Matyu 18
18
Yesus wai ke alo ka Ida Tapolngon plau osep
(Mak 9.33-37 e Luk 9.46-48)
1Alo ari Yesus ila disaipel time ke iye e tipmi iye langane. “Sei omba e mgo ke omur heven ka Ida Tapolngon plaue?” 2E Yesus gi ke agau kene e due dong airavu ke isak. 3Deka iye wai ke isak langane. “Ngawai lokono ke umu langane. Langka umabauluk aitno lumu e aitno lumu tipolou langka agau ane kovok umakaranga umesep ke omur ka Ida Tapolngon plaue kovok. 4Gute sei ka pes iye tona langka agau ane iye mgo ke omur heven ka Ida Tapolngon plaue. 5E gute sei ka aitno mter ke ngong e aitno itau ke agau langka agau ane aitno itau ke ngong blang. 6E gute sei ka due agau ka aitno dagar ke ngong ma iye songon aitno ila dagar deka langka osep tipou opmu ka anit ke agune e tiuri iye ke aki e iye unim ma mete are itau. E langka osep tidue elio langane dau elio ane mole Ida Tapolngon aitno ila engil ke gute tonari kovok. Aurou. Ida Tapolngon aitno dau engil ke iye.”
Elio soulu due pogle ke aitno lite ila dagar
(Mak 9.42-48 e Luk 17.1-2)
7“Aisudo ke osep taklak ina. Ma tidong soulu lokono va. Kesua tiwaiki tidue osep leklou tigene ke elio epmes ina. Lokono elio epmes ina ma polou e dau gute gesa ka due gute silang gene ke elio epmes ina are soulu ke iye. 8E langka lupmu koke kopmu tidue umu umosongon aitno lumu ila dagar deka umoblou e umourie la. Kesua are itau langka umodong e lupmu kene koke kopmu kene dong kovok lama lupmu orwo e kopmu orwo tidong e umala ke omur hel. E ari eiou dong vala dong. 9E langka omtomu tidue umu umosongon aitno lumu ila dagar deka umepi e umourie la. Kesua are itau langka umodong e omtomu kene vala dong kovok lama omtomu orwo tidong e umala ke eiou ke omur hel.”
10-11“Deka aitno lumu mter soulu ke agau daudeng langane kovok. Kesua urok ensel dong ka aling aling tidong ke Livou ka dong ke omur heven bitna.#18.10-11 — Osep leklou ka tile pelengon Grik itau aitno lisak mter langka pelengon leklou dong ke ves ane. Pelengon tonari langane. “Ngong ka Gute Ka Polou Langka Osep ngame ma ngalua osep ka timina.”
Yesus wai pelengon ano ke sipsip kene ka imina
(Luk 15.3-7)
12“Aitno lumu mter itau ke lou pelengon ane. Langka gute ila sipsip bunokene dong e kene vala lila la. Ma iye due sua? Ma iye songon sipsip 99 tidong ke gigri galna e la krim ke kene ka imina la i? 13Ngawai lokono ke umu langane. Alo ka iye pado sipsip kene ka imina aitno itau omba ine e mole elio ka aitno itau ke sipsip 99 ka tilila kla kovok. 14E langane blang ke Livou ka dong ke omur heven. Iye waiki ma agau kene imina kovok.”
Elio ka itomosi gute ka due elio soulu
15“Langka gute kene ka aitno dagar eriar langka umu due elio soulu ke umu deka umala ke iye e umenis iye ke ila elio soulu. E mgo wom kenwom vala amla e emnis iye kesua elio ane wan ke umorwo vala. E langka iye klingen lem pelengon io umodue umorwo aitno lumu tipolou kene pulu blang.#18.15 — Osep leklou ka tile pelengon Grik itau aitno lisak mter langka Matyu sogo pelengon palma ‘ke umu’ kovok. E gute silang sogoe ke batne. 16E langka iye klingen lem pelengon kovok deka umodue gute kene koke osep orwo e umala umawai ke iye kesua Ida Tapolngon ila pelengon wai langane. ‘Langka emsin elio ke gute ma osep orwo eklu langane tiwai ke lem sinngen elio blang.’ 17E langka iye klingen lumu pelengon kovok deka umapalongo sios ine e langka iye dau klingen lumu pelengon kovok io ma iye dong ke umu langka gute ka ile Ida Tapolngon kovok koke gute ka due takis.”
18“E ngawai ke umu langane. Wan ka umadangdange ke taklak ma Ida Tapolngon dangdange ke omur heven e wan ka umosongone ke taklak ma Ida Tapolngon songone ke omur heven.”
19“E ngawai blang langane. Langka osep orwo eklu langane ke umu aitno lumu kene pulu e umepmi Ida Tapolngon ke wan gesa io Livou ka dong ke omur heven ma due. 20Kesua alo ka osep orwo eklu langane tiduni pulu ke angain ngong ma ngadong airavu ke isak.”
Yesus wai pelengon ano ke gute bokongon ina ka ila aglunga ombatno
21Deka Pita me ke Yesus e pmi iye langane. “Ngau Puda langka gute ke lou osua due elio soulu ke ngong ma ngasak ila elio soulu tonari aling sesue? Iding ke aling lumorwo?” 22E Yesus koli wai langane. “Amsak ila elio soulu aling lumorwo vala kovok. Aurou. Ma emtik iselme isorwo aling lumorwo e amsak ila elio soulu iding ke tikngen tonari. 23Ngawai pelengon ano ke omur heven ka Ida Tapolngon plaue langane. Gute ka vri mgo ke omur kene waiki mosi aglunga ke osep ka tilua iye ke omur ina plaungan. 24Iye nogrum mosi aglunga e osep tipaur gute plaungan ina ke iye ka ila aglunga langka 10 milion kina. 25Gute tonari ila mani karanga koli aglunga kovok e gute ka vri mgo ke omur ari wai dagar ma tidue burong ke gute kap ila asap e titno e ila wan bitna bitna keniye ma iye koli ila aglunga ine. 26Deka gute tonari grum kamla ke gute ka vri mgo ke omur bitna e kel iye langane. ‘Puda ampara ke ngong isuk boto e ma ngakoli lou aglunga keniye.’ 27E gute ka vri mgo ke omur aitno kro ke iye e sak ila aglunga keniye e songon gute la.”
28“Deka gute tonari la e soson gute ka omur are ina plaungan silang ka due mani isuk boto vala langka 10 kina ke iye. E iye kis iye ke agune e wai ke iye langane. ‘Omkoli mani ka omdue ke ngong.’ 29E gute grum kamla e kel iye langane. ‘Ampara ke ngong isuk boto e ma ngakoli lem mani batne.’ 30E gute kene ina wai ‘aurou’ ke iye e uri iye ke kalabus la lama iye koli batne ke mani ka iye due. 31E alo ka omur tonari ina plaungan leklou tiklingen ine tinokngos ine e isak kla ke gute ka vri mgo ke omur ari e tipalongo ila ine. 32Deka iye gi ke gute ka iye sak ila aglunga e wai ke iye langane. ‘Wom plaungan ka lem elio soulu lokono. Ngasak lem aglunga keniye kesua empmi ngong ine vala. 33Wan ka itau aitno lugom due gute silang eriar langka aitno lungong due wom.’ 34E gute ka vri mgo ke omur ari aitno engil lokono ke gute tonari e iye pagei iye ke osep ka tiplau kalabus ma tidue agegeng ke iye la lama iye koli batne ke ila aglunga keniye.”
35Deka Yesus wai langane. “Livou ka dong ke omur heven ma due elio eriar langane ke umu langka lokono umasak elio soulu ka lumu osua tidue ke umu kovok.”
Seçili Olanlar:
Matyu 18: ANT
Vurgu
Paylaş
Kopyala
Önemli anlarınızın tüm cihazlarınıza kaydedilmesini mi istiyorsunuz? Kayıt olun ya da giriş yapın
copyright 2003 New Tribes Mission, Sanford, FL 32771
Matyu 18
18
Yesus wai ke alo ka Ida Tapolngon plau osep
(Mak 9.33-37 e Luk 9.46-48)
1Alo ari Yesus ila disaipel time ke iye e tipmi iye langane. “Sei omba e mgo ke omur heven ka Ida Tapolngon plaue?” 2E Yesus gi ke agau kene e due dong airavu ke isak. 3Deka iye wai ke isak langane. “Ngawai lokono ke umu langane. Langka umabauluk aitno lumu e aitno lumu tipolou langka agau ane kovok umakaranga umesep ke omur ka Ida Tapolngon plaue kovok. 4Gute sei ka pes iye tona langka agau ane iye mgo ke omur heven ka Ida Tapolngon plaue. 5E gute sei ka aitno mter ke ngong e aitno itau ke agau langka agau ane aitno itau ke ngong blang. 6E gute sei ka due agau ka aitno dagar ke ngong ma iye songon aitno ila dagar deka langka osep tipou opmu ka anit ke agune e tiuri iye ke aki e iye unim ma mete are itau. E langka osep tidue elio langane dau elio ane mole Ida Tapolngon aitno ila engil ke gute tonari kovok. Aurou. Ida Tapolngon aitno dau engil ke iye.”
Elio soulu due pogle ke aitno lite ila dagar
(Mak 9.42-48 e Luk 17.1-2)
7“Aisudo ke osep taklak ina. Ma tidong soulu lokono va. Kesua tiwaiki tidue osep leklou tigene ke elio epmes ina. Lokono elio epmes ina ma polou e dau gute gesa ka due gute silang gene ke elio epmes ina are soulu ke iye. 8E langka lupmu koke kopmu tidue umu umosongon aitno lumu ila dagar deka umoblou e umourie la. Kesua are itau langka umodong e lupmu kene koke kopmu kene dong kovok lama lupmu orwo e kopmu orwo tidong e umala ke omur hel. E ari eiou dong vala dong. 9E langka omtomu tidue umu umosongon aitno lumu ila dagar deka umepi e umourie la. Kesua are itau langka umodong e omtomu kene vala dong kovok lama omtomu orwo tidong e umala ke eiou ke omur hel.”
10-11“Deka aitno lumu mter soulu ke agau daudeng langane kovok. Kesua urok ensel dong ka aling aling tidong ke Livou ka dong ke omur heven bitna.#18.10-11 — Osep leklou ka tile pelengon Grik itau aitno lisak mter langka pelengon leklou dong ke ves ane. Pelengon tonari langane. “Ngong ka Gute Ka Polou Langka Osep ngame ma ngalua osep ka timina.”
Yesus wai pelengon ano ke sipsip kene ka imina
(Luk 15.3-7)
12“Aitno lumu mter itau ke lou pelengon ane. Langka gute ila sipsip bunokene dong e kene vala lila la. Ma iye due sua? Ma iye songon sipsip 99 tidong ke gigri galna e la krim ke kene ka imina la i? 13Ngawai lokono ke umu langane. Alo ka iye pado sipsip kene ka imina aitno itau omba ine e mole elio ka aitno itau ke sipsip 99 ka tilila kla kovok. 14E langane blang ke Livou ka dong ke omur heven. Iye waiki ma agau kene imina kovok.”
Elio ka itomosi gute ka due elio soulu
15“Langka gute kene ka aitno dagar eriar langka umu due elio soulu ke umu deka umala ke iye e umenis iye ke ila elio soulu. E mgo wom kenwom vala amla e emnis iye kesua elio ane wan ke umorwo vala. E langka iye klingen lem pelengon io umodue umorwo aitno lumu tipolou kene pulu blang.#18.15 — Osep leklou ka tile pelengon Grik itau aitno lisak mter langka Matyu sogo pelengon palma ‘ke umu’ kovok. E gute silang sogoe ke batne. 16E langka iye klingen lem pelengon kovok deka umodue gute kene koke osep orwo e umala umawai ke iye kesua Ida Tapolngon ila pelengon wai langane. ‘Langka emsin elio ke gute ma osep orwo eklu langane tiwai ke lem sinngen elio blang.’ 17E langka iye klingen lumu pelengon kovok deka umapalongo sios ine e langka iye dau klingen lumu pelengon kovok io ma iye dong ke umu langka gute ka ile Ida Tapolngon kovok koke gute ka due takis.”
18“E ngawai ke umu langane. Wan ka umadangdange ke taklak ma Ida Tapolngon dangdange ke omur heven e wan ka umosongone ke taklak ma Ida Tapolngon songone ke omur heven.”
19“E ngawai blang langane. Langka osep orwo eklu langane ke umu aitno lumu kene pulu e umepmi Ida Tapolngon ke wan gesa io Livou ka dong ke omur heven ma due. 20Kesua alo ka osep orwo eklu langane tiduni pulu ke angain ngong ma ngadong airavu ke isak.”
Yesus wai pelengon ano ke gute bokongon ina ka ila aglunga ombatno
21Deka Pita me ke Yesus e pmi iye langane. “Ngau Puda langka gute ke lou osua due elio soulu ke ngong ma ngasak ila elio soulu tonari aling sesue? Iding ke aling lumorwo?” 22E Yesus koli wai langane. “Amsak ila elio soulu aling lumorwo vala kovok. Aurou. Ma emtik iselme isorwo aling lumorwo e amsak ila elio soulu iding ke tikngen tonari. 23Ngawai pelengon ano ke omur heven ka Ida Tapolngon plaue langane. Gute ka vri mgo ke omur kene waiki mosi aglunga ke osep ka tilua iye ke omur ina plaungan. 24Iye nogrum mosi aglunga e osep tipaur gute plaungan ina ke iye ka ila aglunga langka 10 milion kina. 25Gute tonari ila mani karanga koli aglunga kovok e gute ka vri mgo ke omur ari wai dagar ma tidue burong ke gute kap ila asap e titno e ila wan bitna bitna keniye ma iye koli ila aglunga ine. 26Deka gute tonari grum kamla ke gute ka vri mgo ke omur bitna e kel iye langane. ‘Puda ampara ke ngong isuk boto e ma ngakoli lou aglunga keniye.’ 27E gute ka vri mgo ke omur aitno kro ke iye e sak ila aglunga keniye e songon gute la.”
28“Deka gute tonari la e soson gute ka omur are ina plaungan silang ka due mani isuk boto vala langka 10 kina ke iye. E iye kis iye ke agune e wai ke iye langane. ‘Omkoli mani ka omdue ke ngong.’ 29E gute grum kamla e kel iye langane. ‘Ampara ke ngong isuk boto e ma ngakoli lem mani batne.’ 30E gute kene ina wai ‘aurou’ ke iye e uri iye ke kalabus la lama iye koli batne ke mani ka iye due. 31E alo ka omur tonari ina plaungan leklou tiklingen ine tinokngos ine e isak kla ke gute ka vri mgo ke omur ari e tipalongo ila ine. 32Deka iye gi ke gute ka iye sak ila aglunga e wai ke iye langane. ‘Wom plaungan ka lem elio soulu lokono. Ngasak lem aglunga keniye kesua empmi ngong ine vala. 33Wan ka itau aitno lugom due gute silang eriar langka aitno lungong due wom.’ 34E gute ka vri mgo ke omur ari aitno engil lokono ke gute tonari e iye pagei iye ke osep ka tiplau kalabus ma tidue agegeng ke iye la lama iye koli batne ke ila aglunga keniye.”
35Deka Yesus wai langane. “Livou ka dong ke omur heven ma due elio eriar langane ke umu langka lokono umasak elio soulu ka lumu osua tidue ke umu kovok.”
Seçili Olanlar:
:
Vurgu
Paylaş
Kopyala
Önemli anlarınızın tüm cihazlarınıza kaydedilmesini mi istiyorsunuz? Kayıt olun ya da giriş yapın
copyright 2003 New Tribes Mission, Sanford, FL 32771