CAWA'TA TUNITA 14
14
Abram kol kay muliyan ŋolo
1Van li nala hay buura vi Amrafel mulla vi Sineyar, Aryok mulla vi Ellazar, Kedorlawmer mulla vi Elam hiɗi Tideyal mulla vi Goyim. 2Nisi fok duura hiɗi Bera, mulla vi Sodoma, hiɗi Birsa mulla vi Gomora, hiɗi Sineyab mulla vi Adma, hiɗi Semebeer mulla vi Seboyim, hiɗi mulla vi Bela ta ya' ala Sowar. 3Muliyan nisina tok tuwsi kaf hay lokŋa vi Sittim, hay liyna vi niy-lum ma Mandana. 4Ir busat doogo yam ma, nisi ka gaa kuɗ gaŋeraŋa vi Kedorlawmer, may hay busata doogo yam ɦidita, nisi mak kalamu. 5Hay busata doogo yam fiɗita, Kedorlawmer hiɗi muliyan sa kuɗumna kaf nisi co'o, nisi dur sum sa Refayimna kol kisiya hay Asterot-Karnayim, nisi kol kay sum sa Suzim hay Ham, nisi kol kay sum sa Emim hay Save-Kiryatayim. 6Nisi kol kay sum sa Horiyena kulo kay hiɗiyta vi Seyir, ta-ta tam gu-ma'asna ma ka hay Paran, goboy hiɗi fulda. 7Bugolda nisi hota, co hay En-Misfat ta ya' Kades, sum sa Amalekŋa nisi kol kisiya, kuɗsi vo hay nagata visiya, nisi kol kay sa Amoriyana sa ka hay Hatsason-Tamar kaw. 8Nala mulla vi Sodoma hiɗi mulla vi Gomora, mulla vi Adma hiɗi mulla vi Seboyim, hiɗi mulla vi Bela ta ya' Sowar kaw nisi kot tuwsiya kay li duura hay fulda vi Sittim.
9Kay dur Kedorlawmer mulla vi Elam, Tideyal mulla vi Goyim, Amrafel mulla vi Sineyar hiɗi Aryok mulla vi Ellazar. Muliyan segen kuɗ tuwsi fiɗi, segen kuɗ tuwsi vasl may. 10Liyn ma boŋoloŋŋa vi Sittim ay hobay hiɗi kaara ma koti hiɗi zomona; mulla vi Sodoma hiɗi mulla vi Gomora muni jaŋi, nisi cuki gaa'a hay kaara; dirsi ma hinina piri goyo kay hiɗiyta. 11Sa kol kisina yaw farayna vi Sodoma hiɗi Gomora noŋ kaf, sle ma tina visi noŋ kaf lay, kalay hiɗi namu. 12Lot goora vi ɓasum Abram ma ka musi hay Sodoma kaw nisi vumu, nisi yaw slena valam noŋ kaf, nisi kaliya. 13Sa mara ma piray goy vun duura mar labar namna mi Abram sa ma Hebrena, Abram ay musi ziy jar gu-ma'asna vi Mamre ma Amoritna, ɓasum Eskol hiɗi Aner, sa bonot juni jarsi hiɗi Abramna. 14Hay li ma Abram hum ala ɓasulumna kaw viy kisi gorvo'o kayni, jar sa sunda valamu nam yaw sumun kis-ɦidi, hiɗi diram doogo yam glafandi, sum sa gaŋay ŋolo sa vuɗi vo valamu kaw. Nam vulsi sle ma duur kisiya, sli sem muliyan nisina ta-ta hay Dan. 15Nam ɓuraw ir sumuna valamu kay mok sa gawta hay henjeta. Nam kol kisiya, digiɗsi ta-ta hay Hoba, ta ka goboy hiɗi Damas. 16Farayn kaf nam hotomiya; Lot ma ɓasulumna hiɗi slena valam noŋ kaf nam hotsiyaya, boyona hiɗi sumun kaf kaw.
Melkisedek
17Hay li ma Abram hoti vo vun duura ma nam kol kay Kedorlawmer hiɗi muliyan sa hiɗi namna hotna, mul ma hay Sodoma kalay goyo kay ŋafam iramu hay liyn ma boŋoloŋŋa vi Save, kayni mi boŋoloŋŋa vi mulla. 18Melkisedek, mul ma hay Salem, maram funa hiɗi vin ma cina. Melkisedek ay mi mul-ma-ɗifinna vi Lawn ma Kulo-Jamna.
19Nam gi bol kay Abram mi di'e: Bolda ka kay Abram hay semda vi Lawn ma Kulo-Jamna, ma ka ŋom wuralawna, ma ka ŋom nagata kaw. 20Bolda ka kay Lawn ma Kulo-Jamna, nam ma vulaŋ sa gaw kaŋŋa hay ɓaŋu. Abram vulum gal-ma-doogona vi slen kafe.
21Mul ma hay Sodoma di tam Abram: Naŋ ma vulan sumuna, may farayn kaf nam maŋu. 22Abram ka hotom dita: Nan sli ɓanawa kulo'o vok Ma-Vatɗina, Lawn ma Kulo-Jamna, ma ka ŋom wuralawna hiɗi nagat kafna. 23Sle ma ir vaŋ kaf lakŋi nan as vi kuɗum kep noŋɗi, baraw ma duɓarayɗi, zigew ma cin tuguruɗi kaw, kay a naŋ ma di ala muɗan faray naŋuɗi. Nan may sli vaɗi. 24May tina vi joriyo sa tuɗ kuɗanna tuta. Sum sa tuɗ hiɗi nanu ki Aner, Eskol hiɗi Mamre nala, nisi as yaw ir fisin misiya.
Seçili Olanlar:
CAWA'TA TUNITA 14: Massana
Vurgu
Paylaş
Kopyala
Önemli anlarınızın tüm cihazlarınıza kaydedilmesini mi istiyorsunuz? Kayıt olun ya da giriş yapın
BIBALDA TA PELDETTA © L'Alliance Biblique du Cameroun, 2001
CAWA'TA TUNITA 14
14
Abram kol kay muliyan ŋolo
1Van li nala hay buura vi Amrafel mulla vi Sineyar, Aryok mulla vi Ellazar, Kedorlawmer mulla vi Elam hiɗi Tideyal mulla vi Goyim. 2Nisi fok duura hiɗi Bera, mulla vi Sodoma, hiɗi Birsa mulla vi Gomora, hiɗi Sineyab mulla vi Adma, hiɗi Semebeer mulla vi Seboyim, hiɗi mulla vi Bela ta ya' ala Sowar. 3Muliyan nisina tok tuwsi kaf hay lokŋa vi Sittim, hay liyna vi niy-lum ma Mandana. 4Ir busat doogo yam ma, nisi ka gaa kuɗ gaŋeraŋa vi Kedorlawmer, may hay busata doogo yam ɦidita, nisi mak kalamu. 5Hay busata doogo yam fiɗita, Kedorlawmer hiɗi muliyan sa kuɗumna kaf nisi co'o, nisi dur sum sa Refayimna kol kisiya hay Asterot-Karnayim, nisi kol kay sum sa Suzim hay Ham, nisi kol kay sum sa Emim hay Save-Kiryatayim. 6Nisi kol kay sum sa Horiyena kulo kay hiɗiyta vi Seyir, ta-ta tam gu-ma'asna ma ka hay Paran, goboy hiɗi fulda. 7Bugolda nisi hota, co hay En-Misfat ta ya' Kades, sum sa Amalekŋa nisi kol kisiya, kuɗsi vo hay nagata visiya, nisi kol kay sa Amoriyana sa ka hay Hatsason-Tamar kaw. 8Nala mulla vi Sodoma hiɗi mulla vi Gomora, mulla vi Adma hiɗi mulla vi Seboyim, hiɗi mulla vi Bela ta ya' Sowar kaw nisi kot tuwsiya kay li duura hay fulda vi Sittim.
9Kay dur Kedorlawmer mulla vi Elam, Tideyal mulla vi Goyim, Amrafel mulla vi Sineyar hiɗi Aryok mulla vi Ellazar. Muliyan segen kuɗ tuwsi fiɗi, segen kuɗ tuwsi vasl may. 10Liyn ma boŋoloŋŋa vi Sittim ay hobay hiɗi kaara ma koti hiɗi zomona; mulla vi Sodoma hiɗi mulla vi Gomora muni jaŋi, nisi cuki gaa'a hay kaara; dirsi ma hinina piri goyo kay hiɗiyta. 11Sa kol kisina yaw farayna vi Sodoma hiɗi Gomora noŋ kaf, sle ma tina visi noŋ kaf lay, kalay hiɗi namu. 12Lot goora vi ɓasum Abram ma ka musi hay Sodoma kaw nisi vumu, nisi yaw slena valam noŋ kaf, nisi kaliya. 13Sa mara ma piray goy vun duura mar labar namna mi Abram sa ma Hebrena, Abram ay musi ziy jar gu-ma'asna vi Mamre ma Amoritna, ɓasum Eskol hiɗi Aner, sa bonot juni jarsi hiɗi Abramna. 14Hay li ma Abram hum ala ɓasulumna kaw viy kisi gorvo'o kayni, jar sa sunda valamu nam yaw sumun kis-ɦidi, hiɗi diram doogo yam glafandi, sum sa gaŋay ŋolo sa vuɗi vo valamu kaw. Nam vulsi sle ma duur kisiya, sli sem muliyan nisina ta-ta hay Dan. 15Nam ɓuraw ir sumuna valamu kay mok sa gawta hay henjeta. Nam kol kisiya, digiɗsi ta-ta hay Hoba, ta ka goboy hiɗi Damas. 16Farayn kaf nam hotomiya; Lot ma ɓasulumna hiɗi slena valam noŋ kaf nam hotsiyaya, boyona hiɗi sumun kaf kaw.
Melkisedek
17Hay li ma Abram hoti vo vun duura ma nam kol kay Kedorlawmer hiɗi muliyan sa hiɗi namna hotna, mul ma hay Sodoma kalay goyo kay ŋafam iramu hay liyn ma boŋoloŋŋa vi Save, kayni mi boŋoloŋŋa vi mulla. 18Melkisedek, mul ma hay Salem, maram funa hiɗi vin ma cina. Melkisedek ay mi mul-ma-ɗifinna vi Lawn ma Kulo-Jamna.
19Nam gi bol kay Abram mi di'e: Bolda ka kay Abram hay semda vi Lawn ma Kulo-Jamna, ma ka ŋom wuralawna, ma ka ŋom nagata kaw. 20Bolda ka kay Lawn ma Kulo-Jamna, nam ma vulaŋ sa gaw kaŋŋa hay ɓaŋu. Abram vulum gal-ma-doogona vi slen kafe.
21Mul ma hay Sodoma di tam Abram: Naŋ ma vulan sumuna, may farayn kaf nam maŋu. 22Abram ka hotom dita: Nan sli ɓanawa kulo'o vok Ma-Vatɗina, Lawn ma Kulo-Jamna, ma ka ŋom wuralawna hiɗi nagat kafna. 23Sle ma ir vaŋ kaf lakŋi nan as vi kuɗum kep noŋɗi, baraw ma duɓarayɗi, zigew ma cin tuguruɗi kaw, kay a naŋ ma di ala muɗan faray naŋuɗi. Nan may sli vaɗi. 24May tina vi joriyo sa tuɗ kuɗanna tuta. Sum sa tuɗ hiɗi nanu ki Aner, Eskol hiɗi Mamre nala, nisi as yaw ir fisin misiya.
Seçili Olanlar:
:
Vurgu
Paylaş
Kopyala
Önemli anlarınızın tüm cihazlarınıza kaydedilmesini mi istiyorsunuz? Kayıt olun ya da giriş yapın
BIBALDA TA PELDETTA © L'Alliance Biblique du Cameroun, 2001