwye Arehwĩ angyiŋ a wo Adaŋ-odne ba Asabat.
Andeobgo alomakyeŋ
9Eyesu a kso ahe nga a gre anwyeakuluakyeŋ. 10Alomakyeŋ la a nde obgo a wo ahe lo. Moarekyeŋ la a klo o kla odlo ta la Eyesu a wo ma. Moa a lu mi ma Eyesu a ta akpu. Okyku eka he nga moa a zhĩ ŋa a lu mi le, O wo eka moa a pre odaŋ bi angyiŋ o wo ba moa a shaŋ are la a no olo onda Asabat mbo? 11Eyesu a tno mo ma a lu mi le, Agimi e gno, o wo ba akyeŋ eshki bimi a wo la ekylu ma, o wo ba alo e gre enzhe la e gyuŋ onda Asabat le, aŋa á se lo mbo? 12Arehwĩ a wo anyuanyuŋ nzenze a gre ekylu! Okyku eka he, odaŋ bi o bmi ba are a kpo a ghwo la moare onda ba Asabat. 13Ambla he nga, Eyesu a nyuŋ alom lo a lu mi le, Aŋo o ndba obgo boŋ. Aŋa a ndba lo nga alo o zhiŋ o dzu eka ba obgo ohwõ. 14Ambla he nga moaEfarisi a zhiŋ ogbu a gre okyku o hwim ohwim okyku o da mo a vu Eyesu a bga.
Anwye-odne ba Ahogbrẽ a sla
15Omba ba Eyesu a gno eka he lo nga, a kso a sku okro he lo, moarehwĩ nzenze nga a lu ŋa ma. Aŋa a shaŋ moare la a no ololo. 16Nga a shĩ mo ma moa a lu ayakplo baŋ a kpo a da arekyeŋ mbo ku-ku, 17okyku o da ekplo ba Eshaya, arehwĩ ba Ahogbrẽ a hom otum a lu e bli. Eshaya a lu ma Ahogbrẽ a lu mi le,
18Anwye-odne me angyiŋ a wo ahi, aŋa ame e sla ŋa.
Aŋa angyiŋ ame e la e klo ŋa,
Nga ame e gno oraŋ ka la ŋa e gre eshri.
Ame é bli ŋa la Ogbgaodzi me.
Aŋa nga á su odlo me, á ygi moare pyeŋ.
19Ambo aŋa á kla odlo pa la moare mbo.
Nga aŋa á lu odlo nga á ta enzi angyangyeŋ anyuŋ-ezhẽ mbo.
20Aŋa á ndbi agogro a ta mbo.
Nga aŋa á dzu agogro a zga mbo.
Ambo aŋa á zga gble okyku o da mo a yi adlidzi.
21Nga moare mvye á ka ayi ozhẽ okyku ŋa sha.
Eyesu ta la Ebilazabuba
22Ambla he nga, moa a shri avgayi alomakyeŋ, la a sa a buŋ olum, alo o kpo eka he okyku ba ogbgabi o kpo otum ka la ŋa. Eyesu a shaŋ alom he lo nga a kpla egba a gbu, nga a sa a ka okro a mbo a gbu. 23Moare pyeŋ moa a ka egbregbre a gre eshri nga moa a zhĩ a lu mi le, Alom he lo angyiŋ a wo Anwye Adawuda e mbo? 24Omba ba moaEyahuda a gno eka he nga, moa a tno ma a lu mi le, Aŋa a la a se egbgabi okyku eshi areŋ mo, Ebilazabuba angyiŋ a shri ekʼpo a shri a daŋ okyku o daŋ a kpo eka he.
25Eyesu a tspi aga esõ mo pyeŋ okyku eka he aŋa a nyuŋ mo a lu mi le, Obiŋ-yaŋ a mbo la o gʼba eŋa eha, nga o la o klo ambgu ta la eŋa le, ó ri edzi mbo. Nga, osku, o mbo le ogu la o gʼba eŋa eha nga o la o klo ambgu ta la eŋa le, ó tsu ó gbu. 26Okyku eka he o wo ba ogʼbakyeŋ o klo ambgu ta la ogʼba ohwõ óreŋ ba Eshitaŋ le, o dzu eka ba alo o gʼba eŋa angyiŋ, nga ó tsu ó gbu! 27Agimi e lu mi ma Ebilazabuba angyiŋ a shri ekʼpo a da me e se egbgabi. O wo ba alo o wo eka he angyiŋ le, ayi a shri ekʼpo a da moa la a lu gimi ma, a da mo a se mo? Moa la a lu gimi ma a tsa eka bimi e la e ta akpu angyiŋ! 28Ambo, Ogbgaodzi Ahogbrẽ angyiŋ o shri ekʼpo o shri o da me e la e se egbgabi. Ohi lo o tsa ba agimi e sheŋ e ka Oreŋ ba Ahogbrẽ bgu.
29Arekyeŋ a kpo a gbu baŋ a yi a gom odne are la a wo oshye nga a yi a si mbo, o wo le a yi a bʼbu ŋa endzi ayga dne.
30Are la a wo a me angyiŋ mbo le, a wo afpu me angyiŋ. Are la a la a pla a shki pa la me mbo le, aŋa a som lo ayi angyiŋ. 31Okyku eka he ame e lu e da gimi, moa a kpo a gbu ba moa a kyu moare abgo odlobi moa a kpo, ta la ayakplobi moa a la a lu, ambo, o wo moa a lu odlo ototno eshri Ogbgaodzi angyiŋ le, Ahogbrẽ á kyu mo abgo mbo. 32Ambo areyaŋ a mbo la a kpo odlobi egi ayi Anwye Arehwĩ angyiŋ le, moa á kyu ŋa abgo. Are la a tsa Ogbgaodzi atsa le, moa á kyu ŋa abgo mbo gbagbu-amo.
Esĩ aki ta la agbro baŋ
33Esĩ aki e wo edzi ayga e la e fu agbro adzi. O wo ba esĩ aki lo e wo edzi mbo le, é fu agbro adzi mbo. Edgu agbro ba esĩ aki e la e fu angyiŋ e la e da mo a yi edgu esĩ aki lo. 34Agimi emabi, agimi e kpo anyu é ba e lu odlodzi, okyku eshi agimi e wo moare ba odlobi angyiŋ? Okyku eshi anyu a la a lu ekplo la e wo esõ angyiŋ e ba edzi. 35Areadzi a la a se anzho adzi angyiŋ anjygu baŋ la a wo adzi a ba edzi. Areabi nga a la a se anzho la a wo abi angyiŋ anjygu baŋ la a wo abi a ba edzi.
36Ame e lu e da gimi, Onda Ombgu le, areyaŋ a mbo á wre odlo ototno baŋ a la a lu, á da mo a ka. 37Okyku eshi la odlo boŋ angyiŋ moa á ba a sõ ŋo ombgu. La alo angyiŋ aŋo ó ba o gro o mbo le ó ba o dga.
Moa a klo egbregbre akplo
38Moarekyeŋ la a la a nye odaŋ, pa la moaEfarisi a lu odlo a lu mi le, Andakʼpo! Agi e klo boŋ o kpo akplo egbregbre akyeŋ o da gi e ka. 39Eyesu a tno mo ma a lu mi le, Agimi arehwĩ ba ekplu hi e wo moareabi nga e ka e yi Ahogbrẽ mbo ku-ku! Agimi e zhĩ me okyku o da me e kpo akplo-kyeŋ ba egbregbre? Ame é kpo mbo! Ekplo ekyekyeŋ ba egbregbre ba ame e klo bimi é ka, agimi é ka ekplo egbregbre la e kpo ta la Oyunana, arehwĩ ba Ahogbrẽ a hom ŋa otum. 40Eka ba Oyunana a kpo elum etra, ta la ekyukyku etra akpyki anyuŋ atsa, ekakahelo Anwye Arehwĩ á kpo elum etra ta la ekyukyku etra obiŋ hi eshyẽ. 41Onda Ombgu moarehwĩ ba Eninive, moa á kso á zgi egŋe eshri bimi nga odlo ó bga gimi, okyku eshi omba ba moa a gno oshpa ba Oyunana nga, moa a zhiŋ. Ame e lu e da gimi, arekyeŋ la a gre Oyunana a wo ahe! 42Nga Onda Ombgu ashekyeŋ la a wo anyuŋ-areŋ á zgi egi ero á kso nga á lu odlo ka la gimi osheshye. Okyku eshi aŋa a zgi okro la o gyuŋ o gre eshi angyiŋ a ba, okyku o ngli o gno edgu onyenye ba Osolomo, la o wo ogyugyuŋ o gre eshri. Ame e lu e da gimi, arekyeŋ la a wo anyuanyuŋ a gre Osolomo a mbo nganga, a wo ahe!
Ogbgabi o bla o ba
43Omba ba ogbgabi o zgi o sku are le, o la o dzi ekro wayawaya okyku o klo okro ba o dzu ma. O wo ba alo o hwiŋ mbo le, 44alo o lu mi le, Ame é bla é yi okro ba ame e zgi ma. Ambla ba alo o gre, alo o hwiŋ odne lo adzadzi. A hwiŋ arekyen ma mbo, nga moa a heŋ lo adzadzi, nga moa a nyuŋ lo a vu abgo. 45A zgi a gre nga a klo moahwõ afoha la a wo ababi a gre ŋa a ba a dzu otsotse ka la ŋa. Amom-abgo odzudzu are he lo o wo obi o ta ma-ma o gre ba oriori. Eka he lo angyiŋ ó ba o kpo pa la moareabi ba ekplu hi.
Anaŋ Eyesu pa la moanáŋ
46Omba ba Eyesu a la a lu odlo pa la moare nga, anaŋ, pa la moanáŋ-alalom moa a gbu. Moa a tspi edzi a dzu a bli ŋa okyku o lu odlo ka la ŋa. 47Akyeŋ eshki moare a nyuŋ Eyesu a lu mi le, Anoŋ, pa la moanóŋ-alalom moa a tspi edzi, moa a klo o lu odlo ka la ŋo. 48Eyesu a tno mo ma a lu mi le, Ayi angyiŋ a wo anungu, pa la moanime-alalom? 49Ambla he nga a ndba obgo a tsa moanwyeotum baŋ nga a lu mi le, Agimi e ka, moahi angyiŋ a wo anungu, pa la moanime-alalom! 50Areyaŋ a mbo la a kpo ekployaŋ a mbo ba Adugu la a wo Ongyeŋ a gno oraŋ angyiŋ, a wo anime-alalom, ta la anime-alashle, ta la anungu.
Seçili Olanlar:
:
Vurgu
Paylaş
Kopyala
Önemli anlarınızın tüm cihazlarınıza kaydedilmesini mi istiyorsunuz? Kayıt olun ya da giriş yapın
Eggon New Testament © United Bible Societies, 1974. Bible Society of Nigeria