MATIYO 7
7
Yezu ko an kana nyɔgɔn kiti
(Luka 6.37-38,41-42)
1“Aw kana tɔw kiti, janko Ala kana aw kiti. 2Aw bɛ tɔw kiti cogo min na, Ala bɛna aw kiti ten. Aw bɛ tɔw kiti k'u jalaki cogo min na, Ala fana bɛna aw kɛ ten. 3Kalafitini min b'i balima nyaa na, mun na i b'o filɛ k'a sɔrɔ lɔgɔkuru b'i ta la? I m'o lɔn? 4I bɛ se k'a fɔ i balima ye cogo di ko: ‘A to n bɛ kala nin bɔ i nyaa na’, k'a sɔrɔ lɔgɔkuru b'i ta la? 5Nanbaranmɔgɔ, lɔgɔkuru bɛ e min nyaa na, o bɔ fɔlɔ. N'i ye o kɛ, o tuma na, i bɛna yeli kɛ ka nya k'a sɔrɔ k'i balima ka kala nin bɔ.
6“Aw kana fɛɛn senuman di wuluw ma, n'o tɛ, u bɛna yɛlɛma k'aw cin. Aw kana aw ka fɛnnyumanw bila lɛɛw kɔrɔ, n'o tɛ, u bɛna na u dɔn k'u cɛn.
Aw k'aw makoyafɛnw dali Ala fɛ
(Luka 11.9-13,31)
7“Aw k'aw ka makoyafɛn dali Ala fɛ, a bɛna o d'aw ma. Aw mako bɛ fɛɛn min na, aw k'o nyini, aw bɛn'a sɔrɔ. Aw ka daa kɔkɔ, daa bɛna yɛlɛ aw ye. 8Bari mɔgɔ o mɔgɔ man'a makoyafɛn dali Ala fɛ, Ala bɛna o di o tigi ma. Min mana a makoyafɛn nyini, o tigi b'o sɔrɔ. Daa bɛna yɛlɛ dakɔkɔbaga ye. 9Denfa jumɛn bɛ sɔn ka kabakuru d'a deen ma k'a sɔrɔ a ye buru le dali a fɛ? 10Walima n'a ye jigɛ dali a fɛ, n'a bɛna sɔn ka saa d'a ma? 11Aw minw ka jugu, n'aw bɛ sɔn ka fɛnnyumanw di aw ka deenw ma, aw Faa min bɛ arijana na, ale tɛna fɛnnyuman di a dalibagaw ma ka tɛmɛ aw ta kan wa?
12“Aw b'a fɛ mɔgɔ tɔw ka koo min kɛ aw ye, aw fana k'o nyɔgɔn kɛ u ye. O le fɔra sariya ni kiraw ka sɛbɛw kɔnɔ.
Sirafitini ni siraba
(Luka 13.23-24)
13“Aw ka sirafitini ta. Siraba kɔni taama ka di, nga a bɛ taa ni mɔgɔ ye halakiyɔrɔ la. Mɔgɔ caaman do b'o le ta. 14Aw ka sirafitini ta ka taa don ni dafitini ye, a taama kɔni ka gwɛlɛ, a taabagaw man ca, nga a bɛ taa ni mɔgɔ ye hɛrɛ yɔrɔ la.
Yiri bɛ lɔn a deen fɛ
(Mat 12.33; Luka 6.43-44)
15“Mɔgɔ minw bɛ galon tigɛ k'olu ye kiraw ye, aw k'aw yɛrɛw kɔlɔsi olu la. N'u bɛ na aw fɛ, u b'u yɛrɛw kɛ sagaw ye k'a sɔrɔ waraw lo. 16Aw bɛna u lɔn u ka kɛwaliw fɛ. Mɔgɔ tɛ pekun tigɛ ;nɔniyiri kan. Toro fana tɛ sɔrɔ balansanyiri la. 17Yirinyuman deen le ka di, nga yirijugu ka deen man di. 18Yirinyuman tɛ se ka denjugu kɛ, yirijugu fana tɛ se ka dennyuman kɛ. 19Yiri o yiri tɛ dennyuman kɛ, u bɛna o tigɛ k'a fili tasuma na. 20O cogo la, mɔgɔ minw bɛ galon tigɛ k'olu ye kira ye, aw bɛna u lɔn u ka kɛwaliw fɛ.
Jon le bɛna don arijana na?
(Luka 6.46; 13.27)
21“Mɔgɔ minw bɛ ne wele ko ‘Matigi, Matigi,’ olu bɛɛ tɛna don arijana na, fɔɔ ne Faa min bɛ sankolo la, o sagokɛlaw. 22Ni Ala ka kitilon nana se, mɔgɔ caaman bɛn'a fɔ ne ye ko: ‘Matigi, an ye kiraya kɛ e tɔgɔ la, ka jinaw gwɛn ka bɔ mɔgɔw la e tɔgɔ la, ka kabako caaman kɛ e tɔgɔ la.’ 23O loon na, ne bɛn'a fɔ u ye ko: ‘Ne t'aw lɔn, aw ye taa ka bɔ ne kɔrɔ kojugukɛla nunu.’
Boon min lɔra fara kan ani min lɔra cɛncɛn kan
(Mar 1.22; Luka 4.32; 6.47-49)
24“Ne ye kuma minw fɔ sisan, ni mɔgɔ min y'o labato, o tigi bɛ i n'a fɔ hakilitigi min y'a ka boon lɔ fara kan. 25Sanjiba nana ni fɔnyɔba ye, jii cayara, nga o si ma se ka boon nin ben, bari a juu siginin tun bɛ fara kan. 26Nga, mɔgɔ min b'o kuma mɛn, n'a t'o labato, o tigi bɛ i n'a fɔ naloman min y'a ka soo lɔ cɛncɛn kan. 27Sanjiba nana ni fɔnyɔba ye, jii cayara, boon benna. A mugumugura.”
28Yezu y'o kumaw fɔ ka ban tuma min na, jama bɛɛ kabakoyara a ka mɔgɔ kalancogo la, 29bari a tun m'u kalan i n'a fɔ sariya karamɔgɔw bɛ to k'u kalan cogo min na. Nga a tun b'u kalan i n'a fɔ fanga bɛ mɔgɔ min bolo.
Seçili Olanlar:
MATIYO 7: JULNT94
Vurgu
Paylaş
Kopyala
Önemli anlarınızın tüm cihazlarınıza kaydedilmesini mi istiyorsunuz? Kayıt olun ya da giriş yapın
Jula New Testament © Bible Society of Burkina Faso, 1994.
MATIYO 7
7
Yezu ko an kana nyɔgɔn kiti
(Luka 6.37-38,41-42)
1“Aw kana tɔw kiti, janko Ala kana aw kiti. 2Aw bɛ tɔw kiti cogo min na, Ala bɛna aw kiti ten. Aw bɛ tɔw kiti k'u jalaki cogo min na, Ala fana bɛna aw kɛ ten. 3Kalafitini min b'i balima nyaa na, mun na i b'o filɛ k'a sɔrɔ lɔgɔkuru b'i ta la? I m'o lɔn? 4I bɛ se k'a fɔ i balima ye cogo di ko: ‘A to n bɛ kala nin bɔ i nyaa na’, k'a sɔrɔ lɔgɔkuru b'i ta la? 5Nanbaranmɔgɔ, lɔgɔkuru bɛ e min nyaa na, o bɔ fɔlɔ. N'i ye o kɛ, o tuma na, i bɛna yeli kɛ ka nya k'a sɔrɔ k'i balima ka kala nin bɔ.
6“Aw kana fɛɛn senuman di wuluw ma, n'o tɛ, u bɛna yɛlɛma k'aw cin. Aw kana aw ka fɛnnyumanw bila lɛɛw kɔrɔ, n'o tɛ, u bɛna na u dɔn k'u cɛn.
Aw k'aw makoyafɛnw dali Ala fɛ
(Luka 11.9-13,31)
7“Aw k'aw ka makoyafɛn dali Ala fɛ, a bɛna o d'aw ma. Aw mako bɛ fɛɛn min na, aw k'o nyini, aw bɛn'a sɔrɔ. Aw ka daa kɔkɔ, daa bɛna yɛlɛ aw ye. 8Bari mɔgɔ o mɔgɔ man'a makoyafɛn dali Ala fɛ, Ala bɛna o di o tigi ma. Min mana a makoyafɛn nyini, o tigi b'o sɔrɔ. Daa bɛna yɛlɛ dakɔkɔbaga ye. 9Denfa jumɛn bɛ sɔn ka kabakuru d'a deen ma k'a sɔrɔ a ye buru le dali a fɛ? 10Walima n'a ye jigɛ dali a fɛ, n'a bɛna sɔn ka saa d'a ma? 11Aw minw ka jugu, n'aw bɛ sɔn ka fɛnnyumanw di aw ka deenw ma, aw Faa min bɛ arijana na, ale tɛna fɛnnyuman di a dalibagaw ma ka tɛmɛ aw ta kan wa?
12“Aw b'a fɛ mɔgɔ tɔw ka koo min kɛ aw ye, aw fana k'o nyɔgɔn kɛ u ye. O le fɔra sariya ni kiraw ka sɛbɛw kɔnɔ.
Sirafitini ni siraba
(Luka 13.23-24)
13“Aw ka sirafitini ta. Siraba kɔni taama ka di, nga a bɛ taa ni mɔgɔ ye halakiyɔrɔ la. Mɔgɔ caaman do b'o le ta. 14Aw ka sirafitini ta ka taa don ni dafitini ye, a taama kɔni ka gwɛlɛ, a taabagaw man ca, nga a bɛ taa ni mɔgɔ ye hɛrɛ yɔrɔ la.
Yiri bɛ lɔn a deen fɛ
(Mat 12.33; Luka 6.43-44)
15“Mɔgɔ minw bɛ galon tigɛ k'olu ye kiraw ye, aw k'aw yɛrɛw kɔlɔsi olu la. N'u bɛ na aw fɛ, u b'u yɛrɛw kɛ sagaw ye k'a sɔrɔ waraw lo. 16Aw bɛna u lɔn u ka kɛwaliw fɛ. Mɔgɔ tɛ pekun tigɛ ;nɔniyiri kan. Toro fana tɛ sɔrɔ balansanyiri la. 17Yirinyuman deen le ka di, nga yirijugu ka deen man di. 18Yirinyuman tɛ se ka denjugu kɛ, yirijugu fana tɛ se ka dennyuman kɛ. 19Yiri o yiri tɛ dennyuman kɛ, u bɛna o tigɛ k'a fili tasuma na. 20O cogo la, mɔgɔ minw bɛ galon tigɛ k'olu ye kira ye, aw bɛna u lɔn u ka kɛwaliw fɛ.
Jon le bɛna don arijana na?
(Luka 6.46; 13.27)
21“Mɔgɔ minw bɛ ne wele ko ‘Matigi, Matigi,’ olu bɛɛ tɛna don arijana na, fɔɔ ne Faa min bɛ sankolo la, o sagokɛlaw. 22Ni Ala ka kitilon nana se, mɔgɔ caaman bɛn'a fɔ ne ye ko: ‘Matigi, an ye kiraya kɛ e tɔgɔ la, ka jinaw gwɛn ka bɔ mɔgɔw la e tɔgɔ la, ka kabako caaman kɛ e tɔgɔ la.’ 23O loon na, ne bɛn'a fɔ u ye ko: ‘Ne t'aw lɔn, aw ye taa ka bɔ ne kɔrɔ kojugukɛla nunu.’
Boon min lɔra fara kan ani min lɔra cɛncɛn kan
(Mar 1.22; Luka 4.32; 6.47-49)
24“Ne ye kuma minw fɔ sisan, ni mɔgɔ min y'o labato, o tigi bɛ i n'a fɔ hakilitigi min y'a ka boon lɔ fara kan. 25Sanjiba nana ni fɔnyɔba ye, jii cayara, nga o si ma se ka boon nin ben, bari a juu siginin tun bɛ fara kan. 26Nga, mɔgɔ min b'o kuma mɛn, n'a t'o labato, o tigi bɛ i n'a fɔ naloman min y'a ka soo lɔ cɛncɛn kan. 27Sanjiba nana ni fɔnyɔba ye, jii cayara, boon benna. A mugumugura.”
28Yezu y'o kumaw fɔ ka ban tuma min na, jama bɛɛ kabakoyara a ka mɔgɔ kalancogo la, 29bari a tun m'u kalan i n'a fɔ sariya karamɔgɔw bɛ to k'u kalan cogo min na. Nga a tun b'u kalan i n'a fɔ fanga bɛ mɔgɔ min bolo.
Seçili Olanlar:
:
Vurgu
Paylaş
Kopyala
Önemli anlarınızın tüm cihazlarınıza kaydedilmesini mi istiyorsunuz? Kayıt olun ya da giriş yapın
Jula New Testament © Bible Society of Burkina Faso, 1994.