MATIEE 'BƆGƲ 17
17
Zezwie 'wʋbhlinɩngwa ta yɛ ɔ 'ghlinɔ 'kadʋ yɩlɩ
1Zezwi gba-a wa de wɛlɩ la'a, 'ylɩ -ngbʋpʋlʋ 'plɩ-a, 'n ɔ ji-a ɔ 'wʋbhlinɩngwa gla'aa nɩkpa ta 'wʋ 'libhï. Piɛlɩ-ɛ, Zakö -yɛ ɔ -dagu Za 'sɔ, 'n ɔ -nyʋa ji-e -ma -gɔgɔgbʋ 'kadʋ -ʋ 'do-a yawʋɔ 'klʋ mö. 2Wa glɩ -ma 'n ɔ ji-e -bha wa 'jie 'klʋ zuzlonʋ, 'n ɔ 'klʋ ji-a 'ylʋzalʋɔ swɩ'ɩ lɩ, 'n ɔ -banɩ ji-a pɔlʋmanɩ buun. 3'N -benyido'oo -Lagɔɔ 'mögbanɩngwa, Moyizɩ -yɛ Eli 'sɔ jua-a 'wʋ ghlanɩ, wa -yɛ Zezwi 'sɔ-ɔ 'dɩ -sa 'le. 4Wa yɩlʋa-a, Piɛlɩ nɛ -bha Zezwie de naa: “Nyininyɔ, ma'aa glɩglɩɛ 'mʋna 'wʋ ɛ -bhï -bha. -N -yɛ 'jɩbha, n 'yɛ -katia ta 'sɩbha. -Na -leyi -bhlʋ, Moyizɩɛ -leyi -bhlʋ 'bhë Elie -leyi.” 5Ɔ ka wɛlɩ la'a ngli, 'n gbiluko jua-a 'wʋ 'möna, 'ma gbiluko la'a 'mö a lɩ -bha. -Ma a 'mö wɛlɩ-ɩ 'bhönɩ-ɛ -ma, ɩ nɛ naa: “Na dlɩɛ sɛkagu-o -la, 'jɩbha n 'jɩbhɔ-a tenyi, a pönɩɔ 'yukwli.” 6Zezwie 'wʋbhlinɩngwa 'nʋ-a wɛlɩ la'a, nganɔ 'lɩbhʋa-a, wa bhli-a 'n wa ji-e -bha dʋdʋkpata'a dlɩ sɛ -gbli. 7Zezwi nyinʋa-a yawʋ 'n ɔ jua-a cɛ -gömö zʋ, ɔ nɛ: “A -sɔ 'wʋ, a 'na-a nganɩ -nɩ.” 8Wa 'libhï-a 'wlu-o, Zezwi -bhlʋ 'nɩgbö-ö 'mö-ö -bha.
9Wa -wʋ-a -gɔgɔgbʋ kwli 'le, Zezwi nɛ -bha wa de naa: “-Ɩ a yɩlɩ-ɛ la'a, Nɩkpɛɛ 'Gu nɩ -lɛ 'kudungwa 'gbamö 'wlʋ 'bhë, a'a -sanɩɩ nɩkpɛ -nɩ.” 10Ɔ gba-a sa'a, 'n ɔ 'wʋbhlinɩngwa jio-a ngli 'jɩbha naa: “'Manɩɛ yɛ -Lagɔɔ gböö nglipangwa -ma wa nglipapɩɛ 'mö 'n wa nʋ-ɔ 'mö-ö naa, Puanyɔ -ɔ -Lagɔ -sa-a -bha ɔ -yɛ jie ji-e, Eli ji-a -lɛ takado'o jie 'bhë 'nɩ?” 11Zezwi nɛ naa: “'Dɛdɛ'ɛ Eli ji-a jie, ɔ 'yɛ -li 'bhuo göganɩ. 12-Ma ɩ 'mö, 'dɩɛ -dɩ n nyɛya -bha naa: Eli yɛ ji 'bhë, wa 'nɩɔ-ɔ jɩblɩnɩ, -ɩ wa 'jɩbha-a 'mɩ wa nʋɔ-a 'ji, -sɩbha Nɩkpɛɛ 'Gu ji 'yɛ-a -nɩ -ma wa cɛ'ɛ yʋlɔnʋɔ.” 13Zezwi gba-a -sɩbha, 'n ɔ 'wʋbhlinɩngwa ji-a sɛ jɩblɩnɩ naa, Za Badizɩɛ gbʋ ɔ -wʋ la-a gba 'le.
Zezwi yɛ -sukusukulɩbhagu göpö
14Wa kwli-a -gɔgɔgbʋ, nɩkpaa -zakpa -wʋ-a -bha -kʋnʋ 'le 'n wa jia-a -bha ghlɩ. Nɩkpɛ -bhlʋ 'wlʋ-ɔ -ma -zakpa la'a gla'a, 'n ɔ ji-e -bha Zezwi dlɩ'ɩ -kokomunigbö glu -pa kwla'a ji. Ɔ nɛ naa: 15“Nyininyɔ n -bhiamö yawʋ, 'pa na 'guo de ngazɩdlɩ, -sukusuku -wʋɔ-a 'lɩbha 'le, yʋlɔ 'le ɔ -wʋ-a tenyi, ʋ -kɔɔ glu 'wlʋ -kosu'u ɔ bhlinɩ -bha, zlɩ -mɩmɛɛ 'mö 'n ɔ bhlinɩ-a 'nyi 'mö. 16N -lɔɔ-ɔ -na 'wʋbhlinɩngwa wa'a ɔ göpögöpɩɛ bhɛlɩ.” 17Nɩkpɛ la'a gba-a sa'a ɔ de, Zezwi nɛ: “'Wuë! 'Yukwlimötɛnɩngwa -waa dlɩa-a 'tu-u 'mö, -zlɩmɩ a cɛyʋlɔnʋyʋlɔnʋɛ ji bhe na de 'bhlonʋɔ 'nɩ? -Zlɩmɩ n jiya-a 'gbamö 'wlʋɔ 'nɩ? A la'a 'mɔ 'gu.” 18'Jinylozuzuko -a -wʋ la-a 'gu -gömö, Zezwi 'kpönɩa-a 'wliyawʋ, 'n a jio-a -gömö 'bhö-ö, -bha -gaganɩlɩ'ɩ, 'n ɔ ji-a 'pʋ.
19Zezwi -yɛ ɔ 'wʋbhlinɩngwa wla-a go, 'n wa jio-a ngli 'jɩbha naa: “'Jinylozuzuko -la 'manɩɛ yɛ -a sɩanɩa-a -nɩ 'nɩ?” 20Ɔ nɛ naa: “A'a -Lagɔ dlɩ 'wʋ -ka tenyie yɛ -bha. Sa mutadɩɛ 'jeyi -lɛ -bhï-ë -la, a dlɩwʋkakʋ -yɛ la -sɩbhaa 'fʋ -wʋ-ɔ, a -yɛ la -gɔgɔgbʋɔ -laa de gba naa, ʋ 'bhö-ö -la 'ye ʋ 'yɛ -ma kaböbhɛyɩ mö nʋ-ɔ, ʋ ji la -bha a wɛlɩ zʋ. A 'na la -lu -bhlʋɔ 'bhë sɩanɩ. [ 21-Saa zuzuko -la -n -yɛ nʋ -n 'ka nɩkpɛ -gömö -sa nʋ-ɔ, -n nɩ lɔlɔ 'sʋ -n nɩ -lɛ -Lagɔ -bɛlɩ 'pa 'bhë, -n 'nɩa bhɛlɩ.”]
Zezwi yɛ 'sɔdo'o ɔ tlɩtlɩgbʋ gba
22'Ylɩ -bhlʋ, Zezwi -yɛ ɔ 'wʋbhlinɩngwa 'sɔ-ɔ Galilee -gwlɩ zi 'le, ɔ nɛ -bha wa de naa: “Nɩkpɛɛ 'Gu, -ma nɩkpa cɛ'ɛ wa jio-a 'pɛlʋ 'paa. 23Wa 'kɔ-a 'lɩbha ɔ -yɛ tlɩ 'bhë, 'ylɩ tazlɩ ɔ 'yɛ-a glu 'wlʋ.” Ɔ gba-a -sɩbha, kalɛ-ɛ 'lɩbhʋa-a tenyi.
Zezwi yɛ -Lagɔbudu 'kadʋɔ lepo 'pɛnɩ
24Zezwi -yɛ ɔ 'wʋbhlinɩngwa 'sɔ nyini-e -ma Kapɛnaɔmö, nɩkpa -waa cɛ'ɛ 'zwiföa 'pɛnɩ-a -Lagɔbudu 'kadʋɔ lepo ghlɩɛ -bha Piɛlɩ, 'n wa jio-a ngli 'jɩbha, wa nɛ naa: “A 'bhitɩbha 'pɛnɩ bhe -nɩ -Lagɔbudu 'kadʋɔ lepo?” 25Ɔ nɛ: “Nn! Ɔ pɛnʋ.” Piɛlɩ nyini-e -ma 'ligbë'ë, 'n Zezwi jio-a ngli 'jɩbha. Ɔ nɛ: “Piɛlɩ, ma'a dʋdʋkpata -gömöö dʋdʋnyiningwa, nɩkpa -mʋa 'pɛnʋa bhe lepo cɛ'ɛ 'nɩ? Wa gwie-a 'nɩɩ, bhlɩ'ɩ lagangwa-a?” 26Piɛlɩ nɛ: “Lagangwa 'pɛnʋ -bha.” Zezwi nɛ naa: “Mɩ-a 'dɛdɛ'ɛ, wa 'gwie 'nɩ 'pɛnʋ. 27-Sɩbha ɩ -wʋ-a 'bhë-ë, -a jua-a 'kalɛ 'mlɩ palɩɛ yɛ, 'libhï -gbɛjeyi 'wʋ -n 'yɛ -ma 'nyi yawʋ mö. Taka -zibhiyi -n ji-a 'lɩbhaa, kalɩ ɛ ngo 'wʋ, -ma ɛ ngli mëni -n ji-e -ma ghlɩɛ 'libhie 'wʋ, -n -nyɛɛ 'yɛ ji, -n 'kʋa -aa 'sɔ -kpɔɔ 'wlumö 'ye 'nyɛ.”
Seçili Olanlar:
MATIEE 'BƆGƲ 17: BNT96
Vurgu
Kopyala
Karşılaştır
Paylaş
Önemli anlarınızın tüm cihazlarınıza kaydedilmesini mi istiyorsunuz? Kayıt olun ya da giriş yapın
Bete New Testament © Bible Society of Côte d'Ivoire 1996
MATIEE 'BƆGƲ 17
17
Zezwie 'wʋbhlinɩngwa ta yɛ ɔ 'ghlinɔ 'kadʋ yɩlɩ
1Zezwi gba-a wa de wɛlɩ la'a, 'ylɩ -ngbʋpʋlʋ 'plɩ-a, 'n ɔ ji-a ɔ 'wʋbhlinɩngwa gla'aa nɩkpa ta 'wʋ 'libhï. Piɛlɩ-ɛ, Zakö -yɛ ɔ -dagu Za 'sɔ, 'n ɔ -nyʋa ji-e -ma -gɔgɔgbʋ 'kadʋ -ʋ 'do-a yawʋɔ 'klʋ mö. 2Wa glɩ -ma 'n ɔ ji-e -bha wa 'jie 'klʋ zuzlonʋ, 'n ɔ 'klʋ ji-a 'ylʋzalʋɔ swɩ'ɩ lɩ, 'n ɔ -banɩ ji-a pɔlʋmanɩ buun. 3'N -benyido'oo -Lagɔɔ 'mögbanɩngwa, Moyizɩ -yɛ Eli 'sɔ jua-a 'wʋ ghlanɩ, wa -yɛ Zezwi 'sɔ-ɔ 'dɩ -sa 'le. 4Wa yɩlʋa-a, Piɛlɩ nɛ -bha Zezwie de naa: “Nyininyɔ, ma'aa glɩglɩɛ 'mʋna 'wʋ ɛ -bhï -bha. -N -yɛ 'jɩbha, n 'yɛ -katia ta 'sɩbha. -Na -leyi -bhlʋ, Moyizɩɛ -leyi -bhlʋ 'bhë Elie -leyi.” 5Ɔ ka wɛlɩ la'a ngli, 'n gbiluko jua-a 'wʋ 'möna, 'ma gbiluko la'a 'mö a lɩ -bha. -Ma a 'mö wɛlɩ-ɩ 'bhönɩ-ɛ -ma, ɩ nɛ naa: “Na dlɩɛ sɛkagu-o -la, 'jɩbha n 'jɩbhɔ-a tenyi, a pönɩɔ 'yukwli.” 6Zezwie 'wʋbhlinɩngwa 'nʋ-a wɛlɩ la'a, nganɔ 'lɩbhʋa-a, wa bhli-a 'n wa ji-e -bha dʋdʋkpata'a dlɩ sɛ -gbli. 7Zezwi nyinʋa-a yawʋ 'n ɔ jua-a cɛ -gömö zʋ, ɔ nɛ: “A -sɔ 'wʋ, a 'na-a nganɩ -nɩ.” 8Wa 'libhï-a 'wlu-o, Zezwi -bhlʋ 'nɩgbö-ö 'mö-ö -bha.
9Wa -wʋ-a -gɔgɔgbʋ kwli 'le, Zezwi nɛ -bha wa de naa: “-Ɩ a yɩlɩ-ɛ la'a, Nɩkpɛɛ 'Gu nɩ -lɛ 'kudungwa 'gbamö 'wlʋ 'bhë, a'a -sanɩɩ nɩkpɛ -nɩ.” 10Ɔ gba-a sa'a, 'n ɔ 'wʋbhlinɩngwa jio-a ngli 'jɩbha naa: “'Manɩɛ yɛ -Lagɔɔ gböö nglipangwa -ma wa nglipapɩɛ 'mö 'n wa nʋ-ɔ 'mö-ö naa, Puanyɔ -ɔ -Lagɔ -sa-a -bha ɔ -yɛ jie ji-e, Eli ji-a -lɛ takado'o jie 'bhë 'nɩ?” 11Zezwi nɛ naa: “'Dɛdɛ'ɛ Eli ji-a jie, ɔ 'yɛ -li 'bhuo göganɩ. 12-Ma ɩ 'mö, 'dɩɛ -dɩ n nyɛya -bha naa: Eli yɛ ji 'bhë, wa 'nɩɔ-ɔ jɩblɩnɩ, -ɩ wa 'jɩbha-a 'mɩ wa nʋɔ-a 'ji, -sɩbha Nɩkpɛɛ 'Gu ji 'yɛ-a -nɩ -ma wa cɛ'ɛ yʋlɔnʋɔ.” 13Zezwi gba-a -sɩbha, 'n ɔ 'wʋbhlinɩngwa ji-a sɛ jɩblɩnɩ naa, Za Badizɩɛ gbʋ ɔ -wʋ la-a gba 'le.
Zezwi yɛ -sukusukulɩbhagu göpö
14Wa kwli-a -gɔgɔgbʋ, nɩkpaa -zakpa -wʋ-a -bha -kʋnʋ 'le 'n wa jia-a -bha ghlɩ. Nɩkpɛ -bhlʋ 'wlʋ-ɔ -ma -zakpa la'a gla'a, 'n ɔ ji-e -bha Zezwi dlɩ'ɩ -kokomunigbö glu -pa kwla'a ji. Ɔ nɛ naa: 15“Nyininyɔ n -bhiamö yawʋ, 'pa na 'guo de ngazɩdlɩ, -sukusuku -wʋɔ-a 'lɩbha 'le, yʋlɔ 'le ɔ -wʋ-a tenyi, ʋ -kɔɔ glu 'wlʋ -kosu'u ɔ bhlinɩ -bha, zlɩ -mɩmɛɛ 'mö 'n ɔ bhlinɩ-a 'nyi 'mö. 16N -lɔɔ-ɔ -na 'wʋbhlinɩngwa wa'a ɔ göpögöpɩɛ bhɛlɩ.” 17Nɩkpɛ la'a gba-a sa'a ɔ de, Zezwi nɛ: “'Wuë! 'Yukwlimötɛnɩngwa -waa dlɩa-a 'tu-u 'mö, -zlɩmɩ a cɛyʋlɔnʋyʋlɔnʋɛ ji bhe na de 'bhlonʋɔ 'nɩ? -Zlɩmɩ n jiya-a 'gbamö 'wlʋɔ 'nɩ? A la'a 'mɔ 'gu.” 18'Jinylozuzuko -a -wʋ la-a 'gu -gömö, Zezwi 'kpönɩa-a 'wliyawʋ, 'n a jio-a -gömö 'bhö-ö, -bha -gaganɩlɩ'ɩ, 'n ɔ ji-a 'pʋ.
19Zezwi -yɛ ɔ 'wʋbhlinɩngwa wla-a go, 'n wa jio-a ngli 'jɩbha naa: “'Jinylozuzuko -la 'manɩɛ yɛ -a sɩanɩa-a -nɩ 'nɩ?” 20Ɔ nɛ naa: “A'a -Lagɔ dlɩ 'wʋ -ka tenyie yɛ -bha. Sa mutadɩɛ 'jeyi -lɛ -bhï-ë -la, a dlɩwʋkakʋ -yɛ la -sɩbhaa 'fʋ -wʋ-ɔ, a -yɛ la -gɔgɔgbʋɔ -laa de gba naa, ʋ 'bhö-ö -la 'ye ʋ 'yɛ -ma kaböbhɛyɩ mö nʋ-ɔ, ʋ ji la -bha a wɛlɩ zʋ. A 'na la -lu -bhlʋɔ 'bhë sɩanɩ. [ 21-Saa zuzuko -la -n -yɛ nʋ -n 'ka nɩkpɛ -gömö -sa nʋ-ɔ, -n nɩ lɔlɔ 'sʋ -n nɩ -lɛ -Lagɔ -bɛlɩ 'pa 'bhë, -n 'nɩa bhɛlɩ.”]
Zezwi yɛ 'sɔdo'o ɔ tlɩtlɩgbʋ gba
22'Ylɩ -bhlʋ, Zezwi -yɛ ɔ 'wʋbhlinɩngwa 'sɔ-ɔ Galilee -gwlɩ zi 'le, ɔ nɛ -bha wa de naa: “Nɩkpɛɛ 'Gu, -ma nɩkpa cɛ'ɛ wa jio-a 'pɛlʋ 'paa. 23Wa 'kɔ-a 'lɩbha ɔ -yɛ tlɩ 'bhë, 'ylɩ tazlɩ ɔ 'yɛ-a glu 'wlʋ.” Ɔ gba-a -sɩbha, kalɛ-ɛ 'lɩbhʋa-a tenyi.
Zezwi yɛ -Lagɔbudu 'kadʋɔ lepo 'pɛnɩ
24Zezwi -yɛ ɔ 'wʋbhlinɩngwa 'sɔ nyini-e -ma Kapɛnaɔmö, nɩkpa -waa cɛ'ɛ 'zwiföa 'pɛnɩ-a -Lagɔbudu 'kadʋɔ lepo ghlɩɛ -bha Piɛlɩ, 'n wa jio-a ngli 'jɩbha, wa nɛ naa: “A 'bhitɩbha 'pɛnɩ bhe -nɩ -Lagɔbudu 'kadʋɔ lepo?” 25Ɔ nɛ: “Nn! Ɔ pɛnʋ.” Piɛlɩ nyini-e -ma 'ligbë'ë, 'n Zezwi jio-a ngli 'jɩbha. Ɔ nɛ: “Piɛlɩ, ma'a dʋdʋkpata -gömöö dʋdʋnyiningwa, nɩkpa -mʋa 'pɛnʋa bhe lepo cɛ'ɛ 'nɩ? Wa gwie-a 'nɩɩ, bhlɩ'ɩ lagangwa-a?” 26Piɛlɩ nɛ: “Lagangwa 'pɛnʋ -bha.” Zezwi nɛ naa: “Mɩ-a 'dɛdɛ'ɛ, wa 'gwie 'nɩ 'pɛnʋ. 27-Sɩbha ɩ -wʋ-a 'bhë-ë, -a jua-a 'kalɛ 'mlɩ palɩɛ yɛ, 'libhï -gbɛjeyi 'wʋ -n 'yɛ -ma 'nyi yawʋ mö. Taka -zibhiyi -n ji-a 'lɩbhaa, kalɩ ɛ ngo 'wʋ, -ma ɛ ngli mëni -n ji-e -ma ghlɩɛ 'libhie 'wʋ, -n -nyɛɛ 'yɛ ji, -n 'kʋa -aa 'sɔ -kpɔɔ 'wlumö 'ye 'nyɛ.”
Seçili Olanlar:
:
Vurgu
Kopyala
Karşılaştır
Paylaş
Önemli anlarınızın tüm cihazlarınıza kaydedilmesini mi istiyorsunuz? Kayıt olun ya da giriş yapın
Bete New Testament © Bible Society of Côte d'Ivoire 1996