MATIEE 'BƆGƲ 13
13
Zezwi yɛ glʋglʋnyɔɔ 'nine 'pa
1Zlɩ la'aa 'mö, Zezwi -sɔ-ɔ -ma 'ligbë'ë 'wʋ, 'n ɔ ji-e -ma Galilee gïnyi yawʋ mö. 2Nɩkpa -wa 'titanɩ-ɛ -bha ɔ yawʋ 'wluo -zunʋ yɛ, ɔ tʋa -bha 'nyie 'kïkë -gömö 'n ɔ ji-e -ma 'gɔlʋ 'mö -gbla. 3'N ɔ jua-a 'nini 'mö -Lagɔwɛlɩɛ -bɛ ngli 'panɩ. Ɔ nɛ naa: “Glʋglʋnyɔ -bhlʋ, mɔ-ɔ mö-ö -ma ɔ 'lagblɛ'ɛ lilie 'jʋ 'mlɩɛ. 4Ɔ -wʋʋ 'mlɩ 'le 'n jʋ -mʋmʋ-ʋ ji-e -bha 'yuogblʋɔ -kʋkʋngoyawʋ bhli, 'zɩ ji-a 'n ɩ jiʋ-a li. 5'N -mʋmʋ-ʋ ji-e -bha pʋpʋ 'klʋ bhli, -bhaa dʋdʋkpata 'nɩ 'mö 'tuo yɛ 'n ʋ ji-a bhleemö mi. 6'Ylʋzalʋ 'pʋ-a, ʋ -kpuli 'nɩ-ɛ glu nyinie yɛ, 'n ʋ ji-a 'wʋ si. 7'N -mʋmʋ-ʋ ji-e -ma gwagwalu nyɩdɩ bhli, gwagwalu -sɔ-a 'wʋ, 'n ʋ jiʋ-a 'wʋ 'möna, ʋ'ʋ -lɛ 'jeji 'wlʋ. 8'N -mʋmʋ-ʋ ji-e -bha dʋdʋkpataa dʋdʋkpata 'klʋ bhli. Ʋ mi-a, 'n ʋ ji-a 'jinanɩswɩ'ɩ 'wlʋ, 'n ʋ ji-a zʋ. 'Jeyi -bhlʋ 'wlʋ 'jaa gwlɩ -ngbï 'mö, -mɩmɛ 'wlʋ 'jaa gwlɩ ta 'mö, -mɩmɛ 'wlʋ 'yɛ 'jaa kugbïta 'mö. 9-Ɔ -yɛ 'nʋnʋyukwlie -ka ɔ 'nʋ.”
-Ɩɩ yɛ Zezwi gbanɩ-a 'nini 'mö
10Zezwi gba-a sa'a, 'n ɔ 'wʋbhlinɩngwa jio-a yawʋ nyini, wa nɛ -bha ɔ de naa: “-Abhitɩbha, 'manɩɛ yɛ -n -yɛ wa de gbaa ji, 'n -n gbanɩ bhe 'nini 'mö 'nɩ?” 11Ɔ nɛ naa: “Abhaa -nɩ-ɛ, -Lagɔ slʋnʋya-a ʋ nyininyinipɩɛ wɛlɩ -ɩ 'zuzo-aa zɔmö, ʋ 'nʋa-a -nɩ -slʋnʋ. 12-Wʋʋ yɛ-a, -ɔ ka-a -bɛ 'mɔ wa ji-a 'nyɛɛ, ɔ -li 'yɛ zumanɩ. -Ɔ 'nɩ-a -lu -ka, 'kikie 'bhë ɔ -yɛ la -ka, cɛ'ɛ wa jio-a -saa. 13Wʋ yɛ n -yɛ-a wa de gba 'le -wʋ 'n n gbanɩ-a 'nini 'mö, wa 'yɛ jɩla 'le -wʋ 'bhë, wa ji-e -lu 'wʋ jɩnɩ, wa 'yɛ 'yukwli pönɩ 'le -wʋ 'bhë, wa ji-e -lu 'mö 'nʋɔ yɛ. 14-Lagɔɔ 'mögbanɩnyɔ Ezayie wɛlɩ ɔ gba la-a, -ma wa -gömö ɩ 'wlenɩ-a 'wʋ. Sa'a ɔ gba la-a naa:
-Lagɔ nɛ naa:
'Yukwli a ji-a pönɩɛ a 'na -lu 'mö 'nʋ,
jɩla a ji -bha a 'na -lu yɩlɩ.
15-Wʋʋ yɛ-a, nɩkpa -la dlɩa wa 'tumanɩ-a 'mö,
'n wa ji-a 'yukwli 'mö 'tamanɩ,
'jie wa 'ngïma-a 'wʋ, wa ji-e -lu 'wʋ jɩnɩɛ yɛ.
Wa 'yukwlie 'yɛ nganɩ 'bhë wa ji-e -lu 'mö 'nʋ,
wa ji'i-e jɩblɩnɩ n jua-a puaa yɛ.
16Abhaa -nɩ-ɛ, -Lagɔ yɛ a 'jie -yɛ a 'yukwlie 'sɔ kalɩ 'bhëë yɛ 'mʋna 'lɩbhaya. 17'Dɩɛ -dɩ n nyɛya-a sa'a naa: -Benyido'oo -Lagɔɔ 'mögbanɩngwa -yɛ 'möslɛnɩngwaa -bɛ 'sɔ, -ɩ a -wʋ-ɔ la'a yɩlɩ 'le wa 'jɩbha wa 'kɩ la yɩlɩ 'bhë wa 'nɩɩ-ɩ yɩlɩ. -Ɩ a -wʋ-ɔ la'a 'nʋ 'le wa 'jɩbha wa 'kɩ la 'nʋ 'bhë wa 'nɩɩ-ɩ 'nʋ.
Zezwi yɛ glʋglʋnyɔɔ 'nine zɔmö -sa
18A pönɩ 'yukwli n 'kaya glʋglʋnyɔɔ 'ninee zɔmö -slʋnʋ. 19-Lagɔɔ nyininyinipɩɛ wɛlɩ mɩ-ɩ -yɛ-a lilie jʋ, 'yuogblʋɔ -kʋkʋngoyawʋ la lilie 'jʋ bhli-a 'n 'zɩ jiʋ-a li-e, nɩkpa -mʋmʋa -yɛ -bha 'wlʋnʋ -bha. Wa -yɛ -Lagɔwɛlɩ 'yukwli pönɩ, wa'a 'nʋɩ 'mö, 'n Sata ji-a 'n a sʋa-a dlɩ zɔmö. 20Pʋpʋ 'klʋ la lilie 'jʋ bhli-a 'n ʋ ji-a -vlala mi, -mʋmʋa-a -yɛ -bha 'wlʋnʋ -bha. Wa -yɛ -Lagɔwɛlɩ 'nʋ tɔngʋ, 'mʋna lɩbhʋa -bha, 'n wa nglui-a 'wʋ. 21'Bhë wa'a nyʋnanɩɩ-a 'mö dlɩ zɔmö wa 'kɩ -ganɩ 'kɔmʋʋ. Nglinyunoli -yɛ yʋlɔyʋlʋ 'sɔ -kʋa 'mɩ wɛlɩɛ yɛ ghlɩ-ɛ, cɛ wa sɩ-a 'mö. 22Gwagwalu -ʋʋ 'mö lilie 'jʋ bhli-a, ʋ mi-a 'n ʋ jiʋ-a 'wʋ 'möna, -mʋmʋa -yɛ -bha 'wlʋnʋ -bha. Wa -yɛ -Lagɔwɛlɩ 'nʋ 'bhë, ma'a 'pɩ 'wʋɔ dlɩpapɩɛ-ɛ yʋlʋa -bha, 'n wʋlʋwʋlʋɛ -yɛ -li 'bhuo 'sɔɔ 'tʋ lɩbhʋa -bha. Ɩ gbʋ-ʋ plʋa-a tenyie yɛ, wa'a zʋ -bha -Lagɔwɛlɩ wa 'pɩ 'yɛ 'jinanɩswɩ'ɩ 'mö 'bhɩlɔ. 23Dʋdʋkpataa -dʋdʋkpata -aa 'wʋ lilie 'jʋ bhli-a, ʋ mi-a 'n ʋ ji-a 'jinanɩswɩ'ɩ 'wlʋ 'n ʋ ji-a zʋ, 'n 'jeyi -bhlʋ ji-a 'jaa gwlɩ -ngbï 'pa, 'n -mɩmɛ ji-a 'jaa gwlɩ ta 'pa, 'n -mɩmɛ 'ji 'yɛ-a jaa kugbïta 'pa-a, nɩkpa -mʋmʋa -yɛ -bha 'wlʋnʋ -bha. Wa -yɛ -Lagɔwɛlɩ 'yukwli pönɩ-ɛ, 'jinanɩswɩ'ɩ wa nʋɩ-a 'mö 'n wa zʋnʋɩ-a dlɩ zɔmö yɛ.”
'Jinylɔputukoo 'nine
24'N Zezwi jua 'yɛ-a nine -möma 'panɩ. Ɔ nɛ naa: “Sa nɩkpɛ 'nɩ-ɛ la'a -ma ɔ 'lagblɛ'ɛ lili glʋ, -sɩbha -Lagɔɔ nyininyinipɩ 'wʋɔ wɛlɩ -wʋ -bha. 25Dʋdʋ, nɩkpa 'bhuo pö 'jɩla 'mö, 'n ɔ tʋnyɔ ji-e -ma 'lagblɛ la'aa 'wʋ 'jinylɔputukoo 'jʋ 'mlɩ, 'n ɔ ji-a 'mö. 26Lili mi-a ɩ zʋ-a, 'n 'jinylɔputuko ji 'yɛ-a -nɩ 'wʋ -sɔ. 27Ɔ nyɩgbajʋlʋɩ yɩlɩɩ-a, 'n wa jio-a 'dɩ kwa, wa nɛ naa: Nyininyɔ, -a -tɔnʋ lili -n glʋ la -ma -na 'lagblɛ'ɛ, sa ɩ -wʋnʋ-ɔ 'mö-a 'mö 'n 'jinylɔputuko ji-a mi 'nɩ? 28Ɔ nɛ naa: Na tʋnyɔ nʋ-ɔ -sɩbha. -Mʋa la'a nɛ: -A mö-a 'mö -a 'ka lɔlʋ-a? 29Ɔ nɛ: 'Bhëbhë, a -kaa lɔlʋ 'le -wʋ, a jia-a lili gblanɩ a jia-a lɔlʋ. 30A 'tati ɩ 'sɔ -kpɔ 'ji ɩ 'yɛ 'ghlimanɩ, lilidɩde -yɛ nyini 'bhë, n 'yɛ libhonʋngwa 'dɩ 'nyɛ naa, wa -dɩ -lɛ -tɩtɛ-ɛ 'jinylɔputuko, wa 'ka sɛ gwa, wa -kaa si-a 'bhë, wa 'yɛ lili 'wʋ 'bhlonʋ wa 'kɩ -dɩ, wa 'kɩ -ma -digbagbʋ 'mö 'pa.”
Su wa la-a mutadɩɛ 'nine
31'N Zezwi jua 'yɛ-a nine -möma 'panɩ. Ɔ nɛ naa: “Sa nɩkpɛ 'nɩ-ɛ la'a -ma 'lagblɛ'ɛ su wa la-a mutadɩɛ 'jeyi glʋ-ɔ, -sɩbha -Lagɔɔ nyininyinipɩ 'wʋɔ wɛlɩ -wʋ -bha. 32'Mɛ suo 'jeyi -lɛ la'a, ma'a dʋdʋkpata'aa -lie 'jʋ 'bhuo gla'a, mɛ -yɛ-a 'kikeyi. Nɩkpɛ -kɛɛ -ma ɔ 'lagblɛ'ɛ glʋ-ɔ, ɛ su -yɛ mi, ʋ -yɛ 'ghlimanɩ, ʋ zi -ma 'lagblɛ'ɛɛ glʋglʋli 'bhuo 'wʋ, 'n ʋ pa-a klia 'kadɩ. 'N ɩ loluo-a 'mö, 'n 'zɩ 'sɩbhanʋ-a 'wlu.”
'Fʋloplungakpɔɔ 'nine
33'N ɔ jua 'yɛ-a nine -möma 'panɩ, ɔ nɛ naa: “Sa 'nglɔ 'nɩ-ɛ la'a 'fʋloplungakpɔ 'kikeyi -ma 'fʋlobhʋbhʋɔ kwilie glʋ -bhlʋ kwili -ngbï 'mö palɩ ʋ 'yɛ 'plu-o, -sɩbha -Lagɔɔ nyininyinipɩ 'wʋɔ wɛlɩ -wʋ -bha.”
-Ɩɩ yɛ Zezwi gbanɩ-a 'nini 'mö
34Ɔ'ɔ gba wa de 'soko 'wʋ, 'n ɛ nɩ nini 'mö glɩnɩ. 35Ɩ 'plɩ-ɛ -sɩbha, -ɩ -Lagɔɔ 'mögbanɩnyɔ -bhlʋ gba la-a 'yɛ 'wʋ 'wlenɩɛ yɛ -bha. Sa'a ɔ gba la-a naa:
“-Lagɔ nɛ naa 'nini 'möö 'nyize n ji-a nɩkpaa de gbanɩɛ.
-Li -ɩ 'zuzo-o la-a 'pɩɛ tɛnɩde,
'mɩ n ji-a zɩkpa pönɩa.”
Zezwi yɛ 'jinylɔputukoo 'nine zɔmö -sa
36Ɔ 'nyɛ-a nɩkpa 'dɩ wa -sɔnʋ-a 'ji 'bhë-ë, 'n ɔ ji-a 'ligbë'ë mö. Ɔ nyini-e -ma, 'n ɔ 'wʋbhlinɩngwa jio-a yawʋ nyini wa nɛ naa: “-Abhitɩbha, 'jinylɔputukoo nine -n 'pa-a -la, -sʋlʋnʋya a zɔmö.” 37Ɔ nɛ naa: “Nɩkpɛ -ɔ glʋ-ɔ -ma ɔ 'lagblɛ'ɛ lili, Nɩkpɛɛ Gu -bha. 38Pɩ -ɛɛ wʋ -a -wʋ-ɔ la'a mɛ -yɛ-a 'lagblɛ. Lili -ɩ 'glʋɔ-ɔ -ma 'lagblɛ la'a 'wʋ-ɔ, nɩkpa -wa nglu-a -Lagɔ 'kʋa nyini, mʋa -bha. 'Jinylɔputuko-o 'glʋɔ-ɔ -ma, nɩkpa -wa 'jinylozuzukuo 'bhitɩbha Sata nyini-a mʋa -bha. 39Tʋnyɔ -ɔ glʋ-a 'jinylɔputuko la'a, mɔ -yɛ-a Sata. Lilidɩde, 'pɩɛ sɛyɩlade -bha. Libhonʋngwa -wa ji-a lili -dɩɛ, -Lagɔzuzuku -bha. 40Sa wa -dɩa 'jinylɔputuko, 'n wa jia-a -kosu'u 'pa, 'pɩ -yɛ sɛ yɩla ji, -sɩbha ɩ ji-a 'plɩɛ. 41-Lagɔzuzuku Nɩkpɛɛ 'Gu ji-a tiaa ɩ 'yɛ -ɩ la'a -ɩɩ yɛ nɩkpa nʋ-a 'jinyloli -yɛ 'jinylolie nʋnʋngwa 'sɔ -ma ɔ nyininyinipɩ 'wʋ -sa. 42'N ɩ 'kʋa-a -ma -kosu 'kadʋ 'mö 'pa. Ma wa ji-a gla 'mö linɩɛ, 'n wa 'yɛ-a wi. 43-Bhaa do'o, nɩkpa la'a 'bhuo -wa nʋ-a -Lagɔɔ dlɩyawʋnanɩli, -ma wa -Tɩbha -Lagɔɔ nyininyinipɩ 'wʋ wa ji-a glɩɛ, wa 'yɛ -ma 'ylʋvlaa swɩ lɩnɩ. -Ɔ -yɛ -yukwlie 'wlu -ka ɔ 'nʋ.
-Li -ɩ 'zuzo-aa 'nine
44Sa nɩkpɛ 'nɩ-ɛ la'a -ma kabönɩkpɛɛ 'lagblɛ'ɛ 'nglɩmölu zuzolɩ'ɩ glu yɩlɩ, -sɩbha -Lagɔɔ nyininyinipɩ -wʋ 'yɛ -bha. Ɔ yɩlʋ-a, 'n ɔ jiʋ-a ziza 'sɔ, 'mʋna -wʋɔ 'lɩbha 'le ɔ mö-a, 'n ɔ ji-a ɔ -li 'bhuo 'pɛlʋ 'pa, 'n ɔ ji-a 'lagblɛ la'a pɩa.
45-Lagɔɔ nyininyinipɩ, -lie 'pɛlʋpanyɔ -ɔ 'nama-a 'jinanɩzikpï, ɔ swɩ'ɩ ɛ -wʋ 'yɛ -bha. 46'Ylɩ -bhlʋ ɔ yɩlɩ-a 'nglɩmözikpë, 'mʋna -wʋɔ 'lɩbha 'le ɔ mö-a, 'n ɔ ji-a ɔ -li 'bhuo 'pɛlʋ 'pa, 'n ɔ ji-a zikpë la'a pɩa.
-Dadaa 'nine
47-Lagɔɔ nyininyinipɩ, sa wa'a la'a -ma 'nyi 'mö -dada 'pa, a 'yɛ zibhïë -gɔpö 'bhuo köbha, -sɩbha ɛ -wʋ 'yɛ -bha. 48-Dada -yɛ zibhï 'mö ye, 'nyidɔngwa -kaa 'tɩtlɩ-ɛ, -bha 'kïkë -gömö wa glɩ-a yɛ 'n wa gbëzɩɩ-a 'mö, -ɩ -yɛ-a zibhïë -zibhï, 'n wa palɩ-ɛ -ma wa -gobu 'mö. -Ɩ 'nɩ-a -lie -li 'n wa palɩ-a yɛ. 49'Pɩɛ sɛyɩlade -yɛ nyini-e, -sɩbha ɩ ji-a -wʋɔ. -Lagɔzuzuku ji-a jie, ɩ 'yɛ nyanɩngwa -yɛ -lie -lie nʋngwa 'sɔ yawʋ -sanɩ. 50Ɩ 'yɛ-a nyanɩngwa -ma -kosugbagbu 'mö 'pa, ma wa ji-a winɩɛ 'n wa 'yɛ-a gla 'mö li.”
51Zezwi gba-a wɛlɩ la'a 'bhuo 'bhë, 'n ɔ ji-a ɔ 'wʋbhlinɩngwa ngli 'jɩbha, ɔ nɛ naa: “A yɛ bhe -ɩ la'a 'bhuo 'mö 'nʋ 'bhë?” Wa nɛ: “Köön.” 52Ɔ nɛ 'yɛ -bha wa de naa: “Nɩkpɛ -ɔ 'kpɩa-a 'jinanɩswɩ'ɩ -Lagɔɔ nyininyinipɩɛ wɛlɩ, 'ligbëlowli -ɔ sa-a -ma ɔ lɩɛ -lokwli 'mö -li -sakasɩ -yɛ -li 'lili 'sɔɔ swɩ ɔ -wʋ -bha.”
Zezwie 'bhɩa 'nʋɔ dlɩ 'wʋ -ka
53Zezwi bhɩa-a nini la'aa 'papɩɛ 'ji, ɔ -sɔ-a 'wʋ, 54'n ɔ ji-e -ma ɔ 'bhɛyɩ Nazalɛtɩ mö. 'N ɔ ji-e -maa -Lagɔbudu'u nɩkpa -Lagɔwɛlɩ ngli 'panɩ. Nɩkpa la'a 'bhuo -wa pönɩɔ-a 'yukwli, ngli-i mönʋa -bha, 'n wa 'jɩbhajɩbhanɩ-a ngli naa: “'Wuë! La ɔ -sa-a 'mö-ö -sa -nɩ gbajinɔ -yɛ bhatɩ 'sɔ 'nɩ? 55Switɛlɩnyɔɔ nyɩbhɛlʋgu la'a mɔ-ɔ 'nɩ bhe -la -wʋ, ɔ -daa nglɩ 'nɩ bhe Mali-i? Zakö-ö, Zozɛfö-ö, Simo -yɛ Zwidɩ 'sɔ, 'mʋa-a 'nɩ bhe ɔ -dagwie? 56-A -tɔnʋ ɔ -dagwienglugwie 'bhuo-o ma'a -aa gbë la'a 'mö? La ɔ -sa-a 'mö-ö -sa -li -mɩ -la 'nɩ?” 57-Ɩ la'a 'bhuoo yɛ wa'a la Zezwi dlɩ 'wʋ -ka. Ɔ nɛ -bha wa de naa: “-Lagɔɔ 'mögbanɩnyɔ, -ma kaböbhɛyɩ ɔ wɛlɩ 'wɔlʋnʋ-a 'wʋ 'kɔmʋʋ, -ma ɔ 'bhɛyɩɛ nɩkpa -yɛ ɔ -kosu ji-e nɩkpa 'sɔɔ de ɔ wɛlɩ 'nɩ 'wʋ 'wɔlʋ.” 58Wa dlɩaa 'mötunʋ yɛ, ɔ'ɔ -lɛ -ma bhatɩɛ -bɛ nɛ nʋnʋ.
Seçili Olanlar:
MATIEE 'BƆGƲ 13: BNT96
Vurgu
Kopyala
Karşılaştır
Paylaş
Önemli anlarınızın tüm cihazlarınıza kaydedilmesini mi istiyorsunuz? Kayıt olun ya da giriş yapın
Bete New Testament © Bible Society of Côte d'Ivoire 1996
MATIEE 'BƆGƲ 13
13
Zezwi yɛ glʋglʋnyɔɔ 'nine 'pa
1Zlɩ la'aa 'mö, Zezwi -sɔ-ɔ -ma 'ligbë'ë 'wʋ, 'n ɔ ji-e -ma Galilee gïnyi yawʋ mö. 2Nɩkpa -wa 'titanɩ-ɛ -bha ɔ yawʋ 'wluo -zunʋ yɛ, ɔ tʋa -bha 'nyie 'kïkë -gömö 'n ɔ ji-e -ma 'gɔlʋ 'mö -gbla. 3'N ɔ jua-a 'nini 'mö -Lagɔwɛlɩɛ -bɛ ngli 'panɩ. Ɔ nɛ naa: “Glʋglʋnyɔ -bhlʋ, mɔ-ɔ mö-ö -ma ɔ 'lagblɛ'ɛ lilie 'jʋ 'mlɩɛ. 4Ɔ -wʋʋ 'mlɩ 'le 'n jʋ -mʋmʋ-ʋ ji-e -bha 'yuogblʋɔ -kʋkʋngoyawʋ bhli, 'zɩ ji-a 'n ɩ jiʋ-a li. 5'N -mʋmʋ-ʋ ji-e -bha pʋpʋ 'klʋ bhli, -bhaa dʋdʋkpata 'nɩ 'mö 'tuo yɛ 'n ʋ ji-a bhleemö mi. 6'Ylʋzalʋ 'pʋ-a, ʋ -kpuli 'nɩ-ɛ glu nyinie yɛ, 'n ʋ ji-a 'wʋ si. 7'N -mʋmʋ-ʋ ji-e -ma gwagwalu nyɩdɩ bhli, gwagwalu -sɔ-a 'wʋ, 'n ʋ jiʋ-a 'wʋ 'möna, ʋ'ʋ -lɛ 'jeji 'wlʋ. 8'N -mʋmʋ-ʋ ji-e -bha dʋdʋkpataa dʋdʋkpata 'klʋ bhli. Ʋ mi-a, 'n ʋ ji-a 'jinanɩswɩ'ɩ 'wlʋ, 'n ʋ ji-a zʋ. 'Jeyi -bhlʋ 'wlʋ 'jaa gwlɩ -ngbï 'mö, -mɩmɛ 'wlʋ 'jaa gwlɩ ta 'mö, -mɩmɛ 'wlʋ 'yɛ 'jaa kugbïta 'mö. 9-Ɔ -yɛ 'nʋnʋyukwlie -ka ɔ 'nʋ.”
-Ɩɩ yɛ Zezwi gbanɩ-a 'nini 'mö
10Zezwi gba-a sa'a, 'n ɔ 'wʋbhlinɩngwa jio-a yawʋ nyini, wa nɛ -bha ɔ de naa: “-Abhitɩbha, 'manɩɛ yɛ -n -yɛ wa de gbaa ji, 'n -n gbanɩ bhe 'nini 'mö 'nɩ?” 11Ɔ nɛ naa: “Abhaa -nɩ-ɛ, -Lagɔ slʋnʋya-a ʋ nyininyinipɩɛ wɛlɩ -ɩ 'zuzo-aa zɔmö, ʋ 'nʋa-a -nɩ -slʋnʋ. 12-Wʋʋ yɛ-a, -ɔ ka-a -bɛ 'mɔ wa ji-a 'nyɛɛ, ɔ -li 'yɛ zumanɩ. -Ɔ 'nɩ-a -lu -ka, 'kikie 'bhë ɔ -yɛ la -ka, cɛ'ɛ wa jio-a -saa. 13Wʋ yɛ n -yɛ-a wa de gba 'le -wʋ 'n n gbanɩ-a 'nini 'mö, wa 'yɛ jɩla 'le -wʋ 'bhë, wa ji-e -lu 'wʋ jɩnɩ, wa 'yɛ 'yukwli pönɩ 'le -wʋ 'bhë, wa ji-e -lu 'mö 'nʋɔ yɛ. 14-Lagɔɔ 'mögbanɩnyɔ Ezayie wɛlɩ ɔ gba la-a, -ma wa -gömö ɩ 'wlenɩ-a 'wʋ. Sa'a ɔ gba la-a naa:
-Lagɔ nɛ naa:
'Yukwli a ji-a pönɩɛ a 'na -lu 'mö 'nʋ,
jɩla a ji -bha a 'na -lu yɩlɩ.
15-Wʋʋ yɛ-a, nɩkpa -la dlɩa wa 'tumanɩ-a 'mö,
'n wa ji-a 'yukwli 'mö 'tamanɩ,
'jie wa 'ngïma-a 'wʋ, wa ji-e -lu 'wʋ jɩnɩɛ yɛ.
Wa 'yukwlie 'yɛ nganɩ 'bhë wa ji-e -lu 'mö 'nʋ,
wa ji'i-e jɩblɩnɩ n jua-a puaa yɛ.
16Abhaa -nɩ-ɛ, -Lagɔ yɛ a 'jie -yɛ a 'yukwlie 'sɔ kalɩ 'bhëë yɛ 'mʋna 'lɩbhaya. 17'Dɩɛ -dɩ n nyɛya-a sa'a naa: -Benyido'oo -Lagɔɔ 'mögbanɩngwa -yɛ 'möslɛnɩngwaa -bɛ 'sɔ, -ɩ a -wʋ-ɔ la'a yɩlɩ 'le wa 'jɩbha wa 'kɩ la yɩlɩ 'bhë wa 'nɩɩ-ɩ yɩlɩ. -Ɩ a -wʋ-ɔ la'a 'nʋ 'le wa 'jɩbha wa 'kɩ la 'nʋ 'bhë wa 'nɩɩ-ɩ 'nʋ.
Zezwi yɛ glʋglʋnyɔɔ 'nine zɔmö -sa
18A pönɩ 'yukwli n 'kaya glʋglʋnyɔɔ 'ninee zɔmö -slʋnʋ. 19-Lagɔɔ nyininyinipɩɛ wɛlɩ mɩ-ɩ -yɛ-a lilie jʋ, 'yuogblʋɔ -kʋkʋngoyawʋ la lilie 'jʋ bhli-a 'n 'zɩ jiʋ-a li-e, nɩkpa -mʋmʋa -yɛ -bha 'wlʋnʋ -bha. Wa -yɛ -Lagɔwɛlɩ 'yukwli pönɩ, wa'a 'nʋɩ 'mö, 'n Sata ji-a 'n a sʋa-a dlɩ zɔmö. 20Pʋpʋ 'klʋ la lilie 'jʋ bhli-a 'n ʋ ji-a -vlala mi, -mʋmʋa-a -yɛ -bha 'wlʋnʋ -bha. Wa -yɛ -Lagɔwɛlɩ 'nʋ tɔngʋ, 'mʋna lɩbhʋa -bha, 'n wa nglui-a 'wʋ. 21'Bhë wa'a nyʋnanɩɩ-a 'mö dlɩ zɔmö wa 'kɩ -ganɩ 'kɔmʋʋ. Nglinyunoli -yɛ yʋlɔyʋlʋ 'sɔ -kʋa 'mɩ wɛlɩɛ yɛ ghlɩ-ɛ, cɛ wa sɩ-a 'mö. 22Gwagwalu -ʋʋ 'mö lilie 'jʋ bhli-a, ʋ mi-a 'n ʋ jiʋ-a 'wʋ 'möna, -mʋmʋa -yɛ -bha 'wlʋnʋ -bha. Wa -yɛ -Lagɔwɛlɩ 'nʋ 'bhë, ma'a 'pɩ 'wʋɔ dlɩpapɩɛ-ɛ yʋlʋa -bha, 'n wʋlʋwʋlʋɛ -yɛ -li 'bhuo 'sɔɔ 'tʋ lɩbhʋa -bha. Ɩ gbʋ-ʋ plʋa-a tenyie yɛ, wa'a zʋ -bha -Lagɔwɛlɩ wa 'pɩ 'yɛ 'jinanɩswɩ'ɩ 'mö 'bhɩlɔ. 23Dʋdʋkpataa -dʋdʋkpata -aa 'wʋ lilie 'jʋ bhli-a, ʋ mi-a 'n ʋ ji-a 'jinanɩswɩ'ɩ 'wlʋ 'n ʋ ji-a zʋ, 'n 'jeyi -bhlʋ ji-a 'jaa gwlɩ -ngbï 'pa, 'n -mɩmɛ ji-a 'jaa gwlɩ ta 'pa, 'n -mɩmɛ 'ji 'yɛ-a jaa kugbïta 'pa-a, nɩkpa -mʋmʋa -yɛ -bha 'wlʋnʋ -bha. Wa -yɛ -Lagɔwɛlɩ 'yukwli pönɩ-ɛ, 'jinanɩswɩ'ɩ wa nʋɩ-a 'mö 'n wa zʋnʋɩ-a dlɩ zɔmö yɛ.”
'Jinylɔputukoo 'nine
24'N Zezwi jua 'yɛ-a nine -möma 'panɩ. Ɔ nɛ naa: “Sa nɩkpɛ 'nɩ-ɛ la'a -ma ɔ 'lagblɛ'ɛ lili glʋ, -sɩbha -Lagɔɔ nyininyinipɩ 'wʋɔ wɛlɩ -wʋ -bha. 25Dʋdʋ, nɩkpa 'bhuo pö 'jɩla 'mö, 'n ɔ tʋnyɔ ji-e -ma 'lagblɛ la'aa 'wʋ 'jinylɔputukoo 'jʋ 'mlɩ, 'n ɔ ji-a 'mö. 26Lili mi-a ɩ zʋ-a, 'n 'jinylɔputuko ji 'yɛ-a -nɩ 'wʋ -sɔ. 27Ɔ nyɩgbajʋlʋɩ yɩlɩɩ-a, 'n wa jio-a 'dɩ kwa, wa nɛ naa: Nyininyɔ, -a -tɔnʋ lili -n glʋ la -ma -na 'lagblɛ'ɛ, sa ɩ -wʋnʋ-ɔ 'mö-a 'mö 'n 'jinylɔputuko ji-a mi 'nɩ? 28Ɔ nɛ naa: Na tʋnyɔ nʋ-ɔ -sɩbha. -Mʋa la'a nɛ: -A mö-a 'mö -a 'ka lɔlʋ-a? 29Ɔ nɛ: 'Bhëbhë, a -kaa lɔlʋ 'le -wʋ, a jia-a lili gblanɩ a jia-a lɔlʋ. 30A 'tati ɩ 'sɔ -kpɔ 'ji ɩ 'yɛ 'ghlimanɩ, lilidɩde -yɛ nyini 'bhë, n 'yɛ libhonʋngwa 'dɩ 'nyɛ naa, wa -dɩ -lɛ -tɩtɛ-ɛ 'jinylɔputuko, wa 'ka sɛ gwa, wa -kaa si-a 'bhë, wa 'yɛ lili 'wʋ 'bhlonʋ wa 'kɩ -dɩ, wa 'kɩ -ma -digbagbʋ 'mö 'pa.”
Su wa la-a mutadɩɛ 'nine
31'N Zezwi jua 'yɛ-a nine -möma 'panɩ. Ɔ nɛ naa: “Sa nɩkpɛ 'nɩ-ɛ la'a -ma 'lagblɛ'ɛ su wa la-a mutadɩɛ 'jeyi glʋ-ɔ, -sɩbha -Lagɔɔ nyininyinipɩ 'wʋɔ wɛlɩ -wʋ -bha. 32'Mɛ suo 'jeyi -lɛ la'a, ma'a dʋdʋkpata'aa -lie 'jʋ 'bhuo gla'a, mɛ -yɛ-a 'kikeyi. Nɩkpɛ -kɛɛ -ma ɔ 'lagblɛ'ɛ glʋ-ɔ, ɛ su -yɛ mi, ʋ -yɛ 'ghlimanɩ, ʋ zi -ma 'lagblɛ'ɛɛ glʋglʋli 'bhuo 'wʋ, 'n ʋ pa-a klia 'kadɩ. 'N ɩ loluo-a 'mö, 'n 'zɩ 'sɩbhanʋ-a 'wlu.”
'Fʋloplungakpɔɔ 'nine
33'N ɔ jua 'yɛ-a nine -möma 'panɩ, ɔ nɛ naa: “Sa 'nglɔ 'nɩ-ɛ la'a 'fʋloplungakpɔ 'kikeyi -ma 'fʋlobhʋbhʋɔ kwilie glʋ -bhlʋ kwili -ngbï 'mö palɩ ʋ 'yɛ 'plu-o, -sɩbha -Lagɔɔ nyininyinipɩ 'wʋɔ wɛlɩ -wʋ -bha.”
-Ɩɩ yɛ Zezwi gbanɩ-a 'nini 'mö
34Ɔ'ɔ gba wa de 'soko 'wʋ, 'n ɛ nɩ nini 'mö glɩnɩ. 35Ɩ 'plɩ-ɛ -sɩbha, -ɩ -Lagɔɔ 'mögbanɩnyɔ -bhlʋ gba la-a 'yɛ 'wʋ 'wlenɩɛ yɛ -bha. Sa'a ɔ gba la-a naa:
“-Lagɔ nɛ naa 'nini 'möö 'nyize n ji-a nɩkpaa de gbanɩɛ.
-Li -ɩ 'zuzo-o la-a 'pɩɛ tɛnɩde,
'mɩ n ji-a zɩkpa pönɩa.”
Zezwi yɛ 'jinylɔputukoo 'nine zɔmö -sa
36Ɔ 'nyɛ-a nɩkpa 'dɩ wa -sɔnʋ-a 'ji 'bhë-ë, 'n ɔ ji-a 'ligbë'ë mö. Ɔ nyini-e -ma, 'n ɔ 'wʋbhlinɩngwa jio-a yawʋ nyini wa nɛ naa: “-Abhitɩbha, 'jinylɔputukoo nine -n 'pa-a -la, -sʋlʋnʋya a zɔmö.” 37Ɔ nɛ naa: “Nɩkpɛ -ɔ glʋ-ɔ -ma ɔ 'lagblɛ'ɛ lili, Nɩkpɛɛ Gu -bha. 38Pɩ -ɛɛ wʋ -a -wʋ-ɔ la'a mɛ -yɛ-a 'lagblɛ. Lili -ɩ 'glʋɔ-ɔ -ma 'lagblɛ la'a 'wʋ-ɔ, nɩkpa -wa nglu-a -Lagɔ 'kʋa nyini, mʋa -bha. 'Jinylɔputuko-o 'glʋɔ-ɔ -ma, nɩkpa -wa 'jinylozuzukuo 'bhitɩbha Sata nyini-a mʋa -bha. 39Tʋnyɔ -ɔ glʋ-a 'jinylɔputuko la'a, mɔ -yɛ-a Sata. Lilidɩde, 'pɩɛ sɛyɩlade -bha. Libhonʋngwa -wa ji-a lili -dɩɛ, -Lagɔzuzuku -bha. 40Sa wa -dɩa 'jinylɔputuko, 'n wa jia-a -kosu'u 'pa, 'pɩ -yɛ sɛ yɩla ji, -sɩbha ɩ ji-a 'plɩɛ. 41-Lagɔzuzuku Nɩkpɛɛ 'Gu ji-a tiaa ɩ 'yɛ -ɩ la'a -ɩɩ yɛ nɩkpa nʋ-a 'jinyloli -yɛ 'jinylolie nʋnʋngwa 'sɔ -ma ɔ nyininyinipɩ 'wʋ -sa. 42'N ɩ 'kʋa-a -ma -kosu 'kadʋ 'mö 'pa. Ma wa ji-a gla 'mö linɩɛ, 'n wa 'yɛ-a wi. 43-Bhaa do'o, nɩkpa la'a 'bhuo -wa nʋ-a -Lagɔɔ dlɩyawʋnanɩli, -ma wa -Tɩbha -Lagɔɔ nyininyinipɩ 'wʋ wa ji-a glɩɛ, wa 'yɛ -ma 'ylʋvlaa swɩ lɩnɩ. -Ɔ -yɛ -yukwlie 'wlu -ka ɔ 'nʋ.
-Li -ɩ 'zuzo-aa 'nine
44Sa nɩkpɛ 'nɩ-ɛ la'a -ma kabönɩkpɛɛ 'lagblɛ'ɛ 'nglɩmölu zuzolɩ'ɩ glu yɩlɩ, -sɩbha -Lagɔɔ nyininyinipɩ -wʋ 'yɛ -bha. Ɔ yɩlʋ-a, 'n ɔ jiʋ-a ziza 'sɔ, 'mʋna -wʋɔ 'lɩbha 'le ɔ mö-a, 'n ɔ ji-a ɔ -li 'bhuo 'pɛlʋ 'pa, 'n ɔ ji-a 'lagblɛ la'a pɩa.
45-Lagɔɔ nyininyinipɩ, -lie 'pɛlʋpanyɔ -ɔ 'nama-a 'jinanɩzikpï, ɔ swɩ'ɩ ɛ -wʋ 'yɛ -bha. 46'Ylɩ -bhlʋ ɔ yɩlɩ-a 'nglɩmözikpë, 'mʋna -wʋɔ 'lɩbha 'le ɔ mö-a, 'n ɔ ji-a ɔ -li 'bhuo 'pɛlʋ 'pa, 'n ɔ ji-a zikpë la'a pɩa.
-Dadaa 'nine
47-Lagɔɔ nyininyinipɩ, sa wa'a la'a -ma 'nyi 'mö -dada 'pa, a 'yɛ zibhïë -gɔpö 'bhuo köbha, -sɩbha ɛ -wʋ 'yɛ -bha. 48-Dada -yɛ zibhï 'mö ye, 'nyidɔngwa -kaa 'tɩtlɩ-ɛ, -bha 'kïkë -gömö wa glɩ-a yɛ 'n wa gbëzɩɩ-a 'mö, -ɩ -yɛ-a zibhïë -zibhï, 'n wa palɩ-ɛ -ma wa -gobu 'mö. -Ɩ 'nɩ-a -lie -li 'n wa palɩ-a yɛ. 49'Pɩɛ sɛyɩlade -yɛ nyini-e, -sɩbha ɩ ji-a -wʋɔ. -Lagɔzuzuku ji-a jie, ɩ 'yɛ nyanɩngwa -yɛ -lie -lie nʋngwa 'sɔ yawʋ -sanɩ. 50Ɩ 'yɛ-a nyanɩngwa -ma -kosugbagbu 'mö 'pa, ma wa ji-a winɩɛ 'n wa 'yɛ-a gla 'mö li.”
51Zezwi gba-a wɛlɩ la'a 'bhuo 'bhë, 'n ɔ ji-a ɔ 'wʋbhlinɩngwa ngli 'jɩbha, ɔ nɛ naa: “A yɛ bhe -ɩ la'a 'bhuo 'mö 'nʋ 'bhë?” Wa nɛ: “Köön.” 52Ɔ nɛ 'yɛ -bha wa de naa: “Nɩkpɛ -ɔ 'kpɩa-a 'jinanɩswɩ'ɩ -Lagɔɔ nyininyinipɩɛ wɛlɩ, 'ligbëlowli -ɔ sa-a -ma ɔ lɩɛ -lokwli 'mö -li -sakasɩ -yɛ -li 'lili 'sɔɔ swɩ ɔ -wʋ -bha.”
Zezwie 'bhɩa 'nʋɔ dlɩ 'wʋ -ka
53Zezwi bhɩa-a nini la'aa 'papɩɛ 'ji, ɔ -sɔ-a 'wʋ, 54'n ɔ ji-e -ma ɔ 'bhɛyɩ Nazalɛtɩ mö. 'N ɔ ji-e -maa -Lagɔbudu'u nɩkpa -Lagɔwɛlɩ ngli 'panɩ. Nɩkpa la'a 'bhuo -wa pönɩɔ-a 'yukwli, ngli-i mönʋa -bha, 'n wa 'jɩbhajɩbhanɩ-a ngli naa: “'Wuë! La ɔ -sa-a 'mö-ö -sa -nɩ gbajinɔ -yɛ bhatɩ 'sɔ 'nɩ? 55Switɛlɩnyɔɔ nyɩbhɛlʋgu la'a mɔ-ɔ 'nɩ bhe -la -wʋ, ɔ -daa nglɩ 'nɩ bhe Mali-i? Zakö-ö, Zozɛfö-ö, Simo -yɛ Zwidɩ 'sɔ, 'mʋa-a 'nɩ bhe ɔ -dagwie? 56-A -tɔnʋ ɔ -dagwienglugwie 'bhuo-o ma'a -aa gbë la'a 'mö? La ɔ -sa-a 'mö-ö -sa -li -mɩ -la 'nɩ?” 57-Ɩ la'a 'bhuoo yɛ wa'a la Zezwi dlɩ 'wʋ -ka. Ɔ nɛ -bha wa de naa: “-Lagɔɔ 'mögbanɩnyɔ, -ma kaböbhɛyɩ ɔ wɛlɩ 'wɔlʋnʋ-a 'wʋ 'kɔmʋʋ, -ma ɔ 'bhɛyɩɛ nɩkpa -yɛ ɔ -kosu ji-e nɩkpa 'sɔɔ de ɔ wɛlɩ 'nɩ 'wʋ 'wɔlʋ.” 58Wa dlɩaa 'mötunʋ yɛ, ɔ'ɔ -lɛ -ma bhatɩɛ -bɛ nɛ nʋnʋ.
Seçili Olanlar:
:
Vurgu
Kopyala
Karşılaştır
Paylaş
Önemli anlarınızın tüm cihazlarınıza kaydedilmesini mi istiyorsunuz? Kayıt olun ya da giriş yapın
Bete New Testament © Bible Society of Côte d'Ivoire 1996