CAWA'TA TUNITA 33
33
Yakub toy hiɗi Esaw
1Yakub poŋ iram kulo'o, nam ɗuw kayni, Esaw ka co'o, hiɗi sumuna valam kuɗum kis-fiɗi. Nam ɓuraw guron goy jar Leya, Rakel hiɗi boy sa sunda sa ma'na. 2Boyna valam sa sunda nam zlarsi goy voko hiɗi guro-misina, bugolda nam zlar Leya hiɗi gurona va'a, bugol kayni nam zlar Rakel hiɗi Yosef bugolo may. 3Nam kay tuwam kal goy voksiya, nam girif gaa kay nagat sem siɗiya ta-ta hay li ma nam co goboy tam ɓasulumna. 4Esaw fokay jaŋi kay ŋaf hiɗi namu, nam bowomu, vum delemu, nisi ŋaf vun-tuwsiya, nisi tiya. 5Esaw poŋ iram kulo'o, nam wi boyna hiɗi gurosgurayna, nam di'e: Nisi lak kuɗaŋŋi si sarige? Yakub hot dita: Lakŋi si guro sa Lawna vulsi mi ma sunda vaŋŋa. 6Boyna valam sa sunda co'o, nisi hiɗi gurona visi kaf girif gaa'a; 7Leya hiɗi gurona va' kaw co'o, nisi girif gaa'a kaw, bugol kayni, Yosef hiɗi Rakel co'o, nisi girif gaa'a.
8Esaw di'e: Faray ŋol ma nan ŋafamna kayni naŋ naram mi gige? Yakub hot dumu: Kay fi slugota vok ir mulanna. 9Esaw di'e: Ɓasunna, nan kaw slena van ka ŋolo, ŋomaŋ slena vaŋ maŋu. 10Yakub hot dumu: May naɗi, nan siɗawaŋu, la nan fi slugotawa hay vok iraŋ gasiya ni, slen ma nan vulaŋgin kayn naŋ ma vumu; kuɗ kayni nan ɗuw vokaŋ kayn nam ki vok Lawn nala, kay naŋ van hiɗi firita. 11Vulda ta nan vulaŋga kayni naŋ ma va' vige. Kay Lawn hoban hiɗi slugota, kay va ma kiɗanu may loɗi. Yakub so tuwam tam Esaw ta-ta nam vi vulda na'ta.
12Esaw di'e: Tuɗaya, tunay goy hay hagata; nan min tun vokaŋu. 13Yakub hot dumu: Mulanna, naŋ wi ala gurosgurayn kayn nisi maŋaya. Lo fokŋa hiɗi luwayna ma guron kuɗum ci miira ka kanu kaw; la nan tuɗum gosoyo hay fatta kepta ɦawa, farayn vat ɗawn goy kafe. 14Mulanna, tuɗaŋis maŋ jew sa ma sunda vaŋu, nan ma tuɗis man ŋali, tunis bugol farayna hiɗi gurosgurayna, nan nilamsis man ŋali ŋali, ta-ta nan ma coys goy vi mulanna hay Seyir. 15Esaw di'e: La nala nan hin gal sumuna van sara'ays kuɗaŋ neɗe'. Yakub di'e: Kayn kay mige? Hinan fi slugota vok iraŋu tuta, mulanna. 16Hay buur na'ta Esaw sli hagata kal hay Seyir.
Yakub co hay Kanaan
17Yakub kalay hay Sukkot, nam in ziy malam namu, vi guru mi luwayn kaw. Kuɗ na'ta liyn namna nisi yum ala Sukkot. 18Hay hotta vi Yakub hay Padan-Aram pa kayni, nam co hiɗi sle'ta hay hoyok-ziyn Sikem, hay nagat Kanaan. Nam vi guruna valam goy voro. 19Gal sinen ma nam vi guɗukŋa valam hayamna nam gusum hay ɓam gurona vi Hamor ma bum Sikemna, nam gusa' ir kesita kis kep. 20Nam in giwin-ma-ɗifin kulo hay liyn namna, nam tunum selem ala El, mi Lawna vi Israyel.
Seçili Olanlar:
CAWA'TA TUNITA 33: Massana
Vurgu
Paylaş
Kopyala
Önemli anlarınızın tüm cihazlarınıza kaydedilmesini mi istiyorsunuz? Kayıt olun ya da giriş yapın
BIBALDA TA PELDETTA © L'Alliance Biblique du Cameroun, 2001
CAWA'TA TUNITA 33
33
Yakub toy hiɗi Esaw
1Yakub poŋ iram kulo'o, nam ɗuw kayni, Esaw ka co'o, hiɗi sumuna valam kuɗum kis-fiɗi. Nam ɓuraw guron goy jar Leya, Rakel hiɗi boy sa sunda sa ma'na. 2Boyna valam sa sunda nam zlarsi goy voko hiɗi guro-misina, bugolda nam zlar Leya hiɗi gurona va'a, bugol kayni nam zlar Rakel hiɗi Yosef bugolo may. 3Nam kay tuwam kal goy voksiya, nam girif gaa kay nagat sem siɗiya ta-ta hay li ma nam co goboy tam ɓasulumna. 4Esaw fokay jaŋi kay ŋaf hiɗi namu, nam bowomu, vum delemu, nisi ŋaf vun-tuwsiya, nisi tiya. 5Esaw poŋ iram kulo'o, nam wi boyna hiɗi gurosgurayna, nam di'e: Nisi lak kuɗaŋŋi si sarige? Yakub hot dita: Lakŋi si guro sa Lawna vulsi mi ma sunda vaŋŋa. 6Boyna valam sa sunda co'o, nisi hiɗi gurona visi kaf girif gaa'a; 7Leya hiɗi gurona va' kaw co'o, nisi girif gaa'a kaw, bugol kayni, Yosef hiɗi Rakel co'o, nisi girif gaa'a.
8Esaw di'e: Faray ŋol ma nan ŋafamna kayni naŋ naram mi gige? Yakub hot dumu: Kay fi slugota vok ir mulanna. 9Esaw di'e: Ɓasunna, nan kaw slena van ka ŋolo, ŋomaŋ slena vaŋ maŋu. 10Yakub hot dumu: May naɗi, nan siɗawaŋu, la nan fi slugotawa hay vok iraŋ gasiya ni, slen ma nan vulaŋgin kayn naŋ ma vumu; kuɗ kayni nan ɗuw vokaŋ kayn nam ki vok Lawn nala, kay naŋ van hiɗi firita. 11Vulda ta nan vulaŋga kayni naŋ ma va' vige. Kay Lawn hoban hiɗi slugota, kay va ma kiɗanu may loɗi. Yakub so tuwam tam Esaw ta-ta nam vi vulda na'ta.
12Esaw di'e: Tuɗaya, tunay goy hay hagata; nan min tun vokaŋu. 13Yakub hot dumu: Mulanna, naŋ wi ala gurosgurayn kayn nisi maŋaya. Lo fokŋa hiɗi luwayna ma guron kuɗum ci miira ka kanu kaw; la nan tuɗum gosoyo hay fatta kepta ɦawa, farayn vat ɗawn goy kafe. 14Mulanna, tuɗaŋis maŋ jew sa ma sunda vaŋu, nan ma tuɗis man ŋali, tunis bugol farayna hiɗi gurosgurayna, nan nilamsis man ŋali ŋali, ta-ta nan ma coys goy vi mulanna hay Seyir. 15Esaw di'e: La nala nan hin gal sumuna van sara'ays kuɗaŋ neɗe'. Yakub di'e: Kayn kay mige? Hinan fi slugota vok iraŋu tuta, mulanna. 16Hay buur na'ta Esaw sli hagata kal hay Seyir.
Yakub co hay Kanaan
17Yakub kalay hay Sukkot, nam in ziy malam namu, vi guru mi luwayn kaw. Kuɗ na'ta liyn namna nisi yum ala Sukkot. 18Hay hotta vi Yakub hay Padan-Aram pa kayni, nam co hiɗi sle'ta hay hoyok-ziyn Sikem, hay nagat Kanaan. Nam vi guruna valam goy voro. 19Gal sinen ma nam vi guɗukŋa valam hayamna nam gusum hay ɓam gurona vi Hamor ma bum Sikemna, nam gusa' ir kesita kis kep. 20Nam in giwin-ma-ɗifin kulo hay liyn namna, nam tunum selem ala El, mi Lawna vi Israyel.
Seçili Olanlar:
:
Vurgu
Paylaş
Kopyala
Önemli anlarınızın tüm cihazlarınıza kaydedilmesini mi istiyorsunuz? Kayıt olun ya da giriş yapın
BIBALDA TA PELDETTA © L'Alliance Biblique du Cameroun, 2001