मत्ती 2:12-13

अउर तरइअन के बारे माहीं जानँइ बाले सपन माहीं परमातिमा से चेतउनी पाइन, कि “राजा हेरोदेस के लघे पुनि न जया”, एसे ऊँ पंचे दुसरे गइल से होइके अपने देस काहीं चलेगें। अउर जब तरइअन के बारे माहीं जानँइ बाले चलेगें, तब प्रभू के एकठे दूत यूसुफ काहीं सपन माहीं देखाई दइके कहिन, कि “उठा, इआ लड़िका अउर एखे महतारी काहीं घलाय लइके मिस्र देस माहीं भागि जा; अउर जब तक हम तोंहसे न कही, तब तक तूँ उहँइ रह्या; काहेकि राजा हेरोदेस इआ लड़िका काहीं ढुँढ़बामँइ बाला हय, जउने एही मरबाय डारय।”

मत्ती 2:12-13 ile ilgili ücretsiz Okuma Planları ve Teşvik Yazıları