Matyu 21
21
Yesus la ke Jerusalem e osep tikakai angaine
(Mak 11.1-11 e Luk 19.28-40 e Jon 12.12-19)
1Yesus gosok ila disaipel time olwo boto ke Jerusalem e tipolou ke armok Betfage ka dong ke gigri Oliv e Yesus pagei ila disaipel orwo kla ke armok tonari. 2E iye wai ke isak langane. “Umala ke armok ka dong are e alo ka umopolou ke armok suong ma umapado donki e otno. Umapado isak deka umekles donki e umapaur isak orwo me ke ngong. 3E langka gute gesa pmi umu ine umawai ke iye langane. ‘Ida Puda waiki dong ke isak e la ke ila langan ine.’ Umawai langane e lokono ma iye vai donki e otno kap umu.” 4Elio ane polou ma pelengon ka gute napaprangan ina wai polou lokono. Iye wai langane. 5“Umapalongo osep Saion ina langane.
‘Umavati gute ka vri mgo ke umu me e iye dong molil e dong ke donki e me. Iye dong ke donki otno e me.’”
6E ila disaipel orwo kla ke armok e tididi Yesus ila pelengon. 7E tipaur donki e otno ke Yesus e tidue urok molo kading isak e Yesus dong ine. 8E osep pula pula tidong are e tidue urok molo munu ke ekreng e osep leklou tiblou akai tetna ka daudeng e tidue munu ke ekreng. 9E osep pula kla mgo ke iye e osep pula time batne ke iye e tidaiku langane. “Itakakai gute ka osep tisir iye Devit Otno Arang angaine tito. Ma Ida Tapolngon due elio itau itau ke gute ka me ke angaine. Itakakai angaine tito la egim lokono.”
10E alo ka tisep ke Jerusalem osep tidigrik lokono e tipmi pulu langane. “Gute ane iye gute sei?” 11E osep pula pula tikoli tiwai langane. “Gute ane iye gute napaprangan ina Yesus ka me ke armok Nasaret ka dong ke omur Galili.”
Yesus sapir osep ka tidue burong ke Ida Tapolngon ila ninu
(Mak 11.15-19 e Luk 19.45-48 e Jon 2.13-22)
12E Yesus sep ke omur ka lelei Ida Tapolngon ila ninu e sapir osep ka tidue burong ine e iye kul bota ke osep ka tibauluk mani ke osep ka time ke kantri leklou e kul kova ke osep ka tidue burong ke belis. 13E iye wai ke isak langane. “Ida Tapolngon wai ke ila pelengon langane.
‘Ma osep tisir lou ninu langane. Ninu ka osep tiwai itau ke ngong ine. E umodue omur ane omur ka osep panakongon ina tikalu ine.’”
14E osep ka amtarsak evin e osep ka kamsak e limsak timete time ke Yesus ke omur ka lelei Ida Tapolngon ila ninu e iye due isak tipolou itau blang. 15E osep loulou ina ka omba e osep ka tile itau ke Moses ila sogongon tivati wan ka Yesus due e tiklingen agau tidaiku. Tidaiku langane. “Ma itakakai gute ka osep tisir iye Devit Otno Arang angaine.” Tivati wan tonari e aitno lisak amnga ine. 16E tiwai ke Yesus langane. “Emklingen urok pelengon i?” Deka Yesus koli wai ke isak langane. “Ee. Ngaklingen e umeritim Ida Tapolngon ila pelengon ka wai langane kovok i?
‘Agau e keke ma tikakai angain wom.’”
17E Yesus songon isak e la ke armok Betani e munu kudung are.
Yesus wai e akai fik polou kakrak
(Mak 11.12-14 e Mak 11.20-24)
18E ke kotkotu lokono iye lila la ke Jerusalem blang e sapanga due. 19E iye vati akai fik dong olwo boto ke ekreng e la ine. Iye polou ine e vati fik otna kovok e akai elilo vala. E iye wai dagar ine langane. “Ma otna polou ke wom aling silang blang kovok.” E suong akai fik polou kakrak. 20E ila disaipel tivati elio ane e tidigrik ine e tiwai langane. “Lange ka akai fik suong polou kakrak?” 21E Yesus koli wai langane. “Ngawai ke umu lokono. Langka aitno lumu dagar ke Ida Tapolngon e aitno lumu orwo ke iye kovok umakaranga umodue elio ka ngadue ke akai fik ane vala kovok. Aurou. Umakaranga umawai ke gigri ma iye tito e la ke misuon e ma gigri didi lumu pelengon. 22Langka aitno lumu dagar ke Ida Tapolngon alo ka umawai itau ke iye ma umodue wan ka umepmi iye ine.”
Osep tipmi Yesus ke ila arit batne
(Mak 11.27-33 e Luk 20.1-8)
23E Yesus sep ke omur ka lelei Ida Tapolngon ila ninu e parere osep ine. Deka osep loulou ina ka omba e osep namormor ke osep Yuda ina time ke iye e tipmi iye langane. “Omdue arit ge ma omdue elio ane? Sei kare ke wom?” 24E Yesus koli wai ke isak langane. “Ma ngapmi umu ke pmingen kene blang e langka umokoli lou pmingen deka ma ngapalongo lumu sei kar arit ke ngong ma ngadue elio ane. 25Lou pmingen langane. Gute Jon didi sei aitno deka iye paunim osep? Iye didi Ida Tapolngon aitno koke iye didi osep aitno lisak?” Deka timter pelengon pulu langane. “Langka itawai ‘iye didi Ida Tapolngon aitno’ iye ma pmi ite langane. ‘Ina lange aitno lumu la dagar ke iye kovok?’ 26E langka itawai ‘iye didi osep aitno lisak’ itelim ke osep kesua aitno lisak langka Jon iye gute napaprangan ina.” 27E tikoli tiwai ke Yesus langane. “Imeile ine kovok.” Deka Yesus wai ke isak langane. “Deka ma ngapalongo lumu sei kar arit ke ngong ma ngadue elio ane kovok.”
Yesus wai pelengon ano ke gute titno arang orwo
28Deka Yesus wai pelengon ano langane. “Aitno lumu lange? Gute e titno orwo tidong e iye wai ke otno kene langane. ‘Erigu arang oklou ane amla omboko ke lou yage galou wain ina.’ 29E iye koli wai ma iye due kovok e dau mase iye bauluk aitno e la boko ine. 30Deka gute la ke otno silang e wai langare blang. E otno silang wai langane. ‘Ee. Livou ma ngala ngaboko’ e dau iye la boko kovok. 31Deka aitno lumu lange? Gute sei didi timla aitno?” E tikoli tiwai otno ka iye wai ke iye mgo didi timla aitno. E Yesus wai ke isak langane. “Ngawai ke umu lokono. Osep ka tidue takis e apmang ekreng palma ina ma tisep ke omur heven ka Ida Tapolngon plaue mgo ke umu. 32Kesua alo ka gute Jon me e nis umu ke ekreng ka Ida Tapolngon waiki umedidie aitno lumu la dagar ke ila pelengon kovok. E osep ka tidue takis e apmang ekreng palma ina aitno lisak la dagar ke ila pelengon. E dau alo ka umavati elio tonari umabauluk aitno lumu ke lumu elio kovok e aitno lumu la dagar ke ila pelengon kovok.”
Yesus wai pelengon ano ke osep soulu ka tiplau yage galou wain ina
(Mak 12.1-12 e Luk 20.9-19)
33“Umoklingen e ma ngawai pelengon ano silang ke umu. Gute kene usak ila yage galou wain ina e uri ari lelei yage e yas ovuk ma wan ka por galou wain toru ine dong ine e iye uri ninu ka dong egim ma osep tidong ine e tiplau yage. E iye due osep leklou ma tidong tiboko ke yage ma tidue galou wain toru ine leklou. Deka iye la ke langan ke omur mawa. 34Mase alo ka lana ka galou wain toru ine sisiou polou yage ina gute pagei ila wokboi nating leklou ma tidue ila aman ke galou wain toru ine. 35E osep ka tidong tiboko ke yage tidue wokboi nating tonari e timluk gute kene e timter gute silang ma iye mete e tiuri opmu ke gute silang. 36Aling silang yage ina gute pagei ila wokboi nating ke osep ka tidong tiboko ke yage e inarak sasa mole osep ka kla aling kene ina. E osep ka tiboko ke yage tonari tidue elio ke isak blang eriar langka tidue ke osep ka time aling kene ina. 37Mase yage ina gute vai otno arang ke isak e aitno mter langane. ‘Ma tidue anit ke erigu arang.’ 38E alo ka osep ka tidong tiboko ke yage tivati gute otno arang me tiwai pulu langane. ‘Gute ane yage ina gute otno arang. Ma itemter iye ma iye mete deka itodue ila wan matamuli.’ 39E tikis iye e tiuri iye ke yage dogur e tidue burwa ke iye.” 40Deka Yesus pmi isak langane. “Aitno lumu lange? Alo ka yage ina gute me ma iye due wansua ke osep tonari?” 41E tikoli tiwai ke iye langane. “Ma iye mluk osep soulu bitna tonari omba ma timete ine e ma iye due osep leklou tiplau ila yage itau e ma tikar iye ila aman ke lana ine.”
42Deka Yesus wai ke isak langane. “Umeritim Ida Tapolngon ila pelengon ka wai langane kovok i?
‘Osep ka tiuri ninu tipli opmu are. E dau opmu are opmu mgongon ina ka due opmu leklou ka tiuri ninu ine tinepir pulu. E Ida Puda due wan tonari polou e aitno lite mter iye itau itau lokono.’
43E ngawai ke umu langane. Ma Ida Tapolngon pi umu ke omur ka iye plaue e kar amunmu ke osep leklou ka tidue wan ka Ida Tapolngon waiki tidue. 44E gute ka gene duru ke opmu are ma nabak e langka opmu gene duru ke iye ma opmu porpor iye ma iye mete.”#21.44 — Osep leklou ka tile pelengon Grik itau aitno lisak mter langka gute Matyu sogo pelengon ke ves 44 kovok. E gute silang sogoe ke batne.
45Alo ka osep loulou ina ka omba e osep Farisi ina tiklingen Yesus ila pelengon ano tonari tile lana ine la ke isak. 46E alo ka tiwaiki tidue sep ka kalabus tilim ke osep pula pula kesua osep aitno lisak mter iye gute napaprangan ina.
Seçili Olanlar:
Matyu 21: ANT
Vurgu
Paylaş
Kopyala
Önemli anlarınızın tüm cihazlarınıza kaydedilmesini mi istiyorsunuz? Kayıt olun ya da giriş yapın
copyright 2003 New Tribes Mission, Sanford, FL 32771
Matyu 21
21
Yesus la ke Jerusalem e osep tikakai angaine
(Mak 11.1-11 e Luk 19.28-40 e Jon 12.12-19)
1Yesus gosok ila disaipel time olwo boto ke Jerusalem e tipolou ke armok Betfage ka dong ke gigri Oliv e Yesus pagei ila disaipel orwo kla ke armok tonari. 2E iye wai ke isak langane. “Umala ke armok ka dong are e alo ka umopolou ke armok suong ma umapado donki e otno. Umapado isak deka umekles donki e umapaur isak orwo me ke ngong. 3E langka gute gesa pmi umu ine umawai ke iye langane. ‘Ida Puda waiki dong ke isak e la ke ila langan ine.’ Umawai langane e lokono ma iye vai donki e otno kap umu.” 4Elio ane polou ma pelengon ka gute napaprangan ina wai polou lokono. Iye wai langane. 5“Umapalongo osep Saion ina langane.
‘Umavati gute ka vri mgo ke umu me e iye dong molil e dong ke donki e me. Iye dong ke donki otno e me.’”
6E ila disaipel orwo kla ke armok e tididi Yesus ila pelengon. 7E tipaur donki e otno ke Yesus e tidue urok molo kading isak e Yesus dong ine. 8E osep pula pula tidong are e tidue urok molo munu ke ekreng e osep leklou tiblou akai tetna ka daudeng e tidue munu ke ekreng. 9E osep pula kla mgo ke iye e osep pula time batne ke iye e tidaiku langane. “Itakakai gute ka osep tisir iye Devit Otno Arang angaine tito. Ma Ida Tapolngon due elio itau itau ke gute ka me ke angaine. Itakakai angaine tito la egim lokono.”
10E alo ka tisep ke Jerusalem osep tidigrik lokono e tipmi pulu langane. “Gute ane iye gute sei?” 11E osep pula pula tikoli tiwai langane. “Gute ane iye gute napaprangan ina Yesus ka me ke armok Nasaret ka dong ke omur Galili.”
Yesus sapir osep ka tidue burong ke Ida Tapolngon ila ninu
(Mak 11.15-19 e Luk 19.45-48 e Jon 2.13-22)
12E Yesus sep ke omur ka lelei Ida Tapolngon ila ninu e sapir osep ka tidue burong ine e iye kul bota ke osep ka tibauluk mani ke osep ka time ke kantri leklou e kul kova ke osep ka tidue burong ke belis. 13E iye wai ke isak langane. “Ida Tapolngon wai ke ila pelengon langane.
‘Ma osep tisir lou ninu langane. Ninu ka osep tiwai itau ke ngong ine. E umodue omur ane omur ka osep panakongon ina tikalu ine.’”
14E osep ka amtarsak evin e osep ka kamsak e limsak timete time ke Yesus ke omur ka lelei Ida Tapolngon ila ninu e iye due isak tipolou itau blang. 15E osep loulou ina ka omba e osep ka tile itau ke Moses ila sogongon tivati wan ka Yesus due e tiklingen agau tidaiku. Tidaiku langane. “Ma itakakai gute ka osep tisir iye Devit Otno Arang angaine.” Tivati wan tonari e aitno lisak amnga ine. 16E tiwai ke Yesus langane. “Emklingen urok pelengon i?” Deka Yesus koli wai ke isak langane. “Ee. Ngaklingen e umeritim Ida Tapolngon ila pelengon ka wai langane kovok i?
‘Agau e keke ma tikakai angain wom.’”
17E Yesus songon isak e la ke armok Betani e munu kudung are.
Yesus wai e akai fik polou kakrak
(Mak 11.12-14 e Mak 11.20-24)
18E ke kotkotu lokono iye lila la ke Jerusalem blang e sapanga due. 19E iye vati akai fik dong olwo boto ke ekreng e la ine. Iye polou ine e vati fik otna kovok e akai elilo vala. E iye wai dagar ine langane. “Ma otna polou ke wom aling silang blang kovok.” E suong akai fik polou kakrak. 20E ila disaipel tivati elio ane e tidigrik ine e tiwai langane. “Lange ka akai fik suong polou kakrak?” 21E Yesus koli wai langane. “Ngawai ke umu lokono. Langka aitno lumu dagar ke Ida Tapolngon e aitno lumu orwo ke iye kovok umakaranga umodue elio ka ngadue ke akai fik ane vala kovok. Aurou. Umakaranga umawai ke gigri ma iye tito e la ke misuon e ma gigri didi lumu pelengon. 22Langka aitno lumu dagar ke Ida Tapolngon alo ka umawai itau ke iye ma umodue wan ka umepmi iye ine.”
Osep tipmi Yesus ke ila arit batne
(Mak 11.27-33 e Luk 20.1-8)
23E Yesus sep ke omur ka lelei Ida Tapolngon ila ninu e parere osep ine. Deka osep loulou ina ka omba e osep namormor ke osep Yuda ina time ke iye e tipmi iye langane. “Omdue arit ge ma omdue elio ane? Sei kare ke wom?” 24E Yesus koli wai ke isak langane. “Ma ngapmi umu ke pmingen kene blang e langka umokoli lou pmingen deka ma ngapalongo lumu sei kar arit ke ngong ma ngadue elio ane. 25Lou pmingen langane. Gute Jon didi sei aitno deka iye paunim osep? Iye didi Ida Tapolngon aitno koke iye didi osep aitno lisak?” Deka timter pelengon pulu langane. “Langka itawai ‘iye didi Ida Tapolngon aitno’ iye ma pmi ite langane. ‘Ina lange aitno lumu la dagar ke iye kovok?’ 26E langka itawai ‘iye didi osep aitno lisak’ itelim ke osep kesua aitno lisak langka Jon iye gute napaprangan ina.” 27E tikoli tiwai ke Yesus langane. “Imeile ine kovok.” Deka Yesus wai ke isak langane. “Deka ma ngapalongo lumu sei kar arit ke ngong ma ngadue elio ane kovok.”
Yesus wai pelengon ano ke gute titno arang orwo
28Deka Yesus wai pelengon ano langane. “Aitno lumu lange? Gute e titno orwo tidong e iye wai ke otno kene langane. ‘Erigu arang oklou ane amla omboko ke lou yage galou wain ina.’ 29E iye koli wai ma iye due kovok e dau mase iye bauluk aitno e la boko ine. 30Deka gute la ke otno silang e wai langare blang. E otno silang wai langane. ‘Ee. Livou ma ngala ngaboko’ e dau iye la boko kovok. 31Deka aitno lumu lange? Gute sei didi timla aitno?” E tikoli tiwai otno ka iye wai ke iye mgo didi timla aitno. E Yesus wai ke isak langane. “Ngawai ke umu lokono. Osep ka tidue takis e apmang ekreng palma ina ma tisep ke omur heven ka Ida Tapolngon plaue mgo ke umu. 32Kesua alo ka gute Jon me e nis umu ke ekreng ka Ida Tapolngon waiki umedidie aitno lumu la dagar ke ila pelengon kovok. E osep ka tidue takis e apmang ekreng palma ina aitno lisak la dagar ke ila pelengon. E dau alo ka umavati elio tonari umabauluk aitno lumu ke lumu elio kovok e aitno lumu la dagar ke ila pelengon kovok.”
Yesus wai pelengon ano ke osep soulu ka tiplau yage galou wain ina
(Mak 12.1-12 e Luk 20.9-19)
33“Umoklingen e ma ngawai pelengon ano silang ke umu. Gute kene usak ila yage galou wain ina e uri ari lelei yage e yas ovuk ma wan ka por galou wain toru ine dong ine e iye uri ninu ka dong egim ma osep tidong ine e tiplau yage. E iye due osep leklou ma tidong tiboko ke yage ma tidue galou wain toru ine leklou. Deka iye la ke langan ke omur mawa. 34Mase alo ka lana ka galou wain toru ine sisiou polou yage ina gute pagei ila wokboi nating leklou ma tidue ila aman ke galou wain toru ine. 35E osep ka tidong tiboko ke yage tidue wokboi nating tonari e timluk gute kene e timter gute silang ma iye mete e tiuri opmu ke gute silang. 36Aling silang yage ina gute pagei ila wokboi nating ke osep ka tidong tiboko ke yage e inarak sasa mole osep ka kla aling kene ina. E osep ka tiboko ke yage tonari tidue elio ke isak blang eriar langka tidue ke osep ka time aling kene ina. 37Mase yage ina gute vai otno arang ke isak e aitno mter langane. ‘Ma tidue anit ke erigu arang.’ 38E alo ka osep ka tidong tiboko ke yage tivati gute otno arang me tiwai pulu langane. ‘Gute ane yage ina gute otno arang. Ma itemter iye ma iye mete deka itodue ila wan matamuli.’ 39E tikis iye e tiuri iye ke yage dogur e tidue burwa ke iye.” 40Deka Yesus pmi isak langane. “Aitno lumu lange? Alo ka yage ina gute me ma iye due wansua ke osep tonari?” 41E tikoli tiwai ke iye langane. “Ma iye mluk osep soulu bitna tonari omba ma timete ine e ma iye due osep leklou tiplau ila yage itau e ma tikar iye ila aman ke lana ine.”
42Deka Yesus wai ke isak langane. “Umeritim Ida Tapolngon ila pelengon ka wai langane kovok i?
‘Osep ka tiuri ninu tipli opmu are. E dau opmu are opmu mgongon ina ka due opmu leklou ka tiuri ninu ine tinepir pulu. E Ida Puda due wan tonari polou e aitno lite mter iye itau itau lokono.’
43E ngawai ke umu langane. Ma Ida Tapolngon pi umu ke omur ka iye plaue e kar amunmu ke osep leklou ka tidue wan ka Ida Tapolngon waiki tidue. 44E gute ka gene duru ke opmu are ma nabak e langka opmu gene duru ke iye ma opmu porpor iye ma iye mete.”#21.44 — Osep leklou ka tile pelengon Grik itau aitno lisak mter langka gute Matyu sogo pelengon ke ves 44 kovok. E gute silang sogoe ke batne.
45Alo ka osep loulou ina ka omba e osep Farisi ina tiklingen Yesus ila pelengon ano tonari tile lana ine la ke isak. 46E alo ka tiwaiki tidue sep ka kalabus tilim ke osep pula pula kesua osep aitno lisak mter iye gute napaprangan ina.
Seçili Olanlar:
:
Vurgu
Paylaş
Kopyala
Önemli anlarınızın tüm cihazlarınıza kaydedilmesini mi istiyorsunuz? Kayıt olun ya da giriş yapın
copyright 2003 New Tribes Mission, Sanford, FL 32771