MATIEE 'BƆGƲ 28
28
Zezwi yɛ glu 'wlʋ
1 -Gwlɛnɩzlɩ 'plɩ-a, 'dimasɩɛ zlɩgö -papa, -ma Magödalaa Mali -yɛ Mali -mɔbha 'sɔ -sɔ-a 'wʋ, 'n wa ji-e -ma Zezwie lesikpa yawʋ mö. 2Wa-a -ma, 'n dʋdʋkpata ji-a tɛlɩ, -Lagɔzuzuko -bhlʋ 'sibhë-a yɛ 'n a ji-e -bha lesikpa ngo'oo kpiyi 'lusʋa, 'n a jiɛ-a -gömö sɛ glɩ-ɩ. 3Sa -dɛɛ 'yɩkö 'nɩ-ɛ la'a lɩ, -sɩbha a lɩ -bha, 'n a 'möö -bana pɔnʋ-a buun, e -bhlee -yisevuko. 4'Slʋja yɩlɩa-a, nganɔɔ yɛ yawʋ tɛlʋa -bha. 'N wa ji-a dʋdʋ'ʋ bhli, e -bhlee tlɩ wa tlɩ. 5-Lagɔzuzuko la'a -dɩ-a gbʋ, a nɛ -bha 'ngwlɩɛ de: “Abhaa -nɩ-ɛ, a 'na-a nganɩ -nɩ, n -ji sɛ Zezwi-i wa kʋnʋ la-a su 'klʋ, 'mɔ a -wʋ-a 'nama 'le. 6Ɔ'ɔ ma'a -wʋ, ɔ yɛ glu 'wlʋ 'bhë sa ɔ 'bhë gbɩ la-a. A ji, la ɔ -gazɛ pö la-a, a 'yɛ -bha yɩlɩ. 7A mö bhleemö a 'yɛ ɔ 'wʋbhlinɩngwa 'dɩ -sanɩ naa ɔ yɛ glu 'wlʋ 'bhë, -ma Galilee dʋdʋ -gömö ɔ ji-a 'yu 'plɩɛ, -ma a jio-a yɩlɩnɩɛ. Mɩ-ɛ -la, n kaya 'dɩ -sanɩ 'bhë.”
8-Bha -gaganɩlɩ'ɩ, 'n wa ji-e -ma lesikpa yawʋ 'bhö-ö, wa ka -kakö ku'u, 'mʋna 'kada -wʋʋa 'yɛ 'lɩbha 'le, wa ka sɛcɛ 'ji 'n wa ji-a Zezwie 'wʋbhlinɩngwa 'dɩ -sanɩ kwla'a mö.
9Wa-a mö 'le, 'n Zezwie 'bhë jua-a 'yuo ji. Wa 'pa-a -bha ɔ dlɩ'ɩ -kokomunigbö glu, 'n wa ji-a ɔ kpli sɛ köbha, 'n wa jio-a bʋbɔ. 10Ɔ nɛ -bha wa de: “A 'na-a nganɩ -nɩ, a mö a 'yɛ na -dagwie 'dɩ nyɛ naa wa mö -ma Galilee dʋdʋ -gömö -ma wa ji'i-a yɩlɩnɩɛ.” 11Wa namö 'yuogblʋ'ʋ 'n lesikpaa ngokʋngwaa gla'aa nɩkpa -mʋmʋa ji-e -ma 'gbë 'mö -ɩ 'plɩ-aa 'dɩ -Lagɔbʋbɔngwaa 'bhitɩbhangwa kwa. 12'N -mʋa la'a -yɛ 'zwiföaa nɩkpazɔgblʋɩ 'sɔ ji-a 'wlu 'titanɩ, wa pla-a yɩlɩ, 'n wa ji-a 'slʋja mënie -bebe 'nyɛ. 13Wa nɛ -bha wa de naa: “A gba sa'a naa: -A-a dʋdʋ ngɔmö 'le, 'n ɔ 'wʋbhlinɩngwa ji-a ɔ -gazɛ 'wi ghli. 14-Gwlɩnyininyɔ -kɩɩ 'nʋ, -aa bhï-ï jio-a dɛpöö -a 'kaya gbʋ ngli -sa.” 15'Slʋja 'libhïa mëni la'a 'wʋ-ɔ, -ɩ wa nʋ la-a wa gba, 'n wa jiɩ-a gba. 'N 'mɩ wɛlɩ la'a ji-e -ma 'zwiföa gla'a ba. -Sɩbha ɩ -wʋ-ɔ -bhla -zɩnɩ'ɩ.
Zezwi yɛ ɔjɩ ɔ 'wʋbhlinɩngwa 'ji tuluanɩ
16Zezwie 'wʋbhlinɩngwa kugbïa -bhlʋ -kpɔ -sɔ-a 'wʋ, 'n wa ji-e -ma Galilee dʋdʋ -gömöö -gɔgɔgbʋ -ʋ ɔ 'panʋa la-aa 'klʋ mö. 17Wa nyini-e -ma wa yɩlɩɔ-a, 'n wa ji-e -bha ɔ dlɩ'ɩ -kokomunigbö glu 'pa. 'N wa gla'aa -mʋmʋa ji-a dudua. 18Zezwi nyinʋa-a yawʋ ɔ nɛ -bha wa de naa: “-Lagɔ ka'a -Lagɔtapɛ -yɛ dʋdʋkpata 'sɔɔ -gömö 'gba 'nyɛ 'bhë. 19Ɩ yɛ a mö -ma -gwlɩ 'bhuo -gömö, a 'yɛ -maa nɩkpa na 'wʋbhlinɩngwa 'wʋ zʋa. A badizenʋa -Tɩbha -Lagɔɔ 'nglɩ 'mö, 'Guo 'nglɩ 'mö, Zuzu 'Wlawlaa 'nglɩ 'mö. 20Wɛlɩ la'a 'bhuo n slʋnʋya-a, a 'pʋa ngli wa 'kɩ -bha zʋ. N nyɛya 'sɔ -bhlinɩ 'wʋ zlɩa 'bhuo 'mö, 'n pɩɛ sɛyɩlade 'yɛ-a nyini.”
Seçili Olanlar:
MATIEE 'BƆGƲ 28: BNT96
Vurgu
Kopyala
Karşılaştır
Paylaş
Önemli anlarınızın tüm cihazlarınıza kaydedilmesini mi istiyorsunuz? Kayıt olun ya da giriş yapın
Bete New Testament © Bible Society of Côte d'Ivoire 1996
MATIEE 'BƆGƲ 28
28
Zezwi yɛ glu 'wlʋ
1 -Gwlɛnɩzlɩ 'plɩ-a, 'dimasɩɛ zlɩgö -papa, -ma Magödalaa Mali -yɛ Mali -mɔbha 'sɔ -sɔ-a 'wʋ, 'n wa ji-e -ma Zezwie lesikpa yawʋ mö. 2Wa-a -ma, 'n dʋdʋkpata ji-a tɛlɩ, -Lagɔzuzuko -bhlʋ 'sibhë-a yɛ 'n a ji-e -bha lesikpa ngo'oo kpiyi 'lusʋa, 'n a jiɛ-a -gömö sɛ glɩ-ɩ. 3Sa -dɛɛ 'yɩkö 'nɩ-ɛ la'a lɩ, -sɩbha a lɩ -bha, 'n a 'möö -bana pɔnʋ-a buun, e -bhlee -yisevuko. 4'Slʋja yɩlɩa-a, nganɔɔ yɛ yawʋ tɛlʋa -bha. 'N wa ji-a dʋdʋ'ʋ bhli, e -bhlee tlɩ wa tlɩ. 5-Lagɔzuzuko la'a -dɩ-a gbʋ, a nɛ -bha 'ngwlɩɛ de: “Abhaa -nɩ-ɛ, a 'na-a nganɩ -nɩ, n -ji sɛ Zezwi-i wa kʋnʋ la-a su 'klʋ, 'mɔ a -wʋ-a 'nama 'le. 6Ɔ'ɔ ma'a -wʋ, ɔ yɛ glu 'wlʋ 'bhë sa ɔ 'bhë gbɩ la-a. A ji, la ɔ -gazɛ pö la-a, a 'yɛ -bha yɩlɩ. 7A mö bhleemö a 'yɛ ɔ 'wʋbhlinɩngwa 'dɩ -sanɩ naa ɔ yɛ glu 'wlʋ 'bhë, -ma Galilee dʋdʋ -gömö ɔ ji-a 'yu 'plɩɛ, -ma a jio-a yɩlɩnɩɛ. Mɩ-ɛ -la, n kaya 'dɩ -sanɩ 'bhë.”
8-Bha -gaganɩlɩ'ɩ, 'n wa ji-e -ma lesikpa yawʋ 'bhö-ö, wa ka -kakö ku'u, 'mʋna 'kada -wʋʋa 'yɛ 'lɩbha 'le, wa ka sɛcɛ 'ji 'n wa ji-a Zezwie 'wʋbhlinɩngwa 'dɩ -sanɩ kwla'a mö.
9Wa-a mö 'le, 'n Zezwie 'bhë jua-a 'yuo ji. Wa 'pa-a -bha ɔ dlɩ'ɩ -kokomunigbö glu, 'n wa ji-a ɔ kpli sɛ köbha, 'n wa jio-a bʋbɔ. 10Ɔ nɛ -bha wa de: “A 'na-a nganɩ -nɩ, a mö a 'yɛ na -dagwie 'dɩ nyɛ naa wa mö -ma Galilee dʋdʋ -gömö -ma wa ji'i-a yɩlɩnɩɛ.” 11Wa namö 'yuogblʋ'ʋ 'n lesikpaa ngokʋngwaa gla'aa nɩkpa -mʋmʋa ji-e -ma 'gbë 'mö -ɩ 'plɩ-aa 'dɩ -Lagɔbʋbɔngwaa 'bhitɩbhangwa kwa. 12'N -mʋa la'a -yɛ 'zwiföaa nɩkpazɔgblʋɩ 'sɔ ji-a 'wlu 'titanɩ, wa pla-a yɩlɩ, 'n wa ji-a 'slʋja mënie -bebe 'nyɛ. 13Wa nɛ -bha wa de naa: “A gba sa'a naa: -A-a dʋdʋ ngɔmö 'le, 'n ɔ 'wʋbhlinɩngwa ji-a ɔ -gazɛ 'wi ghli. 14-Gwlɩnyininyɔ -kɩɩ 'nʋ, -aa bhï-ï jio-a dɛpöö -a 'kaya gbʋ ngli -sa.” 15'Slʋja 'libhïa mëni la'a 'wʋ-ɔ, -ɩ wa nʋ la-a wa gba, 'n wa jiɩ-a gba. 'N 'mɩ wɛlɩ la'a ji-e -ma 'zwiföa gla'a ba. -Sɩbha ɩ -wʋ-ɔ -bhla -zɩnɩ'ɩ.
Zezwi yɛ ɔjɩ ɔ 'wʋbhlinɩngwa 'ji tuluanɩ
16Zezwie 'wʋbhlinɩngwa kugbïa -bhlʋ -kpɔ -sɔ-a 'wʋ, 'n wa ji-e -ma Galilee dʋdʋ -gömöö -gɔgɔgbʋ -ʋ ɔ 'panʋa la-aa 'klʋ mö. 17Wa nyini-e -ma wa yɩlɩɔ-a, 'n wa ji-e -bha ɔ dlɩ'ɩ -kokomunigbö glu 'pa. 'N wa gla'aa -mʋmʋa ji-a dudua. 18Zezwi nyinʋa-a yawʋ ɔ nɛ -bha wa de naa: “-Lagɔ ka'a -Lagɔtapɛ -yɛ dʋdʋkpata 'sɔɔ -gömö 'gba 'nyɛ 'bhë. 19Ɩ yɛ a mö -ma -gwlɩ 'bhuo -gömö, a 'yɛ -maa nɩkpa na 'wʋbhlinɩngwa 'wʋ zʋa. A badizenʋa -Tɩbha -Lagɔɔ 'nglɩ 'mö, 'Guo 'nglɩ 'mö, Zuzu 'Wlawlaa 'nglɩ 'mö. 20Wɛlɩ la'a 'bhuo n slʋnʋya-a, a 'pʋa ngli wa 'kɩ -bha zʋ. N nyɛya 'sɔ -bhlinɩ 'wʋ zlɩa 'bhuo 'mö, 'n pɩɛ sɛyɩlade 'yɛ-a nyini.”
Seçili Olanlar:
:
Vurgu
Kopyala
Karşılaştır
Paylaş
Önemli anlarınızın tüm cihazlarınıza kaydedilmesini mi istiyorsunuz? Kayıt olun ya da giriş yapın
Bete New Testament © Bible Society of Côte d'Ivoire 1996