San Mateo 7
7
Majun bey titzu' ta achique quibanic ri winek xaxu (xaxe wi) riche (rixin) chi itzel yixtzijon chiquij
1Majun bey titzu' ta achique quibanic ri winek xaxu (xaxe wi) riche (rixin) chi itzel yixtzijon chiquij,#7.1 Ro. 2.1; Stg. 4.11. riche (rixin) chi queri' ma xtiban ta chuka' queri' chiwe riyix. 2Ruma wi ye'itzu' ri winek xaxu (xaxe wi) riche (rixin) chi itzel yixtzijon chiquij, can queri' chuka' xtiban chiwe riyix. Can achi'el wi c'a rubanic ri niben riyix chique ri winek, can queri' chuka' xtiban chiwe riyix. 3Y riyit, ¿achique ruma tek ya ri ti k'ayis#7.3 Lc. 6.41, 42; Ro. 2.1, 21; Ga. 6.1. c'o pa runak' ruwech ri awach'alal ri natz'et chanin y ma nana' ta ri che' ri k'atel pa runak' awech riyit? 4¿Achique ta c'a modo nabij chare jun awach'alal: Taya' k'ij chuwe riche (rixin) chi nwelesaj re ti k'ayis k'atel pa runak' awech, yacha' chare, y riyit xa can jun che' ri k'e'el pa runak' awech? 5Xa ca'i' apalej, nabey na tachojmirisaj#7.5 Mt. 5.23, 24; Jn. 8.7. ka ri ac'aslen riyit, c'ac'ari' utz nato' ri awach'alal chi nuchojmirisaj ri ruc'aslen.
6Ri lok'olaj ruch'abel ri Dios y ronojel ri c'o quejkalen, ri achi'el quejkalen ri abej ri nibix perla chique, ma que'iya' ta chiquiwech ri winek ri xa ye achi'el ri tz'i' y ye achi'el ri ak. Ruma ri chicop ri', astape' sibilaj quejkalen ri niya'ox (nya') chique, riye' xa niquipalbela' chi aken y c'o jantek yeyacatej chrij ri xya'o chique y niquic'ajij chi eyaj.#7.6 Pr. 9.7, 8; 23.9; Hch. 13.45.
Tek nikaben orar, ri Dios can yojrac'axaj wi pe
7Can tic'utuj c'a ri nic'atzin chiwe y ri Dios can xtuya'#7.7 Mt. 21.22; Mr. 11.24; Lc. 11.9-13; 18.1; Jn. 15.7. wi pe chiwe. Ticanoj ri niwajo' y xtiwil.#7.7 Pr. 8.17; Jer. 29.12. Quixsiq'uin (quixoyon) apo chuchi' jay y xquixac'axex pe. 8Ruma wi riyix can riq'ui ronojel iwánima nic'utuj chare ri Dios, Riya' can xtuya' wi pe chiwe. Wi riyix can nicanoj, can xtiwil wi. Y wi riyix yixsiq'uin (yixoyon) apo chuchi' jay, can xtojak wi c'a chiwech.
9¿La c'o ta cami jun achi ri nuya' jun abej pa ruk'a' ri ralc'ual, tek ri ac'al xa jun caxlan wey ri nuc'utuj chare? 10¿O la nuya' ta cami jun itzel cumatz pa ruk'a', tek ri ac'al xa jun car nrajo'? 11Riyix majun bey niben ta queri'. Y astape' ta chi ma can ta utz ri ina'oj, pero riyix ya ri utz tak cosas ri niya' chique ri iwalc'ual. C'a ta c'a ri Itata' ri c'o chila' chicaj, chi man ta xtuya' pe ri nic'utuj chare. Riya' ronojel utz ri nuya' pe chiwe.#7.11 Is. 49.15; Ro. 8.32.
12Rumac'ari' ri achi'el niwajo' riyix chi ri winek utz niquiben iwuq'ui, can quec'ari' tibana' riyix quiq'ui riye'.#7.12 Lv. 19.18; Lc. 6.35. Ruma queri' ri tz'ibatal chupan ri ley riche (rixin) ri Moisés,#7.12 Ga. 5.14. y queri' chuka' quibin ca ri profetas ri xek'alajsan ri ruch'abel ri Dios ojer ca.
Quixoc pa puerta ri xa co'ol oc ruwech
13Chupan c'a ri puerta ri xa co'ol ruwech, chiri' c'a quixoc wi.#7.13 Lc. 13.24; Jn. 10.7, 9. Ruma can nim wi ruwech ri puerta riche (rixin) ri itzel c'aslen, ri nic'amo pe ri camic riche (rixin) xtibe k'ij xtibe sek, y sibilaj c'a ye q'uiy ri ye'oc chiri'. 14Pero xa co'ol ri puerta y co'ol oc ruwech ri bey ri yatuc'uan pa utzilaj c'aslen, y ma ye q'uiy ta oc ri ye'ilo.
Jun che' netamatej ruwech xaxu (xaxe wi) riq'ui ri ruwech ri nuya'
15Rumari' nic'atzin nichajij iwi' chiquiwech ri winek ri yebin chi niquik'alajsaj ri ruch'abel ri Dios y xa ma kitzij ta ri niquibij.#7.15 Dt. 13.1-5; Jos. 23.16. Ruma tek xa can c'ari' ye'apon iwuq'ui, niquic'ut chi can jabel ri quic'aslen, achi'el quibanic ri tak carne'l; can majun itzel nitz'etetej ta chiquij. Yac'a tek nbec'ulun pe ri etzelal ri c'o pa tak cánima, xa ye achi'el chic quibanic ri utiwa'#7.15 Mi. 3.5; Hch. 20.29; Ro. 16.17; 2 Ti. 3.5. (coyotes); yequiq'uis c'a ri achoj quiq'ui ye'apon wi. 16Can xtiwetamaj wi quiwech, achi'el tek niwetamaj ruwech juwi' che', xaxu (xaxe) wi riq'ui nitz'et rubanic ri ruwech ri nuya'.#7.16 Lc. 6.43. Tek niwachin jun k'ayis ri c'o q'uiy ruq'uixal, ma xtuya' ta uva o higo. 17Queri' c'a chuka' iwetaman chi jun utzilaj che' nuya' utzilaj tak ruwech, yac'a ri itzel che', itzel chuka' ri ruwech ri nuya'. 18Majun utzilaj che' xtuya' ta itzel tak ruwech, ni majun chuka' itzel che' ri xtuya' ta utzilaj tak ruwech. 19Y ronojel c'a che' ri ma niquiya' ta utzilaj tak quiwech,#7.19 Mt. 3.10; 25.41-46; Jn. 15.2, 6. yechoy el y c'ac'ari' yec'ak pa k'ak'. 20Rumac'ari' can xtiwetamaj quiwech ri winek ri ye'apon iwuq'ui, xaxu (xaxe wi) riq'ui nitz'et ri rubanic ri quic'aslen.
Tek ri Jesús xubij chi ma quinojel ta ri yebin Ajaf chare ri xque'apon riq'ui ri Dios
21Ma quinojel ta ri yebin ¡Ajaf! ¡Ajaf!#7.21 Is. 29.13; Ez. 33.31; Os. 8.2, 3; Lc. 6.46; Hch. 19.13-15. chuwe, ri ye'oc pa rajawaren ri caj. Ruma xaxu (xaxe) wi c'a ri can riq'ui ronojel cánima niquiben ri ruraybel ri Nata'#7.21 Ro. 2.13; Stg. 1.22. ri c'o chila' chicaj ri ye'oc chiri'. 22Y chupan c'a ri k'ij tek riyin xtink'et tzij pa quiwi' ri winek, ye q'uiy c'a ri xquebin chuwe: ¡Ajaf! ¡Ajaf! xquecha', riyoj pan abi' riyit xkak'alajsaj wi ri ruch'abel ri Dios, pan abi' riyit xekelesaj#7.22 Lc. 10.17-20. itzel tak espíritu quiq'ui q'uiy winek y pan abi' chuka' riyit xekabanala' sibilaj q'uiy milagros,#7.22 1 Co. 13.2. xquecha'. 23Pero riyin, can yac'ari' tek xtinbij chique ri yebin queri': Riyin can ma wetaman ta c'a iwech. Quixel#7.23 Sal. 5.5; 6.8; Mt. 25.41. el chinuwech riyix ri xa yix banoy tak etzelal, xquicha' chique.
Ri c'ambel tzij chiquij ca'i' jay
24Y xabachique c'a winek ri nac'axan re ch'abel re' y can nuben, can njunumaj c'a riq'ui jun achi ri c'o runa'oj#7.24 Lc. 6.47, 48. ri can pa ruwi' abej xuben wi ka rachoch. 25Xka c'a job, xepe c'a raken tak ya' y xepe c'a cak'ik' chrij ri jun jay ri'#7.25 Hch. 14.22; 2 Ti. 3.12; 1 P. 1.6, 7. y ri jay ma xtzak ta ruma chi ri rucimiento ri jay ri' can pa ruwi' abej#7.25 Mt. 21.42-44; 2 Ti. 2.19; 1 P. 2.8. tz'uyul wi. 26Y xabachique c'a winek ri nac'axan re ch'abel re xinbij ka, y xa ma nuben ta ri nbij chare, can junan c'a riq'ui ri jun nacanic achi ri xuben jun rachoch pa ruwi' sanayi'. 27Xka c'a job, xepe c'a raken tak ya' y xepe c'a cak'ik' chrij ri jun jay ri' y ri jay xtzak; y xq'uis c'a chiri'.#7.27 He. 10.31; 2 P. 2.20. Queri' c'a ri ch'abel ri xerubij ri Jesús.
28Y tek ri Jesús xtane' ka chubixic re ch'abel re', ri winek ri xe'ac'axan riche (rixin) can sibilaj c'a xquimey#7.28 Mt. 13.54; Mr. 1.22; Lc. 4.32. ri ch'abel ri xuc'ut chiquiwech. 29Ruma ri ch'abel ri nuc'ut chiquiwech ri winek can achi'el jun achi ri c'o k'atbel tzij pa ruk'a'#7.29 Jn. 7.46. y man achi'el ta oc ri niquic'ut ri aj tz'iba'.
Seçili Olanlar:
San Mateo 7: cakWS
Vurgu
Paylaş
Kopyala
Önemli anlarınızın tüm cihazlarınıza kaydedilmesini mi istiyorsunuz? Kayıt olun ya da giriş yapın
© 2010, Wycliffe Bible Translators, Inc. All rights reserved.