MATIEE 'BƆGƲ 20
20
Libhonʋngwa wa 'libhï-a 'wʋɔ 'nine
1-Lagɔɔ nyininyinipɩɛ wɛlɩ, sa 'lagblɛlowli 'nɩ-ɛ la'a zlɩgö -papa 'wʋ -sɔ ɔ 'yɛ 'ylɩ -bhlʋɔ libhonʋngwa 'wʋ 'libhï wa 'yɛ -ma ɔ 'lagblɛ'ɛ libho nʋ, -sɩbha ɩ -wʋ -bha. 2Ɔ -nyʋa 'sɔ -dɩ-a 'ylɩ -bhlʋɔ libhoo 'pɛlʋ, 'n wa jiʋ-a 'wʋ nglu, 'n ɔ jua-a -ma ɔ 'lagblɛ'ɛ kwa. 3Zɩgbadlɩglie -ngbïmʋna 'mö, 'n ɔ ji-a 'pɩ 'wlʋ. Ɔ mö 'yɛ-ɛ -bha 'gbli -gömö, -mʋmʋa glɩ -bha, wa'a -lu nʋ 'le -wʋ. 4Ɔ nɛ -bha wa de naa: A mö 'yɛ -nɩ -ma na 'lagblɛ'ɛ a 'yɛ libho nʋ, n jiya 'jinanɩswɩ'ɩ 'pɛnɩ. 5'N wa jiɩ-a 'wʋ nglu, 'n wa ji-e -ma mö. 'Ylʋ glɩ jije 'wʋ, 'n 'lagblɛlowli la'a ji-e -ma -mʋmʋa tia. 'N ɔ ji 'yɛ-a -dudoglie ta 'mö -mʋmʋa tia. 6-Dudoglie -ngbï mö-a nyini-e, ɔ mö-ö -bha 'gbli -gömö, 'n ɔ ji-e -bha -mʋmʋa ghlɩ. Ɔ nɛ -bha wa de naa: 'Manɩɛ yɛ a glɩ bhe la'a zlɩ bhë 'bhuo 'mö 'n a'a nʋ-a -lu 'nɩ? 7Wa nɛ: -Bɛ -nɩya-a libhonʋ yɛ 'wʋ 'libhïë yɛ -bha. Ɔ nɛ: Ɩ -yɛ -sɩbha 'mö -wʋ-ɔ, a mö 'yɛ -nɩ -ma na 'lagblɛ'ɛ a 'yɛ -ma libho nʋ.
8-Dudo'o nyini-a, 'n 'lagblɛlowli ji-a ɔ libhoo 'jiwʋnyɔ 'dɩ 'nyɛ, ɔ nɛ: Mö -n 'yɛ libhonʋngwa wɔzɩ -n 'kʋa 'pɛnɩ. -N -kʋa 'pɛnɩɛ ji-e, tɛnɩ -wa mö-ö -ma 'lagblɛ'ɛ 'wʋbhlonʋdo'o 'wʋ 'bhë -n 'yɛ -wa mö-a zlɩgö -papa 'wʋ 'bhlonʋ. 9Ɔ wɔzʋa-a wa ji-a, -wa mö-ö -ma 'lagblɛ'ɛ -dudoglie -ngbï 'mö, mʋa-a -ga-a 'pɛnɩpɛnɩdo'o 'yu. Wa ghlɩ -bhlʋ -bhlʋ 'ylɩ -bhlʋɔ mëni. 10Wa 'pɛnʋa-a -sɩbha, -wa tɛ-ɛ la-a zlɩgö -papa libho wa -tɔnʋ mëni wa jua-a 'pɛnɩɛ -zu ɛ ji la ɛ 'yɛ -mʋabhaa -leyi 'wʋ zi. 'Ylɩ -bhlʋɔ mëni wa 'pɛnʋa 'yɛ-a -nɩ -bhlʋ -bhlʋ. 11Wa 'nyʋa-a 'ylɩ -bhlʋɔ mëni la'a 'ye, yʋlʋ wa 'panɩ-a 'lagblɛlowli yawʋ. 12Wa nɛ: Nɩkpa -la, 'glie -bhlʋ 'tɩ 'mö wa nʋnʋ-a libho, -abhaa -nɩ, zlɩ bhë 'bhuo mö -a nʋnʋ-a libho, 'n 'ylʋzalʋ -jiya-a 'lɩbha kplokplo, 'n -a ji-a yʋlɔ. 'Manɩɛ yɛ -a -nyʋa 'sɔ mlinɩ-a 'pɛnɔ 'mö 'nɩ? 13Wa gba-a -sɩbha, 'n 'lagblɛlowli ji-a wa gla'aa nɩkpɛ -bhlʋ 'wʋ kpi. Ɔ nɛ -bha ɔ de naa: -Abhiyi, n -nɩmö-ö -bi 'wliyawʋ li, 'ylɩ -bhlʋɔ libhoo 'pɛlʋ n -nyɛmö 'sɔ 'nɩ-ɛ la -dɩ 'nɩ-ɩ? 14'Libhï -na -leyi 'wʋ -n 'yɛ mö. -Wa 'bhlonʋ-a 'wʋ, sa n -pɛnɩmö-a n -kʋa -sɩbha 'pɛnɩ-ɛ, -ɩ na 'bhë 'jɩbha-a mɩ -bha. 15Na 'bhëë mëni -bha, sa n -yɛ 'jɩbha -sɩbha n köbhɛ -bha. Bhlɩ'ɩ na jɔnʋjɔnʋɛ-ɛ -nyumö-a dlɩ yawʋɔ? 16-Sɩbha -wa -ga-a 'yu ji-a nimï 'plɩnɩɛ 'n -wa -ga-a nimï 'yɛ-a 'yu 'plɩnɩ.”
Zezwi yɛ tado'o ɔ tlɩtlɩɛ -yɛ ɔ gluwlʋwlʋɛ 'sɔɔ gbʋ gba
17Zezwi 'libhï-a ɔ 'wʋbhlinɩngwa kugbïa 'sɔ -kpɔ 'wʋ, ɔ -nyʋa-a -ma Zelwizalɛmö mö 'le, wa namö 'yuogblʋ'ʋ, ɔ nɛ -bha wa de naa: 18“Zelwizalɛmö a -wʋ-ɔ la'a mö 'le, -ma wa ji-a Nɩkpɛɛ 'Gu köbhanɩɛ, wa 'kɔ -bha -Lagɔbʋbɔngwaa 'bhitɩbhangwa -yɛ -Lagɔɔ gböö nglipangwa 'sɔ cɛ'ɛ 'pɛlʋ 'pa. Gbʋ -ʋ ji-a 'nglɩ -kaa wa 'kɔ 'lɩbha, 'n wa 'kɔ-a -gömö 'pa. 19'Bhë 'n wa 'kɔ-a lagangwa -wa 'nɩ-a -Lagɔ -ji 'ye 'nyɛ, 'n -mʋa la'a 'kɔ-a gla palɩ, wa 'kɔ-a 'sɛlɩ, wa 'kɔ-a su 'klʋ kʋnʋ. Ɔ -yɛ tlɩ 'bhë, 'ylɩɛ tazlɩ 'mö ɔ 'yɛ-a glu 'wlʋ.”
Zakö -yɛ Za 'sɔɔ -da nɛ Zezwi zʋa ɔ 'gwie nyiningwa 'kadɩ 'wʋ
20Zezwi -sanʋa-a sa'a dɩ 'bhë, 'n Zebedee nyɩbhɛlɩgwie 'sɔ -kpɔ -yɛ wa -da 'sɔ ji-e -bha ɔ dlɩ'ɩ -kokomunigbö glu 'pa, wa 'kɔ -lu 'jɩbhanɩɛ yɛ. 21'N Zezwi ji-a wa -da ngli 'jɩbha naa: “'Manɩlu -n 'jɩbha-a 'nɩ?” Nglɔ la'a nɛ: “Nyininyɔ, -na nyininyinie 'kadɛɛ de -yɛ nyini-e, nʋ nɛ na gwie la'a 'sɔ -kpɔ 'yɛ -bha -na yawʋ glɩ, -ma -na nyininyinipɩ 'wʋ, -mʋmɔ 'yɛ -ma -na linɩkpɛsɔ pɩa 'bɩ glɩ, -mɔbha 'yɛ -ma -na kɔpɛsɔ pɩa 'bɩ glɩ.” 22Zezwi nɛ naa: “-Ɩ a -wʋ-a 'jɩbha 'le a 'nɩɩ -ji. Dlukalʋ n ji-a möna a bhɛlɩ a 'kʋ möna 'nɩ-ɩ?” Wa nɛ: “-A bhɛlɩ.” 23Zezwi nɛ -bha wa de naa: “A ji 'dɛdɛ'ɛ na swɩ'ɩ dlukalʋ möna 'bhë-ë, -mɩ -yɛ-a na linɩkpɛsɔ pɩa -yɛ na kɔpɛsɔ pɩa 'bɩ 'sɔɔ sɛglɩgbʋ-ɔ, -amö-ö 'nɩ -bhaa wɛlɩ -ka. -Wa la'a -waa yɛ na -Tɩbha zʋ-ɔ -bha 'mɩ 'bhli yɛ, mʋa-a jiɩ-a 'wʋ sɛ glɩɛ.”
24Zezwie 'wʋbhlinɩngwa kugbïa -mʋabha 'nʋ-a Zakö -yɛ Za 'sɔɔ wɛlɩ la'a, yʋlʋ wa 'panʋa-a yawʋ. 25Ɔ wɔzɩ-a wa 'bhuo, ɔ nɛ -bha wa de naa: “A -ji sɛ naa ma'a 'pɩ 'wʋɔ dʋdʋnyiningwa -glaswɩ'ɩ wa nyini-a nɩkpa, 'n 'kadɩ zua 'yɛ-a 'zwɩ. 26-Ma ɩ 'mö, abha na -lʋaa -nɩ gla'a, ɩ 'na-a -wʋ -sɩbha -nɩ. -Ɔ -yɛ nʋ ɔ 'yɛ 'kadɔ glɩnɩ nʋ-ɔ, ɔ nyinianɩ ɔjɩ yɛ ɔ 'yɛ a 'bhuoo nyɩgbajʋlʋ zʋ. 27-Ɔ -yɛ 'jɩbha ɔ 'yɛ 'yu -ga, ɔ nyinianɩ ɔjɩ yɛ ɔ 'yɛ a 'bhuo gïyie swɩ 'ji -wʋ. 28-Wʋʋ yɛ-a, Nɩkpɛɛ 'Gu 'yɛ-ɛ ma'a dʋdʋkpata'a ji-e, ɛ'ɛ -lɛ wa 'kɔ 'ji -wʋɔ yɛ, ɔ 'yɛ nɩkpa 'ji -wʋ, ɔ 'yɛ wa 'wlumö tlɩ 'bhë ɔ 'yɛ wa -bɛ gïyikwla 'mö -saa yɛ -bha.”
Zezwi yɛ 'lɔkpɔlɔkpɔngwa 'sɔ göpö
29Wa-a mö 'le, Zelwizalɛmöö 'yuogblʋ'ʋɔ -glɔ wa la-a Zeliko, wa bhɩʋ-a 'mö, 'n nɩkpaa -bebe ji-a Zezwi 'bɩ bhlinɩ. 30'Lɔkpɔlɔkpɔngwa 'sɔ glɩ la -bha 'yuogblʋ ngo'o, wa 'nʋ-a naa Zezwi-i -wʋ-a 'plɩ 'le, 'n wa ji-a 'mö 'kpö, wa nɛ: “Nyininyɔ, Davidɩɛ 'Gu, yɩlɩ -aa ngazɩklʋ.” 31Nɩkpa -wʋʋa 'lʋnʋ 'le wa 'yɛ ngu sɛ zʋɔ yɛ, 'mɩɛ 'bhë wa nyla-a tenyi, 'n wa nʋ-a: “Nyininyɔ, Davidɩɛ 'Gu, yɩlɩ -aa ngazɩklʋ.” 32Zezwi 'nɩgbö-a, 'n ɔ jua-a wɔzɩ. Ɔ nɛ -bha wa de naa: “'Manɩ a 'jɩbha-a n 'kaya 'ji nʋ 'nɩ?” 33Wa nɛ: “Nyininyɔ, -a -bhiamö yawʋ, -a 'jɩbha -aa 'jie 'yɛ 'kaluo.” 34'N ngazɩ ji-a wa 'bɩ 'mö Zezwi 'lɩbha tenyi. Ɔ zʋ-a wa jie cɛ, -bha -gaganɩlɩ'ɩ 'n ɩ ji-a 'kaluo. 'N wa jio-a 'bɩ bhlinɩ.
Seçili Olanlar:
MATIEE 'BƆGƲ 20: BNT96
Vurgu
Kopyala
Karşılaştır
Paylaş
Önemli anlarınızın tüm cihazlarınıza kaydedilmesini mi istiyorsunuz? Kayıt olun ya da giriş yapın
Bete New Testament © Bible Society of Côte d'Ivoire 1996
MATIEE 'BƆGƲ 20
20
Libhonʋngwa wa 'libhï-a 'wʋɔ 'nine
1-Lagɔɔ nyininyinipɩɛ wɛlɩ, sa 'lagblɛlowli 'nɩ-ɛ la'a zlɩgö -papa 'wʋ -sɔ ɔ 'yɛ 'ylɩ -bhlʋɔ libhonʋngwa 'wʋ 'libhï wa 'yɛ -ma ɔ 'lagblɛ'ɛ libho nʋ, -sɩbha ɩ -wʋ -bha. 2Ɔ -nyʋa 'sɔ -dɩ-a 'ylɩ -bhlʋɔ libhoo 'pɛlʋ, 'n wa jiʋ-a 'wʋ nglu, 'n ɔ jua-a -ma ɔ 'lagblɛ'ɛ kwa. 3Zɩgbadlɩglie -ngbïmʋna 'mö, 'n ɔ ji-a 'pɩ 'wlʋ. Ɔ mö 'yɛ-ɛ -bha 'gbli -gömö, -mʋmʋa glɩ -bha, wa'a -lu nʋ 'le -wʋ. 4Ɔ nɛ -bha wa de naa: A mö 'yɛ -nɩ -ma na 'lagblɛ'ɛ a 'yɛ libho nʋ, n jiya 'jinanɩswɩ'ɩ 'pɛnɩ. 5'N wa jiɩ-a 'wʋ nglu, 'n wa ji-e -ma mö. 'Ylʋ glɩ jije 'wʋ, 'n 'lagblɛlowli la'a ji-e -ma -mʋmʋa tia. 'N ɔ ji 'yɛ-a -dudoglie ta 'mö -mʋmʋa tia. 6-Dudoglie -ngbï mö-a nyini-e, ɔ mö-ö -bha 'gbli -gömö, 'n ɔ ji-e -bha -mʋmʋa ghlɩ. Ɔ nɛ -bha wa de naa: 'Manɩɛ yɛ a glɩ bhe la'a zlɩ bhë 'bhuo 'mö 'n a'a nʋ-a -lu 'nɩ? 7Wa nɛ: -Bɛ -nɩya-a libhonʋ yɛ 'wʋ 'libhïë yɛ -bha. Ɔ nɛ: Ɩ -yɛ -sɩbha 'mö -wʋ-ɔ, a mö 'yɛ -nɩ -ma na 'lagblɛ'ɛ a 'yɛ -ma libho nʋ.
8-Dudo'o nyini-a, 'n 'lagblɛlowli ji-a ɔ libhoo 'jiwʋnyɔ 'dɩ 'nyɛ, ɔ nɛ: Mö -n 'yɛ libhonʋngwa wɔzɩ -n 'kʋa 'pɛnɩ. -N -kʋa 'pɛnɩɛ ji-e, tɛnɩ -wa mö-ö -ma 'lagblɛ'ɛ 'wʋbhlonʋdo'o 'wʋ 'bhë -n 'yɛ -wa mö-a zlɩgö -papa 'wʋ 'bhlonʋ. 9Ɔ wɔzʋa-a wa ji-a, -wa mö-ö -ma 'lagblɛ'ɛ -dudoglie -ngbï 'mö, mʋa-a -ga-a 'pɛnɩpɛnɩdo'o 'yu. Wa ghlɩ -bhlʋ -bhlʋ 'ylɩ -bhlʋɔ mëni. 10Wa 'pɛnʋa-a -sɩbha, -wa tɛ-ɛ la-a zlɩgö -papa libho wa -tɔnʋ mëni wa jua-a 'pɛnɩɛ -zu ɛ ji la ɛ 'yɛ -mʋabhaa -leyi 'wʋ zi. 'Ylɩ -bhlʋɔ mëni wa 'pɛnʋa 'yɛ-a -nɩ -bhlʋ -bhlʋ. 11Wa 'nyʋa-a 'ylɩ -bhlʋɔ mëni la'a 'ye, yʋlʋ wa 'panɩ-a 'lagblɛlowli yawʋ. 12Wa nɛ: Nɩkpa -la, 'glie -bhlʋ 'tɩ 'mö wa nʋnʋ-a libho, -abhaa -nɩ, zlɩ bhë 'bhuo mö -a nʋnʋ-a libho, 'n 'ylʋzalʋ -jiya-a 'lɩbha kplokplo, 'n -a ji-a yʋlɔ. 'Manɩɛ yɛ -a -nyʋa 'sɔ mlinɩ-a 'pɛnɔ 'mö 'nɩ? 13Wa gba-a -sɩbha, 'n 'lagblɛlowli ji-a wa gla'aa nɩkpɛ -bhlʋ 'wʋ kpi. Ɔ nɛ -bha ɔ de naa: -Abhiyi, n -nɩmö-ö -bi 'wliyawʋ li, 'ylɩ -bhlʋɔ libhoo 'pɛlʋ n -nyɛmö 'sɔ 'nɩ-ɛ la -dɩ 'nɩ-ɩ? 14'Libhï -na -leyi 'wʋ -n 'yɛ mö. -Wa 'bhlonʋ-a 'wʋ, sa n -pɛnɩmö-a n -kʋa -sɩbha 'pɛnɩ-ɛ, -ɩ na 'bhë 'jɩbha-a mɩ -bha. 15Na 'bhëë mëni -bha, sa n -yɛ 'jɩbha -sɩbha n köbhɛ -bha. Bhlɩ'ɩ na jɔnʋjɔnʋɛ-ɛ -nyumö-a dlɩ yawʋɔ? 16-Sɩbha -wa -ga-a 'yu ji-a nimï 'plɩnɩɛ 'n -wa -ga-a nimï 'yɛ-a 'yu 'plɩnɩ.”
Zezwi yɛ tado'o ɔ tlɩtlɩɛ -yɛ ɔ gluwlʋwlʋɛ 'sɔɔ gbʋ gba
17Zezwi 'libhï-a ɔ 'wʋbhlinɩngwa kugbïa 'sɔ -kpɔ 'wʋ, ɔ -nyʋa-a -ma Zelwizalɛmö mö 'le, wa namö 'yuogblʋ'ʋ, ɔ nɛ -bha wa de naa: 18“Zelwizalɛmö a -wʋ-ɔ la'a mö 'le, -ma wa ji-a Nɩkpɛɛ 'Gu köbhanɩɛ, wa 'kɔ -bha -Lagɔbʋbɔngwaa 'bhitɩbhangwa -yɛ -Lagɔɔ gböö nglipangwa 'sɔ cɛ'ɛ 'pɛlʋ 'pa. Gbʋ -ʋ ji-a 'nglɩ -kaa wa 'kɔ 'lɩbha, 'n wa 'kɔ-a -gömö 'pa. 19'Bhë 'n wa 'kɔ-a lagangwa -wa 'nɩ-a -Lagɔ -ji 'ye 'nyɛ, 'n -mʋa la'a 'kɔ-a gla palɩ, wa 'kɔ-a 'sɛlɩ, wa 'kɔ-a su 'klʋ kʋnʋ. Ɔ -yɛ tlɩ 'bhë, 'ylɩɛ tazlɩ 'mö ɔ 'yɛ-a glu 'wlʋ.”
Zakö -yɛ Za 'sɔɔ -da nɛ Zezwi zʋa ɔ 'gwie nyiningwa 'kadɩ 'wʋ
20Zezwi -sanʋa-a sa'a dɩ 'bhë, 'n Zebedee nyɩbhɛlɩgwie 'sɔ -kpɔ -yɛ wa -da 'sɔ ji-e -bha ɔ dlɩ'ɩ -kokomunigbö glu 'pa, wa 'kɔ -lu 'jɩbhanɩɛ yɛ. 21'N Zezwi ji-a wa -da ngli 'jɩbha naa: “'Manɩlu -n 'jɩbha-a 'nɩ?” Nglɔ la'a nɛ: “Nyininyɔ, -na nyininyinie 'kadɛɛ de -yɛ nyini-e, nʋ nɛ na gwie la'a 'sɔ -kpɔ 'yɛ -bha -na yawʋ glɩ, -ma -na nyininyinipɩ 'wʋ, -mʋmɔ 'yɛ -ma -na linɩkpɛsɔ pɩa 'bɩ glɩ, -mɔbha 'yɛ -ma -na kɔpɛsɔ pɩa 'bɩ glɩ.” 22Zezwi nɛ naa: “-Ɩ a -wʋ-a 'jɩbha 'le a 'nɩɩ -ji. Dlukalʋ n ji-a möna a bhɛlɩ a 'kʋ möna 'nɩ-ɩ?” Wa nɛ: “-A bhɛlɩ.” 23Zezwi nɛ -bha wa de naa: “A ji 'dɛdɛ'ɛ na swɩ'ɩ dlukalʋ möna 'bhë-ë, -mɩ -yɛ-a na linɩkpɛsɔ pɩa -yɛ na kɔpɛsɔ pɩa 'bɩ 'sɔɔ sɛglɩgbʋ-ɔ, -amö-ö 'nɩ -bhaa wɛlɩ -ka. -Wa la'a -waa yɛ na -Tɩbha zʋ-ɔ -bha 'mɩ 'bhli yɛ, mʋa-a jiɩ-a 'wʋ sɛ glɩɛ.”
24Zezwie 'wʋbhlinɩngwa kugbïa -mʋabha 'nʋ-a Zakö -yɛ Za 'sɔɔ wɛlɩ la'a, yʋlʋ wa 'panʋa-a yawʋ. 25Ɔ wɔzɩ-a wa 'bhuo, ɔ nɛ -bha wa de naa: “A -ji sɛ naa ma'a 'pɩ 'wʋɔ dʋdʋnyiningwa -glaswɩ'ɩ wa nyini-a nɩkpa, 'n 'kadɩ zua 'yɛ-a 'zwɩ. 26-Ma ɩ 'mö, abha na -lʋaa -nɩ gla'a, ɩ 'na-a -wʋ -sɩbha -nɩ. -Ɔ -yɛ nʋ ɔ 'yɛ 'kadɔ glɩnɩ nʋ-ɔ, ɔ nyinianɩ ɔjɩ yɛ ɔ 'yɛ a 'bhuoo nyɩgbajʋlʋ zʋ. 27-Ɔ -yɛ 'jɩbha ɔ 'yɛ 'yu -ga, ɔ nyinianɩ ɔjɩ yɛ ɔ 'yɛ a 'bhuo gïyie swɩ 'ji -wʋ. 28-Wʋʋ yɛ-a, Nɩkpɛɛ 'Gu 'yɛ-ɛ ma'a dʋdʋkpata'a ji-e, ɛ'ɛ -lɛ wa 'kɔ 'ji -wʋɔ yɛ, ɔ 'yɛ nɩkpa 'ji -wʋ, ɔ 'yɛ wa 'wlumö tlɩ 'bhë ɔ 'yɛ wa -bɛ gïyikwla 'mö -saa yɛ -bha.”
Zezwi yɛ 'lɔkpɔlɔkpɔngwa 'sɔ göpö
29Wa-a mö 'le, Zelwizalɛmöö 'yuogblʋ'ʋɔ -glɔ wa la-a Zeliko, wa bhɩʋ-a 'mö, 'n nɩkpaa -bebe ji-a Zezwi 'bɩ bhlinɩ. 30'Lɔkpɔlɔkpɔngwa 'sɔ glɩ la -bha 'yuogblʋ ngo'o, wa 'nʋ-a naa Zezwi-i -wʋ-a 'plɩ 'le, 'n wa ji-a 'mö 'kpö, wa nɛ: “Nyininyɔ, Davidɩɛ 'Gu, yɩlɩ -aa ngazɩklʋ.” 31Nɩkpa -wʋʋa 'lʋnʋ 'le wa 'yɛ ngu sɛ zʋɔ yɛ, 'mɩɛ 'bhë wa nyla-a tenyi, 'n wa nʋ-a: “Nyininyɔ, Davidɩɛ 'Gu, yɩlɩ -aa ngazɩklʋ.” 32Zezwi 'nɩgbö-a, 'n ɔ jua-a wɔzɩ. Ɔ nɛ -bha wa de naa: “'Manɩ a 'jɩbha-a n 'kaya 'ji nʋ 'nɩ?” 33Wa nɛ: “Nyininyɔ, -a -bhiamö yawʋ, -a 'jɩbha -aa 'jie 'yɛ 'kaluo.” 34'N ngazɩ ji-a wa 'bɩ 'mö Zezwi 'lɩbha tenyi. Ɔ zʋ-a wa jie cɛ, -bha -gaganɩlɩ'ɩ 'n ɩ ji-a 'kaluo. 'N wa jio-a 'bɩ bhlinɩ.
Seçili Olanlar:
:
Vurgu
Kopyala
Karşılaştır
Paylaş
Önemli anlarınızın tüm cihazlarınıza kaydedilmesini mi istiyorsunuz? Kayıt olun ya da giriş yapın
Bete New Testament © Bible Society of Côte d'Ivoire 1996