Mak 16
16
Yesus poga tito ke ina denga
(Matyu 28.1-8 e Luk 24.1-12 e Jon 20.1-10)
1Deka mase alo ka sabat la yagos Maria ka Makdala ina e Maria ka Jems tna e Salome isak kla tikli wan ka amna itau. Kesua tiwaiki tisake ke Yesus pampamu ine. 2Tikli wan tonari yagos deka tidong tipara ke oklou silang ka iye oklou mgongon ina ke wik. Tipara ma kotkotu lokono deka tisongon armok e isak kla ma tipolou ke Yesus ina denga. 3Alo ka tididi ekreng tiwai pulu langane. “Opmu ombatno kading Yesus ina denga ina ekreng bitna deka sei ma tabulbul opmu la?” 4Isak dau tididi ekreng la lama tipolou ke Yesus ina denga deka amtarsak la ke ina ekreng bitna. E tivati opmu kading denga ina ekreng bitna kovok. 5Deka tisep ke denga e tivati gute auram ka ila klos okou lokono dong ke denga aitno ke galna ka limsak odung ina. E ansak nesik ke iye.
6Deka gute tonari wai ke isak langane. “Anmu nesik sakam. Umekrim Yesus ka Nasaret ina ka osep tinilim kamla e limla ke ina akai deka iye mete. Oglou pampamu ine munu ane e eknikane amune dong adai kesua iye poga tito kodong. 7Umala umapalongo Yesus ila disaipel keniye e Pita langane. ‘Yesus poga tito ke ina denga e iye mgo ke umu la ke omur Galili. Ma umavati iye blang ke omur tonari eriar langka oglou iye wai ke umu ine.’” 8Apmang tiklingen gute tonari ila pelengon deka tipolou ke dogur e tiulou kla. Kesua tinakarkar omba e ansak nesik. E tipalongo osep leklou ke elio tonari kovok kesua tiulou tarna lisak.
Maria ka Makdala ina vati Yesus
(Matyu 28.9-10 e Jon 20.11-18)
9*Yesus poga tito ke ina denga ke kotkotu lokono ke oklou mgongon ina ke wik. Deka mgongon iye la polou ke Maria ka Makdala ina ka oglou iye sapir angelo soulu lumorwo ka tidong ke aitno tipolou kla. 10Iye vati Yesus deka iye la polou ke osep ka oglou tilila kap iye. Alo ka iye palongo osep tonari ine ari dau aitno lisak soulu lokono e tikngis ke Yesus. 11Osep tonari tiklingen Maria ka Makdala ina ila pelengon e tingelek ine vala.
12Mase ke oklou tonari Yesus la polou ke sisrok orwo ka tisongon Jerusalem e tididi ekreng kla. Deka tivati iye langka iye gute silang blang e tivati iye langka oglou tivati iye kovok. 13Tivati iye e ari tile omur ke iye. Deka tipaur pulu e isak kla tipalongo Yesus sisrok ine. Osep tonari tiklingen urok pelengon e tingelek ine blang.
Yesus kar pelengon ke ila disaipel
(Matyu 28.16-20 e Luk 24.36-49 e Jon 20.19-23)
14Mase ila disaipel songotno kene tiduni pulu tidong lelei bota gesa ka tingen inarak ngangon ine. Deka Yesus me polou ke isak deka iluk isak kesua aitno lisak dagar ke ila baulukngon kovok e tingelek ine vala. Iye iluk isak kesua alo ka tiklingen pelengon ke osep ka tivati iye poga tito ke ina denga aitno lisak la dagar ke osep tonari urok pelengon kovok.
15Deka Yesus wai ke isak langane. “Umala ke omur ka pula keniye ke taklak e umanapapra Ida Tapolngon ila omon itau ke osep ka pula keniye. 16Deka osep seisei ka aitno lisak dagar ine e tididi elio paunimngen ina ma ngalua isak ke urok elio epmes ina. E osep seisei ka aitno lisak la dagar ke ngong kovok ma Ida Tapolngon kot isak ine ke omur hel. 17E osep ka aitno lisak me dagar ke ngong ma tidue elio arit ina ka nisngen ke osep amtarsak langane. Ma tisapir angelo soulu ka tidong ke osep batne ke ngong. E ma tiwai ke tokples oku ina ka oglou tile ine kovok batne ke ngong. 18Langka tikis mota ka orsak olune soulu ka due osep timete ma timete kovok batne ke ngong. Langka tinim aki soulu ka due osep timete ma timete kovok. Aurou. Ma tidong vala batne ke ngong. Ma limsak tiduru timunu ke osep ka tipaia deka ma osep tonari inarak paiangan yagos batne ke ngong.”
19Ida Puda Yesus wai yagos deka iye tito la ke omur heven deka dong ke Ida Tapolngon limla odung. 20Deka ila disaipel isak kla ke omur ka pula keniye e tinapapra ke osep pula. Deka Ida Puda lua isak ke ila arit e tidue elio arit ina. Deka osep ka tivati elio arit ina ka tidue tile omur urok pelengon lokono. Itau.#16.20 — Osep leklou ka tile pelengon Grik itau aitno lisak mter langka gute Mak sogo pelengon palma ka munu airavu ke sta (*) orwo kovok. E gute silang sogoe ke batne.
Seçili Olanlar:
Mak 16: ANT
Vurgu
Paylaş
Kopyala
Önemli anlarınızın tüm cihazlarınıza kaydedilmesini mi istiyorsunuz? Kayıt olun ya da giriş yapın
copyright 2003 New Tribes Mission, Sanford, FL 32771
Mak 16
16
Yesus poga tito ke ina denga
(Matyu 28.1-8 e Luk 24.1-12 e Jon 20.1-10)
1Deka mase alo ka sabat la yagos Maria ka Makdala ina e Maria ka Jems tna e Salome isak kla tikli wan ka amna itau. Kesua tiwaiki tisake ke Yesus pampamu ine. 2Tikli wan tonari yagos deka tidong tipara ke oklou silang ka iye oklou mgongon ina ke wik. Tipara ma kotkotu lokono deka tisongon armok e isak kla ma tipolou ke Yesus ina denga. 3Alo ka tididi ekreng tiwai pulu langane. “Opmu ombatno kading Yesus ina denga ina ekreng bitna deka sei ma tabulbul opmu la?” 4Isak dau tididi ekreng la lama tipolou ke Yesus ina denga deka amtarsak la ke ina ekreng bitna. E tivati opmu kading denga ina ekreng bitna kovok. 5Deka tisep ke denga e tivati gute auram ka ila klos okou lokono dong ke denga aitno ke galna ka limsak odung ina. E ansak nesik ke iye.
6Deka gute tonari wai ke isak langane. “Anmu nesik sakam. Umekrim Yesus ka Nasaret ina ka osep tinilim kamla e limla ke ina akai deka iye mete. Oglou pampamu ine munu ane e eknikane amune dong adai kesua iye poga tito kodong. 7Umala umapalongo Yesus ila disaipel keniye e Pita langane. ‘Yesus poga tito ke ina denga e iye mgo ke umu la ke omur Galili. Ma umavati iye blang ke omur tonari eriar langka oglou iye wai ke umu ine.’” 8Apmang tiklingen gute tonari ila pelengon deka tipolou ke dogur e tiulou kla. Kesua tinakarkar omba e ansak nesik. E tipalongo osep leklou ke elio tonari kovok kesua tiulou tarna lisak.
Maria ka Makdala ina vati Yesus
(Matyu 28.9-10 e Jon 20.11-18)
9*Yesus poga tito ke ina denga ke kotkotu lokono ke oklou mgongon ina ke wik. Deka mgongon iye la polou ke Maria ka Makdala ina ka oglou iye sapir angelo soulu lumorwo ka tidong ke aitno tipolou kla. 10Iye vati Yesus deka iye la polou ke osep ka oglou tilila kap iye. Alo ka iye palongo osep tonari ine ari dau aitno lisak soulu lokono e tikngis ke Yesus. 11Osep tonari tiklingen Maria ka Makdala ina ila pelengon e tingelek ine vala.
12Mase ke oklou tonari Yesus la polou ke sisrok orwo ka tisongon Jerusalem e tididi ekreng kla. Deka tivati iye langka iye gute silang blang e tivati iye langka oglou tivati iye kovok. 13Tivati iye e ari tile omur ke iye. Deka tipaur pulu e isak kla tipalongo Yesus sisrok ine. Osep tonari tiklingen urok pelengon e tingelek ine blang.
Yesus kar pelengon ke ila disaipel
(Matyu 28.16-20 e Luk 24.36-49 e Jon 20.19-23)
14Mase ila disaipel songotno kene tiduni pulu tidong lelei bota gesa ka tingen inarak ngangon ine. Deka Yesus me polou ke isak deka iluk isak kesua aitno lisak dagar ke ila baulukngon kovok e tingelek ine vala. Iye iluk isak kesua alo ka tiklingen pelengon ke osep ka tivati iye poga tito ke ina denga aitno lisak la dagar ke osep tonari urok pelengon kovok.
15Deka Yesus wai ke isak langane. “Umala ke omur ka pula keniye ke taklak e umanapapra Ida Tapolngon ila omon itau ke osep ka pula keniye. 16Deka osep seisei ka aitno lisak dagar ine e tididi elio paunimngen ina ma ngalua isak ke urok elio epmes ina. E osep seisei ka aitno lisak la dagar ke ngong kovok ma Ida Tapolngon kot isak ine ke omur hel. 17E osep ka aitno lisak me dagar ke ngong ma tidue elio arit ina ka nisngen ke osep amtarsak langane. Ma tisapir angelo soulu ka tidong ke osep batne ke ngong. E ma tiwai ke tokples oku ina ka oglou tile ine kovok batne ke ngong. 18Langka tikis mota ka orsak olune soulu ka due osep timete ma timete kovok batne ke ngong. Langka tinim aki soulu ka due osep timete ma timete kovok. Aurou. Ma tidong vala batne ke ngong. Ma limsak tiduru timunu ke osep ka tipaia deka ma osep tonari inarak paiangan yagos batne ke ngong.”
19Ida Puda Yesus wai yagos deka iye tito la ke omur heven deka dong ke Ida Tapolngon limla odung. 20Deka ila disaipel isak kla ke omur ka pula keniye e tinapapra ke osep pula. Deka Ida Puda lua isak ke ila arit e tidue elio arit ina. Deka osep ka tivati elio arit ina ka tidue tile omur urok pelengon lokono. Itau.#16.20 — Osep leklou ka tile pelengon Grik itau aitno lisak mter langka gute Mak sogo pelengon palma ka munu airavu ke sta (*) orwo kovok. E gute silang sogoe ke batne.
Seçili Olanlar:
:
Vurgu
Paylaş
Kopyala
Önemli anlarınızın tüm cihazlarınıza kaydedilmesini mi istiyorsunuz? Kayıt olun ya da giriş yapın
copyright 2003 New Tribes Mission, Sanford, FL 32771