MALƖKÖÖ 'BƆGƲ 12
12
Libhonʋngwa -wa kla-a wa 'bhitɩbha nganɩ 'möö 'nine
1'N Zezwi jua-a 'nine 'panɩ, ɔ nɛ naa: “'Likpï -ɩɩ 'jʋ wa nʋ-a dwivɛ 'wʋ nɛ, ɩ 'lagblɛ nɩkpɛ -bhlʋ zʋ -bha. 'N ɔ jiɛ-a -glɛglɛ 'mö 'pa. 'Bhʋkwa -aa 'mö wa ji-a nʋ dɔlʋnʋɔ, 'n ɔ jia-a -ma ɛ nyɩdɩ 'wlu. -Gbëgbë -aa 'wlu wa ji-a sɛ glɩɛ wa 'kɛ -kʋ, 'n ɔ jia-a 'pa. 'Mɛ 'lagblɛ la'a, 'n ɔ jiɛ-a libhonʋngwa 'mö palɩ wa -kɛɛ -sa ɔ -nyʋa 'sɔ 'yɛ dlinɩɛ yɛ. Ɔ palʋa-a -sɩbha 'mö 'bhë, 'n ɔ ji-a lowlu'u mö. 2-Sasade nyini-a, 'n nɩkpɛ la'a ji-e -ma libhonʋngwaa 'bhɛyɩ ɔ nyɩgbajʋlʋ -bhlʋ tia wa 'yɛ dlinɩ, wa 'kɔ ɔ 'köbhë 'ye 'nyɛɛ yɛ. 3Nyɩgbajʋlʋ la'a nyini-e -ma, libhonʋngwa gbloo-a 'wʋ, bhɔtɔ wa bhɔtɔɔ -bha 'bhë 'n wa jio-a kpëti, wa 'nɩɔ-ɔ -lu 'ye 'nyɛ. 4'N 'lagblɛlowli ji-a ɔ nyɩgbajʋlʋ -mʋmɔ tia. Ɔ nyini 'yɛ-a -nɩ -ma, libhonʋngwa gbloo-a 'wʋ, wa -sɔɔ-a 'wuföle 'bhë, 'n wa jio-a -di zia. 5'N 'lagblɛlowli ji 'yɛ-a -mʋmɔ tia. 'Mɔ -mɔ la'aa -nɩ-ɛ, 'lɩbha libhonʋngwa 'lɩbhɔ -bha, 'n ɔ ji-a tlɩ. -Sɩbha wa köbha-a nyɩgbajʋlʋɩ wa tia-a -ma wa 'bhɛyɩ. Wa bhɔtɔ -mʋmʋa, wa 'lɩbha -mʋmʋa wa tlɩ. 6Wa-a -sɩbha nʋ 'le, 'n 'lagblɛlowli la'aa nyɩgbajʋlʋɩ 'bhuo ji-e -bha bhɩa. Ɔ dlɩɛ sɛkagu -bhlʋ 'tɩ ɔ ka la-a, mɔ-ɔ tʋɔ 'mö-a yawʋ. 'Mɔ ɔ tia-a -ma libhonʋngwa la'aa 'bhɛyɩ. Sa'a ɔ 'pa-a dlɩ naa, na 'gu -yɛ -ma mö wa jio -bha zʋ, wa 'na 'kɔ -lu nʋ. 7'N ɔ jio-a tia. Ɔ nyini-e -ma, wa yɩlɩɔ-a, 'n wa ji-a 'dɩ 'nyɛnyɛnɩ, wa nɛ: -Ɔ ji-a zʋma ɔ -tɩbhaa gugbë 'wʋ 'libhïë mɔ-ɔ -la, a-a 'lɩbhɔ, ɔ 'yɛ tlɩ gugbë -kaya cɛ'ɛ tʋ-ʋ. 8Wa gbloo-a 'wʋ, 'n wa jio-a 'lɩbha. Ɔ tlɩ-a, 'n wa ji-a ɔ -gazɛ 'kwla 'pa.
9Ngli n 'jɩbhaya 'mö-ö -sɩka'a naa, a -nɩ de, sa 'lagblɛlowli la'a ji-a 'mö zʋzʋnʋɔ 'nɩ? 'Dɩɛ -dɩ n nyɛya -bha naa, ɔ -yɛ ji-e, 'lɩbha ɔ ji-a libhonʋngwa la'a 'bhuo wa 'yɛ tlɩ, 'bhë ɔ 'yɛ 'lagblɛ kabönɩkpa 'mö palɩ.” 10Ɔ nɛ 'yɛ naa: “Wɛlɩköbhë -bhlʋ -a 'cɛlɩɔ-ɔ -ma -Lagɔwɛlɩɛ 'bɔgʋ 'mö a 'bhï ka zɛlɩ 'bhë. Ma-a gba-a sa'a naa:
Tikpë -a 'sɩbhasɩbhangwa
nʋ la-a a'a -lɛ -laa -la,
ma-a zʋ-a -buduo jijekwa.
11-Ɩ Nyininyɔ -Lagɔ nʋ-a mɩ-ɛ -la,
-a -kɩɩ 'wʋ yɩlɩ,
'mʋna 'wʋ ɩ -bhïya -bha.”
12Zezwi gba-a wɛlɩ la'a, ɩ'ɩ 'zwiföaa 'kadɩ dlɩ yawʋ nanɩ. -Wʋʋ yɛ-a, wa -ji la sɛ 'nine ɔ 'pa-a la'a, 'mʋa ɔ kpi-a 'wʋ. Wa 'jɩbha wa 'kɔ la köbha 'bhë, nɩkpa wa -wʋ-a -gu 'lee yɛ, 'n wa jio-a cɛ yawʋ -sa, 'n wa ji-a mö.
Zezwi nɛ naa, wa 'pɛnɩ lepoo mëni
13'Ylɩ -bhlʋ, falizɩɛ -yɛ -zakpa -a wa la-a Elodɩɛ -zakpa 'möö nɩkpa -mʋmʋa 'sɔ, 'mʋa wa tia-a -ma Zezwie 'bhɛyɩ wa 'kɔ -vuu nimï 'paa yɛ. 14Nɩkpa la'a mö-a, wa nyini-e -ma, wa nɛ -bha Zezwie de naa: “-Abhitɩbha, -a -ji sɛ naa, 'dɛdɛɛ -n nyɛ-a nɩkpa. Sa nɩkpɛ ji 'mö -wʋnʋ -nn -gu ɔ 'ji, -na nglipalɩ nɩkpa 'bhuo ɩ slɛmanɩ-a dlɩ 'mö. Sa -Lagɔ 'jɩbha-a nɩkpa 'yɛ namö, mɩ -n pʋa-a 'dɛdɛ'ɛ ngli. Lagangwa -wa -nyiniya-a la'a, wa dʋdʋnyininyɔ 'kadɔ Sezalɩ nɛ -a 'pɛnɩ lepoo mëni. 'Mɛ lepoo mëni la'a -a 'pɛnɩɛ 'nɩɩ bhlɩ'ɩ -aa 'pɛnɩɛ -nɩ? Sa -aa gbö gba-a 'ma köbhë la'aa de 'nɩ? -Slɛmanɩya dlɩ 'mö.”
15Zezwi jɩbhlɩnɩ-a wa -dabhlie zɔmö, ɔ nɛ: “'Kwlɩsɔkangwayi, a ka'a -vuu nimï 'paa yɛ a ji -bha. A la'a gbɔkwa, n -kaa yɩlɩ 'bhë n 'yɛ a wɛlɩ -gömö -sa.” 16Wa -nyaa ji-a, 'n Zezwi jua-a ngli 'jɩbha, ɔ nɛ: “La'a gbɔkwa la'aa -gömö -mɔɔ 'wlukple -yɛ -mɔɔ 'nglɩ sɔ-ɔ glɩ-ɛ la'a 'nɩ?” Wa nɛ naa: “Dʋdʋnyininyɔ 'kadɔ Sezalɩɛ -li -bha.” 17Zezwi nɛ: “-Ɩ -yɛ-a dʋdʋnyininyɔ 'kadɔ Sezalɩɛ -li-e, a 'nyɔ 'ye, -ɩ -yɛ-a -Lagɔɔ -li-e, a 'nyɩ 'yɛ -Lagɔ 'ye.” Ɔ gba-a -sɩbha ngli-i mönʋa-a tenyi.
Sa Zezwi gba-a 'kudungwaa gluwlʋgbʋ
18Nɩkpaa -zakpa -möma -wʋ la-a -bha, 'ma wa la-a sadwisɩɛ. Sa'a wa pa-a nɩkpa ngli naa, nɩkpɛ -yɛ tlɩ ɔ 'na 'ylɩ -bhlʋ glu 'wlʋ. 'Mɛ zlɩ la'a -bhlʋɔ 'mö wa gla'aa -mʋmʋa ghlɩ-ɛ -bha Zezwi, 'n wa jio-a ngli 'jɩbha. 19Wa nɛ naa: “-Abhitɩbha, Moyizɩ 'cɛlɩ-a -aa yɛ naa:
Nɩkpɛ -yɛ -dagu -ka,
'mɔ -dagu la'a -yɛ 'nglɔ kwa,
ɔ -nyɔɔ 'sɔ nɩ 'gu ghlɩ 'bhë ɔ -yɛ tlɩ-ɛ,
'mɔ nɩkpɛ 'libhï ɔ -daguo 'kuzlenglɔ 'wʋ,
ɔ -nyɔɔ 'sɔ 'yɛ ɔ 'nglɩ 'mö 'gu gwalɩ,
ɔ -dagu -ɔ tlɩ-a 'yɛ ngëyi -ka.
20-Dagwienyɩbhɛlɩgwie -ngbisɔ 'n wa -wʋ la-a -bha. 'Yizi kwa-a 'nglɔ, ɔ -nyɔɔ 'sɔ 'nɩ-ɛ 'gu ghlɩ, 'n ɔ ji-a tlɩ. 21'N 'sɔ -lɔ ji-a 'kuzlenglɔ 'wʋ 'libhï, ɔ -nyɔɔ 'sɔ 'nɩ-ɛ 'gu ghlɩ, 'n ɔ ji-a tlɩ. -Sɩbha ɩ 'plɩ 'yɛ-a -nɩ ta -lɔɔ de. 22-Sɩbha -dagwie -ngbisɔ -kpɔ 'libhï-a nglɔ la'a 'wʋ -bhlʋ -bhlʋ, wa gla'aa -bɛ -nyɔɔ 'sɔ 'nɩ-ɛ 'gu ghlɩ, 'n wa 'bhuo ji-a tlɩ. Wa tlɩ-a 'bhë, 'n 'nglɔɔ 'bhë ji 'yɛ-a -nɩ tlɩ. 23-N nʋ-ɔ naa, 'ylɩ -bhlʋ -yɛ ji 'kudungwa 'bhuo glu wa ji-a 'wlʋɔ, sa -dagwienyɩbhɛlɩgwie la'a -ngbisɔ -yɛ nglɔ la'a 'sɔɔ gbʋ ji-e 'mö-a -nɩ 'mö -wʋnʋɔ 'nɩ? Wa -ngbisɔ -kpɔ kɔ la'a 'nglɔ 'mö nyini 'bhë-ë, -mɔɔ 'nglɔ ɔ ji-e 'mö-a -bha wa 'bhuoo gla'a glɩnɩɛ 'nɩ?”
24Zezwi nɛ: “'Kudungwaa gluwlʋgbʋɔ de, ajɩ a -wʋ-a dlʋa 'le. -Wʋʋ yɛ-a, a'a -Lagɔwɛlɩɛ 'bɔgʋ 'möö wɛlɩ 'mö nganɩ yaa, sa -Lagɔ 'tɛ-ɛ 'mö a 'nɩɩ 'yɛ -ji. 25-Zlɩ 'kudungwa ji-a glu 'wlʋɔ, nglʋkwakʋ 'na-a 'mö -bhlɩ. -Lagɔzuzukuo swɩ'ɩ nɩkpa 'bhuo ji-a -wʋɔ. 26A -yɛ nʋ 'kudungwa 'na glu 'wlʋ nʋ-ɔ, e -bhlee a'a -lɛ -bhla 'ylɩ -bhlʋ Moyizɩɛ -Lagɔbɔgʋ 'möö wɛlɩ zɛlɩ. La -Lagɔ ghlanɩ-ɛ -ma 'gbagbako 'mö Moyizɩ 'wʋ, 'n ʋ ji-a ɔ de gba naa:
-Amö-ö -yɛ-a Ablaamö-ö,
Izakö -yɛ Zakɔpö 'sɔɔ -Lagɔ-ɔ,
27ɩ zɔmö-ö -yɛ-a naa, Ablaamö-ö, Izakö -yɛ Zakɔpö 'sɔ -bhlɩ. -Wʋʋ -yɛ-a, -Lagɔ 'nɩ-ɛ tlɩtlɩngwaa -Lagɔ, -bhlɩbhlɩngwaa -Lagɔ -bha. Wʋ yɛ n gba-a naa, ajɩ a -wʋ-a dlʋa 'le tenyi.”
-Lagɔɔ gba -a zi-a ʋ gbö -mɩbha 'bhuo 'wʋ
28Zezwi-e sa'a sadwisɩɛɛ de gba 'le, 'n -Lagɔɔ gböö nglipanyɔ -bhlʋ jio-a yɩlɩ. Wɛlɩ -ɩ Zezwi 'nyɛ-a sadwisɩɛ ɔ -ji sɛ naa 'mö ɩ slɛnɩ -bhaa yɛ, ɔ nyinio-a yawʋ, 'n ɔ jio-a ngli 'jɩbha, ɔ nɛ naa: “-Abhitɩbha, -ma -Lagɔɔ gbö 'bhuo gla'a gba -ma zi bhe -mɩbha 'bhuo 'wʋ 'nɩ?” 29Zezwi nɛ: “-Lagɔɔ gba 'kada ma-a yɛ-a naa:
Izlayɛlɩɛ nɩkpayi,
a pönɩ 'yukwli.
-Aa Nyininyɔ -Lagɔ,
ʋ -bhlʋ 'tɩ mʋ-ʋ -yɛ-a -Lagɔ.
30Ɩ yɛ 'jɩbha -na Nyininyɔ -Lagɔ,
ʋ -kamö dlɩ yɛ,
'jɩbhʋ -ma -na dlɩpapɩɛ 'bhuo 'mö.
'Jɩbhʋ -ma -na nɔnʋli 'bhuo 'mö.
31-Lagɔɔ gba 'kada ma-a -la, 'sɔ -la -a ka 'yɛ-a dlɩ yɛ ma -yɛ-a naa:
Sa -n 'jɩbha-a -najɩ,
'jɩbha -sɩbha -na linɩkpɛ.
Gbö -mɩ 'yɛ dlɩ sɛ -ka tenyi -ɩ 'yɛ gbö la'a 'sɔ 'wʋ zi ɩ'ɩ -bhlɩ.” 32Zezwi 'nyɔ-ɔ sa'a 'dɩ-ɛ, ɔ nɛ naa: “Nyininyɔ, -ɩ -n gba-a naa: -Aa Nyininyɔ -Lagɔ, ʋ -bhlʋ tɩ -bha, -ma ʋ nimï kabö -Lagɔ 'nɩ -ma -wʋ-ɔ, mɩ-a 'dɛdɛ'ɛ. 33Nɩkpɛ -yɛ -Lagɔ 'jɩbha, ʋ -kɔɔ dlɩ sɛ -ka, ɔ -kʋʋ -ma ɔ dlɩpapɩɛ 'bhuo 'mö 'jɩbhanɩ, ɔ -kʋʋ -ma ɔ nɔnʋli 'bhuo 'mö 'jɩbhanɩ, 'bhë sa ɔ 'jɩbha-a ɔjɩ ɔ -yɛ -sɩbha ɔ linɩkpɛ 'jɩbha-a, mɩ-ɩ -ga-a cɛ, mɩ-ɩ zi-a bʋbɔnʋlie -gɔpö 'bhuo 'wʋ.”
34Nɩkpɛ la'a gba-a sa'a, Zezwi yɩlɩ-a ɔ wɛlɩ 'mö naa 'ji ɩ nanɩ -bha, ɔ nɛ -bha ɔ de naa: “Sa -Lagɔɔ nyininyinipɩ -wʋnʋ-a 'mö, -na de ɩ 'mönʋde 'nɩ 'yu -wʋ.” Sa'a ɔ gba-a nɩkpɛ la'aa de. Tɛnɩ-a 'mö -bha, -bɛ 'nɩ-a 'mö ngo 'wʋ 'libhï ɔ 'yɛ Zezwi ngli 'jɩbha 'sɔ.
Puanyɔ -ɔ -Lagɔ -sa-a -bha -mɔɔ 'gu ɔ glɩnɩ-a 'nɩ?
35Zezwi-e -ma -Lagɔbudu 'kadʋ 'mö nɩkpa -Lagɔwɛlɩ ngli 'pa 'le, 'n ɔ jua-a ngli 'jɩbha, ɔ nɛ naa: “Puanyɔ -ɔ -Lagɔ -sa-a -bha, 'manɩɛ yɛ -Lagɔɔ gböö nglipangwa lɔ bhe Davidɩɛ 'Gu 'nɩ? 36N -tɔnʋ Davidɩɛ 'bhë 'mɔ Zuzu 'Wlawla gbanɩ 'mö, 'n ɔ ji gba naa:
-Aa Nyininyɔ -Lagɔ
mʋ-ʋ 'nyɛ-a na Nyininyɔ 'dɩ naa,
glɩ la'a na linɩkpɛsɔ pɩa 'bɩ yɛ,
n -kamö -na tʋngwa 'bhuo 'ye 'nyɛ,
-n 'kʋa kpli -gömö zʋ.
37Puanyɔ -ɔ -Lagɔ -sa-a -bha, 'mɔ Davidɩ la-a ɔ Nyininyɔ. Ɔ 'bhë -wʋɔ la'a -bhla -nɩ ɔ Nyininyɔ la 'le 'bhë-ë, samɩ ɔ ji-e 'mö-a ɔ 'gu 'mö glɩglɩnɩɛ 'nɩ?” Nɩkpa -bebe -wa su la-a -bha, Zezwie wɛlɩ wa -wʋ-a 'yukwli pönɩ 'le, 'mʋna ɩ suluʋa-a 'wʋ.
Zezwi nɛ naa, a 'na-a zʋ 'kwlɩsɔkangwa -nɩ
38'N Zezwi ji-a -wa 'bhuo ɔ -wʋ la-a ngli 'pa 'le 'dɩ 'mö zʋ, ɔ nɛ naa: “A möna -bha -Lagɔɔ gböö nglipangwaa de 'mö. Wa 'jɩbha wa 'yɛ -ziabanɩ 'mö -ka wa -nyɩɩ 'sɔ 'yɛ 'wʋ binɩ, wa 'kʋa 'gbëë 'du 'mö bhalɩnɩ. 39Wa -yɛ -ma -Lagɔbudi'i pla, wa 'jɩbha wa 'yɛ 'yugakpï -gömö sɛ glɩ-ɩ. Wa -kʋa 'pɩpɩ 'wʋ lili yɛ wɔzɩ-ɛ, 'yugabhli wa sa-a -bha. 40Wa -yɛ -Lagɔ -bɛlɩ 'pa 'le -wʋ-ɔ, nɩkpa 'yɛ wa 'dɩɛ dɩ -saa yɛ -bɛlɩvʋkɔ wa pa -bha. -Sɩbha wa nʋ-a 'bhë-ë, nɩkpaa yʋlʋnʋngwa -bha. 'N wa li-a 'kuzlengwlɩ 'mö. 'Dɩ n nyɛya -bha naa: 'Mʋa nɩkpa la'a, -zijle -Lagɔ jua-a tunʋɔ 'mö a ji-a 'tɛ-ɛ.”
'Pʋalɩbhakuzlenglɔ -bhlʋ yɛ ɔ dlɩɛ sɛkalu -Lagɔ 'nyɛ
41-Ma -Lagɔbudu 'kadʋ 'mö -dakwɩ -wʋ-ɔ -ma, wa -yɛ -Lagɔ mëni 'nyɛɛ ji-e, -ma ɩ 'mö wa palɩɛ-a yɛ. 'Ylɩ -bhlʋ, Zezwi 'nɩgbö -bha -dakwɩ la'a yawʋ sa nɩkpa palɩpalɩnɩ-ɛ -ma ɩ 'mö mëni 'mö yɛ, 'n ɔ yɩlɩ-ɛ -sɩbha. Lɩkangwaa -bɛ ji-a, mëni -bebe wa palɩ-ɛ -ma yɛ. 42'N 'pʋalɩbhakuzlenglɔ -bhlʋ ji 'yɛ-ɛ -bha -nɩ nyini, ɔ palɩ -ma ɩ 'mö gbɔkwie gbɔkwie 'sɔ yɛ. 43Zezwi yɩlɩɔ-a, 'n ɔ ji-a ɔ 'wʋbhlinɩngwa wɔzɩ, ɔ nɛ naa: “'Dɩɛ -dɩ n 'nyɛya -bha naa, 'pʋalɩbhakuzlenglɔ -la, mëni -ɛ ɔ 'nyɛ-a -Lagɔ mɛ-ɛ -zu-a mɛ-ɛ zi-a -mʋabha 'bhuoo -leyi 'wʋ. 44-Wʋʋ yɛ-a, -mʋabha 'bhuo mëni -ɛ 'kplanʋa-a cɛ 'mɛ wa palɩ-ɛ -ma -dakwɩ 'mö yɛ. 'Kuzlenglɔɔ -nɩ-ɛ, -ɛ la'a 'bhuo ɔ ka la-a ɔ 'yɛ lie yɛ, 'mɛ ɔ 'nyɛ-a -Lagɔ.”
Seçili Olanlar:
MALƖKÖÖ 'BƆGƲ 12: BNT96
Vurgu
Kopyala
Karşılaştır
Paylaş
Önemli anlarınızın tüm cihazlarınıza kaydedilmesini mi istiyorsunuz? Kayıt olun ya da giriş yapın
Bete New Testament © Bible Society of Côte d'Ivoire 1996
MALƖKÖÖ 'BƆGƲ 12
12
Libhonʋngwa -wa kla-a wa 'bhitɩbha nganɩ 'möö 'nine
1'N Zezwi jua-a 'nine 'panɩ, ɔ nɛ naa: “'Likpï -ɩɩ 'jʋ wa nʋ-a dwivɛ 'wʋ nɛ, ɩ 'lagblɛ nɩkpɛ -bhlʋ zʋ -bha. 'N ɔ jiɛ-a -glɛglɛ 'mö 'pa. 'Bhʋkwa -aa 'mö wa ji-a nʋ dɔlʋnʋɔ, 'n ɔ jia-a -ma ɛ nyɩdɩ 'wlu. -Gbëgbë -aa 'wlu wa ji-a sɛ glɩɛ wa 'kɛ -kʋ, 'n ɔ jia-a 'pa. 'Mɛ 'lagblɛ la'a, 'n ɔ jiɛ-a libhonʋngwa 'mö palɩ wa -kɛɛ -sa ɔ -nyʋa 'sɔ 'yɛ dlinɩɛ yɛ. Ɔ palʋa-a -sɩbha 'mö 'bhë, 'n ɔ ji-a lowlu'u mö. 2-Sasade nyini-a, 'n nɩkpɛ la'a ji-e -ma libhonʋngwaa 'bhɛyɩ ɔ nyɩgbajʋlʋ -bhlʋ tia wa 'yɛ dlinɩ, wa 'kɔ ɔ 'köbhë 'ye 'nyɛɛ yɛ. 3Nyɩgbajʋlʋ la'a nyini-e -ma, libhonʋngwa gbloo-a 'wʋ, bhɔtɔ wa bhɔtɔɔ -bha 'bhë 'n wa jio-a kpëti, wa 'nɩɔ-ɔ -lu 'ye 'nyɛ. 4'N 'lagblɛlowli ji-a ɔ nyɩgbajʋlʋ -mʋmɔ tia. Ɔ nyini 'yɛ-a -nɩ -ma, libhonʋngwa gbloo-a 'wʋ, wa -sɔɔ-a 'wuföle 'bhë, 'n wa jio-a -di zia. 5'N 'lagblɛlowli ji 'yɛ-a -mʋmɔ tia. 'Mɔ -mɔ la'aa -nɩ-ɛ, 'lɩbha libhonʋngwa 'lɩbhɔ -bha, 'n ɔ ji-a tlɩ. -Sɩbha wa köbha-a nyɩgbajʋlʋɩ wa tia-a -ma wa 'bhɛyɩ. Wa bhɔtɔ -mʋmʋa, wa 'lɩbha -mʋmʋa wa tlɩ. 6Wa-a -sɩbha nʋ 'le, 'n 'lagblɛlowli la'aa nyɩgbajʋlʋɩ 'bhuo ji-e -bha bhɩa. Ɔ dlɩɛ sɛkagu -bhlʋ 'tɩ ɔ ka la-a, mɔ-ɔ tʋɔ 'mö-a yawʋ. 'Mɔ ɔ tia-a -ma libhonʋngwa la'aa 'bhɛyɩ. Sa'a ɔ 'pa-a dlɩ naa, na 'gu -yɛ -ma mö wa jio -bha zʋ, wa 'na 'kɔ -lu nʋ. 7'N ɔ jio-a tia. Ɔ nyini-e -ma, wa yɩlɩɔ-a, 'n wa ji-a 'dɩ 'nyɛnyɛnɩ, wa nɛ: -Ɔ ji-a zʋma ɔ -tɩbhaa gugbë 'wʋ 'libhïë mɔ-ɔ -la, a-a 'lɩbhɔ, ɔ 'yɛ tlɩ gugbë -kaya cɛ'ɛ tʋ-ʋ. 8Wa gbloo-a 'wʋ, 'n wa jio-a 'lɩbha. Ɔ tlɩ-a, 'n wa ji-a ɔ -gazɛ 'kwla 'pa.
9Ngli n 'jɩbhaya 'mö-ö -sɩka'a naa, a -nɩ de, sa 'lagblɛlowli la'a ji-a 'mö zʋzʋnʋɔ 'nɩ? 'Dɩɛ -dɩ n nyɛya -bha naa, ɔ -yɛ ji-e, 'lɩbha ɔ ji-a libhonʋngwa la'a 'bhuo wa 'yɛ tlɩ, 'bhë ɔ 'yɛ 'lagblɛ kabönɩkpa 'mö palɩ.” 10Ɔ nɛ 'yɛ naa: “Wɛlɩköbhë -bhlʋ -a 'cɛlɩɔ-ɔ -ma -Lagɔwɛlɩɛ 'bɔgʋ 'mö a 'bhï ka zɛlɩ 'bhë. Ma-a gba-a sa'a naa:
Tikpë -a 'sɩbhasɩbhangwa
nʋ la-a a'a -lɛ -laa -la,
ma-a zʋ-a -buduo jijekwa.
11-Ɩ Nyininyɔ -Lagɔ nʋ-a mɩ-ɛ -la,
-a -kɩɩ 'wʋ yɩlɩ,
'mʋna 'wʋ ɩ -bhïya -bha.”
12Zezwi gba-a wɛlɩ la'a, ɩ'ɩ 'zwiföaa 'kadɩ dlɩ yawʋ nanɩ. -Wʋʋ yɛ-a, wa -ji la sɛ 'nine ɔ 'pa-a la'a, 'mʋa ɔ kpi-a 'wʋ. Wa 'jɩbha wa 'kɔ la köbha 'bhë, nɩkpa wa -wʋ-a -gu 'lee yɛ, 'n wa jio-a cɛ yawʋ -sa, 'n wa ji-a mö.
Zezwi nɛ naa, wa 'pɛnɩ lepoo mëni
13'Ylɩ -bhlʋ, falizɩɛ -yɛ -zakpa -a wa la-a Elodɩɛ -zakpa 'möö nɩkpa -mʋmʋa 'sɔ, 'mʋa wa tia-a -ma Zezwie 'bhɛyɩ wa 'kɔ -vuu nimï 'paa yɛ. 14Nɩkpa la'a mö-a, wa nyini-e -ma, wa nɛ -bha Zezwie de naa: “-Abhitɩbha, -a -ji sɛ naa, 'dɛdɛɛ -n nyɛ-a nɩkpa. Sa nɩkpɛ ji 'mö -wʋnʋ -nn -gu ɔ 'ji, -na nglipalɩ nɩkpa 'bhuo ɩ slɛmanɩ-a dlɩ 'mö. Sa -Lagɔ 'jɩbha-a nɩkpa 'yɛ namö, mɩ -n pʋa-a 'dɛdɛ'ɛ ngli. Lagangwa -wa -nyiniya-a la'a, wa dʋdʋnyininyɔ 'kadɔ Sezalɩ nɛ -a 'pɛnɩ lepoo mëni. 'Mɛ lepoo mëni la'a -a 'pɛnɩɛ 'nɩɩ bhlɩ'ɩ -aa 'pɛnɩɛ -nɩ? Sa -aa gbö gba-a 'ma köbhë la'aa de 'nɩ? -Slɛmanɩya dlɩ 'mö.”
15Zezwi jɩbhlɩnɩ-a wa -dabhlie zɔmö, ɔ nɛ: “'Kwlɩsɔkangwayi, a ka'a -vuu nimï 'paa yɛ a ji -bha. A la'a gbɔkwa, n -kaa yɩlɩ 'bhë n 'yɛ a wɛlɩ -gömö -sa.” 16Wa -nyaa ji-a, 'n Zezwi jua-a ngli 'jɩbha, ɔ nɛ: “La'a gbɔkwa la'aa -gömö -mɔɔ 'wlukple -yɛ -mɔɔ 'nglɩ sɔ-ɔ glɩ-ɛ la'a 'nɩ?” Wa nɛ naa: “Dʋdʋnyininyɔ 'kadɔ Sezalɩɛ -li -bha.” 17Zezwi nɛ: “-Ɩ -yɛ-a dʋdʋnyininyɔ 'kadɔ Sezalɩɛ -li-e, a 'nyɔ 'ye, -ɩ -yɛ-a -Lagɔɔ -li-e, a 'nyɩ 'yɛ -Lagɔ 'ye.” Ɔ gba-a -sɩbha ngli-i mönʋa-a tenyi.
Sa Zezwi gba-a 'kudungwaa gluwlʋgbʋ
18Nɩkpaa -zakpa -möma -wʋ la-a -bha, 'ma wa la-a sadwisɩɛ. Sa'a wa pa-a nɩkpa ngli naa, nɩkpɛ -yɛ tlɩ ɔ 'na 'ylɩ -bhlʋ glu 'wlʋ. 'Mɛ zlɩ la'a -bhlʋɔ 'mö wa gla'aa -mʋmʋa ghlɩ-ɛ -bha Zezwi, 'n wa jio-a ngli 'jɩbha. 19Wa nɛ naa: “-Abhitɩbha, Moyizɩ 'cɛlɩ-a -aa yɛ naa:
Nɩkpɛ -yɛ -dagu -ka,
'mɔ -dagu la'a -yɛ 'nglɔ kwa,
ɔ -nyɔɔ 'sɔ nɩ 'gu ghlɩ 'bhë ɔ -yɛ tlɩ-ɛ,
'mɔ nɩkpɛ 'libhï ɔ -daguo 'kuzlenglɔ 'wʋ,
ɔ -nyɔɔ 'sɔ 'yɛ ɔ 'nglɩ 'mö 'gu gwalɩ,
ɔ -dagu -ɔ tlɩ-a 'yɛ ngëyi -ka.
20-Dagwienyɩbhɛlɩgwie -ngbisɔ 'n wa -wʋ la-a -bha. 'Yizi kwa-a 'nglɔ, ɔ -nyɔɔ 'sɔ 'nɩ-ɛ 'gu ghlɩ, 'n ɔ ji-a tlɩ. 21'N 'sɔ -lɔ ji-a 'kuzlenglɔ 'wʋ 'libhï, ɔ -nyɔɔ 'sɔ 'nɩ-ɛ 'gu ghlɩ, 'n ɔ ji-a tlɩ. -Sɩbha ɩ 'plɩ 'yɛ-a -nɩ ta -lɔɔ de. 22-Sɩbha -dagwie -ngbisɔ -kpɔ 'libhï-a nglɔ la'a 'wʋ -bhlʋ -bhlʋ, wa gla'aa -bɛ -nyɔɔ 'sɔ 'nɩ-ɛ 'gu ghlɩ, 'n wa 'bhuo ji-a tlɩ. Wa tlɩ-a 'bhë, 'n 'nglɔɔ 'bhë ji 'yɛ-a -nɩ tlɩ. 23-N nʋ-ɔ naa, 'ylɩ -bhlʋ -yɛ ji 'kudungwa 'bhuo glu wa ji-a 'wlʋɔ, sa -dagwienyɩbhɛlɩgwie la'a -ngbisɔ -yɛ nglɔ la'a 'sɔɔ gbʋ ji-e 'mö-a -nɩ 'mö -wʋnʋɔ 'nɩ? Wa -ngbisɔ -kpɔ kɔ la'a 'nglɔ 'mö nyini 'bhë-ë, -mɔɔ 'nglɔ ɔ ji-e 'mö-a -bha wa 'bhuoo gla'a glɩnɩɛ 'nɩ?”
24Zezwi nɛ: “'Kudungwaa gluwlʋgbʋɔ de, ajɩ a -wʋ-a dlʋa 'le. -Wʋʋ yɛ-a, a'a -Lagɔwɛlɩɛ 'bɔgʋ 'möö wɛlɩ 'mö nganɩ yaa, sa -Lagɔ 'tɛ-ɛ 'mö a 'nɩɩ 'yɛ -ji. 25-Zlɩ 'kudungwa ji-a glu 'wlʋɔ, nglʋkwakʋ 'na-a 'mö -bhlɩ. -Lagɔzuzukuo swɩ'ɩ nɩkpa 'bhuo ji-a -wʋɔ. 26A -yɛ nʋ 'kudungwa 'na glu 'wlʋ nʋ-ɔ, e -bhlee a'a -lɛ -bhla 'ylɩ -bhlʋ Moyizɩɛ -Lagɔbɔgʋ 'möö wɛlɩ zɛlɩ. La -Lagɔ ghlanɩ-ɛ -ma 'gbagbako 'mö Moyizɩ 'wʋ, 'n ʋ ji-a ɔ de gba naa:
-Amö-ö -yɛ-a Ablaamö-ö,
Izakö -yɛ Zakɔpö 'sɔɔ -Lagɔ-ɔ,
27ɩ zɔmö-ö -yɛ-a naa, Ablaamö-ö, Izakö -yɛ Zakɔpö 'sɔ -bhlɩ. -Wʋʋ -yɛ-a, -Lagɔ 'nɩ-ɛ tlɩtlɩngwaa -Lagɔ, -bhlɩbhlɩngwaa -Lagɔ -bha. Wʋ yɛ n gba-a naa, ajɩ a -wʋ-a dlʋa 'le tenyi.”
-Lagɔɔ gba -a zi-a ʋ gbö -mɩbha 'bhuo 'wʋ
28Zezwi-e sa'a sadwisɩɛɛ de gba 'le, 'n -Lagɔɔ gböö nglipanyɔ -bhlʋ jio-a yɩlɩ. Wɛlɩ -ɩ Zezwi 'nyɛ-a sadwisɩɛ ɔ -ji sɛ naa 'mö ɩ slɛnɩ -bhaa yɛ, ɔ nyinio-a yawʋ, 'n ɔ jio-a ngli 'jɩbha, ɔ nɛ naa: “-Abhitɩbha, -ma -Lagɔɔ gbö 'bhuo gla'a gba -ma zi bhe -mɩbha 'bhuo 'wʋ 'nɩ?” 29Zezwi nɛ: “-Lagɔɔ gba 'kada ma-a yɛ-a naa:
Izlayɛlɩɛ nɩkpayi,
a pönɩ 'yukwli.
-Aa Nyininyɔ -Lagɔ,
ʋ -bhlʋ 'tɩ mʋ-ʋ -yɛ-a -Lagɔ.
30Ɩ yɛ 'jɩbha -na Nyininyɔ -Lagɔ,
ʋ -kamö dlɩ yɛ,
'jɩbhʋ -ma -na dlɩpapɩɛ 'bhuo 'mö.
'Jɩbhʋ -ma -na nɔnʋli 'bhuo 'mö.
31-Lagɔɔ gba 'kada ma-a -la, 'sɔ -la -a ka 'yɛ-a dlɩ yɛ ma -yɛ-a naa:
Sa -n 'jɩbha-a -najɩ,
'jɩbha -sɩbha -na linɩkpɛ.
Gbö -mɩ 'yɛ dlɩ sɛ -ka tenyi -ɩ 'yɛ gbö la'a 'sɔ 'wʋ zi ɩ'ɩ -bhlɩ.” 32Zezwi 'nyɔ-ɔ sa'a 'dɩ-ɛ, ɔ nɛ naa: “Nyininyɔ, -ɩ -n gba-a naa: -Aa Nyininyɔ -Lagɔ, ʋ -bhlʋ tɩ -bha, -ma ʋ nimï kabö -Lagɔ 'nɩ -ma -wʋ-ɔ, mɩ-a 'dɛdɛ'ɛ. 33Nɩkpɛ -yɛ -Lagɔ 'jɩbha, ʋ -kɔɔ dlɩ sɛ -ka, ɔ -kʋʋ -ma ɔ dlɩpapɩɛ 'bhuo 'mö 'jɩbhanɩ, ɔ -kʋʋ -ma ɔ nɔnʋli 'bhuo 'mö 'jɩbhanɩ, 'bhë sa ɔ 'jɩbha-a ɔjɩ ɔ -yɛ -sɩbha ɔ linɩkpɛ 'jɩbha-a, mɩ-ɩ -ga-a cɛ, mɩ-ɩ zi-a bʋbɔnʋlie -gɔpö 'bhuo 'wʋ.”
34Nɩkpɛ la'a gba-a sa'a, Zezwi yɩlɩ-a ɔ wɛlɩ 'mö naa 'ji ɩ nanɩ -bha, ɔ nɛ -bha ɔ de naa: “Sa -Lagɔɔ nyininyinipɩ -wʋnʋ-a 'mö, -na de ɩ 'mönʋde 'nɩ 'yu -wʋ.” Sa'a ɔ gba-a nɩkpɛ la'aa de. Tɛnɩ-a 'mö -bha, -bɛ 'nɩ-a 'mö ngo 'wʋ 'libhï ɔ 'yɛ Zezwi ngli 'jɩbha 'sɔ.
Puanyɔ -ɔ -Lagɔ -sa-a -bha -mɔɔ 'gu ɔ glɩnɩ-a 'nɩ?
35Zezwi-e -ma -Lagɔbudu 'kadʋ 'mö nɩkpa -Lagɔwɛlɩ ngli 'pa 'le, 'n ɔ jua-a ngli 'jɩbha, ɔ nɛ naa: “Puanyɔ -ɔ -Lagɔ -sa-a -bha, 'manɩɛ yɛ -Lagɔɔ gböö nglipangwa lɔ bhe Davidɩɛ 'Gu 'nɩ? 36N -tɔnʋ Davidɩɛ 'bhë 'mɔ Zuzu 'Wlawla gbanɩ 'mö, 'n ɔ ji gba naa:
-Aa Nyininyɔ -Lagɔ
mʋ-ʋ 'nyɛ-a na Nyininyɔ 'dɩ naa,
glɩ la'a na linɩkpɛsɔ pɩa 'bɩ yɛ,
n -kamö -na tʋngwa 'bhuo 'ye 'nyɛ,
-n 'kʋa kpli -gömö zʋ.
37Puanyɔ -ɔ -Lagɔ -sa-a -bha, 'mɔ Davidɩ la-a ɔ Nyininyɔ. Ɔ 'bhë -wʋɔ la'a -bhla -nɩ ɔ Nyininyɔ la 'le 'bhë-ë, samɩ ɔ ji-e 'mö-a ɔ 'gu 'mö glɩglɩnɩɛ 'nɩ?” Nɩkpa -bebe -wa su la-a -bha, Zezwie wɛlɩ wa -wʋ-a 'yukwli pönɩ 'le, 'mʋna ɩ suluʋa-a 'wʋ.
Zezwi nɛ naa, a 'na-a zʋ 'kwlɩsɔkangwa -nɩ
38'N Zezwi ji-a -wa 'bhuo ɔ -wʋ la-a ngli 'pa 'le 'dɩ 'mö zʋ, ɔ nɛ naa: “A möna -bha -Lagɔɔ gböö nglipangwaa de 'mö. Wa 'jɩbha wa 'yɛ -ziabanɩ 'mö -ka wa -nyɩɩ 'sɔ 'yɛ 'wʋ binɩ, wa 'kʋa 'gbëë 'du 'mö bhalɩnɩ. 39Wa -yɛ -ma -Lagɔbudi'i pla, wa 'jɩbha wa 'yɛ 'yugakpï -gömö sɛ glɩ-ɩ. Wa -kʋa 'pɩpɩ 'wʋ lili yɛ wɔzɩ-ɛ, 'yugabhli wa sa-a -bha. 40Wa -yɛ -Lagɔ -bɛlɩ 'pa 'le -wʋ-ɔ, nɩkpa 'yɛ wa 'dɩɛ dɩ -saa yɛ -bɛlɩvʋkɔ wa pa -bha. -Sɩbha wa nʋ-a 'bhë-ë, nɩkpaa yʋlʋnʋngwa -bha. 'N wa li-a 'kuzlengwlɩ 'mö. 'Dɩ n nyɛya -bha naa: 'Mʋa nɩkpa la'a, -zijle -Lagɔ jua-a tunʋɔ 'mö a ji-a 'tɛ-ɛ.”
'Pʋalɩbhakuzlenglɔ -bhlʋ yɛ ɔ dlɩɛ sɛkalu -Lagɔ 'nyɛ
41-Ma -Lagɔbudu 'kadʋ 'mö -dakwɩ -wʋ-ɔ -ma, wa -yɛ -Lagɔ mëni 'nyɛɛ ji-e, -ma ɩ 'mö wa palɩɛ-a yɛ. 'Ylɩ -bhlʋ, Zezwi 'nɩgbö -bha -dakwɩ la'a yawʋ sa nɩkpa palɩpalɩnɩ-ɛ -ma ɩ 'mö mëni 'mö yɛ, 'n ɔ yɩlɩ-ɛ -sɩbha. Lɩkangwaa -bɛ ji-a, mëni -bebe wa palɩ-ɛ -ma yɛ. 42'N 'pʋalɩbhakuzlenglɔ -bhlʋ ji 'yɛ-ɛ -bha -nɩ nyini, ɔ palɩ -ma ɩ 'mö gbɔkwie gbɔkwie 'sɔ yɛ. 43Zezwi yɩlɩɔ-a, 'n ɔ ji-a ɔ 'wʋbhlinɩngwa wɔzɩ, ɔ nɛ naa: “'Dɩɛ -dɩ n 'nyɛya -bha naa, 'pʋalɩbhakuzlenglɔ -la, mëni -ɛ ɔ 'nyɛ-a -Lagɔ mɛ-ɛ -zu-a mɛ-ɛ zi-a -mʋabha 'bhuoo -leyi 'wʋ. 44-Wʋʋ yɛ-a, -mʋabha 'bhuo mëni -ɛ 'kplanʋa-a cɛ 'mɛ wa palɩ-ɛ -ma -dakwɩ 'mö yɛ. 'Kuzlenglɔɔ -nɩ-ɛ, -ɛ la'a 'bhuo ɔ ka la-a ɔ 'yɛ lie yɛ, 'mɛ ɔ 'nyɛ-a -Lagɔ.”
Seçili Olanlar:
:
Vurgu
Kopyala
Karşılaştır
Paylaş
Önemli anlarınızın tüm cihazlarınıza kaydedilmesini mi istiyorsunuz? Kayıt olun ya da giriş yapın
Bete New Testament © Bible Society of Côte d'Ivoire 1996