Seònd Matìe 18
18
1In chell momènt si fasèrin dònge a Jèsu ju siei discèpui, disìnd: Cùi, cròdistu, ch’ al sèi plùi grand tal règno dal cîl?
2E Jèsu clamàd un fantulìn, lu metè tal mièzz di lor,
3E al disè: In veretàd us dis, che se no si convertirês, e no diventarês còme fantulìns, no entrarês tal règno dal cîl.
4Parcechè ognidùn, cu si farà pìzzul còme chest fantulìn, chell al sarà grand tal règno dal cîl.
5E cùi, cu acolzarà un tal fantulìn in nom miò, al acòlz me stess.
6Cùi po, ch’ al scandalizarà un di chesçh pìzzui, che cròdin in me, al sarèss mijòr, che i foss piçhàde al cuell ùne muèle di mulìn, e ch’ al foss colàd in fonz al mar.
7Guài al mond par còlpe dai scàndui. Parcechè l’ è necessàri, che sucèdin scàndui: ma guài a chell om, par còlpe di cui al ven lu scàndul.
8Se po le to man, o lu to pìd ti scandalìze: zònçhilu, e bùtilu vie lontàn di te: al è mijòr par te di entrà in te’ vìte mancìn, o zuètt, che di jèssi butàd tal fûg etèrno cun dôs mans, o doi pids.
9E se lu to vòli ti scandalìze, giàvilu, e bùtilu vie lontàn di te: l’ è mijòr par te di entrà in te’ vìte cun d’ un sol vòli, che cun doi jèssi butàd tal fûg dal infièr.
10Uardàisi di sprezzà un di chesçh pìzzui: parcechè us dis, che ju lor àgnui in cîl viòdin sìmpri le fàzze dal Pàri gno, ch’ al è in cîl.
11Parcechè lu Fi dal om al è vignùd a salvà cè, cu jère pierdùd.
12Ce us pàrial? se un al vess cent piòris, e ùne di chês e’ si sbandàss: no bandonaràjal lis nonantenùv, e no laràjal su pes monts a cirì chê sbandàde?
13E se al sucedarà, che le çhàti: us al dis in veretàd, ch’ al giòld par chê plùi cu pes nonantenùv, che no si èrin sbandàdis.
14Cussì no è volontàd del Pàri vuèstri, ch’ al è in cîl, cu perìssi un sol di chesçh pìzzui.
15Che se to fràdi ti varà ofindùd, va, e corèzilu a cuàtri voj. Se al ti scoltarà, tu varâs uadagnàd to fràdi.
16Se po nol ti scòlte, çhàpe sù cun te un, o doi di lor, parchè ogni peràule sèi confermàde par bòçhe di doi, o tre testemònis.
17Che se no ju scoltarà, dìlu a le glèsie. Se po nol scoltarà nànçhe le glèsie, tènlu par pagàn, e par publicàn.
18In veretàd us dis: Dutt chell, cu lejarês su le tière, al sarà lejàd ànçhe in cîl: e dutt chell, cu dislejarês su le tière, al sarà dislejàd ànçhe in cîl.
19Di plùi us dis, che se doi di vo’ àltris saràn dacòrdo su le tière, e domandaràn di ce cu sèvi cualùncue çhòsse, ur sarà concedùde dal Pàri gno, ch’ al è in cîl.
20Parcechè là, cu doi, o tre e’ saràn unìds in miò nom, lì soi jo in mièzz di lor.
21Alòre Pièri fasìnjisi dònge, al disè: Signòr, ce tàntis vòltis mi ofindaràjal miò fràdi, e jo i perdonarài? fin a siett vòltis?
22Jèsu i disè: No ti dis fin a siett vòltis, ma fin a setànte vòltis siett.
23Par chest lu règno dal cîl si è paragonàd a un re, ch’ al vûl fà ju conts cui siei servitòrs.
24E avìnd scomençàd a fà ju conts, i fo presentàd un, che i dovève dîs mil talents.
25E chell po no avìnd cun ce pajà, lu paròn al comandà, ch’ al foss vendùd lui, so mujìr, e ju fîs, e dutt cè, ch’ al vève, e che lu dèbit al foss pajàd.
26Ma lu servitòr butànsi in tière, lu prejàve disìnd: Vèvi paziènze cun me, e ti pajarài dutt.
27Lu paròn mott a pietàd di chell servitòr, lu liberà, e i perdonà lu dèbit.
28Saltàd fûr di là lu servitòr al çhatà un dai siei compàgns, che i jère debitòr di cent danàrs: e çhapànlu pal cuell, lu sçhafojàve, disìnd: Pàjimi chell, che tu mi dèvis.
29E lu compàgn servitòr butànsi par tière lu suplicàve, disìnd: Vèvi paziènze cun me, e ti pajarài dutt.
30Ma chell nol volè, e lu fasè mèti in presòn, fin che lu vess pajàd.
31Viodìnd po ju compàgns chês chòssis, che si asèvin, si dolèrin un mont: e contàrin al so paròn dutt cè, cu jère sucedùd.
32Alòre lu so paròn lu clamà: e i disè: Servitòr sçhavièstri, ti ài perdonàd dutt lu dèbit, parchè tu mi âs prejàd:
33E no dovèvistu ànçhe tu vè pietàd dal to compàgn, còme che jo ài vùde pietàd di te?
34E stizzàd lu paròn lu dè in man dai zass, infìn ch’ al vess pajàd dutt lu dèbit.
35Cussì ànçhe lu Pàri gno celèst al farà cun vo’ àltris, se ognidùn no perdonarês di cûr a vuèstri fràdi.
Seçili Olanlar:
Seònd Matìe 18: FUR1860
Vurgu
Paylaş
Kopyala
Önemli anlarınızın tüm cihazlarınıza kaydedilmesini mi istiyorsunuz? Kayıt olun ya da giriş yapın
First published in London in 1860.
Seònd Matìe 18
18
1In chell momènt si fasèrin dònge a Jèsu ju siei discèpui, disìnd: Cùi, cròdistu, ch’ al sèi plùi grand tal règno dal cîl?
2E Jèsu clamàd un fantulìn, lu metè tal mièzz di lor,
3E al disè: In veretàd us dis, che se no si convertirês, e no diventarês còme fantulìns, no entrarês tal règno dal cîl.
4Parcechè ognidùn, cu si farà pìzzul còme chest fantulìn, chell al sarà grand tal règno dal cîl.
5E cùi, cu acolzarà un tal fantulìn in nom miò, al acòlz me stess.
6Cùi po, ch’ al scandalizarà un di chesçh pìzzui, che cròdin in me, al sarèss mijòr, che i foss piçhàde al cuell ùne muèle di mulìn, e ch’ al foss colàd in fonz al mar.
7Guài al mond par còlpe dai scàndui. Parcechè l’ è necessàri, che sucèdin scàndui: ma guài a chell om, par còlpe di cui al ven lu scàndul.
8Se po le to man, o lu to pìd ti scandalìze: zònçhilu, e bùtilu vie lontàn di te: al è mijòr par te di entrà in te’ vìte mancìn, o zuètt, che di jèssi butàd tal fûg etèrno cun dôs mans, o doi pids.
9E se lu to vòli ti scandalìze, giàvilu, e bùtilu vie lontàn di te: l’ è mijòr par te di entrà in te’ vìte cun d’ un sol vòli, che cun doi jèssi butàd tal fûg dal infièr.
10Uardàisi di sprezzà un di chesçh pìzzui: parcechè us dis, che ju lor àgnui in cîl viòdin sìmpri le fàzze dal Pàri gno, ch’ al è in cîl.
11Parcechè lu Fi dal om al è vignùd a salvà cè, cu jère pierdùd.
12Ce us pàrial? se un al vess cent piòris, e ùne di chês e’ si sbandàss: no bandonaràjal lis nonantenùv, e no laràjal su pes monts a cirì chê sbandàde?
13E se al sucedarà, che le çhàti: us al dis in veretàd, ch’ al giòld par chê plùi cu pes nonantenùv, che no si èrin sbandàdis.
14Cussì no è volontàd del Pàri vuèstri, ch’ al è in cîl, cu perìssi un sol di chesçh pìzzui.
15Che se to fràdi ti varà ofindùd, va, e corèzilu a cuàtri voj. Se al ti scoltarà, tu varâs uadagnàd to fràdi.
16Se po nol ti scòlte, çhàpe sù cun te un, o doi di lor, parchè ogni peràule sèi confermàde par bòçhe di doi, o tre testemònis.
17Che se no ju scoltarà, dìlu a le glèsie. Se po nol scoltarà nànçhe le glèsie, tènlu par pagàn, e par publicàn.
18In veretàd us dis: Dutt chell, cu lejarês su le tière, al sarà lejàd ànçhe in cîl: e dutt chell, cu dislejarês su le tière, al sarà dislejàd ànçhe in cîl.
19Di plùi us dis, che se doi di vo’ àltris saràn dacòrdo su le tière, e domandaràn di ce cu sèvi cualùncue çhòsse, ur sarà concedùde dal Pàri gno, ch’ al è in cîl.
20Parcechè là, cu doi, o tre e’ saràn unìds in miò nom, lì soi jo in mièzz di lor.
21Alòre Pièri fasìnjisi dònge, al disè: Signòr, ce tàntis vòltis mi ofindaràjal miò fràdi, e jo i perdonarài? fin a siett vòltis?
22Jèsu i disè: No ti dis fin a siett vòltis, ma fin a setànte vòltis siett.
23Par chest lu règno dal cîl si è paragonàd a un re, ch’ al vûl fà ju conts cui siei servitòrs.
24E avìnd scomençàd a fà ju conts, i fo presentàd un, che i dovève dîs mil talents.
25E chell po no avìnd cun ce pajà, lu paròn al comandà, ch’ al foss vendùd lui, so mujìr, e ju fîs, e dutt cè, ch’ al vève, e che lu dèbit al foss pajàd.
26Ma lu servitòr butànsi in tière, lu prejàve disìnd: Vèvi paziènze cun me, e ti pajarài dutt.
27Lu paròn mott a pietàd di chell servitòr, lu liberà, e i perdonà lu dèbit.
28Saltàd fûr di là lu servitòr al çhatà un dai siei compàgns, che i jère debitòr di cent danàrs: e çhapànlu pal cuell, lu sçhafojàve, disìnd: Pàjimi chell, che tu mi dèvis.
29E lu compàgn servitòr butànsi par tière lu suplicàve, disìnd: Vèvi paziènze cun me, e ti pajarài dutt.
30Ma chell nol volè, e lu fasè mèti in presòn, fin che lu vess pajàd.
31Viodìnd po ju compàgns chês chòssis, che si asèvin, si dolèrin un mont: e contàrin al so paròn dutt cè, cu jère sucedùd.
32Alòre lu so paròn lu clamà: e i disè: Servitòr sçhavièstri, ti ài perdonàd dutt lu dèbit, parchè tu mi âs prejàd:
33E no dovèvistu ànçhe tu vè pietàd dal to compàgn, còme che jo ài vùde pietàd di te?
34E stizzàd lu paròn lu dè in man dai zass, infìn ch’ al vess pajàd dutt lu dèbit.
35Cussì ànçhe lu Pàri gno celèst al farà cun vo’ àltris, se ognidùn no perdonarês di cûr a vuèstri fràdi.
Seçili Olanlar:
:
Vurgu
Paylaş
Kopyala
Önemli anlarınızın tüm cihazlarınıza kaydedilmesini mi istiyorsunuz? Kayıt olun ya da giriş yapın
First published in London in 1860.